دۆلەت 150مىليون يۈەن ياردەم مەبلىغى ئاجرىتىپ شىنجاڭدىكى ئائىلىسىدە

مۇختەر

	دۆلەت 150مىليون يۈەن ياردەم مەبلىغى ئاجرىتىپ شىنجاڭدىكى ئائىلىسىدە قىيىنچىلىقى بار نامرات ئوقۇتقۇچىلارغا ياردەم بېرىدۇ يىقىندا دۆلەت 150مىيلون280مىڭ يۈەنلىك مەخسۇس جامائەت پاراۋانلىق فوندى لاتارىيە بېلىتىنى ئورۇنلاشتۇرۇپ،  مەخسۇس شىنجاڭدىكى ئائىلىسىدە قىيىنچىلىقى بار نامرات ئوقۇتقۇچىلاردىن 15مىڭ28نەپەر ئوقۇتقۇچىغا ھەر يىلدا ھەر بىر ئادەمگە 10مىڭ يۈەن ياردەم پۇلى بېرىلىدۇ. بۇ مۇخبىرنىڭ 17- نويابىر شىنجاڭ ئۇيغۇر ئاپتونوم رايونلۇق مائارىپ نازارىتىدا ئېچىلغان مەركەزنىڭ مەخسۇس جامائەت پاراۋانلىق فوندى  مۇكاپاتلىق لاتارىيە بېلىتىنى يولغا قويۇش پىلانىنىڭ شىنجاڭدىكى سىناق نۇقتىسىدا باشلىنىش مۇراسىمى ئاخبارات ئېلان قىلىش يىغىندىن ئىگەللىگەن ئەھۋالىدۇر. ئىگەللىگەن ئەھۋاللاردىن قارىغاندا، مالىيە مىنىستىرلىقى، مائارىپ نازارىتىنىڭ زور كۈچ بىلەن قوللىشى ئارقىسىدا، 2011- يىلى مەركەز مالىيەسى 300مىليون يۈەن  جامائەت پاراۋانلىق فوندى لاتارىيە بېلىتىنى ئورۇنلاشتۇرۇپ، 2011- يىلىدىن 2012- يىلىغىچە مەركەزنىڭ مەخسۇس جامائەت پاراۋانلىق فوندى  مۇكاپاتلىق لاتارىيە بېلىتىنى يولغا قويۇش پىلانىنى قانات يايدۇرۇپ، شىنجاڭنى سىناق نۇقتا قىلىنىدىغان ئۆلكە قاتارىغا كىرگۈزدى، پىلاننى دۆلەت مائارىپ تەرەققىيات فوندى جەمئىيىتى كونكىرت باشقۇرىدۇ. ئاپتونوم رايونلۇق مائارىپ نازارىتى ئوقۇتقۇچىلار بايلىقىنى باشقۇرۇش باشقارمىسىنىڭ باشلىقى شىياڭ ياڭ مۇنداق تۇنۇشتۇردى: شىنجاڭنىڭ ياردەم بېرىش خىزمىتى پۈتۈن رايونىمىزغا يۈزلەنگەن بولۇپ، جەنوبىي شىمالى شىنجاڭدىكى 7 ئوبلاست، دۆلەت دەرىجىلىك نامرات ناھىيەلەر،  ئاپەتكە ئۇچرىغان رايونلارغا مۇۋاپىق ئەھمىيەت بېرىلىپ، نۇقتىلىق تۈردە تەبئىي ئاپەت ۋە تاساددىپى ھادىسىلەرگە ئۇچرىغان ياكى ئېغىر كېسەل تۈپەيلى ئائىلە ئىقتىسادى قىيىنچىلىققا ئۇچرىغان ئوقۇتقۇچىلارغا ياردەم بېرىلىدۇ. ياردەم بېرىش ئوبېيكتى ئاپتونوم رايوندىكى ھۆكۈمەت ئاچقان باشلانغۇچ، تولۇقسىز، ئادەتتىكى تولۇق ئوتتۇرا ۋە ئوتتۇرا تېخنىكوم كەسپى مەكتەپلەردىكى شىتاتتىكى ئىش ئورنىدىكى مەخسۇس ۋەزىپىدىكى ئوقۇتقۇچىلار ۋە ئالاھىدە ئىش ئورنىدىكى ئوقۇتقۇچىلارنى ئۆز ئىچىگە ئالىدۇ. شۇنىڭ بىلەن بىر ۋاقىتتا ئالاھىدە سەۋەبلەر بىلەن پېنسىيەگە چىققان ئوقۇتقۇچىلارغىمۇ تەڭ ئېتبار بېرىلىدۇ، قارا خىزمەتچىلەر ياردەم دائىرسىگە كىرمەيدۇ. جامائەت پاراۋانلىق فوندى  مۇكاپاتلىق لاتارىيە بېلىتى دۆلەت ۋە پارتىيەنىڭ شىنجاڭدىكى كەڭ ئوقۇتقۇچىلارغا قىلغان ئالاھىدە غەمخۇرلىقى، مالىيە مىنىستىرلىقى، مائارىپ مىنىستىرلىقىنىڭ شىنجاڭغا ياردەم بېرىش مەبلەش سېلىش يېڭىلىق يارىتىش مىخانىزىمىدىكى بىر يېڭى تەدبىر  بولۇپ، بايلىقلارنى تەرتىپكە سېلىش، شىنجاڭدىكى ئوقۇتقۇچىلار قوشۇنى قۇرۇلۇشىنى كۈچەيتىشتىكى پايدىلىق ئىزدىنىشتۇر. ئاپتونوم رايونلۇق مائارىپ نازارىتىنىڭ مۇئاۋىن نازىرى ما ۋىنخۇا ھەر دەرىجىلىك مائارىپ مەمورى تارماقلىرى ۋە مەكتەپلەردىن«بىرىنچى قول» مەسئول بولۇش تۈزۈمىنى ئەمەلىيلەشتۈرۈپ، « ئادىل ئاشكارا بولۇش، مىقدارى گەۋدىلىك بولۇش، مۇھىم نۇقتىنى گەۋدىلەندۈرۈش، مەخسۇس پۇلنى مەخسۇس ئىشلىتىش» پىرىنسىپىدا چىڭ تۇرۇپ، مۇكاپاتلىق جامائەت پاراۋانلىق فوندى پىلانى لاتارىيە بېلىتىنى باھالاش، تارقىتىش، باشقۇرۇش ۋە نازارەتچىلىك قىلىش، تەكشۈرۈش خىزمىتىنى ئىنچىكە ئىشلەپ، چاغاندىن بۇرۇن يىللىق ياردەم پۇلىنى ئوقۇتقۇچىلارنىڭ قولىغا تارقىتىپ بولۇشقا كاپالەتلىك قىلىشنى تەلەپ قىلدى. http://www.rohlan.biz/plugin.php ... ww.xj.xinhuanet.com

يۇلتۇز

	ئەجەپ   بىر  ياخشى  ئىش  بوپتۇ ~~