مۇتەخەسىسلەر ۋاقتىنچە IE تور كۆرگۈسىنى ئىشلەتمەسلىكنى ئەسكەرتتى

قىزىل

	مۇتەخەسىسلەر ۋاقتىنچە IE تور كۆرگۈسىنى ئىشلەتمەسلىكنى ئەسكەرتتى 18-سېنتەبىر خەۋىرى، كومپيۇتېر بىخەتەرلىك مۇتەخەسىسلىرى IE7، 8 ۋە 9 دا تېخى سېزىلمىگەن بىخەتەرلىك يوچۇقى بارلىقىنى بايقاپ، كىشىلەرنى ۋاقتىنچە IE تور كۆرگۈسىنى ئىشلەتمەسلىككە ئەسكەرتتى، ئىگىلىنىشىچە خاككېر مەزكۇر يوچۇقتىن پايدىلىنىپ «Poison Ivy» ناملىق ئارقا ئىشىك ۋىرۇسىنى ياساپ چىققان، خاككېر بۇ ۋىرۇس بىلەن ئابونتلار بۇرۇن ئېچىپ باققان بارلىق ھۆججەتلەرنى زىيارەت قىلالايدۇ. بىخەتەرلىك بلوگ مۇتەخەسىسى ئەرىك رومەڭ تۇنجى بولۇپ بۇ يوچۇقنى ئاشكارىلىدى، ئۇ بلوگىدا zero day (نۆل كۈنلۈك ھۇجۇم) ھادىسىسى بارغانسېرى ئەۋج ئېلىپ كېتىۋاتىدۇ، Java SE 7 Oday ۋە aka CVE-2012-4681 يوچۇقىنى بايقاپ ئۈچ ھەپتىگە بارمايلا مىكروسوفتقا بولغان ھۇجۇم ئاللىبۇرۇن مەۋجۇت بولۇپ بولدى دەپ بىلدۈردى. نۆۋەتتە، بىخەتەرلىك مۇتەخەسىسلىرى Windows XP، Vista ۋە 7 دىكى IE غا قارىتا يوچۇق تەكشۈرۈش قورالى Metasploit مودۇلىنى تەتقىق قىلىپ چىقتى، ئۇلار Rapid7's SecurityStreet بلوگىدا پەقەت بىر يامان غەرەزلىك تور بېكىتى زىيارەت قىلىنسىلا كومپيۇتېر شۇئان كونترول قىلىنىدۇ، ھۇجۇم قىلغۇچى نۆۋەتتە ئىشلەتكۈچى بىلەن ئوخشاش ھۇقۇققا ئېرىشەلەيدۇ دەپ بىلدۈردى. مىكروسوفت تېخى بۇ يوچۇققا قارىتا ياماق ئېلان قىلمىدى، شۇڭا ئىنتېرنېت ئابونتلىرى بىخەتەرلىكنى كۆزدە تۇتۇپ، ياماق ئېلان قىلىنغۇچە IE تور كۆرگۈسىنى ئىشلەتمەسلىكى كېرەك، ئورنىغا Chrome ياكى Firefox قاتارلىق IE نى يادرو قىلمىغان تور كۆرگۈسىنى ئىشلەتسە بولىدۇ. بىخەتەرلىك مۇتەخەسىسلىرىنىڭ دېيىشىچە، نۆۋەتتە خاككېرلار مەزكۇر يوچۇقتىن پايدىلىنىپ يامان غەرەزلىك ھۇجۇم ئېلىپ بېرىۋاتىدۇ، بۇ چوقۇملا %41 شىمالىي ئامېرىكا ۋە %32 يەر شارىۋى ئىنتېرنېت ئابونتلىرىغا تەسىر ئېلىپ كېلىدۇ (سانلىق مەلۇمات مەنبەسى: StatCounter). بۇنىڭ ئۈچۈن ئۇلار بىخەتەرلىك جەمئىيىتىنى Metasploit مودۇلى بىلەن تەمىنلەپ، ئۇلارنىڭ تەكشۈرۈش ۋە قارشى تۇرۇش تەدبىرلىرىنى تەرەققىي قىلدۇرۇشىغا قولايلىق يارىتىپ بەردى. بۇنىڭدىن سىرت، مىكروسوفتمۇ بۇ ئىشنى ئىزچىل تەكشۈرۈۋاتىدۇ، شۇنداقلا بىر قانچە ھۇجۇمغا قارشى تۇرۇش   تەكلىپ-پىكىرلىرىنى ئوتتۇرىغا قويدى، مىكروسوفت ئېلخەت باياناتى ئېلان قىلىپ، بۇ قاراتما ھۇجۇمدىن خەۋەردار ئىكەنلىكىنى بىلدۈردى ۋە بۇنىڭ بەزى نۇسخىدىكى Internet Explorer ئابونتلىرىغا تەسىر ئېلىپ كېلىشى مۇمكىنلىكىنى، لېكىن IE10 نىڭ تەسىرگە ئۇچرىمايدىغانلىقىنى ئېيتتى. نۆۋەتتە، مىكروسوفت ئابونتلىرىغا Microsoft's Enhanced Mitigation Experience Toolkit (EMET) 3.0 نى ئورنىتىشىنى تەۋسىيە قىلدى، ئىگىلىنىشىچە، ئۇ بىر مۇداپىئە قورالى، ئۈنۈملۈك قوغداش ئېلىپ بېرىش بىلەن بىر ۋاقىتتا Web كۆرۈشىگە تەسىر يەتكۈزمەيدۇ. مىكروسوفتنىڭ دېيىشىچە، ئۇلار بۇ مەسىلىنى داۋامىق تەكشۈرىدىكەن شۇنداقلا مۇۋاپىق چارە-تەدبىر قوللىنىدىكەن. مەنبە:ئوكيان تورى

ئەلى

	ئاللا نېمانداق يامىنىپ كەتكەندۇ ھە ئادەملەر؟ ئەمدى ئۆزىنىڭ كومپىيوتېرىنىمۇ خاتېرجەم ئىشلەتكىلى بولمامدۇ نېمە؟

قىزىل

	بۇ ئادەملەرگە....ئامال يوق تە..........