مىڭ لەنەت (مۇزاتى)

مۇزاتى

	مىڭ لەنەت     ئىلاۋە : ھۆرمەتلىك تورداش ۋە ئوقۇرمەنلەر ،مېنىڭ بۇ تېمام گەرچە بەك كۆپتۈرىۋېتىلگەندەك،( قىزلارنى بەكلا ئەيىپلىگەندەك) كۆرۈنسىمۇ ، جەمئىيەت تەكشۈرۈش،ئاۋامنىڭ پىكىرىگە قۇلاق سېلىش ۋە قىسمەن ئەھۋاللارنى ئاڭلاپ چۈشۈنۈپ يېتىش ئارقىلىق بۇ تېمىنى يېزىپ يوللىدىم. ھەممىگە مەلۇم، جەمئىيىتىمىزدە بىر قىسىم قىزلىرىمىز ئۆزىنىڭ بىر ئۇيغۇر قىزى (مىللىتىمىزنىڭ كەلگۈسى ئانىلىرى) ئىكەنلىگىنى ئۇنتۇپ، ۋىجدان، ئار-نومۇسنى بىر ياققا قايرىپ قويۇپ، ئاۋۋال <<دىبا>>-قاۋاقلاردا، ئاندىن قىزلىق ئىپپىتىنى يوقۇتۇپ مېھمانساراي-ياتاقلاردا قونۇپ، ئەرلەرگە ھەمراھ بولۇش(مەيلى ئۇ قايسى تائىپتىن بولۇشىدىن قەتئىي نەزەر)، ھەتتا ئاخىر بېرىپ <<لەي-لەي خانىلار>>(پاھىشەخانىلار)دا مېھمان كۈتۈش دەرىجىسىگە بېرىپ يېتىپ ، قىزلارنىڭ بولۇپمۇ مىللىتىمىزنىڭ نامىغا داغ يەتكۈزمەكتە..........(بۇ قىلچە  ئاشۇرۇۋېتىلگەن بولماستىن چىن ئەھۋال). گەرچە بۇ ئايرىم ئەھۋال بولسىمۇ<<ئۈرۈك ئۈرۈكنى كۆرسە ئالا بولىدۇ>>نۇ نىجىس كېسەللىك پاك قىزلىرىمىزغا يۇقمىسۇن،ئۇلارنىڭ پاك-غۇبارسىز قەلبىنى بۇلغىمىسۇن دىگەن مەقسەتتە بۇ تېمىنى يوللىدىم. <<ياغاچنى رەندە تۈزەيدۇ ئادەمنى تەربىيە>>، ئۇلار يەنىلا گۆدەك، تەربىيىگە ميھتاج! قىزلىرىمىز كەلگۈسىدىكى ئانىلار، مىللىتىمىزنىڭ كېيىنكى تەقدىرى ئەشۇلارنىڭ قولىدا! ھەممەيلەن ئۆز پەرزەنتلىرىمىزگە ، مىللىتىمىزنىڭ كەلگۈسىگە مەسئۇل بولايلى! مىڭ لەنەت (مۇزاتى) چېھرى ئادەك قىلىقى سەت نادان قىزغا مىڭ لەنەت، ھارام پۇلنى قىلىپ مەقسەت باسقان ئىزغا مىڭ لەنەت؛ <<ئۇيغۇر قىزى>>نامىن بۇلغاپ يىگەن تۇزغا مىڭ لەنەت، قىزلىقىنى ھېچ بىلەلمەس ھاياسىزغا مىڭ لەنەت. ئاتا-ئانا ئۇنى ئەسلى باققان مۈشكۈل-جاپادا، ئاتاپ ئاڭا قان-تەرىنى شۇنچە مېھرى-ۋاپادا؛ ئەمدىلىكتە تۆكۈپ يۈزنى قويدى تەنە-تاپادا، ئەجداتىغا يۈز كېلەلمەس ھاياسىزغا مىڭ لەنەت. قۇلاق سالماي نەسىھەتكە يۈردى دىبا-قاۋاقتا، كىرىپ شەيتان كەينىگە ھەم قونۇپ قالدى ياتاقتا؛ <<ئىپپىتىڭنى نە قىلدىڭسەن>>دېدى ۋىجدان سوراقتا، ئەلدە يۈزىن كۆتۈرەلمەس ھاياسىزغا مىڭ لەنەت. ئۇيغۇر قىزى سالغىن قۇلاق ، بىلىۋالغىن ئۆزۈڭنى، مىللىتىمنىڭ نامىن بۇلغاپ، خوش قىلمىغىن ئۆزۈڭنى؛ ئىپپەتسىزلا ئانا بولساڭ قىلماس يورۇق يۈزۈڭنى، ئەلگە نومۇس كەلتۈرگەن شۇ ھاياسىزغا مىڭ لەنەت! مەنبە : ئۆز ئىجادىيىتىم.

