ناھىيە رەھبەرلىرى يازغۇچى-شائىرلار بىلەن ھەمسۆھبەتتە بولدى

k.sahra

	ناھىيە رەھبەرلىرى يازغۇچى-شائىرلار بىلەن ھەمسۆھبەتتە بولدى 11-ئاينىڭ 26-كۈنى كەچ، ناھىيەلىك پارتكومنىڭ ئەزاسى، بىرلىكسەپ بۆلۈمىنىڭ باشلىقى ئابلا ھوشۇر، دائىمىي كومىتېتىنىڭ سابىق مۇدىرى تىلىۋالدى لىتىپ ناھىيەمىدىكى بىر قىسىم يازغۇچى-شائىرلار، مۇزىكانتلار، تارىخ-تەزكىرەشۇناسلار، خەلق سەنئەتكارلىرى بىلەن ھەمسۆھبەتتە بولدى. سۆھبەتكە ناھىيەمىزدە چىقىۋاتقان ئەدەبىي ژۇرنال «مۇزات دولقۇنلىرى» نىڭ تەھرىر ھەيئەتلىرىدىن ئەدەبىيات-سەنئەت، خەلق ئېغىز ئەدەبىياتى تەتقىقاتچىسى، شائىر  ئابدۇقەييۇم مۇھەممەتئىمىن، شائىر زوردۇن ئىمىر، شائىر قەھرىمان روزى ئەرچىن، يازغۇچى، ئەدەبىي تەرجىمان قۇربان ئەلى، يازغۇچى قۇربان مولنىياز، مۇزىكانت مۇھەممەتجان ھىمىت، مەدەنىيەت-سەنئەت، تارىخ-تەزكىرە تەتقىقاتچىسى تۇرسۇن مۇسا (ھېكىم)، تارىخ-تەزكىرەشۇناس ئۆمەرجان كىرەم، ۋە  بىر قىسىم خەلق سەنئەتكارلىرى، ئەدەبىيات شەيدالىرى قاتناشتى. سۆھبەتتە ئابلا ھوشۇر، تىلىۋالدى لىتىپ قاتارلىق ناھىيە رەھبەرلىرى يازغۇچى-شائىر، تەتقىقاتچى، مۇزىكانتلاردىن «مەدەنىيەتتە كۈچلۈك ناھىيە» بەرپا قىلىش نىشانىنى زىچ چۆرىدەپ، ناھىيەمىزنىڭ گۈزەل مەنزىرىسى، ماددىي مەدەنىيەت بايلىقى، تەرەققىيات نەتىجىلىرى ئەكس ئەتتۈرۈلگەن نادىر ئەدەبىيات-سەنئەت ئەسەرلىرىنى كۆپلەپ ئىجاد قىلىپ، باي ناھىيەسىنىڭ مەملىكەت ئىچى ۋە سىرتىغا تونۇلۇش دەرىجىسنىڭ يۇقىرى كۆتۈرۈلۈشىگە ھەسسە قوشۇشنى تەلەپ قىلدى. سۆھبەت ئىشتىراكچىلىرى بىردەك: ھازىرقى ئەۋزەل شارائىتلاردىن ئۈنۈملۈك پايدىلىنىپ، باي ناھىيەسىنى سىرتقا قارىتا تەشۋىق قىلىش ئۈنۈمى كۈچلۈك بولغان ئەدەبىي ئەسەرلەرنى كۆپلەپ ئىجاد قىلىپ، ناھىيەمىزنىڭ «مەدەنىيەتتە كۈچلۈك ناھىيە» بەرپا قىلىش قەدىمىنىڭ تېزلىشىشىگە ئاكتىپ ھەسسە قوشۇدىغانلىقىنى بىلدۈرۈشتى. سۆھبەت يىغىنىدا يەنە ئابلا ھوشۇر، تىلىۋالدى لىتىپ قاتارلىقلار  «مۇزات دولقۇنلىرى» ژۇرنىلىنىڭ بۇنىڭدىن كېيىنكى سانلىرىدا مەخسۇس مۇكاپاتلىق ئەسەرلەر سەھىپىسى ئېچىپ، قەرەللىك ھالدا مۇكاپاتلاش پائالىيىتى ئېلىپ بېرىپ، ئېسىل سەھنە ئەسەرلىرى، بولۇپمۇ ناھىيەمىزنىڭ ئوبرازى تولۇق ئىپادىلەنگەن ئەڭ نادىر ناخشا تېكىستىنى ئىجاد قىلىپ، كومپوزىتورلار مۇزىكا ئىشلەپ، ناھىيەمىزنىڭ ئېسىل، خاس كۈي-ناخشىسىنى ئوتتۇرىغا چىقىرىپ، ئاممىغا ئومۇملاشتۇرۇشنى ئوتتۇرىغا قويدى.

ئابلا

	ناھيىمىزدە ياخشى باشلىنىش بوپتۇ، تېمىڭىزغا رەخمەت. رەسىمىنىمۇ قۇشۇپ يوللاپ قويغان  بولسىڭىز نەقەدەر ياخىشى بۇلاتى.

قۇربان

	ناھىيە رەھبەرلىرىنىڭ ناھىيەمىزدىكى يازۈۇچى-شائىرلار بىلەن ھەمسۆبەتتە بولىشى «مەدەنىيەتتە كۈچلۈك ناھىيە» بەرپا قىلىشنىڭ بىر باشلىنىشى. بۇ بىر قۇتلۇقلاشقا تېگىشلىك ئىش بولۇپتۇ، ناھىيە رەھبەرلىرىنىڭ مەدەنىيەت، ئەدەبىيات-سەنئەت ئىشلىرىگە كۆڭۈل بىلگىنىگە رەھمەت.