ھاراق(ئىجادى شىئىر)) تەۋسىيە

yakup

	مەن تۇغۇلۇپ دۇنياغا  كوز  ئاچقان  چاغدا، دادام ئەسلى  بىرداڭلىق سازەندى ئىكەن . ياسىن تەمبۇر دەپ بايدا نام-ئاتاق تاپقان ، ئەل ئارىسىدا يۈز تاپقان بىر ماھېر ئىكەن. ئوتۇپ  كەتتى نەچچەئاي ۋە نەچچە يىللار ، ساز سەۋەپلىك كوپ ئىچتى نىجىز ھاراقنى. ئۇلۇپ كىتەر چاغىدا يوقلىماس  ھېچكىم ، جان دوستلىرىم ئىچمەيلى بىزمۇ  ھاراقنى. ھاراق ئىچسە دوستۇم دەپ ئىچمىسە تۇنۇش، شۇ  سورندىن قايتقاندا بۇلدىكەن  ئۇرۇش . يىتىم  بولدۇق  ئاتىلار نە  ئۈچۈن  بىزلەر ، ھاراق تۈپەيلى ئائىلىدە كۈندە مىڭ ئۇرۇش. يۈرەك سۈزۈم ؛ قەدىرلىك ئەزىز دوستلىرىم بىز تېخى ياش بىلىملىك  شۇنداق بولغاندىكىن ھەرگىز ھاراققا يېقىن كەلمەيلى مۇمكىن بولسا دوست -بۇرادەر ۋە ئاتا -ئاكىلىرىمىزغىمۇ ئۇلگە بۇلايلى بۇمىنىڭ بېشىمدىن ئوتكەن كۈنلەر چۈنكى مەن بىر يىتىم ، مەنبە؛ ياقۇپچان