تۇرسۇن نىياز

	ياخشى يېزىپسىز، تەربىيىۋى ئەھمىيىتى يۇقىرى ئىكەن، بەرىكەتلىك قۇلىىزغا دەرت كەلمىسۇن، رەھمەت سىزگە...

ئىمان نۇرى

	قېرىندىشىم ئۇلار مۇسۇلمان ئاتالمايدۇ ،ئۇلار پەقەت ئۆزىنىڭ ياشىشىنىڭ مەنىسىنى بىلمەي ياشاۋاتقان بەشىنچى زىيانداش پارازىت قۇرۇتلار پەقەت تىلىمىز بىر ،دىلىمىز باشقا ،باشقا بولۇپ كەتكەنلەر،يېزىۋاتىمىز ،كۆرىۋاتىمىز ،ئەمما تۈزەلمەۋاتىمىز ،بۇنىڭ ئۈچۈن ئەڭ ئالدى بىلەن ئۆزىمىزدىن باشلىشىمىز ،ھەممىنى نۆلدىن باشلاپ قەدەم ئېلىشىمىز كېرەك ،ئەگەر ئۆزىمىزنى قۇرئاندا دېيىلگەنلەر بىلەن باشقۇرالىغان بولساق بۇنداق ئىشلار قەتئىي سادىر بولمىغان بولاتتى!!    يازمىڭىز ھەقىقەتەنمۇ ياخشى يېزىلىپتۇ ،ئەمما قېرىندىشىم سىزگە دوستانە تەكلىپىم ،سىزگە تەكلىپ بېرىشكىمۇ لايىق ئەمەسمەن ،توغرا چۈشەنسىڭىز لەنەت سۆزىنى بىز ،سىز ئىشلەتسەك قەتئىي بولمايدۇ ،بەندە بەندىگە لەنەت ئوقۇسا ئۇمۇ بىر گۇناھ....     ئاللاھ ئەجرىڭىزنى بەرسۇن ،ياخشى كۆڭلىڭىزنى چۈشەندىم ،بۇ پەقەت بىر مەسلىھەت ،كۆرۈپ تۇرۇپ قېرىندىشىمنىڭ خاتالىشىشىنى خالىمىدىم!

نەزەر

	مەقسىدىڭىز توغرا ، ئەمما تىل ئىشلىتىشىڭىزدە مەسىلىلەر ئاز ئەمەس . تىلىڭىزنى يەنىمۇ كۆپرەك تاۋلىشىڭىزنى تەۋسىيە قىلىمەن . سىزدە ھوسۇل كۆپ بولىۋاتىدۇ ، تېخىمۇ تىرىشىڭ .

