گۈزەل باي تورى

 پارول قايتۇرىۋېلىش
 تىزىملىتىش

QQغا كىرىش

دەھشەت قولاي، باشلايلى

ئىزدەش
جەمئىي يوللانغان مىكروبلوگ 649 تال  

مىكروبلوگ يېڭىلىقلىرى

كۆرۈش: 291|ئىنكاس: 7

بىزنىڭ مائارىپىمىزغا كىم كۆڭۈل بۆلىدۇ! [ئۇلانما كۆچۈرۈش]

يوقلىما
1
ئەزا ئۇچۇرى
تىزىم نۇمۇرى:  901
يازما سانى: 1
نادىر تېمىسى: 0
تېللا: 8
تۆھپە : 2
توردا: 0
سائەت
ھالىتى:
ئاخىرقى: 2012-1-17
يوللىغان ۋاقتى 2012-1-15 21:07:42 |ھەممە قەۋەتنى كۆرۈش
مەن يېقىندا باي ناھيە سايرام بازارلىق ئوتتۇرا مەكتەپتە يەنى 2012-يىلى 1-ئاينىڭ 13-كۈنى ئېچىلغان ئاتا-ئانىلار يىغىنغا قاتناشتىم. يىغىندا بالامنڭ ئوقۇتقۇچىسى ئاتا-ئانىلارغا بالىلارنى ياخشى ئۇقۇتۇش ھەققىدە سۆز قىلىپ  بالىلار مىللتمىزنىڭ كەلگۈسى شۇڭا بارلىق يۇكنى مەكتەپكە، ئۇقۇتقۇچىلرغا ئارتىۋەتمەي ئاتا-ئانىلارمۇ بالىلارغا مەسئۇل بۇلۇپ ئائىلدە ئائىلە تەربىيسىنى كۈچەيتىش،ئىلىم –پەن ،بىلىم ئۈگۈنۈش ئارقىلىق بالىلارنىڭ كەلگۈسنى يارتىش،كەلگۈسدە بالىلارنى ياراملىق ئادەم قىلىپ تەربىلەش ،ئىلىم –پەن ئۈگەنگەندىلا باشقىلارغا قۇل بولمايدىغانلىقى ھەققىدە ھەمدە بىر قىسىم بالىلاردا ۋە ئاتا-ئانىلاردا ساقلىنۋاتقان مەسللەر ئۈستىدە ناھايتى قىزغىن سۆز قىلدى . مەن بۇ ئۇقۈتقۇچىنىڭ سۆزىدىن ھەقەتەن تەسىرلەندىم. لېكىن بالامنىڭ گېپىنى ئاڭلاپ ۋە بۇ مەۋسۇمدىكى ئۇقۇش نەتىنجىسنى كۆرۈپ كۆڭلۈم بەكمۇ يېرىم بولدى، بالام بۇ يىل 8-يىللىق3- سىنىپتا ئۇقۇيدىغان بۇلۇپ سىنپدا 50نەپەر ئۇقۇغچى ئۇقۇيدىكەن 8خىل دەرستىن ئىمتىھان ئېلىنىپتۇ بالام ئاساسلىق پەن بولغان ماتىماتكا،تىل-ئەدەبىيات، خەنزۇ تىلى قاتارلىق پەنلەردىن ئۆتەلمەي ئومۇمى نۇمۇرى443نۇمۇر بىلەن سىنىپتا ئالدىقى قاتاردا 6-ئۇرۇندا تۇرۇپتۇ،بالام تېخى مەغرۇرلىنىپ بىز بىلەن پاراللىل 5 سىنىپ بار  ھەممە پەندىن ئۆتەلىگەن پەقەت 5-6نەپەر ئۇقۇغچى بار. مەن تېخى بالىلارنىڭ ئالدى بۇلۇپ ئۇقۇۋاتمەن.ھازىر مەجبۇرى مائارىپ قانۇنى يولغا قۇيۇلغاندىن كىيىن ئىمتىھانىدىن ئۆتەلمىسەكمۇ،دەرس بىلسەكمۇ بىلمىسەكمۇ مۇەللىم بىزنى سىنىپتى كۆچۈرۋېتىدۇ،ئۇقۇتۇش سۈپتى بىلەن كارى يوق،ئالدىنقى قېتىم بىر ئۇقۇغچىنى مۇەللىم دەرس بىلمىدىڭ دەپ بىرقانچىنى دۈشكەللەپ قۇيۇپتىكەن بۇ ئۇقۇغچىنىڭ ئاتا-ئانىسى مائارىپ ئىدارىسغا  بالامنى ئۇقۇتقۇچى ئۇرۇپتۇ دەپ ئەرىز قىلىپ 400يۇەن جەرىمانە قويغۇزۋەتتى، شۇنىڭدىن كىيىن بۇ مۇەللىم باللار دەرس بىلمىسمۇ كارى يوق كىتاپنى ئۇقۇڭلار دەپ قۇيۇپ تۈزۈك دەرس ئۆتمەيدۇ سىنپىمىزدا تېخى ھازىرغىچە ساۋاتسىز ئۇقۇغچىدىن 4نەپەر ئۇقۇغچى بۇلۇپ بۇلار تېخچە ئېلىپبەدىن ئۈگنۈش قىلىپ ساۋات چىقىرۋاتىدۇ دەيدۇ. مەن دۆلەت بايرىمدا ئۈرۈمچىگە بېرىپ سانجىدىكى  مەلۇم ئوتتۇرا مەكەتپتىكى بىر ئۇقۇتقۇچى بىلەن ئەھۋاللىشىپ قالدىم بۇ ئۇقۇتقۇچىمۇئۆزىنىڭ دەردىنى ئېيتىپ ھازىر بالىلارغا يالۋۇرۇپ ئۇقۇتقۇچىلىق قىلۋاتمىز،بالىلار مەكتەپكە تۇلۇق كىلىپ بەرسە بىز ۋەزەپىمىزنى ئادا قىلۋەتسەكلا بۇلىدۇ؟ بۇرۇنقىدەك جان-جەھلى بىلەن تىرشىپ ئۇقۇيدىغان بالىلار قالمىدى،بىز ئەينى چاغدا ئائىلمىز نامرات شارائىتمىز ناچار ئەھۋالدا ئۇقۇيتۇق گايىدا مەكتەپكە كىچىكىپ قامىز دەپ پىشۋاتقان ئاشقا قارماي مەكتەپكە باراتتۇق،دەرس بىلمىسەك سىنىپ قالدۇرۇپ قۇياتتى، قالدۇق بۇلۇپ قېلىپ ئۆزىمىزدىن كىچىك بالىلارنىڭ زاڭلىق قىلىشدىن قورقاتتۇق دەپ ھازىرقى بالىلارنىڭ تۇرمۇشنى سېلىشتۇرۇپ سۆزلەپ كەتتى،  ئويلىنىپ قالدىم  بۇخىل ئەھۋال ئاپتۇنۇم رايۇنمىزنىڭ ھەرقايسى جايلىردا ئوخشاش بولمىغان دەرىجىدە مەۋجۇت. پىلانلىق تۇغۇت يولغا قۇيۇلۋاتقان،ئومۇمى خەلىقنىڭ ساپاسىنى يۇقۇرى كۆتۈرۈش تەكىتلىنۋاتقان،رىقابەت كۇنسىرى كەسكىنلىشۋاتقان بۈگۈنكى كۈندە كىممۇ باللىرنىڭ ئىستىقبالىدىن ئەنسىرمەي تۇرالىسۇن؟ مەن ئاخىردا شۇنى ئويلۇدۇم بىزنىڭ مائارىپىمىزغا كىم كۆڭۈل بۆلىدۇ!


