‹ئەل يۇرت مېھرى› يېڭى يىللىق ئىلھام (نائىلدىن)

نائىل

	ئەل يۇرت مېھرى ھەسەنجان ئابدۇرېھىم  (نائىلدىن) بۇ  شېئىرىمنى ، يىراق ، چەت جايلاردا خىزمەت قىلىۋاتقان،  ئىشلەۋاتقان، چەتئەللەردە خىزمەت قىلىۋاتقان ، ئۆز يۇرتىغا قايتالمايۋاتقان ، ئەل يۇرت، مىللەت ئۈچۈن تىنماي ئىزدىنىۋاتقانلارغا، مېھىر بېغىشلاۋاتقانلارغا ، ئۆز يۇرتىنى  سېغىنىۋاتقانلارغا  بېغىشلايمەن!   قىلغان ھەر بىر ئىشىڭىلارغا  مۇۋاپىقىيەت تىلەيمەن!     ھە راس ھەممىڭلارنىڭ يېڭى يىلىغا مۇبارەك بولسۇن!   ئاپىرىدە  بولۇپ كەلدۇق  دۇنياغا، كۆز ئاچتۇق بۇ گۈزەل ئىللىق ماكانغا. ئىڭەلەپ،دومىلاپ،يۈگىرەپ-چېپىپ، بىر ئالدۇق جاھاننى كىيىپ باشلارغا. شۇ گۈزەل غۇبارسىز،پاك-سەبىي قەلىب، ئىلىكىدە ئۆتتۇق بىز ، تاغلار سۆيۈنەر. ئەل مېھرى باغىدا ئۆسۈپ يېتىلدۇق، مىڭلاپ مېھىربان ئاڭا  ھەم  كۆيۈنەر. مەرىپەت ئىزلىدۇق تىنماي توختىماي، ئاتلاندۇق   ئىلىم-پەن   چوققىلىرىغا. كۈچ بەردى ئەل-يۇرت، يەتكىن تىلەككە دەپ، ئىرادە  باش  بولدى  ياش  نوتىلارغا. ئەل يۇرتنىڭ توپىسى، تۇپرىقى مۇنبەت، گۈل ئۈنسە تاشلىقتىن باغلارغا زىننەت. بەرگەچكە ئەل-ئاۋام ئۇنىڭغا مېھنەت، قىلمايدۇ ئۇ ھەرگىز قىلچىلىك مىننەت. قالدىڭ سەن يىراقتا ئەي ئۇلۇغ ماكان، يىراقتىن تەلپۈنۈپ، سېنى  ئىزلەيمىز. ياڭرايدۇ قەلىبتىن  بۇ  ئوتلۇق  سادا ، تىزىلسۇن گۈلدەستە تولۇپ قوينۇڭىز. ئەل-يۇرتتىن كەلگەندە ھەر بىر خۇشخەۋەر، كېلىدۇ     بۇ    يۈرەك   مەمنۇن  سىياققا . مەڭگۈگە  بولۇڭ   سىز  تىنىچلىق-ئامان ، مېھىرلەپ پەرۋىشلەڭ ھەر بىر‹‹گىياھ››قا. ئەي يۇرتۇم تەگمىسۇن ساڭا تىل كۆزلەر ، بولغىن سەن مەڭگۈگە بەخت-باياشات.! پەخىرلەن چوڭ قىلغان ئەۋلاتلىرىڭىدىن، ئىزىڭدىن ئۈندۈرسۇن گۈللەرنى كەڭ-شاد.! 2013-يىل 1-ئاينىڭ 1-كۈنى مەنبەسى:  ئۆز ئىجادىيىتىم   ئەسلى مەن بۇ تېمىنى  مىسرانىمغا  يوللىغان ئىدىم ،  لېكىن  يۇرتۇم باي بولغاندىكىن ، مۇشۇ  يەرگىمۇ يوللىدىم  ، باھا بەرگەيسىلەر! مىسرانىمدىكى  ئادېرىسى:bbs.misranim.com/thread-95507-1-1.html

قۇربان

	ئۆز يۇرتىڭىزنىڭ مۇنبىرىگە ئەزا بولغىنىڭىزنى قارشى ئالىمىز. بۇ ئەسىرىڭىزنى يۇردداشلارغا سوۋغا قىلغىنىڭىزغا رەھمەت.

نائىل

	قۇربان يوللىغان ۋاقتى  2013-1-5 21:42 ئۆز يۇرتىڭىزنىڭ مۇنبىرىگە ئەزا بولغىنىڭىزنى قارشى ئال ... sizgimu rahmat!  ixliringizga utuk tilayman!

ئالىيە

	مۇشۇنداق ياخشى ئەسەرلىرڭىزنىڭ تۇنجى نەشىرنى مىسرانىم ۋە باشقا مۇنبەرلەرگە تۆكمەي ئەڭ ئاۋال باي مۇنبىرگە تۈكىشىڭىزنى ئۈمۈت قىلمەن....... چۈنكى ئۈزۈمىزنىڭ ئۈيدەك ئەمەسمۇ !

نائىل

	ئالىيە يوللىغان ۋاقتى  2013-1-7 15:58 مۇشۇنداق ياخشى ئەسەرلىرڭىزنىڭ تۇنجى نەشىرنى مىسرانىم  ... ماقۇل   بۇندىن  كېيىن   شۇنداق قىلاي !