... سەن (ساتىرا) (مۇزاتى)

مۇزاتى

	... سەن   (ساتىرا) (مۇزاتى) ئەي دوستۇم پەرەز قىپ باق، شۇنچە ئىش قىلالامسەن، سېتىپ ۋىجدان ئالەمدە ، شاد-خورام يۇرەلەمسەن. باشلىققا خوشامەت قىپ ، ياخشىچاق بولالامسەن، ئالدىدا قىلىپ تازىم ، ئارقىدىن ئۇرالامسەن. ھوقۇقنى سېتىۋالغان ، ئەمەلدار بولالامسەن، ھاجەتمەننى قىپ رازى،  ياشاشنى بىلەلەمسەن. چۆپقىتىڭنى شوتا قىپ ، پەشتاققا چىقالامسەن، زەيمۇ سالماي لاپ ئېتىپ ، كۆڭۈلنى ئۇتالامسەن. مەنسىپىڭنى قالقان قىپ ، ئەلنى كوملىيالامسەن، پۇرسەتنى تۇتۇپ مەھكەم ، يانچۇق توملىيالامسەن. گىدىيىپ سۇۋاداندەك،  كېبىرلىك قىلالامسەن، ئاجىز ھەققىگە چاڭ سېپ،  باداڭمۇ بولالامسەن. يالغاننمۇ راست قىلىپ ، ئۇندىن نەپ ئالالامسەن، ئەلگە ئىشلىتىپ ۋاستە،  يۇقىرنى ئالدىيالامسەن. شىرە مۇشلاپ يىغىن ئېچىپ،  يۈرەك مۇجىيالامسەن، بىرەسى گەر ئېغىز ئاچسا ،  جەرىمانە قويالامسەن. مەنسىپىڭنى قىلىپ تاج ، شاھ كەبى ئۆتەلەمسەن، دەرتمەنلەر كېلىپ قالسا،  زەھرىڭنى چاچالامسەن. يەپ-ئىچىپ، كەيپ سۈرۈپ ، پۇل بۇزۇپ چاچالامسەن، مۇپەتتىش كەلدى دېسە ، دالدىغا قاچالامسەن. كېچىدە  قاۋاقلاردا ، كۆڭۈل خوش قىلالامسەن، كەيىپلىكتە مەرتلىك قىپ ، يانچۇق بوش قىلالامسەن. ئاشنىدىن بەشنى تۇتۇپ،  يېتىشىپ بولالامسەن، كۆڭۈلنىغۇ  ئۇتارسەن،  ئاقچاڭ قوش قىلالامسەن. خۇتۇن چايغا كەتكەندە ،  قاۋاققا  بارالامسەن، بالاڭ ساڭا ئەگەشسە ، كاچاتلاپ ئۇرالامسەن. ئايالىڭنىڭ ئالدىدا ، قاپاقمۇ تۈرەلەمسەن، خوتۇنۇڭدىن بىسوراق،  ئېچىلىپ كۈلەلەمسەن. نەشە-مەينى دوست  تۇتۇپ، شىركەيىپ سۈرەلەمسەن، خۇمارى تۇتۇپ كەتسە ، تۆت پۇتلۇق يۈرەلەمسەن. ئالدىراپ جاۋاپ بەرمە،  ئويلاپ باق قىلالامسەن، چوڭ ئەمەس كىچىكنى دە ، ناندىن قىل ئالالامسەن. ساتېرىك شېئىرىنىڭ ئاپتورى : باي ناھىيىسىدىن : مەخمۇت ئاۋۇت(مۇزاتى)

ئەخمەتى

	بەك ياخشى يېزلىپتۇ.

ئەتىرگۈل

	بۇ ئىشلارنىڭ ھەممىسىنى قىلالايدىغۇ دەيمەن. ئادەمنى ئويلاندۇرىدىغان شېئىركەن

داۋان

	مۇشنداق يامان يولغا مېڭش ئادەمنى تۈگمەس چوڭ گۇناھلارغا مەھكۇم قىلپ قۇيدۇ بولسا مۇشنداق يازملاردىن كۆپرەك ئىبرەت ئېلىپ ياخش بولغان شارائتنى ئۈزۈمزگە مۇجەسەملەنگەن ئاساستا ياشساق تۈگمەس بالايى ئاپەتلەردىن غەم قايغۇلاردىن ئازراق بولسمۇ يەڭگلەپ قالغان بوللاتۇق

يۇلتۇز

	جەمىيتىمىزدىكى بەزى ئىشلار ھەقىقى ئەكىس ئىتىپتۇ ``

ئەلى

	نەق گەپقۇ بۇ؟ قايسى بىرىدە يوق بۇنداق ‹ئېسىل پەزىلەت›؟ دەل قايىغا ئۇرۇپسىز بۇ قامچىنى، قولىڭىزغا دەرت كەلمىسۇن. سلالمەت بولۇڭ

نەزەر

	مۇزاتىنىڭ تىرىشچانلىقىغا قول قويىمەن . مۇزاتىغا تەكلىپىم : ئەسەر تىلىغا كۆپرەك ئىشلەڭ . بەزىبىر پىسپاس تېمىلار ھەققىدە قەلەم تەۋرىتىپ يۈرمەڭ . بۇ دېگىنىم ( 2 - تەكلىپىم )مەزكۇر ئەسىرىڭىزگە قارىتىلغان ئەمەس . ئىجادىيىتىڭىزگە ئۇتۇق تىلەيمەن .