يالغانچى

مۇزاتى

	يالغانچى مەخمۇت ئاۋۇت(مۇزاتى) سېسىق نامى پۇر كەتكەن ۋەدىسى كۆپ يالغانچى، لەۋزى ھارام مۇناپىق ئەتىسى كۆپ يالغانچى؛ ئالداپ-سىيلاپ ئېلىشتا پەتىسى كۆپ يالغانچى، ساختىپەزلىك قىلىشتا ھىيلىسى كۆپ يالغانچى. يوقنى بار قىپ كۆرسۈتۈپ ئۇتۇۋالار دىلىڭنى، شىرىن-شېكەر سۆز بىلەن قولغا ئالار مېلىڭنى؛ سالساڭ قۇلاك ۋەزىگە تىرىلدۈرەر جېنىڭنى، پىسخىكاڭنى ئوۋلاشتا دورىسى كۆپ يالغانچى. بولساڭ ھۇشيار،ئەقىللىق بەدەر قاچار يېنىڭدىن، قالغاچ چېنىپ نەيرىڭى قۇسۇر تاپار سېنىڭدىن؛ راستچىللىقىڭ-چىنلىقىڭ پۇراپ تۇرار قېنىڭدىن، شۇنداقتىمۇ تەن بەرمەس، چولىسى كۆپ يالغانچى. ئىشەنگىلى بولمايدۇ ئۇنىڭ شىرىن سۆزىگە، ھەتتا ئىشەنچ قىلالماس ئۆزى قىلغان سۆزىگە؛ تېنىۋېلىپ ھەتتاكى قارا سۇۋار يۈزىگە، ھەزەر قىلماق ئەۋزەلدۇر ئورىسى كۆپ يالغانچى. مەنبە : ئۆز ئىجادىيىتىم .

چوغلان

	ھەقىقەتەن ياخشى يېزىپسىز

توغراق8

	يالغانچىنى ئەجەپ بەلەن تەسۋىرلەپسىز،داۋاملىق تىرىشقايسىز!

ئەرتۇغ

	ياخشى چىقىپتۇ. تۇترۇقسىز، ساقتىپەز،يالغانچى،كاززاپلارنى يۈز ئاياپ ئولتۇرماي قامچىلاش كېرەك. قامچىنى دىگەن يەرگە ئۇرالىساق قەلەم تۇتقان قولىمىزنىڭ ھاردۇقى چىقىدۇ.

داۋان

	يالغانچلارنى تازا ئۆتكۈر قامچلىرڭىز بىلەن ئوبدان ئەدەپلەپ قۇيۇپسىز مانا

مەرمەر

	بۇ شېئرنى ناھايتى ياخشى يىزىپسىز ،

سايران

	مەخمۇتجان ئاكا شئىر يېزىشقا تولمۇ ئۇستا ئىكەنسىز .نەدىن تاپىدغانسىز مۇشۇنداق ناچار ئىللەتلەرنى قامچىلايدىغان ساترېك شئىرلارنى ،تولمۇ مەزمۇنلۇق ،ئادەمنى تولمۇ قايىل قىلدۇ .مۇشۇنداق شئىرلارنى يېزشقا قەلىمڭىز توختاپ قالمىسۇن .

مەزمۇت

	يامان گەپلەر ياغسىمۇتۆۋە قىلماس يالغانچى، يالغان ئەمەس دەپتۇرۇپ يالغان ئېيتار يالغانچى. سەندىن نەپنى ئالغۇچە پەرۋانىدۇر يالغانچى، تۇنۇشلىرى شۇنچە كۆپ شە شەدە باريا لغانچى. ياخشى يېزىلغان شېرىكەن يانداشقىم كىلىپ قالدى.شۇڭا قاملاشمىسىمۇ بىر كۇبلىت ياندىشىپ قويدۇم،