باشلىقىم (ساتىرا) (مۇزاتى)

مۇزاتى

	باشلىقىم   (ساتىرا)    (مۇزاتى) كۆرۈنۈشتە سىپايە كېلىدىغان باشلىقىم، يەڭ ئىچىدە ھەر ئىشنى قىلىدىغان باشلىقىم؛ پايدا-زىيان ئېپىنى بىلىدىغان باشلىقىم، رەڭۋازلىقتا قىلنى پىل قىلىدىغان باشلىقىم. ئىدى بىر چاغ ئاق كۆڭۈل، ئۆزى ساپدىل بىر پۇقرا، ئاقنى ئاق دەر ، ھەرگىزمۇ دىمەيتتى ئۇنى قارا؛ ئۆزگەرگىنى بەرھەقتۇر، بولۇر ئۆزىمۇ ئىقرا، نەپسى ئۈچۈن ئەل دىلىنى تىلىدىغان باشلىقىم. بولغاچ ئۇنىڭ<<ئوڭ قولى>>يېڭى پىلان تۈزەتتىم، قەغەز جېڭى قىلىپ ھەم پىستانسىز ئوق ئۈزەتتىم؛ ياخشىچاق بولۇپ ئاڭا پۇرسەت پەملەپ يۈرەتتىم، <<دوكلات>>تىن ئايرىلسا ئۆلىدىغان باشلىقىم. سوغا-سالام ئېلىشقا كۆنۈپ كەتتى قوللىرىم، ئۇنى ئۆيگە توشۇشقا راۋانلاشتى يوللىرىم؛ قوينۇمدا ھەم قونچۇمدا كۆپەيدى مال-پۇللىرىم، ھارام يەپمۇ بىمالال يۇرۇيدىغان باشلىقىم. ئۇنىڭ ئۈچۈن شاپاشلاپ ئۆتتى مېنىڭ ياشلىقىم، قارغۇلارچە ئەگەشتىم تۇتقاچقا بەڭباشلىقىم؛ ئۆزەم ئۈچۈن قايغۇرغاچ ئەلگە يوق ھېسداشلىقىم، <<ئامىتى>>دىن تېلىقىپ كۈلىدىغان باشلىقىم. مەنبە : ئۆز ئىجادىيىتىم

ئەتىرگۈل

	بۇداق باشلىقلارغا بۇ شېئىر تەسىر قىپمۇ قويمايدىغۇ دەيمەن

ئەزىزى

	ئۇندا ق با شلىقلاربۇ بە تنى كۈرۈپمۇ قويماسلىقى مۇمكىن...بولمىسا دۆلتىمىزنىڭ سىيا سىتى شۇندا ق يا خشى...لېكىن ئاشۇنداقلا ر كۆپ.

نەزەر

	مۇشۇ كۈنلەردە مۇزاتى تولىمۇ ھوسۇللۇق بولۇپ كېتىۋاتىدۇ ، ئۇتۇق تىلەيمەن بۇرادەر !

مەزمۇت

	ئۇقۇپ كۆرسەم، بۇ شېرىنىڭ ئاخىرسى باردەك تۇيغۇغا كىلىپ قالدىم،باشلىقلار كۆرسا ياخشى بۇلاتتى،

يۇرزات

	توغرا دەيسىز ' ئەزىزى' قانۇن ھەمىمىزگە ئوخشاش بىراق...... مۇشۇنداق «ئادەم باشلىق »ئجىرا قىلۋاتدۇ ،ئەمەسمۇ ؟