ھاراق(شىئىر)

قېـىق

	ھاراقكەش( شېئىر) مەن مەست ئەمەس يوللار ئىگىز - پەس            ______‹ مەستنىڭ ئۆزنى ئاقلىشى  ›دىن بىزنىڭ مەھەللە تارتىنچاق ئىدى ، ھاراق دادامنى ئىچىۋالاتتى. ئېتى بىلەن  خانلەيلۇن بىللە كېلەتتى... مەھەللە يۈزىنى پۇركىۋالاتتى،،،   شىركەيىپ دادام، چىن تۆمۈر دادام...    ئېرىققا دۈم چۈشۈپلا    مەھەللىنىڭ قۇلىقىنى چىشلىۋالاتتى...   قاۋاقخانا مەسجىت يېنىدىتى،    ئىمام تەگبىرنى ئېيتىۋىرەتتى ...   جۈمە كۈنى بىر توپ ئەركەكلەر   تاھارەت ئېلىشقا ئۈلگۇرەلمەي قېلىپ، كالىچىنى چاققان كىيەلمەي قېلىپ، ئازىراق قىزىرىپ قويۇپلا ، قاۋاقخانىغا كېتىۋىرەتتى... مېنىڭ ئېغى يوق ئىشتىنىم بارتتى،    پاچىقىمنى يالايدىغان كۈچىكىم بارتتى    دەرتمەن ياغلىقىنى چىگەلمەي ئانام    چىشقاق كالامنىڭ ئەمچىكىنى تارتتى ئانامنىڭ پىشانىسىدە موھتاجلىىق بارتتى    ئېرىنىڭ ، 10 بالىسىنىڭ ھەققى بارتتى   بىر ئۆمۈر، بىر ئەسىر ياق ، مىڭ يىل....   ھاراقكەش دادامنىڭ دەردىنى تارتتى... مەھەللە ھاراق ئىچمەيتتى، ئەرلەر ھاراقكەشتى   مەھەللە تاماكا چەكمەيتتى ، ئەرلەر چېكەتتى،   قاۋاقخانا باس -باستى، مەسچىت چۆلدەرەيتتى... دوقمۇشتا قىمار قىززىيتتى، يەر شارىدىكى ئۇيغۇرلار مۇشۇ مەھەللىدىتى....   بۇ مەھەللىدە ھېچكىم ئۆلمەيتتى، بۇ مەھەللە ۋاقىتنىڭ سىرتىدىتى.   ھەپتىنىڭ سەككىزىنچى كۈنى ناماز چۈشۈرىلەتتى،   تۇپراق بېشىدا شەيتان ھېجارايتتى....   ۋاقىتنىڭ يىغىلىغىنىنى كۆرمەپتىكەنمەن ،    ۋاقىت دادامغا يىغلاۋاتاتتى...    بامداتقا چىقايچۇ دەۋاتقان دادامنى ،    قاۋاقخانا  چاقىرۋاتاتتى... ئانام ، ئۆزىنى  كۆيدۈرۈپ چاي  بولىدۇ،   ئۆزىنى يۇغۇرۇپ  نان بولىدۇ...   ئۇيغۇر ئىسىملىك 10 بالىسى ئۈچۈن ،   ئەڭ مۇكەممەل ‹ يېرىم جان › بولىدۇ...    دادامنىڭ بۇۋىسى ئوۋچىكەنتۇق،   يولۋاسنى ئۆلتۈرگەن نوچىكەنتۇق.   ئەشۇ ھەيۋە  ، شان- شەرەپ ئىچىدە،   مومام توختىماي تۇغۇپتىكەنتۇق ئاپام مومامنى دورىدى،  دەرت تارتتى   دادامنىڭ بۇرتى خەت تارتتى.    گۈس_ گۈس دەسسەپ دادام ، ئۆزىنى ئەر دەيدۇ،    ئەرنى ئەر قىلغان مۇشۇ يەر دەيدۇ...   ئاپامنىڭ كۆز يېشى ياغلىقىنىڭ ئۇچىدا، ئېرىدى،   بىزنىڭ مەھەللە ئاستا - ئاستا قېرىدى،   ئەركەكلىرىمىزدە يۈرەك، ئۆپكە، جىگەر يوق !!!!!!!!!! ئۇيغۇر روھىدىكى ۋىجدان شۇررىدە ، ئېرىدى.   ئېغىم يىرتىق،  خاتىرجەم سىيەلەيمەن ،   بىزنىڭ ئۆينىڭ تۆت تېمى بار ، كۈلەلەيمەن .   شېئىرىمنىڭ سەۋىر_ قاچىسى توشۇپ كەتتى    ئېغىزىمنى تىكىۋەتسەڭمۇ دىيەلەيمەن. ھاراققا چىلىشىپ ئۇيغۇر سەي بولدى،     ئۇيغۇر روھى بىر رومكا مەي بولدى.       قاۋاقخانىدا كىتاپ بارمