خوش -خەۋەر :دەرىسلىك كىتاپ يىڭىدىن قايتا تۈزۇلىدىكەن

ئەلى

	بۇ تېما ھەرقانداق بىر ئۇيغۇرنى،بولۇپمۇ تىل-ئەدەبىيات ئوقۇتقۇچىلىرىنى خۇشال قىلىدىغان ئىسىل خۇش -خەۋەر ئىكەن.شۇڭا كۆچۈرۈلمە بولسىمۇ يوللاپ قويدۇم.كۆپرەك قېرىنداشلىرىمىز خەۋەر تاپسا دېگەن ئۈمىدتىمەن.           شىنجاڭ پىداگوگىكا ئونۋېرسېتىتى ئەدەبىيات ئىنىستىتوتىنىڭ سېكىرتارى ئابدۇبەسىر شۇكۇرى مۇئەللىمنىڭ دېيىشىچە بۇ قېتىم يەنە بىر نۆۋەت يېڭىدىن دەرىسلىك كىتاب تۈزۈش ئېلىپ بېرىلىدىكەن. ئۆتكەن يىلى ش ئۇ ئا ر مائارىپ نازارىتى مەخسۇس ئادەم تەشكىللەپ ھازىر ئىشلىتىۋاتقان دەرسلىك ھەققىدە ئۈچ گۇرۇپقا بۆلۈنۈپ شىنجاڭنىڭ ھەر قايسى جايلىرىدا تەكشۇرۇش ۋە پىكىر ئېلىش ئېلىپ بېرىلغان ئىكەن. بۇ تۈرگە ئابدۇبەسىر مۇئەللىم باش بولغان بۇلۇپ، لايىھە پات ئارىدا تۈزۈلىدىكەن ۋە مۇشۇ لايىھە بۇيىچەباشلانغۇچ 1-يىللىقتىن باشلاپ تولۇق ئوتتۇرا يىللىققىچە قايتا كىتاب تۈزۈش ئېلىپ بېرىلىدىكەن.         ئەدەبىيات كىتاب تۆۋەندىكى بىر قانچە پىرىنسىپ بويىچە تۈزۈلۈش ئېلىپ بېرىلىدىكەن:    1.  مەخسۇس ئۇيغۇر تىلى كىتاب تەسىس قىلىنىدىكەن ھەمدە ھەپتىسىگە ئىككى سائەت قىلىپ ئۆتۈلىدىكەن.    2.  ئەدەبىيات دەرسى ھەپتىسىگە تۆت سائەت قىلىپ ئورۇنلاشتۇرۇلىدىكەن. 3. ئەدەبىيات دەرسلىكتىكى زۆرۈر نەزەرىيۋى بىلىملەر قايتا كىرگۇزۇلۇپ بۇ ھەقتىكى بوشلۇق تولدۇرۇلىدىكەن. 4. ئەدەبىيات دەرسىدە «قوش تىل ۋە ئادەتتىكى دەرسلىك» دېگەن تەلەپ چىقىرىلىپ تاشلىنىپ، ئوخشاش ماتېرىيال ئىشلىتىدىكەن. «قوش تىل ئەدەبىيات كىتاب» دېگەن ئۇقۇم چىقىرىپ تاشلىنىدىكەن. 5.  ئەدەبىياتتىكى دەرسلىكتە ئاساسەن ئۇيغۇر يازغۇچىلارنىڭ ئەسەرلىرى كىرگۇزۇلىدىكەن. تېكىستلەردە زور ئۆزگىرش بولىدىكەن. 6. دەرسلىكتىكى كىلاسسىك ئەسەرلەر مەزمۇنى تېخىمۇ كۆپەيتىلىدىكەن. يەنى بۇ قېتىملىق دەرس تۈزۈشتە كىلاسسىك ئەدەبىياتىمىزغا كۆپرەك كۈچ سەرپ قىلىنىدىغان بولۇپ، ئەسلىي قوليازما (مەتىن) ياكى خەلقئارالىق كود ئۆلچىمى بويىچە بېرىلىدىكەن. ھازىرقى زامان تىلدىكى يەشمىسى بېرىلمەيدىكەن. ئوقۇتقۇچىلارنىڭ قەدىمكى يېزىقىمىزنى ئوقۇيالمايدىغانلىقىنى كۆزدە تۇتۇپ، يېقىندا  شىنجاڭ پىداگوگىكا ئونۋېرسېتىتىدا ئۇچ ئايلىق تەربىيلەش ئېلىپ بېرىلىدىكەن.   7.    ھەر قايسى دەرىجىلىك تىل-ئەدەبىيات ئىمتىھانىنىڭ ماقالە يېزىقچىلىقىدا ماقالە ئەسەرگە قاتتىق تەلەپ قويۇلۇپ تەكشۇرۇلىدىكەن. مەنبە:«ئانا تۇپراق» مۇنبېرى

