ھېچنىمە دېمىدىم سۆيگۈ ھەققىدە

شېرىۋاز

	ئنكاسىز كۆزلەردە سوغوق مۇھاببەت، قان قۇسۇپ ياتىدۇ ھەسرەت چۆلىدە. ۋىسالنىڭ لېۋىدە ئەڭ ئۆتكۈر زەھەر، مۇڭسىراپ ئولتۇرار پۇچۇق ئەقىدە. جاننى قان قىلغۇدەك چىگىش قاتماللىق، پىچاقنىڭ بىسىگە قادالدى يۈرەك. كۆزىگە ياش تولغان ئاشىق باغرىدەك، قاناپتۇ ئازاپرەڭ مەندىكى تىلەك. دۇنياغا نەپرەتتە قالدىم تىكىلىپ، باھارىم بولماقتا سۆيگۈدە ۋەيران. بۇ رەزىل ھاياتنى ياشاپ بولدۇم مەن، نېمە بار ھاياتتا كۆز ياشتىن ئەرزان. تۇمۇرنىڭ باغرىدا چېچەكلىدى مۇز، سۆيگىمىز تۇرماقتا  مايماق قارىشىپ. مەن ئەتە سەن ئۈچۈن ئۆلۈپ بېرىمەن، ياشىغان ئەسلىدە ساڭا تارتىشىپ.

نائىل

	ياخشى  يېزىپسىز   ،   ئەمما   بۇ  ھاياتتا   ئۈمىدۋار  بولۇڭ !    تېخىمۇ  تىرىشىپ   ئېسىل  يازمىلىرىڭىز  بىلەن  بىزنى  يۈز  كۆرۈشتۈرگەيسىز!

نەئىمە

	جاننى قان قىلغۇدەك چىگىش قاتماللىق، پىچاقنىڭ بىسىگە قادالدى يۈرەك.                                                                     تولىمۇ ئېسىل مىسرالار ئىكەن ،ھېسيات بەك ياخشى ئىپادىلنىپتۇ.......ئاپىرىن!!!

ئەرتۇغ

	ھېچنىمە دىمىدىم سۆيگۈ ھەققىدە.

شېرىۋاز

	رەھمەت،مەن بۇ مۇنبەرگە داۋاملىق ئەسەرلىرىمنى يولاپ تۇرىمەن

ئەرتۇغ

	نىمە بار ھاياتتا كۆز ياشتىن ئەرزان، دىمەك ئۇ چىقمايدۇ ھېچكىمدىن ئاسان. ھەقىقى كۈلۈشنى بىلىدۇ چوقۇم، ئازاپنى مەڭگۈلۈك تاللىغان ئىنسان. مۇشۇنداق ياخشى شېئىرلارنى ئۇچراتقىنىمدا ھېچنىمە دىمەسلىككە ھېچقانداق باھانە تاپالمىدىم.  ئاپتورغا بولغان قايىللىقىمنى يوشۇرالماي بىر ئىككى مىسرا يانداشتۇرۇپ باققۇم كەلدى. مۇشۇنداق شېئىرلارنى كۆپرەك كۆرسەم دەيمەن.

شېرىۋاز

	ساڭا قاراپ كۈلىمەن ئاچچىق، كاۋاپ بولغان يۈرىكىم ئارا. قاناپ كەتتىم سەندە تاماممەن، قەلبىڭدىكى چەكسىز ساداقتا.