ئاياللارنى مېھرىبان، ئەرلەرنى كۆيۈمچان قىلىۋېتىدىغان دورا

كاپىتان

	يەر شارى ۋاقىت گېزىتىنىڭ ئۇنىۋېرسال خەۋىرى: ئەنگلىيە «كۈندىلىك پوچتا گېزىتى» نىڭ 6- ئاۋغۇستتىكى خەۋىرىگە ئاساسلانغاندا، شۋېتسارىيەلىك تەتقىقاتچىلارنىڭ بايقىشىچە، تەركىبىدە ئوكسىتوتسىن بولغان بىر خىل بۇرۇندىن پۈركۈلىدىغان دورا تاكاللىشىۋاتقان ئاياللارنى ئېغىر- بېسىق، مېھرىبان، ئەرلەرنى كۆيۈمچان قىلالايدىكەن. بۇ مەھسۇلات ئۇرۇشۇشقا خۇشتار ئەر- ئاياللارغا خۇش خەۋەر ئېلىپ كەلدى. خەۋەرگە ئاساسلانغاندا، سيۇرىخ ئۇنىۋېرسىتېتىنىڭ تەتقىقاتچىلىرى 20 ياشتىن 50 ياشقىچە بولغان 47 جۇپ ئەر- ئايال ئۈستىدە تەجرىبە ئېلىپ بارغان. تەجرىبىدە پىدائىيلاردىن ئۆز ئارا تاكاللىشىپ قېلىش تەلەپ قىلىنغان. ئۇنىڭدىن كېيىن تەتقىقاتچىلار ئۇلاردىن ياكى بەزلەش دورىسى يېيىشنى، ياكى تەركىبىدە ئوكسىتوتسىن بولغان بۇرۇندىن پۈركۈلىدىغان دورا پۈركۈشنى تەلەپ قىلغان. 45 مىنۇتتىن كېيىن، تەتقىقاتچىلار بۇ ئۆيدىن چىقىپ كەتكەن، ھەمدە كامېرا ئارقىلىق تەجرىبىخانىدىكى ئەھۋالنى كۆزەتكەن. شۇنىڭ بىلەن بىرگە، تەتقىقاتچىلار يەنە پىدائىيلارنىڭ شۆلگىيىدىن نۇسخا ئېلىپ، ئۇلارنىڭ روھىي جەھەتتىن جىددىيلەشكەن- جىددىيلەشمىگەنلىكىگە ھۆكۈم قىلغان. تەكشۈرۈپ نەتىجىسىدە بايقىلىشچە، بەزلەش دورىسى ئىستېمال قىلغان گۇرۇپپىغا قارىغاندا، تەركىبىدە ئوكسىتوتسىن بولغان دورا پۈركۈگەن ئاياللار تېخىمۇ ئېغىر- بېسىق، مېھرىبان بولۇپ قالغان، ئەرلەر بولسا كۆيۈمچان، تەشەببۇسكار بولۇپ كەتكەن. سانلىق مەلۇماتتا كۆرسىتىلىشچە، ئاياللارنىڭ نېرۋا سىستېمىسىنىڭ پائالىيەتچانلىقى تۆۋەنلەپ كەتكەن، ئەرلەرنىڭ بولسا ئۆرلەپ كەتكەن. تەتقىقاتچىلار مۇنداق دېدى: ئوكسىتوتسىن تەبئىي ھالدا ئادەم بەدىنىدە ساقلانغان بولۇپ، ئادەمنىڭ جىنسىي ھەۋىسى ۋە مەسئۇلىيەت تۇيغۇسىغا تەسىر كۆرسىتىدۇ. مۇنداقچە ئېيتقاندا، ئاياللار ئىككى جىنس مۇناسىۋىتىدە قارشى تەرەپكە قاتتىق تەلەپ قويىدۇ، ئەرلەر بولسا سۈكۈتتە تۇرۇش، مۇرەسسە قىلىش ھالىتىدە بولىدۇ. ئەمما بۇ تۈرلۈك تەتقىقاتتىن ئوكسىتوتسىننىڭ ئىككى جىنىسنىڭ ئىپادىسىنى ئۆزگەرتىپ، تالاش- تارتىشنى پەسەيتىشكە پايدىلىق ئىكەنلىكى نامايان بولدى. مەنبە:نۇر تورى

ئەلى

	ئۇ ما كارامەتنى كۆرۈڭ ئەمدى، بۇ درا ئاياللارنىڭ قولىغا چۈشۈپلا قالسا ئىش چاتاق بولغۇدەكقۇ ئەمدى؟ زەردىسى بار ئەرلەرگە پۈركۈپلا، مۆرىمەس قىلىۋەتسە

شەبنەم

	ھا ھا ھا ھا

قوزام

	ۋاي خۇدايىم كۆرۈڭ بۇ كارامەتىنى