چوغلان

	ۋاھ  ، بۇ نىمە  دىگەن ياخشى  خوش -خەۋەر ھە ،  مەنمۇ ئۇزۇندىن بىرى مۇشۇنى ئويلاپ يۈرەتتم ،  بىزنىڭ ئۇيغۇرتىلى دەرسلىكىمىز مۇشۇنداقلا يۇقاپ كىتەمۇ دەپ  بەك ئەنسىرگەن ئىدىم .    بۇ بىر ياخشى ئىش  بۇپتۇ ،  ئۇلارنىڭ ئەجىرىگە كۆپ رەھمەت ،  ئاللا ئۇلارنىڭ ئىشىنى ئۇڭۇشلۇق قىلسۇن،     قېرنىداشلار  ئۇيغۇر تىلىنى تېخىمۇ راۋاجلاندۇرۇش ، تەرەققى قىلدۇرۇش  ئۈچۈن ھەممىمىز ئورتاق تىرشايلى !

چوغلان

	بىزنىڭ ئۇيغۇر تىلىمىز  قوغداشقا ، قۇتقۇزۇشقا مۇھتاج ،  ئانا تىلىمىزنى قەدىرلەيلى !

ئەزىزى

	خۇداغا شۈكرى،ئۇيغۇرتىلى دەرىسلىرىنى بۇنىڭدىن كىينكىلەرمۇ ئاڭلىيالايدىكەن.

مەزمۇت

	خوش خەۋەركەن، بىزنىڭ تىلىمىز ھەم يېزىقىمىز يوقۇلۇو كەتمىسە بۇلاتىغۇ،يېزىقىمىزنى قوغدايلى، ھەقىقى ئانا تىلىمىزدا سۆزلىشەيلى،

ئەرتۇغ

	دەرۋەقە بۇ بىر خوش خەۋەركەن، ئەمما گەپ يەنىلا ئوقۇتقۇچىلارنىڭ كەسىپ قىزغىنلىقىدا. ئوقۇغۇچىلارنىڭ تەبى پەن نەتىجىسىنىڭ بەكلا تۆۋەنلىكى،ئوقۇتقۇچىلارنىڭمۇ ئۆز كەسپىدىن رازىمەنلىك تۇيغۇسىنىڭ بۇرۇنقىدەك ئەمەسلىكى بىزدەك ئاتا-ئانا بولغۇچىلارنى ھازىرقى مائارىپ ئەھۋالىمىزدىن خەۋىپسىرەشكە مەجبۇر قىلماقتا.

دەرتمەن

	ئادەمنى بەكمۇ سۈيۈندۈرگىدەك خۇشخاۋەر ئېلىپ كەلگىنىڭىزگە رەخمەت،ئاناتىل ،ئانا يېزىقىمىزنى قوغدايلى،ئۇيغۇر مەكتىپىدە ساپ ئۇيغۇرچە سۆزىلىشەيلى،

مەرمەر

	راس ياخشى خۇش-خەۋەر ئىكەن بۇ ،

جەسسۇر2

	توۋا،ئەجىبا بۇرۇن ئۇيغۇرتىلى دەرسلىكى يوقىتىۋېتىلگەن بولغىيمىدى،مەن ئاڭلىماپتىكەنمەن دېسە.

چىمەن007

	جەسسۇر2 يوللىغان ۋاقتى  2012-9-16 01:42 توۋا،ئەجىبا بۇرۇن ئۇيغۇرتىلى دەرسلىكى يوقىتىۋېتىلگەن ... يۇقۇتىۋىتىلگەن ئەمەس بەكلى يۇقۇلۇش گىرداۋىدا تۇرماقتا .بۇمۇ دىللار سۆيۈنگىدەك خەۋەركەن ،شۇڭا ھەر قانداق ۋاقىتتا ئانا تىلىمىزنى قوغدايلى ئۇنى ئاسرايلى ،ھەتتاتى ھەرقانداق ھۆججەت ھەم پۇل ئېلىش ماشنىلىرى تىلگىراف كەسىپلىرىنى بىجىرگەندىمۇ ئۆز ئانا تىلىمىزنى قوللىنايلى .