باي ناھيە سارم بازارلىق ھۆكۈمەتتىن:
توختى راخمان
تېلفۇن:15309975741


ھازىرغىچە 1 ئادەم باھالىدىقىزغىنلىق تىللا يىغىش سەۋەبى
تۇرسۇن نىياز + 5 + 5 يارايسىز

ھەممە باھا نومۇرى : قىزغىنلىق + 5  تىللا + 5   باھا خاتىرىسى

Rank: 2

ئەزا ئۇچۇرى
تىزىم نۇمۇرى:  427
يازما سانى: 21
نادىر تېمىسى: 1
تېللا: 305
تۆھپە : 73
توردا: 10
سائەت
ھالىتى:
ئاخىرقى: 2012-3-23
يوللىغان ۋاقتى 2012-1-15 21:34:50 |ھەممە قەۋەتنى كۆرۈش
ئۆزىمىز كۆڭۈل بۆلىمىز . . . نۇرغۇن گەپلىرىم بار ئىدى . . .


ئۆلۈكلەر ئۆلسە ئىدى ، دۇنيا تىرىكلەرگە قالاتتى . . .

Rank: 1

ئەزا ئۇچۇرى
تىزىم نۇمۇرى:  780
يازما سانى: 46
نادىر تېمىسى: 0
تېللا: 190
تۆھپە : 5
توردا: 61
سائەت
ھالىتى:
ئاخىرقى: 2012-3-14

