CCTV توخۇغا ھورمۇن بىرىپ سەمىرىتىش سىرىنى ئاشكارىلىۋەتتى

كاپىتان

	مەركىزى تېلېۋىزىيە ئىستانىسى(CCTV) چۈجىلەرگە چەكلەنگەن دورىلارنى ئىشلىتىپ بېقىپ، 45 كۈن ئىچىدىلا بەش جىڭ سەمرىتىپ چوڭايتىش سىرىنى ئاشكارا قىلدى      قانۇنچىلىق كەچلىك گېزىتىنىڭ خەۋىرى: (نۇر تورى تەرجىمىسى) 18-دېكابىر چۈشتىن بۇرۇن، مەركىزى تېلېۋىزىيە ئىستانىسى(CCTV) شەندوڭ ئۆلكىسىدىكى بەزى توخۇ فېرمىلىرىنىڭ ئانتىبىئوتىك دورىلار ۋە ھورمۇن تۈرىدىكى دورىلارنى ئىشلىتىپ، گۆش توخۇ باقمىچىلىقى بىلەن شۇغۇللانغانلىقى، ھەمدە توخۇلارنى كېنتاكىي(肯德基)، ماكدونالد(麦当劳) قاتارلىق تىز تاماقخانا كارخانىلىرىغا سېتىپ بېرىدىغانلىقىنى ئاشكارىلىدى.      بۇ ۋەقەگە قارىتا، مۇخبىر شەندوڭ ئۆلكىلىك مال-چارۋا دوختۇرلۇق ئىدارىسىغا تېلېفون بەرگەندە، خىزمەتچى خادىملار مۇنۇلارنى بىلدۈرگەن: مال-چارۋا دوختۇرلۇق ئىدارىسى نازارەتچىلىك گورۇپپىسى قۇرۇپ، يەرلىك ئالاقىدار تارماقلارنىڭ تېلېۋىزوردا ئاشكارىلانغان ئەھۋاللارنى تەكشۈرۈپ بىر تەرەپ قىلىشقا بۇيرۇغان، ناۋادا ئەھۋال راست بولۇپ چىقسا، ۋەقە ئالاقىدار قانۇن-بەلگىلىمىلەر بويىچە بىر تەرەپ قىلىنىدىكەن، تەكشۈرۈش نەتىجىسىمۇ، جەمئىيەتكە ۋاقتىدا ئېلان قىلىنىدىكەن.      ئىگىلەشلەرگە قارىغاندا، شەندوڭ ئاقپەيلىك توخۇ باقمىچىلىقى چوڭ ئۆلكىسى ھېسابلىنىدىكەن. مۇخبىر شۇ يەرنى مەخپى زىيارەت قىلىش داۋامىدا، بەزى باقمىچىلارنىڭ گۆش توخۇلىرىنى تىزراق چوڭايتىش ئۈچۈن، ئامانتادىن(金刚烷胺)، رىباۋىرىن(病毒唑、利巴韦林) قاتارلىق ئانتىۋىرۇس(抗病毒) دورىلارنى  بەلگىلىمىگە خىلاپ ھالدا توخۇلارنىڭ يەم-خەشىكىگە ئارىلاشتۇرۇپ بەرگەچكە، چۆجىلەر 40 كۈن ئىچىدە بەش جىڭ سەمىرىپ چوڭ بولىدىغانلىقىنى بايقىغان.      توخۇ فېرمىلىرى توخۇلارغا ھەر كۈنى كۆپ مىقداردا ئانتىبىئوتىك(抗生素) دورىلارنى بەرگەچكە، كېسەللىك مىكروبلىرىدا دورىغا چىدامچانلىق پەيدا بولۇپ، باقمىچىلىقنىڭ ئاخىرقى مەزگىلىگە بارغاندا نۇرغۇن توخۇلار ئۆلۈپ قالىدىكەن. شۇڭا باقمىچىلىق ۋاقتىنى قىسقارتىش ئۈچۈن، بەزى باقمىچىلار توخۇلارغا دېكسامېتازون(地塞米松) قاتارلىق ھورمۇن تۈرىدىكى دورىلارنى توخۇ يېمىگە ئارىلاشتۇرۇپ بىرىپ، توخۇلار تىزلا سەمرىتىلگەن.      بۇ «ھورمۇن توخۇ»لار تەكشۈرۈپ كارانتىن قىلىشتىن قانداق قىلىپ ئۆتكەن؟  مۇخبىرنىڭ بايقىشىچە، باقمىچىلار توخۇلارنى قۇشخانىلارغا تاپشۇرۇپ بەرگەندىن كېيىن، قۇشخانىلاردىكى تەكشۈرگۈچى خادىملار باقمىچىلىق خاتىرىسىنى ساختا ئويدۇرۇپ يازىدىكەن.      قۇشخانا كارخانىلىرىنىڭ شىركەت تور بېكىتىدىكى ئۇچۇرلارغا قارىغاندا، بۇ توخۇلار ئاساسلىقى كېنتاكىي ۋە ماكدونالد قاتارلىق داڭلىق تىز تاماقخانىلارغا سېتىپ بېرىلىدىكەن. مەركىزى تېلېۋىزىيە ئىستانسىنىڭ مۇخبىرى قۇشخانىدىن توخۇ گۆشى توشۇيدىغان سودىگەرلەرگە ئەگەشكەن، يۈك ئاپتوموبىللىرى جۇڭگو بەيشېڭ يېمەك-ئىچمەك گورۇھى(Yum! Brands Inc)نىڭ شاڭخەيدىكى مال ئوبورۇت مەركىزىگە بارغاندىن كېيىن، ئالاقىدار خادىملار قۇشخانا چىقىرىپ بەرگەن ئىسپاتقا ئاساسەن، قايتا تەكشۈرۈپ ئولتۇرمايلا ماللارنى چۈشۈرۈۋالغان، ھەمدە ئالاقىدار تىز تاماقخانىلارغا يەتكۈزۈپ بەرگەن.      خەۋەر ئارقا كۆرۈنۈشى: مال-چارۋا يەم-خەشەكلىرىگە ھورمۇن تۈرىدىكى دورىلارنى قېتىش مەنئى قىلىنىدىكەن      ئىگىلەشلەرگە ئاساسلانغاندا، ئامانتادىن(金刚烷胺)، رىباۋىرىن(病毒唑、利巴韦林) (بىڭدۇزو دەپمۇ ئاتىلىدۇ)قاتارلىقلار مال-چارۋىلارغا ئىشلىتىش مەنئى قىلىنغان دورىلارغا كېرىدىكەن. 2005-يىلى، يېزا ئىگىلىك مىنىستېرلىكى «ئامانتادىن قاتارلىق ئانتىۋىرۇس دورىلارنى تەكشۈرۈپ ئېنىقلاش توغرىسىدىكى جىددى ئۇقتۇرۇش»نى تارقاتقان بولۇپ، ئامانتادىن، رىباۋىرىن قاتارلىق ئانتىۋىرۇس چارۋا دورىلىرىنى سېتىش ۋە ئىشلىتىشنى چەكلەش توغرىسىدا ئېنىق بەلگىلىمە چىقارغان.      دېكسامېتازون(地塞米松) بولسا بۆرەك ئۈستى بېزى پوستلاق ماددا ھورمۇنى تۈرىدىكى دورىلارغا كېرىدىغان بولۇپ، ئۇزۇن مۇددەت كۆپ مىقداردا ئىشلىتىلسە، چارۋىلارنىڭ ئېغىرلىقى ئېشىپ، زىيادە سەمىرىپ كېتىشتەك ئالامەتلەرنى پەيدا قىلىدىكەن. دۆلتىمىز «چارۋا دورىلىرىنى باشقۇرۇش نىزامى»دا، چارۋىلارنىڭ يەم-خەشىكى ۋە ئىچىملىك سۈيىگە ھورمۇن تۈرىدىكى دورىلارنى قېتىشنى چەكلەش توغرىسىدا ئېنىق بەلگىلىمە بار ئىكەن. مەنبە:نۇر تورى

