قەھىرتاندىكى ئىللىقلىق

ئابلا

	پارتىيە 17-نۆۋەتلىك 6-ئومومىي يىغىن روھى ۋە ئاپتونوم رايۇننىڭ 8-نۆۋەتلىك پارتىيە قۇرۇلتېيى روھىنى ئەستايدىل ئىزچىللاشتۇرۇپ،پۈتۈن ئاپتونوم رايۇنىمىز تەۋەسىدە ‹‹ئۇلۇغ ۋەتەننى قىزغىن سۆيۈپ،گۈزەل يۇرت-ماكان قورۇش››پائالىيتى قانات يايدۇرلىۋاتقان بۈگۈنكى كۈندە مەركەز،ئاپتونوم رايۇن،ۋىلايەت، ناھىيە ۋە بازىرىمىز تەۋەسىدە ‹‹ئەبەدىي ئەمىنلىكنى چوڭ تەشۋىق قىلىش››پائالىيتى باشلىنىپ يۇقرى دولقۇنغا كۆتىرىلدى.مۇشۇ مۇناسىۋەت بىلەن  سايرام بازارلىق ئوتتۇرا مەكتەپ‹‹ئەبەدىي ئەمىنلىكنى چوڭ تەشۋىق قىلىش››پائالىيتى تۈرلۈك شەكىلدە كەڭ كۆلەمدە قانات يايدۇرۇلدى. ‹‹ئەبەدىي ئەمىنلىكنى چوڭ تەشۋىق قىلىش››پائالىيتىنىڭ‹‹ئاممىغا ئىللىقلىق يەتكۈزۈش،ئاممىغا يار-يۈلەك بولۇش›› تەلىۋىگە ئاساسەن ، 2012-يىلى 1-ئاينىڭ 4-كۈنى بازارلىق پارتكۇم ۋە خەق ھۆكۈمىتىدىكى رەھبىرىي كادىرلار،بازارلىق دېھقانچىلىق پونكىتى ۋە مەكتىۋىمىزدىكى بارلىق ئىشچى-خىزمەتچىلەر،  پارتىيە، ئىتتىپاق ئەزالىرى مەكتىۋىمىزدىكى ئائىلىسىدە قىيىنچىلىغى بار ئوقۇغۇچىلارغا ئىللىقلىق يەتكۈزۈش مەقسىدىدە  4500يۈەن پۇل ئىئانە قىلىپ ، سىنىپ مۇدىرى ۋە ئوقۇغۇچىلارنىڭ كۆرسىتىشى،مەكتەپ مەمۇريىتىنىڭ قاراپ چىقىشى ۋە تەكشۈرۈپ بىكتىشى بىلەن تاللانغان ئائىلىسىدە قىيىنچىلىغى بار65نەپەر ئوقۇغۇچىغا ئەمەلىي ئېھتىياجىغا ئاساسەن ئىشتان،چاپان ۋە ئاياق... قاتارلىق كىيىم-كىچەك تارقىتىپ بىرىپ، ئۇلارنىڭ ئەمەلىي قىيىنچىلىغىنى ھەل قىلىپ،ئۇلارنىڭ قىشنى خاتىرجەم چىقرىشى،خاتىرجەم ئوقۇشى ئۈچۈن شارائىت يارتىپ بىرىلدى.

خەنجەر731

	ياخشى بۇلۇپتۇ،  ناھيىمىزدىكى  باشلىقلارنىڭ كۆڭلىگە ئىنساپ تىلەيمەن~

sheyx

	ياخشىلىقنى سازايى قىلمايمۇ قىلغىلى بولىدۇ. نۇرغۇن ئادەم بار يەردە ئوتتۇرىغا چىقىرىش، سۈرىتىنى تېلېۋىزورغا، ماتبۇئاتقا، تورغا چىقىرىشنى‹‹ روھنى سۇندۇرۇش›› دەپ ئاتايمىز.  روھى سۇنغان بالا كەلگۈسىدە قانداق بولىدۇ؟ مەن مۇشۇنداق سازايى قىلىش- روھنى ئۆلتۈرۈشتىن بەك سەسكىنىمەن.

sheyx

	يەنە بىر گەپ: خەۋەر يېزىشنىڭ ( ئاخباراتچىلىقنىڭ)ئەقەللى ئۆلچىمى بولغان 6 خىل ئامىل كەم بولسا بولمايدۇ.   بۇ خەۋەردە، مۇشۇ ئۆلچەمنىڭ بىرسى بولغان  ۋەقە، ھادىسە، ئىش روي بەرگەن ئورۇن يېزىلمىغان. ‹‹مەكتىپىمىز›› دىن مەملىكەتتە ساناقسىزى بار. ناھىيەمىزدىمۇ نۇرغۇن مەكتەپلەر بار. شۇڭا، خەۋەر يازغاندا دىققەت قىلىش كېرەك!