رەسمى ئەزا تىرىشچان ئەزا مۇنبەر مەلىكىسى

يوللىغان ۋاقتى 2012-1-16 19:07:34 |ھەممە قەۋەتنى كۆرۈش
ئەسىلامۇ_ئەلەيكۇم :قېرىندىشىم
   بىزنىڭ مائارىپىمىزغا مەن ،سىز،ئۇ ،ئۇلار جۈملىدىن ھەممە_ ھەممىمىز كۆڭۈل بۆلىشىمىز كېرەك ،ھەقىقەتەن بالىلار كەلگۈسىنىڭ ئۈمۈدى دەيمىزيۇ، سىزدىگەندەك ئىشلاردىن قاقشايمىزيۇ، بۇنىڭ تۈپكى سەۋەبىنىڭ نىمىلىكى ئۈستىدە قىلچە ئويلىنىشنى خالىمايمىز .سىز ئېيىتقاندەك ئۇ ئىشلار نۇرغۇن ئائىلىلەردە مەۋجۈت،تېخى بۈگۈنلا بىر ھەدەم ماڭا بالىسىنىڭ ماتىماتىكا نەتىجىسىنىڭ تۆۋەنلەپ كەتكىنىنى ،ئىلگىرى ئۇنىڭ نەتىجىسىنىڭ ئالدىنقى قاتاردا بولۇپ ،بۇ قېتىمقى نەتىجىسىنىڭ ئۇنى ناھايىتى ئۈمۈدسىزلەندۈرگىنىنى دەپ بىرمۇنچە قاقشاپ بەرگەن ئىدى،مۇنبەر كۆرۈپ باقاي دەپ سىزنىڭ بۇ تېمىڭىزمۇ مېنىڭ تەپەككۇرلىرىمنى ئويغىتىۋەتتى.......ھازىرقى بالىلارغا بولغان بېسىم ھەقىقەتەن ئېغىر ،بەزىلىرىنى تەبئي شارائىتتىن كۆرسەكمۇ بەزىلىرىنى يەنىلا ئۆزىمىزدىن ،قابىلىيەتسىز ئوقۇتقۇچىلىرىمىزدىن كۆرشىمىز بالىلىرىمىزغا ئىلمىي بولغان ئۆگىنىش ئۇسۇلىنى ئۆگىتىشىمىز كېرەك.....شۇنى ئەڭە ئاخىرىدا دېگۈم كېلىۋاتىدۇ،دۇنيادا دۆت ئوقۇغۇچى بولمايدۇ ،ئەمما دۆت ئوقۇتقۇچى بولدۇ..........مانا بۇ سۆزلىرىمنىڭ يىغىنچاقلىمىسى!!!!!!يەنە نۇرغۇن سۆزلىرىم بار ئىدى ،سۆزلىسەم بەك جىق بولۇپ كەتكۈدەك........
  

ئاخىرىدا دوستۇم سىزگە دوستانە مەسلىھەتىم:ئانا تىلىمىزنى قەدىرلەڭ ،ئۇ بىز تۈپەيلى غېرىپسىنىپ قالمىسۇن!ئاللاھ ئەجرىڭىزنى بەرسۇن!


Rank: 2

ئەزا ئۇچۇرى
تىزىم نۇمۇرى:  39
يازما سانى: 67
نادىر تېمىسى: 0
تېللا: 297
تۆھپە : 18
توردا: 28
سائەت
ھالىتى:
ئاخىرقى: 2012-4-1

