مۇھاببەت سىنىقى

مىسكىن

	مۇھاببەت سىنىقى بىر كۈنى دوستىمدىن تېلغۇن كەلدى . ئۇ بىر ‹‹مۇھاببەت سىنىقى ›› غا جاۋاپ بېرىپ بېقىشىمنى ئېيتتى . - بۇ بەك قىزىق ئۇيۇن ، ئۆي ، توشقان ، يولۋاس ، يەنە ئۆزىڭنى قۇشۇپ جۈملە تۈزۈپ باققىن ، - دېدى . بىر دەم ئويلانغاندىن كىيىن : - بىر يولۋاس مىنى قوغلىدى ، قورقۇپ كىتىپ قۇلۇمدىكى توشقاننى ئۇنىڭغا تاشلاپ بېرىپ دەرھال ئۆيگە كىرۋالدىم ، - دەپ جۈملە تۈزدۈم . دوستۇم گىپىمنى ئاڭلاپ قاقاقلاپ كۈلۈپ كەتتى ھەمدە : - ئەسلىدە مۇشۇنداق مۇتەسسىپ ئادەم ئىكەنسەندە ! بۇنىڭ مەنىسنى يېشىپ بىرەي ، يولۋاس ئېرىڭغا ، توشقان ئاشناڭغا ، ئۆي بولسا ئائىلەڭگە ۋەكىللىك قىلىدۇ . قارىغاندا ھەقىقەتەن ئائىلە ئۈچۈن ھەممىنى بېغىشلايدىغان ئايال بولغۇدەكسەن ، ئۇنىڭ ئۈستىگە ئاشنا تۇتىشىڭمۇ مۇمكىن ئەمەسكەن دېدى . ئۇنىڭ گېپىنى ئاڭلاپ مەغرۇرلانغان ھالدا : - دېمىسىمۇ شۇ ، - دېدىم . دوستۇم ئارقىدىنلا يەنە ھىجايغىنىچە : - بۇ سۇئالنى لايىقىڭدىن سوراپ باقساڭ نىمە دەيدىكىن ، - دەپ تەكلىپ بەردى . لايىقىم بىلەن كۈرۈشكەندە بۇ سىناقنى ئۇنىڭغا ئېيتتىم . كۆڭلۈمدە ئۇنىڭ مەن ئويلىغاندەك جاۋاپ بېرشنى ئۈمۈد قىلغان ئىدىم ، بىراق ئۇ : - ئورمانلىقتا كىتىۋاتقاندا بىر يولۋاسنىڭ بىر توشقاننى قوغلاۋاتقىننى كۆردىم ، مەن دەرھال توشقاننى ئۆيگە سۇقۇپ قۇيۇپ ، يولۋاسنى قوغلىۋەتتىم  ، - دېدى . ئۇنىڭ جاۋابىنى ئاڭلاپ سىناقنىڭ مەنىسنى ئېيتىپ بەردىم ھەمدە ئۇنى ۋىجدانسىز ، ۋاپاسىز دەپ سۇقۇشتۇم . ئۇ قانچە يالۋۇرسىمۇ كەچۈرەلمىدىم . ئۇ قۇلۇمنى تۇتقىنىچە : - كىم سىزنى چىش يولۋاستەك ئاچىچىقى يامان بولسۇن دەپتۇ ، بۇنىڭدىن كىيىن سۈيۈملۈكىرەك ، مۇلايىمىراق بۇلۇڭ ، - دېدى . مەن خىجىل بۇلۇپ گەپ قىلمىدىم . بۇ ئىشمۇ شۇنىڭ بىلەن تۈگىگەن بولدى . ئەتىسى لايىقىم بىلەن كۈرۈشكەندە توختىماي كۈلىۋەردى . نىمە ئىش بولغانلىقىنى سورسام ، ئۇ مۇنداق دېدى : - باشلىقىمغا ھېلىقى سىناقنى ئېيتقان ئىدىم ، ئۇ ‹‹ يولدا كىتىۋاتاتىم ، ئالدىمغا بىر يولۋاس ئۇچىراپ قالدى ، ئۇنى ۋۇسۇڭ پالۋاندەك ماھارىتىم بىلەن ئۆلتۈرۋەتتىم ، ھېرىپ ئۆيگە كېلىپ ئىشىكنى شۇنداق ئاچسام ، لىققىدە توشقان تۇراتتى ....›› دېدى . گەرچە ئۆز ئىجادى ئەسەرلىرىم بولمىسىمۇ قارسام خېلى بولدىكەن شۇڭا دوسلارنىڭمۇ ئۇقۇپ بېقىشنى ئويلاپ  يوللاپ قۇيدۇم . مۇشۇنداق مەزمۇنلۇق ئەسەرلەرنى ئۇقۇپ قالساملا يوللاپ قۇيغۇم كىلىپ قالدىكەن ، مەنبەسى : قانۇنچىلىق گېزىتى

ئەتىرگۈل

	تۇيۇقسىز بۇنداق سۇئال سورالسا ئادەم ھقىقەتەن گاڭگىراپ قالغۇدەك، نىمىنىڭ نىمگە ۋەكىللىك قىلدىغىننى كىم بىلىدۇ

مۇخلىسە

	مەن  كەچتە  يولدىشىمدىن  سوراپ  باقايچۇ ، ئۇ نىمە  دەپ  جاۋاپ بىرىدىكىن.

چوغلان

	دىمىسىمۇ بۇ بىر غەلىتە سۇئالكەن ، ئەگەر  بۇ سۆزگە جۈمىلە تۈزەش بولسا بۇنڭغا تۈزىلدىغان جۈمملە بەك كۆپ ،  ھەممە ئادەم ئۆز كۆڭلىدە ئۇيلىغىنى دەيدۇ ، بۇ قانداقمۇ مۇھەببەت سىنىقى بولسۇن

مەزمۇت

	بۇ   سۇئال راس  قىزىقكەن........ جۈملىمۇ  جىق تۈزۈلگۈدەك،

قاراقاش

	يۇمۇركەن ھە  بۇ  شۇنداق قىزىق.

مەرمەر

	راستىنلا قىزقارلىق ئىكەن بۇ تىما ،بۇھايۋانلارنىڭ نىمگە ۋەكلىك قىلدغانلغنى ئالدنالا بىلمگەندكى ئاساسەن خاتا كىتىپ قالغۇدەك ،