sheyx

	قاپىيە ئويۇنىنى  20 نەچچە يىل ئويناپمۇ ھارمىدىڭىز.  بايدىكى قەلەمكەشلەر سىزنى بەك ئۇزاق ساقلاپ كەتتۇق. 20 نەچچە يىل ساقلىدۇق. بىراق، سىز بىر ئىزىڭىزدا چۆرگىلەشنى توختاتمىدىڭىز! سىزنىڭ ئۆزىڭىزنىڭكىنىلا ئوقۇش ئادىتىڭىزنى ئۆزگەرتىپ، ئوسمانجان ساۋۇت... قاتارلىق تىل ئۇستىلىرىنىڭ شېئىرلىرىنى ئەستايىدىل ئوقۇپ، ئۆزىڭىزگە ئېنېرگىيە تولۇقلاپ، تۇيغۇ سەنئىتىگە چوڭقۇر چۆكۈپ،  ئىنسانلارنىڭ نازۇك ئىچكى تۇيغۇسىنى،  روھىنى، شەيئىلەرنىڭ پوستىنى ئەمەس، ئىچكى يادروسىنى ئېچىپ كۆرۈشكە ئۇرۇنۇپ بېقىڭ! (سىزگە ھۆرمەت بىلەن بېقىپ، قولىڭىزنى چىڭ سىقىپ تۇرۇپ، دوستانە پىكىر بەرگۈچى: قەھرىمان روزى ئەرچىن)

sheyx

	قوبۇل قىلىڭ-قىلماڭ، سىزنىڭ ئۆزئەركىڭىز. مەن پەقەت سىزنى يۇرتداش، قەلەمداش، مەسلەكداش، دىلداش ...دەپ قارىغانلىقىم ئۈچۈن بۇ گەپلەرنى دەپ سالدىم. (دوست يىغلىتىپ ئېيتار، دۈشمەن كۈلدۈرۈپ———— ئۇيغۇر خەلق ماقال-تەمسىللىرىدىن)

ئەتىرگۈل

	sheyx يوللىغان ۋاقتى  2012-9-23 19:14 قاپىيە ئويۇنىنى  20 نەچچە يىل ئويناپمۇ ھارمىدىڭىز.  بايد ... مانا بۇ شۇنچىلىك دوستانە، سەمىمىيەت بىلەن بىرىلگەن تەكلىپكەن. باشقىلارنىڭ تەكلىپىنىمۇ ئويلىشىپ باقسا بۇلىدۇ.

ئەتتىرگۈل

	بۇ يازمىنى ،يازما مەزمۇنىدىن ئىنكاسلارغىچە تولۇق ئوقۇپ چىقتىم .گەرچە مەن قەلەمدە كۆپ - كۆپ كىشىلەردىن يەنىلا كۆپ ئارقىدا بولساممۇ ،ئانچە-مۇنچە كىتاپ ۋاراقلاپ تۇرغاچقىمۇ  ھەر ھالدا ئوقۇغان ۋاقىتتا ئۆزۈمگە ئەسەردىن تولىمۇ يۇقۇرى ئىستېتىك  زوق ئېلىشقا بەك ئەھمىيەت بېرىمەن .توختىماي تىرىشىپ تۇرغىنىڭىزنىڭ ئۆزىمۇ ياخشى ئىش .لېكىن، بۇ يەردە  مەن نەزەر ۋە قەھرىمان روزى ئەرچىن ئاكىنىڭ سەمىمى پىكىرلىرىنى تولىمۇ ئورۇنلۇق دەپ قارىدىم . ناھىيەمىزدىكى قەلەمكەشلەرنىڭ كۈتكەن ئۈمۈدىنى يەردە قويماسسىز.....

ئەتىرگۈل

	تېما مەزمۇنىغا كەلسەك جەمىيتىمىزدىكى بۇنداق بولمىغۇر قىلىق، ناچار ئىللەتلەرنى ئەيىپلەيدىغان، قامچىلايدىغان، تەربىيۋى ئەھمىيەتكە ئىگە ئەسەرلەر كۆپلەپ يېزىلىۋاتىدۇ. بىراق بىر قىسىم ئادەملەگە تەسىر قىپمۇ قويمىسا كىرەك

چىمەن007

	ئۆز -ئۆزىنى يۇقاتقانلارغا كار قىلمايدۇ .......يانىلا ئۆزىمىزدىن باشلاپ تۈزىتىپ كۆرەيلى .ئەرچىن ئەپەندى بىلەن نەزەر ئەپەندىنىڭ  پىكىرلىرىنى قوللايمەن، تۇغرا ئېيتىدۇ باشقىلارنى نائۈمىتتە قالدۇرۇشنىڭ ئۆزى بىر بەخىتسىزلىك.