رەسمى ئەزا

يوللىغان ۋاقتى 2012-1-16 23:28:35 |ھەممە قەۋەتنى كۆرۈش
نەتىجە  تۆۋەن بولۇش مەسىلىسى ھازىر بىزنىڭ مىللىي مائارىپىمزدا ئۇمۇمىيۈزلۈك مەۋجۇت بولىۋاتقان مەسىلە.ناھىيىمىزدە ناھىيىلىك 2-باشلانغۇچ ۋە ناھىيىلىك ئىككىنچى ئوتتۇرىنىڭ ئوقۇتۇش سۈپىتى يۇقىرى بولۇپ كېلىۋاتقانلىقىغا ھەر ۋاقىت دېققەت قىلىپ كېلىۋاتقان ئىدىم،ھەم نەچچە قېتىم ئاشۇ مەكتەپلەردە كەسپىي جەھەتتىن پىكىر ئالماشتۇرۇپ بېقىش خىيالىدا بولغان بولساممۇ پەقەت پۇرسەت بولماي كەلگەن ئىدى. ھازىرقى مەكتەپكە يۆتكىلىپ كەلگەندىن كېيىن ،خەنزۇسىنىپلىرغا خالىغانچە كىرىپ دەرس ئاڭلاش،پىكىر ئالماشتۇرۇش پۇرسىتى كۆپەيدى. شۇجەرياندا ھېس قىلغانلىرىمنى كەسپىي جەھەتتىن  كونكىرىتنى قىلىپ ئېيتقاندا بىزنىڭ مائارىپىمىزغا كۆڭۈل بۆلمەيۋاتقىنى پەقەت ئۆزىمىزنىڭ تەربىيەلەنگۈچىلىرى ئىكەن. ئەمەلىيەتتە خەنزۇ مەكتەپلەرنىڭ ئوقۇتقۇچىلىرىمۇ دەرىسنى بىزگە ئوخشاش ئۆتىدىكەن.ئازراق پەرقىي دەرىس ئۆتۈشتە بىزدەك بەك كۈچەپ،چىڭقىلىپ ،بالىلارغا ئېزىپ ئىچۈرمەديدىكەن.بالىلارنى سوراپ ئۆگىنىشكە ئەمەس ئۆزى ئىزدىنىپ تۇرۇپ ئۆگىنىشكە يېتەكلەيدىكەن.ھەر بىر سائەتلىك دەرىسكە ئوقۇغۇچىلار چوقۇم ئالدىن تەييارلىق قىلىپ ،شۇ سائەتلىك دەرىسكە تەييارلىق قىلىش جەريانىدىكى زادى چۈشىنەلمىگەن نوقتىلارنى ئوقۇتقۇچىدىن سوراشقا تەييار قىلىپ قويۇپ تۇرىدىكەن.ئوقۇتقۇچى كىرىپ شۇ سائەتلىك دەرىسنى 10-15مىنۇتتا ئۆتۈپ بولالايدىكەن،ئاندىن كېيىنكى ۋاقىتنىڭ ھەممىسى مەشىقلەندۈرۈشكە ئاشىدىكەن.بىزنىڭ تەربىيەلەنگۈچىلىرىمىز بولسا خۇددى شۇ سائەتلىك دەرىسنى مۇئەللىم كىرىپ ئۆتۈشتىن بۇرۇن ،مۇناسىۋەتلىك مەزمۇن بار بەتنى ئېچىپ ئوقۇسا بىر كىم كېلىپ ئېتىۋېتىدىغاندەك ھەرگىز كىتاب كۆرمەيدۇ.ھەتتا ئۆتۈلۈپ بولغان دەرىسنى تەكرارلاشمۇ خوشياقمايدۇ.مەشىق سۇئاللىرىنى مۇئەللىم يېتەكچىلىك قىلىپ ئىشلەتمىسە ،كىتاب ۋاراقلاپ ئىزدەنمەيدۇ،شۇنىڭ بىلەن 40مىنۇت توختىماي چۈشەندۈرۈپ چۈشەندىڭلارمۇ دېسا، چۈشەندۇق دەپ ۋارقىرايدۇ،ئەتىسى ئالدىنقى سائەتلىك دەرىستىن سورىسا تىرنىقىنى تاتىلاپ تۇرىدۇ. مەلۇم بىر پەننىڭ بىر مەۋسۇملۈك دەرىسلىك كىتابىدا10باب دەرىس بار دېسەك ئوقۇغۇچىلىرىمىز ھەربىر باپنى باپ بويىچە تىتىۋېتىدۇ،چۈنكى ئۇلار ئادەم ھەۋەس قىلغۇدەك ئەستە تۇتۇش ئىقدىدارى بىلەن سۇدەك يادىلىۋالىدۇ.ئەمدى ئاشۇ كىتابنىڭ بىرىنچى بابىدىكى مەزمۇن بىلەن ئىككىنچى بابىدىكى مەزمۇننى بىرلەشتۈرۈپ ئۇنىۋېرسال خارەكتېرلىك سۇئال چىقىرىپ ئىنتىھان ئالسا قەغەزنى ئاپئاق بېرىپ يېنىپ چىقىدۇ،چۈنكى ئىزدىنىش باغلاپ تەپەككۇر قىلىشق خوشياقمايدۇ،جۈرئەت قىلالمايدۇ ئەلۋەتتە بۇنىڭدا بىزنىڭ مەسئۇلىيىتىمىز يوق ئەمەس،بالىلىرىمىزنى ئاشۇنداق تەييارغا ھەييار قىلىپ كۆندۈرۈپ قويغانلىقىمىز ھەقىقەتەن بىزدىكى سەۋەنلىك،ئاندىن كىتاب كۆرۈش خوشياقمايدىغان ئوقۇغۇچىنى ئۆگىنىشكە دەۋەت قىلىش جەريانىدىكى بەزىبىر قاتتىق-قۇرۇق سۈركىلىشلەرگە جاۋابكار بولۇپ قېلىپ قورقۇپ كەتكەن مىللى ئوقۇتقۇچىلىرىمىز ھازىر بالىلار بىلەن كارى بولماي تاشلىۋېتىشكە مەجبۇر بولدى
بۇ پەقەت ئوقۇتۇش جەريانىدى كىچىككىنە بىر تار دائىرىلىك مىسال خالاس
مۇشۇ نوقتىلارغا دېققەت قىلغاچ ئانچە-مۇنچە ئوقۇتقۇچى تونۇش بىلىشلەر بىلەن پىكىر ئالماشتۇرۇپ تۇرۇڭ،ئاندىن مائارىپىمىزغا كىمنىڭ كۆڭۈل بۆلۈشى كېرەكلىكىنى بىلەلەيسىز
بۇ يازمىنى ئاخىرىدا   ochmes تەھرىرلىگەن. ۋاقتى  2012-1-17 00:11  



Rank: 2

ئەزا ئۇچۇرى
تىزىم نۇمۇرى:  39
يازما سانى: 67
نادىر تېمىسى: 0
تېللا: 297
تۆھپە : 18
توردا: 28
سائەت
ھالىتى:
ئاخىرقى: 2012-4-1

رەسمى ئەزا

يوللىغان ۋاقتى 2012-1-17 00:02:15 |ھەممە قەۋەتنى كۆرۈش
ئىمان نۇرى يوللىغان ۋاقتى  2012-1-16 19:07
ئەسىلامۇ_ئەلەيكۇم :قېرىندىشىم
   بىزنىڭ مائارىپىمىزغا  ...