199409

	ياخشى تىمىنى يوللاپسىز. شۇڭلاشقىمۇ ئىشقىلىپ تاماقخانىلاردا( دافەنجى )ۋە توخۇ گۈشى تۈردىكى(تائاملارنى) يىمەكلىكلەرنى يىگۈم كەلمەيتى، ئەسكەرتىكىنىڭىزگە رەھمەت.

ئەتىرگۈل

	تۇخۇ گۆشىنىغۇ دۇرا بىرىپ باققان نەرسە دەپ يىمەس بولدۇق، بىراق قوي، كالا گۆشلىرىنى بازاردىن ئېلىپ يىمەي ئامال يوق، ئۇلارنىمۇ نىمە بىرىپ باقىدىغىنن كىم بىلىدۇ...... ئىمكانىيەت بولسا يەيدىغان ئىچىدىغاننىڭ ھەممىسىنى ئۆزىمىز ئىشلەپچىقىرالىساق نىمدىگەن ياخشى بۇلاتتى

ئەلى

	ھەممە ساختىپەزلىكنى قىلسىمۇ لېكىن يېمەگلىككە ئۇنداق قىلمىسا بولاتتى، دۆۋلىتىمىز قانۇن ئارقىلىق باشقۇرىلىدىغان دۆلەت، شۇنداق تۇرۇپ بۇنداق قانۇنسىز قالمىشلار نېمىشقا تۈزۈتىلمەيدىغاندۇ؟

ئاددى

	توۋا  دىمىسە بىكار جۇمۇ.....شۇڭا تاماقنى  ئۆيدە ئۇزى ئىتىپ يىگەن ياخشى ....ئائىلىدە ئىشلىتىدىغان يىمەكلىكلەرنى تاللا  بازىرىدىن ئەمەس  يېزىدىن ئەكەلگەن دېھقاندىن ئېپ ياڭ.....................

Nasirdin

	باي بازىرى ئىچىدە بىر ئۇيغۇرنىڭ ئۇيغۇرلار ئولتۇراقلاشقان رايوندا ئاشكارە ھالدا قوينى ئەخلەتخانىدا بېقىۋاتقانلىقىنى ئۆز كۆزۈم بىلەن كۆردۈم .