‹‹ياشىۋالاي كوڭۈل خوش قىلىپ›› (ساتىرا) (مۇزاتى)

مۇزاتى

	‹‹ياشىۋالاي كوڭۈل خوش قىلىپ››    (ساتىرا) يارالدىم ئالەمدە ئايال بوپ بۇدەم، پەخىرلىنىپ ئۆتتۈم ھۆسنۈمدىن شۇدەم؛ خەستە كۆڭۈللەرنى ئوينىتىپ ھەردەم، ياشىسامكەن دەيمدن كۆرمەي دەرت-ئەلەم. ساھىپجامال -ئۇزمەن  ئاتالغاچ ئەلدە، كىيىنىشىم  مودا ، سۆڭگەچتە،بەلدە؛ ئەيشى-ئىشرەت دېسە ئورنۇم بار تۆردە، ئەمما ئەجىر-مېھنەت   نەتىجەم نۆلدە. بولسا ھەر بايراملار تۇغۇلار كۈنۈم، ئويناشۇ-كىيىنىش دىلدىكى ئۇيۇم؛ دەيمەن شۇ پىلانىم بەرسىكەن ئۈنۈم، كوڭۈل خوش قىلىپ ئۆتسىكەن تۈنۈم. يېڭى يىل مەن ئۈچۈن تۇنجى بايرىمىم، قۇتلۇقلاپ كەيدىم مەن ئىككى قۇر كىيىم؛ كەلگەندە يەنە بىر ئاشىق بايرىمىم، تېپىپ يېڭى يار راسا پەيزى قىلدىم. ‹‹سەككىزىنچى مارت››مۇ كەپ قالدى مانا، تۇغۇلدى پۇرسىتىم  ئويناشقا يانا؛ مەنچە ئادەم يوقتەك  بۇ ئالەم ئارا، تالاي سورۇنلارمۇ تار كېلەر ماڭا. مۇبارەك بۇ كۈندە بولىمەن خانىش، ئەركىگىم  بوپ مالاي، بالام قىلار ئىش؛ نىسىپمۇ بولالماس  ئۇلارغا رەنجىش، كۈتەلمىسە مېنى ، يەر ئىزا-قاغىش. ھازازۇل ئاتايدۇ  ئۆيۈمدىكى ئەر، گاھى قىلىمەن ئىتتىرېۋېتىپ يەر؛ قىلىمەن گاھى ھەم يۆلىۋېلىپ ئەر، تەلدۇر زىبۇ-زىننەت، مەندە ئالتۇن-زەر. كۆڭۈل خوشىدىلا ئۆتىدۇ كۈنۈم، بولسا نەدە ، كەچ شۇ يەردە تۈنۈم؛ خىيالىمدا يوق بالىلىرىم ، ئۆيۈم، دەيمەن ئۆي-قەپەزنى كۆرمىسە كۆزۈم. چىقىمەن سىرىتلارغا  پەدازلار قىلىپ، ئۇيالماي يېرىمتەن ئۈستىۋاش كىيىپ؛ ئۆزەمنى جاھاندا ئەڭ گۈزەل بىلىپ، ياشىۋالاي راسا كۆڭۈل خوش قىلىپ. بىر جىلۋەم بىلەن قىلىپ كۆڭۈل لال، ناپاكنى ئايرىماي قىلىمەن ھالال؛ ئۇچقاندا خۇش-كەيپىم تاپىمەن ئامال، ئۆتمەيدۇ كۈنلىرىم ھەرگىز سېرىقتال. قىلمىشىمدىن  قىلدىم ئاخىر پۇشايمان، يوقىلىپتۇ ئاياللىق لاتاپەت پىنھان؛ ئەل-يۇرتتا  قالمىدى  يۈرۈشكە ئىمكان، كىرىپ كۆڭۈل كەينىگە يوقالغاچ ئىمان. ئىكەن ئەخلاق-ھايا  ئايالغا زىننەت، گەر ئاڭا ئېرىشسەڭ بولۇركەن ئىززەت؛ ئۇنىڭدىن ئايرىلساڭ  نە بولۇر قىممەت، ھەمشىرە،دوستلارغا بولسۇن بۇ ئىبرەت. ساتېرىك شېئىرىنىڭ ئاپتورى : باي ناھىيىسىدىن : مەخمۇت ئاۋۇت(مۇزاتى)

ئۇمىد

	ئاللا ،ئاللا ئاياللانلا تېما قىپ يازدىكەنسىلەر ،بىر ئوگۇل باللىنى تېما قىپ يازساڭلامۇ چىقىپ قاللاتتى

قوزام

	شۇنى دەيمەن ئاياللارنى شېئر قىلىپ يېزۋەرمەي ئوغۇل بالىلارمۇ يېزىپ قۇيايلى مانداق ..................ئەمما شېئر ناھايتتى ياىشى چىقپتۇ ........قەلىمڭىزگە بەركەت ، ئەزىز تېنىڭىزگە سالامەت تىلەيمەن !!! كىشنى ئويغا سالىدىغان تەسرلىك شېئر ، ھېكايلەر مۇنبىمىزدىن ئۈزۈلۈپ قالماسلقنى چىن كۆڭلمىدىن ئۈمىت قىلمەن مۇزاتى ئاكا :

داۋان

	بۇ شئېرىڭىزنڭ مەنسنى تۇلۇق چۈشەندىم  ئاڭ باشتكى ئىككى مىسراسى تىمڭىزنى ئەڭ ئەۋجىگە چىقرپتۇ ياخشى تىملىرڭىزنى كۆپلەپ مۇنبەر يۈزگە چىقرشڭىزنى ئۈمۈت قىلمەن

ئەلى

	تېمىڭىز ھازىرقى جەمىيىتىمىزنى ئەينەن سۈرەتلەپ بېرىپتۇ، ياخشى يېزىپسىز، بولسا مۇشۇنداق تەربىيۋى ئەھمىيىتى زور بولغان تېمىللىرىڭىز مۇنبەردىن ئۈزۈلۈپ قالمىسۇن، سالامەت بولۇڭ

لالە1224

	قەلەملىرىڭىز گە بەرىكەت تىلەيمەن!!!! لىكىن ئاياللارنىڭ يامان تەرەپلىرىنى يېزىۋەرمەي ياخشى تەرەپلىرىنىمۇ يېزىپ قۇيۇق ئانچە - مۇنچە.......