تاگورنىڭ ۋاقتى ئۆتكەن سەپسەتىسىگە ئۇنچىۋالا ئېسىلىۋېلىشنىڭ ھاجىتىمۇ يوق،ئېسىلغان تەغدىردىمۇ توغرا يېزىپ ئاندىن ئېسىلىمىز.تاگور ھەرگىزمۇ دۆت ئوقۇتقۇچى بار دېگەن گەپنى قىلمىغان.دۆت ئوقۇغۇچى يوق،مەسئۇلىيەتسىز ئوقۇتقۇچى بار دېگەن.بىزنىڭ ئوقۇتقۇچىلىرىمىزنىڭ ھەممىسى ئالى مەكتەپتە ئوقۇغان،دېمەك ئالىي مەكتەپ ئىنتىھانىدىن ئىبارەت بۇ بىلىملىكلەر ئۆتكىلىدىن ئۆتۈپ،يەنە ئالى مەكتەپنى پۈتتۈرۈپ ،ئۆزىنىڭ ئۆگەنگەن بىلىمى ۋە يېتىلدۈرگەن ئىقدىدارىغا تايىنىپ تالاي رىقابەتچىلىرىنى يېڭىپ ئاندىن ئوقۇتقۇچىلىق ئورنىغا ئېرىشكەن .شۇڭا ‹‹دۆت››ئوقۇتقۇچى ئۇقۇمىنى ھازىرچە تېمىغا ۋە ئىدىيىمىزگە ئارىلاشتۇرۇۋالمىساق


Rank: 2

ئەزا ئۇچۇرى
تىزىم نۇمۇرى:  39
يازما سانى: 67
نادىر تېمىسى: 0
تېللا: 297
تۆھپە : 18
توردا: 28
سائەت
ھالىتى:
ئاخىرقى: 2012-4-1

رەسمى ئەزا

يوللىغان ۋاقتى 2012-1-17 00:35:45 |ھەممە قەۋەتنى كۆرۈش
مەسئۇلىيەتسىز ئوقۇتقۇچىلار قوشۇنىنىڭ بارا-بارا زورىيىپ كېتىشىنىڭ سەۋەبلىرىنىڭ بىرىنى  مۇشۇ تېمىدا ئوبدان ئوتتۇرىغا قويۇپتۇ.مائارىپ دېگەن يەر تېرىپ ھوسۇل ئېلىش ياكى يۈگرەش مۇسابىقىسى ئەمەس بىرلا كۈچەپ ئالدىغا ئۆتۈپ كېتىدىغان ياكى ئوغۇتنى مۇۋاپىق بېرىپ،ئەسلىھەلەشتۈرۈپلا مول ھوسۇل ئالغىلى بولىدىغان.مائارىپ تاماق ئېتىش ئەمەس نائۇستا ئاشپەز ئوخشىتالمىسا ئۇستا ئاشپەزدىن بىرىگە ئالماشتۇرۇپلا ئوخشاتقۇزىۋېتىدىغان ،خوتەن پىداگوگىكىدا ئوقۇغان مۇئەللىمنى خۇادوڭ پىداگوگىكىدا ئوقىغان ئوقۇتقۇچىغا ئالماشتۇرۋەتكەنگە شۇ بالىلارنىڭ نەتىجىسى ئۆرلەپ قالمايدۇ


Rank: 3Rank: 3

ئەزا ئۇچۇرى
تىزىم نۇمۇرى:  98
يازما سانى: 166
نادىر تېمىسى: 0
تېللا: 2403
تۆھپە : 362
توردا: 106
سائەت
ھالىتى:
ئاخىرقى: 2012-4-1

رەسمى ئەزا تىرىشچان ئەزا  ئۇلگىلىك ئەزا تۆھپىكار ئەزا ئالى ئەزا شەرەپلىك ئەز مائارىپچى ئىشەنچىلىك ئەزا

يوللىغان ۋاقتى 2012-1-18 11:38:31 |ھەممە قەۋەتنى كۆرۈش
ئىمان نۇرى يوللىغان ۋاقتى  2012-1-16 19:07
ئەسىلامۇ_ئەلەيكۇم :قېرىندىشىم
   بىزنىڭ مائارىپىمىزغا  ...