admin

	ئىچمىسەك ياشلىقتا قويمىسا ھەۋەس، مەي ئىچسەك كۆرۈنسەك خەقلەرگە ئەلەس، ئاز ئىچسەك كەيپى يوق، توشاق ئىچسەك مەست، قامەتلىك تەنىمىز يەردە قالسا ھېس، تاشلىساق ھاياتتا لەززەت سۈرمەك تەس، جاھاندا ھەممىدىن ھاراق ئىچمەك تەس. ئىچىمىز قوناقنى، دەيمىز تېخى خوش، ئىچمىسەك گەپ تەييار دەيمىز "بېلى بوش"، ئۆتۈلسە سەۋەنلىك رومكا كېلەر قوش، كەيپىمىز تۇتقاندا دېمەيمىزكى پوش، يارىمىز باش، كۆزگە ياكى ئېتىپ مۇشت، جاھاندا ھەممىدىن ھاراق ئىچمەك تەس. ئىچىمىز رومكىنىڭ توشاقلىرىنى، ئوقۇيمىز ھەييامنىڭ قوشاقلىرىنى، قىزىتىپ سورۇننىڭ ئوچاقلىرىنى، چالىمىز مۇقامنىڭ "ئوشاقلىرىنى"، سېغىنىپ دىلبەرنىڭ قۇچاقلىرىنى، جاھاندا ھەممىدىن ھاراق ئىچمەك تەس. لەتىپە-يۇمۇرنى بەس-بەستە دەيمىز، چاقچاققا يۇۋاشنى تازا چەنلەيمىز، قىزىساق ئۆچكىدەك تازا مەرەيمىز، دەسلەپتە "ئۆزلىرى" كېيىن "سەن"لەيمىز، ئىچمىسە كۆڭلۈم دەپ زورلاپ تەڭلەيمىز، جاھاندا ھەممىدىن ھاراق ئىچمەك تەس. "خوش"دەيمىز تەنلەرگە تىلەپ ئامانلىق، ئەمەسمۇ مەي ئۆزى تەنگە يامانلىق، ئىمانغا تەگمەس دەپ ھېچ بىر مالاللىق، باھانە "مەي ھالال، كەيپى ھاراملىق" شۇ گەپتە كۆڭۈلگە تېپىپ ئامانلىق جاھاندا ھەممىدىن ھاراق ئىچمەك تەس. ساقىنىڭ سۆزلىرى پەرماندۇر ئاپ-ئاق، ئكەيپىمىز توشتىئغا جاھىلكى ياق-ياق ، ئەر بولساڭ تۈزۈك بول نېمە ئۇ پاھ-پاھ، ۋە ياكى ئورنىغا كەلتۈر بىر چاقچاق، ئاخىرى قالمايدۇ سورۇندا بىر ساق، جاھاندا ھەممىدىن ھاراق ئىچمەك تەس. ھاراقتىن يانمايمىز بىزدىن يانغىچە، مەستلىكنى قىلمايمىز ساقلىق تاڭھىچە ناخشىنى توۋلايمىز قۇلاق پاڭغىچە، ئىسقىرتىپ يوللاردا ماڭغان ھانغىچە، ساقلىتىپ ساقالنى ئۆيدە تاڭغىچە، جاھاندا ھەممىدىن ھاراق ئىچمەك تەس. تاپالماي ئۆيلەرنى يولدا تۈنەكلىك، سۈيى يوق ئەرىقلار بىزنى يۆلەكلىك، ھەي خوتۇن مۈگدىگەچ ئېڭەك يۆلەكلىك، تۇرمۇشمۇ بىزلەرگە ئوبدان كۆنەكلىك، بىزلەرچۇ ھاياتنى شۇنداق سۆيەگلىك، جاھاندا ھەممىدىن ھاراق ئىچمەك تەس. ئاخشىمى ھاتىرجەم ياتالمىساق يا، سەھەردە باش قاپاق قوپالمىساق يا، چۈشكىچە كۆزلەرنى ئاچالمىساق يا، قىينالسا ئاشقازان قوپالمىساق يا، ئىچمەيمەن ھەرگىز، دەپ قاچالمىساق يا، جاھاندا ھەممىدىن ھاراق ئىچمەك تەس. بېشىمدىن ئۆتۈپتۇ قىسمەت ئېگىز-پەس، مىجەزىم يېشىمغا ھەرگىز ماس كەلمەس، ھوش-كاللام نەدىكىن دەلدۈش غەم يېمەس، شۇ سەۋەب تاشلاشچۈن مەي ئىچىشنى بەس، يازدىم بۇ بېيىتنى سىلەرگە تەگمەس، لېكىنزە ھەممىدىن ھاراق ئىچمەك تەس

yakup

	راست دۇنيادا ھەممىدىن ھاراق ئىچمەك تەس

تۇرسۇن نىياز

	ناھايىتى ياخشى يېزىلغان ئەسەرلەر بۇلۇپتۇ، قېرىنداشلار تەربىيە ئالايلى. لىكىن yakup  سىز يەنە بىر قېتىم تەھرىرلىۋەتكەن بولسىڭىز بۇلۇپتىكەن،شىئېر دىگەن قاپىيە،مەزمۇن بىر گەۋدىلەشكەن بۇلۇشى كېرەك،مەزمۇنى ياخشى ئەمما سۆز تىزمىسى بۇلۇپ قالغاندەك تۇرىدۇ. سىزنىڭ بۇنىڭدىن كېيىن  تېخىمۇ ياخشى ئەسەرلەرنى رۇياتقا چىقىرىشىڭىزغا تىلەكداشمەن،بوشاشماڭ...

قاراقاش

	مەي ئىچسەم شۆھرىتىم تاراپ كىتىدۇ بۇ ئىشىم خەقلەرگە ياراپ كىتىدۇ كوچىدا قەي قىلىپ ياتسام ئاغزىمنى مەھەللەمنىڭ ئىتلىرى يالاپ كىتىدۇ مۇشۇنىڭغا ئوخشاش بۇلىدۇ......

dilyara

	راستىنلا ئىبىرەتلىك شئېرلاركەن، مۇنبەردە مۇشۇنداق ئىسىل شئېرلارنى پات-پات كۈرۈپ تۇرسام دەيمەن....

ئەنجان باي

	مەزمۇنى ياخشى بىراق باغلىشلىغى يوق چىقىپ قاپتۇ، تېخىمۇ تىرشىڭ