كىمنى تاللايسىز ؟

مەردان تۇرسۇن

	سىز بۇ ئۈچ كىشى ئىچىدىن كىمنى تاللايسىز ؟ بىرىنچى كىشى  : يولغا چىقىش ئالدىدا سىزنى كەتمەسلىككە دەۋەت قىلىپ قولىڭىزنى تۇتۇپ يىغلاپ تۇرۇپ سىزنىڭ پات – پات تېلىفۇن قىلىپ تۇرۇشىڭىزنى تاپىلايدۇ ، ئاندىن ئۆيگە قايتىپ كېلىپلا داۋاملىق تور ئويۇنى ئويناشقا كىرىشىپ كېتىدۇ ؛ ئىككىنچى كىشى: سىزگە ياردەملىشىپ يۈك – تاقىلىرىڭىزنى يىغىشتۇرۇشۇپ بېرىدۇ ۋە سىز ئۈچۈن ناشتىلىق تەييارلاپ بېرىدۇ . ئۇ سىزنى بېكەتكە ئۇزاتقىلى چىققاندا : ئاق يول بولسۇن دەيدۇ ، ئاندىن قايتىپ كېلىپلا خىزمەتكە كىرىشىپ كېتىدۇ ؛ ئۈچىنچى كىشى: جىمجىت ھالدا كەينىڭىزدىن قاراپ تۇرۇپ قالىدۇ ، سىز ئۇنىڭ مەۋجۇتلۇقىنىمۇ ھېس قىلالمايسىز ، ئەمما ئۇ پات – پات سىزنى ئەسلەپ تۇرىدۇ ، سىزنىڭ غېمىڭىزنى قىلىدۇ ، ئۇ ھەر كۈنى سىزنى ئويلاپ يېتىپ ئۇخلاپ قېلىشنى ئادەتكە ئايلاندۇرغان . سىز قايتىپ كەلگەندە قانداق قىلىسىز ؟ بىرىنچى كىشى :نۇرغۇن سوۋغاتلارنى ئالغاچ كېلىسىز ھەم ئۇنىڭ بىلەن بىرگە تاماققا چىقىسىز ، بىللە ئوينايسىز ، ئۇنى كۆرسىڭىزلا كۆڭلىڭىز كۆتۈرۈلۈپ قالىدۇ ، ھەتتا ئاسماندىكى ئاپئاق بۇلۇتلارمۇ ھەسەن – ھۈسەندەك كۆرۈنىدۇ . ئىككىنچى كىشى :ئۇنىڭ بىلەن قۇچاغلاپ كۆرۈشۈپ ئائىلىدە ئۇ تەييارلىغان تاماقنى يەيسىز ، بىللە چىنە – قاچىلارنى يۇيىسىز ھەم ئۇنىڭ سىزگە ھەمراھ بولۇپ تىلۋىزور كۆرۈشىنى تەلەپ قىلىسىز ،ئۇ يېنىڭىزدا بولسا ئۆزىڭىزنى بەخىتلىك ھېس قىلىسىز ؛ ئۈچىنچى كىشى : ئۇنىڭغا ئىللىق كۈلۈمسىرەپ قويۇپ ، ھەي ! مەن قايتىپ كەلدىم دەيسىز ، ئەمما ئاراڭلاردا چوڭقۇر سۈكۈت ھۆكۈم سۈرگەن ؛   سىز ئۇنىڭدىن ئايرىلىپ قالسىڭىز قانداق قىلىسىز ؟ بىرىنچى كىشى : ئۆتىۋاتقان كۈنلىرىڭىزنى ئىنتايىن مەنىسىز ھېس قىلىسىز ، ئاندىن يەنە بىر جايدىن مەنىلىك تۇرمۇشقا ئېرىشىپ يېڭى تۇرمۇشىڭىزنى باشلايسىز ؛ ئىككىنچى كىشى : ئۇنىڭدىن ئايرىلىپ يۆلەنچۈكىڭىزدىن ئايرىلىپ قالغاندەك ، ئەمدى سىزگە كۆڭۈل بۆلىدىغان ئادەم قالمىغاندەك ھېس قىلىسىز ، ئۇزاق ئۆتمەي نۇرغۇن ئوزۇقلۇق تولۇقلايدىغان يىمەكلىك ۋە دورىلارنى سېتىۋېلىپ ئەسلىدىكى ھالىتىڭىزگە تېزلا قايتىپ كېلىسىز ؛ ئۈچىنچى كىشى : يېڭى باشلانغاندا ھېچنىمىنى ھېس قىلالمايسىز ، ئەمما بىر كۈنى ئۆزىڭىزنى ئوراپ تۇرغان قانداقتۇر بىر مۇھەببەتنىڭ يوقالغانلىقىنى ھەم ئۇنى مەڭگۈ تولدۇرۇپ ئالغىلى بولمايدىغانلىقىنى پۇشايمان ئىچىدە ھېس قىلىسىز ؛ سىز ھازىر نېمىلەرنى بىلدىڭىز ؟ بىرىنچى خىل ھېسىيات : بۇ دوستلۇق بولۇپ ، سىرداش ئەمما قىسقا ۋاقىتلىق بولىدۇ . ئىككىنچى خىل ھېسىيات : ئاتا – ئانا بولۇپ ئۇلار سىز ئۈچۈن قۇربان بېرەلەيدۇ .      ئۈچىنچى   خىل ھېسىيات : ئۇ سىزنىڭ مۇھەببىتىڭىز، سىرداش ھەم مەڭگۈلۈك بولىدۇ . سىز ھازىر نېمىلەرنى چۈشەندىڭىز ؟ بىرىنچى خىل كىشىنىڭ بېرىدىغىنى : تاتلىق تىل ؛ ئىككىنچى خىل كىشىنىڭ بېرىدىغىنى : ۋاقىت ؛ ئۈچىنچى   خىل كىشىنىڭ بېرىدىغىنى : مۇھەببەت بۇلارنىڭ ئىچىدە بىز ئەڭ ياخشىسىنى تاللاشقا ئامالسىز ، چۈنكى بۇلارنىڭ ھەممىسى بىز ئۈچۈن ئىنتايىن مۇھىم ، دۇنيادا مۇكەممەل شەيئى يوق ، چۈنكى بىز ئادەم ، ئەگەر سىز بولسىڭىز بۇ ئۈچ كىشىنىڭ قايسىسىنى تاللايتتىڭىز ؟ گۈلجەننەت جاپپار تەرجىمىسى