قېرىندىشىمىز «نامسىز» بۇ مەسىلىنى ياخشى ئوتتۇرىغا قۇيۇپتۇ ،« ochmes» ناھايىتى ياخشى تەھلىل قىلىپتۇ، ھازىرقى مائارىپىمىزدا باشقۇرۇش بىلەن باشقۇرۇلۇش، تەربىيەلەش بىلەن تەربىيەلىنىش ئوتتۇرىسىدا بوشلۇق كۆپ، ئوقۇغۇچىنىڭ تۇنجى ئۇستازى ئاتا-ئانا،ئوقۇغۇچىنىڭ ھەرقانداق ھەركىتى ئاتا-ئانىنىڭ ئەينەكتىكى سىماسى، ئاتا-ئانىلارنىڭ ساپاسى ئوقۇغۇچىغا زور تەسىر كۆرسۈتۈدۇ، ئاتا-ئانىلار ماسلاسسا، ئوقۇغۇچىدا تىرىشىش نىشانى يىتىلسىلا نەتىنجىنى ياخشىلاپ، مائارىپ سۈپىتىنى يۇقىرى كۆتەرگىلى بۇلىدۇ، ئاتا-ئانىلارنىڭ مائارىپقا بولغان كۆزقارىشىنى ياخشىلاپ،ساپاسىنى يۇقىرى كۆتىرىپ، ھەممىنى ئوقۇتقۇچىغىلا  يۈكلەپ قۇيۇشتىن ساقلىنىپ، ئوقۇتقۇچىلارنىڭ تەربىيەلەش ئوسۇلىغا يېقىندىن ھەمدەمدە بولساق ئىشىنىمەنكى يېقىن كەلگۈسىدە مائارىپ سۈپىتىمۇ ھەقىقى ياخشىلىنىپ كىتىدۇ،ھازىر مائارىپىزغا سېلىنىۋاتقان مەبلەغ ناھايىتى كۆپ بۇلۇپ،ئېتىبار سىياسەتلىرى كەڭ دائىرىلىك بولماقتا، مۇشۇنداق ياخشى سىياسەتنىڭ تۈرتكىسىدە كەلگۈسىنىڭ ئىزباسارلىرىنى ياخشى تەربىيەلەش ئۈچۈن ھەممىمىز بىرلىكتە تىرىشىشىمىز كېرەك، پۇرسەت كۈتۈپ تۇرغانلارغا ئەمەس،تىرىشقانلارغا مەنسۇپ، نەتىنجە خىيال پەرەسلەرگە مەنسۇپ بولماستىن ھەركەت قىلغانلارغا،توغرا نىشان بىلەن ئالغا ئىلگىرلىگەنلەرگە نىسىپ بۇلىدۇ بۇ يازمىنى ئاخىرىدا   تۇرسۇن نىياز تەھرىرلىگەن. ۋاقتى  2012-1-18 12:06  



