مۇھىم (مۇزاتى)

مۇزاتى

	مۇھىم مەخمۇت ئاۋۇت (مۇزاتى) دەر بەزىلەر تەنگە ئۇزۇق ئاش مۇھىم ، بەزىلەر دەر ئالتۇن-كۈمۈش ، تاش مۇھىم؛ ئايال دەركەن كىيىم -ئۈستىباش مۇھىم ، مۇھىم  دېسە ئۆتكەن ھايات-ياش  مۇھىم . غېرىپلىقتا مۇڭدۇشىشقا يار مۇھىم، يار بولۇشقا بىلسە ۋاپادار مۇھىم؛ ياشىماققا ئەلدە نومۇس-ئار مۇھىم، ساھىپلارغا ئايدەك چىراي،قاش مۇھىم. جاھان كېزىپ ئاڭلىدىم ئەل دەردىنى، باقتىم بىلىپ يارەننىڭ، ئەل قەلبىنى؛ ئوخشىماسكەن ھەر كىشىنىڭ ئارمىنى، بەزىلەرچۈن پاخلان گۆشى-سان مۇھىم. سودىگەرنىڭ پۇل تېپىشقا ئېپى بار، مويسىپىتنىڭ بىزگە يوللۇق گېپى بار؛ ئاقىللارنىڭ گەپ-سۆزىنىڭ سېپى بار، دەر بەزىلەر ھالال كەلگەن نان مۇھىم. قىمارۋازنىڭ رىسقى بولۇر تاۋكادا، تىجارەتنىڭ بولۇر يولى بازاردا؛ شېھىتلەرنىڭ ئورنى بولۇر مازاردا، بەزىلەرچۈن مال نىمىتى،قان مۇھىم. ئۇنى مۇھىم بۇنى مۇھىم دەيدىكەن، بارىدا ھېچ قەدرىنى بىلمەيدىكەن؛ يوقالغاندا ئارمىنىنى يەيدىكەن، بىمار ئۈچۈن ئاڭا ساغلام تەن مۇھىم. مۇھاببەتنىڭ كۈچى چەكسىز ئالەمدە، چىن ۋاپادار قالماس قايغۇ-ئەلەمدە؛ سىناق باردۇر ھەر-بىر باسقان قەدەمدە، بىلسە قەدرىن ئاڭا مېھرىبان مۇھىم. تىرىكلىكتە بىلمەس ئۆلۈم دەردىنى، ئەقلىڭ بىلەن چۈشەن ھايات قەدرىنى؛ ئۆتكۈزمە بوش ئۇنىڭ باھار پەسلىنى، سەكىراتتا ئىنسان ئۈچۈن جان مۇھىم. ئۆستى باھا ھەر نەرسىنىڭ قىممىتى، كۆپەيدى ھەم تاشقى سۆلەت-ھىممىتى؛ پۈتۈشمەك تەس باردۇر تەنە، مىننىتى، تويلاشقاندا يېڭى كېلىن-خان مۇھىم. ئويلاپ بېقىڭ سىزگە نېمە ئەڭ مۇھىم، پۇلمۇ،مالمۇ،ساقلىق،جانمۇ تەڭ مۇھىم؛ دوستلۇق ئۈچۈن ئىشەنچ-ساداقەت مۇھىم، ھەر كىشىگە نېمە كەمدۇر شۇ مۇھىم! شېئىرىنىڭ ئاپتورى : باي ناھىيىسىدىن: مەخمۇت ئاۋۇت(مۇزاتى)

قوزام

	ياخشى يېزىپىسز ....... داۋامنى چاپسانراق يوللاڭ ھە !!    بەك ئىنتىزار بۇلۇپ كەتتىم ............. ئاياللارنىڭ ھەممسى كىيمگە ئامراق بۇلمايدۇ مۇزات ئاكا ئۇلار ئۈچۈنمۇ ھايات ھەممدىن قىممەت ئاياللارغۇ كىيمگە ئامراق ئىكەن ئۇنداقتا سىلەر ئەرلەرچۇ نېمگە ئامراق

داۋان

	بەزىلەرچە بۇنى دۇنيادا ئار نۇمۇس مۇھىم بەزىلەردە ھۇقۇق مەنپئەت جاھانڭ راھتى مۇھىم. ئىززەت_ھۆرمەت ئۈچۈن ھەممدىن ۋىژدان مۇھىم بۇ دەللەر يەتمسە سەن ئۈچۈ يەنە نىمە مۇھىم؟؟؟؟

ئەتىرگۈل

	ئادەمگە مۇھىم نەرسە بەك كۆپ، قىسقىسى شېئىردا ئېيتىلغاندەك  ھەر كىشىگە نىمە كەم بولسا شۇ مۇھىم، يەنە ھەر قانداق ۋاقىتتا سەمىمىيەتنى يۇقاتماسلىقىمىز كېرەك

قوزام

	ئاخىرقنمۇ ياخشى يېزىپىسز مۇشۇنداق ياخشى ئەسەرلىرىڭىز بولسا مۇنبەردىن ئۈزۈلۈپ قالمسۇن !!!!!!! باشقۇرغۇچىلار  مۇزات ئاكىمىزغا قەلەم ھەققى بارمۇ يا بولسا بېرىپ قويايلى