ئالىيە

	راستىنلا مەنمۇ دەماللىققا قايسىنى تاللاشنى بىلەلمەي تىڭىرقاپ قالدىم. دىمىسمۇ ھەمىسى بىز ئۈچۈن مۇھىم تۇرسا.... ئۈچىلىسنى تاللىساممۇ بۇلىۋېرەمدۇ يا

مۇخلىسە

	ياخشى يېزىلغان ئەسەركەن. ئۈچىلىسى بىز ئۈچۈن بەك مۇھىم.

ئەتىرگۈل

	مەن ھىچقايسىسىنى تاللىماي بولدى

مەردان تۇرسۇن

	ئالىيە يوللىغان ۋاقتى  2013-1-5 13:27 راستىنلا مەنمۇ دەماللىققا قايسىنى تاللاشنى بىلەلمەي ت ... ئۈچىلسنى تالسىڭىز ئەڭ توغرا تالغان بۇلسىز دوس،ئاتا-ئانا،مۇھاببەت ھەممىسى بىزگە بەك مۇھىم

خەنجەر731

	ئاتا-ئانىنى ئاۋال تاللايمىز،دوسىت-پوسىت دىگەنەرنى ئاندىن ئويلىشىمىز.

مەزمۇت

	ئويلۇنۇپراق تالاي ، مەن.