يىگىت بول (مۇزاتى)

مۇزاتى

	يىگىت بول مەخمۇت ئاۋۇت (مۇزاتى) ئاتا-ئاناڭ ئىزىدىن قالمايدىغان يىگىت بول، ۋاپادار بوپ ئۇلارغا ھارمايدىغان يىگىت بول؛ پەسكەشلەرنىڭ يولىغا ماڭمايدىغان يىگىت بول، قەھرىتان سوغ، تومۇزدا ئۆڭمەيدىغان يىگىت بول. چىقارمىغىن ئېسىڭدىن تۇتساڭ ئەمەل ئەسلىڭنى، ساقلا ئەسلى خىسلىتىڭ، ئادىمىيلىك نەسلىڭنى؛ شەيتان سۆرەر دوزاخقا قويۇۋەتسەڭ نەپسىڭنى، ھالال ئەجىر يولىدىن يانمايدىغان يىگىت بول. ئەلنىڭ ئوغلى، پەخرىسەن قەدىرلىگىن ئۆزۈڭنى، كۆپ مۇرەككەپ جاھان بۇ روشەن قىلغىن كۆزۈڭنى؛ بېرىلىپ مەي-شاراپقا يەر قىلمىغىن يۈزۈڭنى، بىۋاپانى قوينىغا ئالمايدىغان يىگىت بول. يىگىت ئىدىم بىر چاغدا قىلغان مەنمۇ بەڭباشلىق، خۇدۇم بىلمەي قاتىراپ قىلىپتۇرمەن ھەم شاشلىق؛ ھەر كويلارغا سالاركەن شۇ ەۆدەكلىك،شۇ ياشلىق، ھاڭ لېۋىگە ئالدىراپ چاپمايدىغان يىگىت بول. ھاياتىڭنى قەدىرلە رۇسلاپ ماڭغىن يولۇڭنى، تېخنىكىدا ، ھۆنەردە پۇختىلىغىن ئۇلۇڭنى؛ مىشچانلىقنى تاشلىغىن قىسقا قىلار قولۇڭنى، بېيىغاندا ئاجىزنى ئويلايدىغان يىگىت بول. قىز-ئاياللار خالىماس تۇتامى يوق يىگىتنى، قەدىرلەيدۇ ھەر جايدا يىلىكى توق يىگىتنى؛ يار قوينىغا ئالمايدۇ كۆڭلى سۇيۇق يىگىتنى، يۈرىكىدە ئوتى بار ، ئۆچمەيدىغان يىگىت بول. سۆيگۈنىڭگە كۆيۈمچان چىن ۋاپادار يىگىت بول، قېرىنداشقا مېھرىبان ھەم يۆلەك-يار يىگىت بول؛ مۇھاببىتىڭ ، نەپرىتىڭ ھەم ئېنىق بار يىگىت بول، ئەل ئىچىدە غۇرۇرلۇق يار نومۇس-ئار يىگىت بول. شېئىرىنىڭ ئاپتورى: باي ناھىيىسىدىن: ماخمۇت ئاۋۇت(مۇزاتى)

داۋان

	يىگت بول مەرۇ_ مەردانە ياشا، پۇل ئۈچۈن ۋىژدان غۇرۇڭنى ساتما. ئادەمدەك خىسلەت بىلەن ياشاپ، مىللەت ئۈچۈن دوزاختىن يانما.

ئەتىرگۈل

	شېئىرلىرىڭىزنىڭ ئىچىدە ماۋۇ شېئىرىڭىز بەك ياخشى چىقىپتۇ مىنىڭچە، ئىسىل شېئىرلىرىڭىز ئارقىلىق مۇنبەردىكى مەزمۇنلارنى بېيتقىنىڭىزغا رخمەت، بۇندىن كىيىنكى ئىجادىيەتلىرىڭىزگە ئۇتۇق تىلەيمەن

سەرسان روھ

	ماقۇل مۇزاتكا يىگىت بۇلاي

قوزام

	ئالامەتقۇ ................ ئېسل شېئرلار مۇنبەردىن ئۈزۈلۈپ قالمسۇن !!

لالە1224

	ھەجەپ ياقتۇردۇم ماۋۇ شئىرنى كەچتە ئۇكامغا ئوقۇپ بېرەيچۇ!!!!!