بىلىم ئىزدەنگۈچىلەرگەھەمرا . تۇرسۇن نىياز

Rank: 1

ئەزا ئۇچۇرى
تىزىم نۇمۇرى:  648
يازما سانى: 6
نادىر تېمىسى: 0
تېللا: 118
تۆھپە : 6
توردا: 4
سائەت
ھالىتى:
ئاخىرقى: 2012-3-14
يوللىغان ۋاقتى 2012-2-6 12:42:21 |ھەممە قەۋەتنى كۆرۈش
ئەسسالامۇ -ئەلەيكۇم ، دوستۇم  تېمىڭىزغا ئاددى بولسىمۇ ئۆز بېشىمدىن ئۆتكەن كەچەرمىشلەر ئارقىلىق قىسىقىچە جاۋاپ بېرىپ باقاي،بەلكىم مائارىپىمىزدا ھازىر ساقلىنۋاتقان مەسىللەرنىڭ سەۋەبىنى چۈشىنىشىڭىزگە ئاز- تۇلا ياردىمى تېگىپ قالار! تۆۋەندە ئېيىتقانلىرىمنىڭ ھەممىسى يۈز پىرسەنت ئەمەليەت ئىشەنمىسڭىز قولۇمدا شۇ ۋاقىتتا ئاشۇ مەكتەپلەردە باھالاپ تامغا باسقان ئىسپات قەغەزلەر ھازىرمۇ بار!
گەپنىڭ ئۆزىگە كەلسەك مەن 93-يىلى ئاقسۇ سىفەننىڭ ئومۇمى پەن كەسپىنى (خەنزۇ تىلى كەسپى ئەمەس)  پۈتتۈرۈپ خىزمەتكە قاتناشقان ئوقۇتقۇچى  بولۇپ تاكى 2006-يىلى يىل ئاخىرغىچە ئانا تىلىدكى دەرسلەرنى ئۆتۈپ كەلدىم (بۇ ۋاقىتتا مېنىڭ خەنزۇ تىلى ئاساسىمنىڭ قايسى دەرىجىگە چۈشۈپ قالغانلىغىنى بەلكىم پەرەز قىلالىدىڭىزغۇ دەيمەن) ،2007-2008-يىللىرى شىنجاڭ پىداگۇگىكا ئونۋىرسىتىتى ، ئۇچۇر-تېخنىكا ئىنىستىتوتىدا ئۇچۇر-تېخنىكا كەسپى بويىچە قوش تىل تەربىيەلەشكە قاتناشتىم ،بىر يېرىم يىل مۇنتىزىم دەرس ئاڭلىدۇق ( بۇ بىر يېرىم يىللىق مۇنتىزىم ئوقۇشنى گەرچە دۈم يېتىپ ، دۈم قوپۇپ تىرىشىپ ئوقۇغان بولساممۇ ئەمما قىسقىغىنە بۇ بىر يېرىم يىللىق تەربىيلنىش ئارقىلىقلا  يۈز پەرسەنت قوش تىلدا ياكى خەنزۇ تىلدا راۋان سۆزلەپ كېتەلمەيدىغانلغىمنى ھەر قانداق بىر زىيالى چۈشىنىپ يىتەلەيدۇ) ئاخىرقى بىر مەۋسۈم ئۈرۈمچى شەھەرلىك 60-ئوتتۇرا مەكتەپنىڭ باشلانغۇچ بۆلۈمىدە پىراكتىكا قىلىشقا ئۇرۇنلاشتۇرۇلدۇم، بۇ مەكتەپنىڭ باشلانغۇچ قىسمىدا 3-يىللىقتىن 6-يىللىققىچە 7خەنزۇ سىنىپ ،7ئۇيغۇر سىنىپ بار بۇلۇپ بىر ئۇيغۇر (ئىسمى ماھىرە) بىر خەنزۇ(ئىسمى شۈ خۇا ) ئىككى ئوقۇتقۇچى ئۇچۇر تېخنىكا دەرسى بېرىدىكەن( ئۇچۇر- تېخنىكا دەرسى ھەپتىسىگە بىر سائەت، دىمەك ھەر بىرسىنىڭ ھەپتىسىگە 7سائەتلا دەرسى بار) ، ئەسلى تەلەپ بويىچە مەن بۇ  مەكتەپتە ئىككى ئايدىن كۆپرەك دەرس ئاڭلاپ ئاندىن دەرس ئۆتسەم ، مەۋسۈم ئاخىرغىچە 20سائەتلا دەرس ئۆتسەم بۇلاتتى ، ئەمما ئوقۇش باشلىنىپ بىر ھەپتە دەرس ئاڭلىغاندىن كېيىن بىر كۈنى خەنزۇ يىتەكچى ئوقۇتقۇچۇم شۈخۇا ئەتە خەنزۇ 6-يىللىق سىنىپقا بىر سائەت دەرس ئۆتۈپ بېقىشىمنى ئۆزى دەرس ئاڭلايدىغانلىغىنى ئېيىتتى، ھەم دەرسكە ياخشى تەييارلىق قىلىشىمنى ئوقۇغۇچىلارنىڭ ئاتا-ئانسىنىڭ ئوقۇتقۇچىلارغا بەك قاتتىق تەلەپ قويدىغانلىغىنى ، ئەگەر بىرەر ئوقۇغۇچى ئائىلسىگە بېرىپ بىزگە مۇنداق بىر ئوقۇتقۇچى كەلدى، ئۇنىڭ دەرسنى چۈشىنەلمىدىم دەپلا قالسا ئوقۇغۇچىلارنىڭ ئاتا-ئانىسى مەكتەپ مۇدىرىغا ئىنكاس قىلىپ  مېنى ئىككىنچى دەرسكە كىرگۈزمەيدىغانلىغىنى ، بۇ ۋاقىتتا بىر مەۋسۈملۈك پىراكتىكا نەتىجەممۇ نۆل بىلەن خۇلاسە قىلىندىغانلىغىنى ئۇقتۇردى ،شۇ كۈنى مۆرەمگە ناھايىتى يوغان بىر تاشنى ئارتقاندەك ياتىقىمغا قايتىپ كەلدىم ھەم بىر ئاز ئويلانغاندىن كېيىن ئاخىرى قانداقلا قىلىپ بولمىسۇن بۇ بىر سائەتلىك دەرسنى ياخشى ئۆتۈش قارارىغا كەلدىم ھەم توردىن شۇ بىر سائەتلىك دەرسكە مۇناسىۋەتلىك تېمىلارنى ئاختۇرۇپ ئەتراپلىق تەييارلىق قىلدىم ئىچكىرى ئۆلكىلەردىكى داڭلىق باشلانغۇچ مەكتەپلەرنىڭ تور بېتىدىن مۇناسىۋەتلىك دەرسلىك دېتاللىرىنى چۈشۈرۈپ تەھرىرلەپ (ئەلۋەتتە ئۆز سەۋىيەمگە ماسلاشتۇرۇپ) بارماق دېسكامغا قاچىلاپ ئەتىسى دەرسنى ئۆتتۈم ، قىزىق ئىش شۇ سائەتلك ئۆزەممۇ ئويلاپ باقمىغان دەرىجىدە شۇنداق ياخشى ئۆتۈلدى، بەزى گەپلەرنى خەنزۇ تىلىدا راۋان دەپ بولالمىساممۇ ئەمما كۆپ سانلىق ئوقۇغۇچىلار يەنىلا چۈشىنەلىگەن ئىدى، قىسمەن جايلاردا ئاز ساندىكى بىر قىسىم ئوقۇغۇچىلار چۈشىنەلمىگەنلىگىنى ئىنكاس قىلىشتى، ئاشۇ چۈشىنەلىگەن ئوقۇغچىلاردىن بىر -ئىككىسىنى مېنىڭ سۆزلىگەنلىرىمىنى قايتا دىگۈزۈش ئارقىلىق چۈشىنەلمىگەن ئوغۇچىلارنىڭ چۈشىنىشىگە ئاساس ياراتتىم ھەم ئۆزەممۇ راۋان دەپ بولالمىغان ئاشۇ جۈملىنىڭ خەنزۇ تىلى گىرامماتىكىسى بويىچە قانداق دىيىلدىغانلىغىنى بىلۋالدىم  ، بۇلۇپمۇ بۇ سائەتلىك دەرستە مەن فىلەش يۇمشاق دېتالىدا تەييارلىغان (ئەمەليەتتە توردىن چۈشۈرۈپ تەھرىرلىگەن) كارتۇن دەرسلىك دىتالى ئوقۇغۇچىلارنى ناھايىتى جەلىپ قىلۋالدى، دەرستىن چۈشكەندىن كېيىن ھېلىقى خەنزۇ يىتەكچى ئوقۇتقۇچۇم دەرسىمنىڭ ناھايىتى ياخشى ئۆتۈلگەنلىگىنى مۇئەييەنلەشتۈرگەندىن كېيىن تۈنۈگۈن مەكتەپ مۇدىرنىڭ بۇ ئىككى نەپەر ئۇچۇر-تېخنىكا ئوقۇتقۇچىسىغا  12 -ئايدا مەكتەپكە كېلىدىغان ‹‹ئىككى ئاساسەن ›› كۆرسەتكۈچلىرىنى ئىشلەپ پۈتتۈرۈش ۋەزىپىسى تاپشۇرۇلغانلىغىنى ، شۇڭا 14سىنىپنىڭ 14سائەتلىك ئۇچۇر -تېخنىكا دەرسنى ئاساسەن مەن ئۆتىدىغانلىغىمنى ، ئۆزلىرىنىڭ ۋاقتى يەتكەندە دەرس ئاڭلاپ يىتەكچلىك قىلىدىغانلىغىنى ئەگەر بىرەر مەزمۇننى ئوقۇتۇشتا قىينالسام ياردەمگە چاقىرشىم كېرەكلىگىنى ، ئەمما مەۋسۈم ئاخىردا ئوقۇغۇچىلارنىڭ نەتىجىسى چۈشۈپ كەتسە ئۆزلىرىنىڭ يىللىق مۇكاپات ھەم كېيىن ئالدىغان ئۈنۋانلىرىغا تەسىر يىتىدىغانلىنى ئېيتىپ ماڭا بۇ 14سىنىپنىڭ دەرسنى ئارتىپ قويدى، ئۇلار ئارىلاپ كىرىپ بىر قانچە قېتىم دەرسىمنى ئاڭلغاننى ھىسابقا ئالمىغاندا ئاساسەن ئاشۇ ئارخىپ ئىشلەش بىلەن بولۇپ بۇ دەرسلىرىنى ئۇنتۇپ كەتكەن ئىدى، بۇ قېتىملىق پىراكتىكا مەن ئۈچۈن ناھايىتى ياخشى بىر ئۆگىنىش پۇرسىتى بولدى، يەنى ئوخشاش بىر دەرسنى ئاۋال ئۇيغۇر سىنىپقا قوش تىلدا ئۆتەتتىم ئارقىدىن خەنزۇ سىنىپقا ساپ خەنزۇ تىلىدا ئۆتەتتىم.