ئابلا

	[].[bياىشىمۇسىز sheyx       ئىنكاسىڭىزنى كۇرۇپ ھەيران قالدىم،بىزنىڭ مەخسىتىمىز ھەرگىزمۇ بىراۋنىڭ روھىنى سۇندۇرۇش ياكى كوككە كۇتۇرۇش بولماستىن بەلكى سىزگە ئۇخشاش دوستلارنى تېىخىمۇ كوپرەك ئىللىقلىق پالىيەتلىرىگە سەپەرۋەر قىلىپ تېخمۇ كوپرەك قىيىنچىلىقى بار ئائىلە پەرزەنىتلىرىگە ئىللىقلىق يەتكۇزۇشتۇر.توغرا چۇشىنىشڭىزنى ئۇمۇت قىلىمەن.

sheyx

	مەن سىزنى تونۇمىساممۇ، سىزنى بىر باغۋەن، ئوقۇتقۇچى- ئۇستاز دەپ ئويلىدىم. سىزنىڭ تەمكىن، سوغۇققانلىقىڭىزدىن سۆيۈندۈم. مەن مۇشۇنداق ياردەم ھەرىكىتىنىڭ تەشەببۇسچىسى، بىراق، سازايى قىلىش، روھنى سۇندۇرۇشقا قارشى تۇرغۇچىلارنىڭ بىرسى. چەتئەللەرە روھنى سۇندۇرۇش چەكلىنىدىكەن. بىزدە بولسا ئەۋج ئېلىپ كەتتى. نورمال ھەرىكەتكە ئايلىنىپ كەتتى. ياردەمگە ئېرىشكەنلەرنى ئوتتۇرىغا چىقارماي، سۈرەتكە تارتماي،  ياردەمنى سازايى قىلمايمۇ ئېلىپ بارغىلى بولىدۇ. مەن ئۆز خىزمەت ئەمەلىيىتىمدە، بۇنداق روھى سۇنغانلارنىڭ يۈرەك سۆزىنى ئاڭلىغانمەن.

ئەتتىرگۈل

	مەن شەيخ ئەپەندىنىڭ پىكرىگە تامامەن قوشۇلىمەن .بىر قاراشتا كاپالەتلەندۈرگۈچى تەرەپكە نىسبەتەن ئاجايىپ ياخشى ئىش، كاپالەتلەنگۈچى تەرەپكە نىسبەتەن ئۇنىڭ تۇرمۇشتىكى ئۆزىمۇ خالىمايدىغان ئاجىزلىق تەرەپلىرىنىڭ باشقىلار تەرپىدىن داغدىغلۇق ئاشكارلىنىشى ....بۇ شۇ كىشىلەرنىڭ غۇغۇرى بىلەن زىچ مۇناسىۋەتلىك .   مۇنداق بىر ئىشنى مىسال قىلىپ بېرەي :ئۆتكەن يىل 11-ئايدا ئۈرۈمچى شەھەرلەك 98-ئوتتۇرا مەكتەپتە (بالام ئوقۇغان مەكتەپ) مۇنداق بىر ئىش يۈز بەرگەن .ئەسلىدىنلا يېقىن دوست بولۇشۇپ ئۆتۈۋاتقان ئۈچ  ئوقۇغۇچى بولۇپ بۇلارنىڭ ئارىسىدا ئىككىسىنىڭ ئائىلە شارائىتى شۇنداق ياخشى،پۇلدار،يوقۇرى تەبىقىدىكى ئائىلىدە چوڭ بولغان ، يەنە بىر قىزنىڭ بولسا ئائىلە مۇھىتى ئانچە ياخشى ئەمەس،ئاتا-ئانىسى مەلۇم سەۋەپلەر بىلەن ئەجرىشىپ كەتكەن ،ئانىسىنىڭ ھامىيىسىدە ئادەتتىكى تۇرمۇش شارىئىتىدا يامان ئەمەس تۇرمۇش كەچۈرۋاتقان. ئەمما مەلۇم سەۋەپلەر تۈپەيلىدىن بۇ ئۈ دوست ئۇرۇشۇپ قالغان ، ئاۋۇ ئىككى دوستى بىرلىشىپ بۇ قىزنى ئائىلە شارائىتىدىكى ئاجىزلىغىنى تۇتىۋېلىپ غۇغۇرىغا تېگىدىغان بىر قىسىم سۆزلەر بىلەن ھاقارەتلىگەن ۋە قول سالغان ، نەتىجىدە بۇ قىزغا بۇلارنىڭ مۇئامىلىسى بەك ئېغىر كەلگەن،روھى جەھەتتىن قاتتىق زەربىگە ئۇچرىغان.ئاخىردا كەچلىك مۇزاكىرە ۋاقتىدا مۇئەللىمدىن يالغان رۇخسەت سۇراپ چىقىپ كېتىپ  ئەتراپتىكى بىر بىنانىڭ 18- قەۋىتىدىن ئۆزىنى تاشلاپ ئۆلۈۋالغان . بۇنداق ھادىسلەرگە ھەرگىز سەل قاراشقا بولمايدۇ . بالىلار كىچىك بولغان بىلەن ،غۇرۇرنىڭ چوڭ كىچىگى بولمايدۇ .ھەرقانداق بىر ئىشتا ئالدى بىلەن ئەخلاق نۇقتىسىدىن ياخشى ئويلىشىمىز كېرەك.كىشلىك قەدىر-قىممەت ئادەمنىڭ روھى دۇنياسى بىلەن زىچ باغلىنىشلىق بولىدۇ . ھەرقانداق بىر ئادەم ئۆزىنىڭ ھەر جەھەتتىكى ئاجىزلىغىنى دىلىدىن ئېتراپ قىلسىمۇ،لېكىن ھەرقانداق ۋاقىتتا بۇنى سىرىتقا بىلدۈرمەسلىككە مۈمكىنقەدەر تىرىشىدۇ ،ۋە شۇ تەرەپتىن  ئۆزلىرىنى تولۇقلاپ ماڭىدۇ.......