بۇ يىل ئالىي مەكتەپ ئىمتىھانى ئىسلاھات لايىھەسى ئېلان قىلىنىدۇ

قۇملۇق

	مائارىپ مىنىستىرلىقى يېقىندا 2012-يىللىق خىزمەتلەرنىڭ مۇھىم نۇقتىسىنى ئېلان قىلىپ، تۈزۈلمە مېخانىزمىنى مۇكەممەللەشتۈرۈش، سۈپەتنى ئومۇميۈزلۈك ئۆستۈرۈش، مائارىپ ئادىللىقىنى ئىلگىرى سۈرۈش قاتارلىقلارنى ئۆز ئىچىگە ئالغان بىر يىللىق خىزمەتلەرنى ئورۇنلاشتۇردى. نۆۋەتتىكى مائارىپ ئىسلاھاتى تەرەققىياتىدىكى قىزىق نۇقتا، قىيىن نۇقتىلارغا ئائىت يولغا قويۇلىدىغان تەدبىرلەر تۆۋەندىكىچە: −− مائارىپ خىراجىتىنى نازارەت قىلىپ باشقۇرۇش مەركىزى قۇرۇلۇشى تېزلىتىلىدۇ. − ئالىي مەكتەپ ئىمتىھانى ئىسلاھاتىدىكى زور مەسىلىلەر تەتقىق قىلىنىپ، ئىسلاھات لايىھەلىرى تۈزۈلۈپ، جايلارنىڭ ئەمەلىيىتىگە ئاساسەن، ئۆز ئورنىنىڭ ئالىي مەكتەپ ئىمتىھانى ئىسلاھاتىنى يولغا قويۇش جەھەتتىكى ئىزدىنىشىگە يېتەكچىلىك قىلىنىدۇ. ئالىي مەكتەپلەرنىڭ نامرات رايونلارغا يۈزلەنگەن نىشانلىق ئوقۇغۇچى قوبۇل قىلىش لايىھەسى تۈزۈپ چىقىلىدۇ. − شەھەرگە كىرىپ ئىشلەۋاتقانلارنىڭ پەرزەنتلىرىنىڭ مەجبۇرىيەت مائارىپىنى باراۋەر قوبۇل قىلىشى كاپالەتلەندۈرۈلۈپ، ئۇلار مالىيە كاپالىتى دائىرىسىگە كىرگۈزۈلىدۇ. − بىۋاسىتە قاراشلىق ئالىي مەكتەپ مۇدىرلىرىنى ئاشكارا تاللاپ ئۆستۈرۈش ئىسلاھاتى نۇقتىدا سىناق قىلىنىدۇ؛ ئالىي مەكتەپ مۇدىرىيەت يىغىنى تۈزۈمى قۇرۇلۇشى ئىلگىرى سۈرۈلىدۇ. − مەجبۇرىيەت مائارىپى مەكتەپلىرىنىڭ ئورۇنلاشتۇرۇلۇشى، تەڭشىلىشى ئېھتىياتچانلىق بىلەن يولغا قويۇلۇپ، يېزا باشلانغۇچ مەكتەپلىرى ۋە ئوقۇتۇش نۇقتىلىرى ياخشى باشقۇرۇلىدۇ. ــ ئوتتۇرا، باشلانغۇچ مەكتەپ، بالىلار باغچىسىدا ئاتا - ئانىلار كومىتېتى تەسىس قىلىش تۈزۈمى ئورنىتىلىدۇ، «ئوتتۇرا، باشلانغۇچ مەكتەپلەرنىڭ بىخەتەرلىك ئۆلچىمى» تۈزۈلىدۇ، مەكتەپ ئاپتوبۇسى تۈزۈمى مۇكەممەللەشتۈرۈلىدۇ. مەنبەسى : جوڭگو ئۇيغۇرچە رادىيو تورى (جۇڭگو تەرمىلەر گېزىتى)

توغراق

	ھەقىقەتەن مائارىپىمىزدىكى بەزى نۇقسانسىز تەرەپلەرنى ئىسلاھ قىلسا بولاتتى!!!