(داۋامى بار)


كىرگەندىن كىيىن ئىنكاس يازالايسىز كىرىش | تىزىملىتىش

ئەسكەرتىش : گۈزەل باي توربىتىدە ھەرقانداق بىر كىشىنىڭ دۆلەت قانۇنىغا خىلاپ بولغان ، مىللەتلەر ئىتتپاقلىقىنى بۇزىدىغان ، مىللى بۆلگۈنچىلىك خاراكتىرىدىكى ، باشقا شەخس ياكى ئورۇنلارنىڭ مەنپەئەتىگە دەخلى قىلىدىغان ، قورقۇتۇش ياكى تەھدىت سېلىش خاراكتىرىدىكى ، ساختا ياكى ئالدامچىلىق مەقسىتىدىكى ئېلان قاتارلىق مەزمۇنلارنى يوللىشى قاتتىق چەكلىنىدۇ ، مەيلى تىما ئىنكاس ياكى قىسقا ئۇچۇردا بولسۇن يوقارقىدەك ئەھۋاللار كۆرۈلسە ، بىكىتىمىز شۇ كىشىنىڭ بارلىق ماتىرىيالى ۋە تورغا چىققاندىكى IP سىنى جامائەت خەۋىپسىزلىك ئىدارىسىگە تاپشۇرۇپ بىرىدۇ. !!!!!!!!!!!!! 24سائەتلىك نازارەت ۋە پاش قىلىش قوللىنىلغان.

رەسىمسىز نۇسقا|يانفۇندا چىقىش ئادىرسى|گۈزەل باي تورى   

GMT+8, 2012-4-1 14:04 , Processed in 0.190671 second(s), 34 queries .

Powered by Discuz! X2(NurQut Team) Licensed

© 2001-2011 Comsenz Inc.

چوققىغا قايتىش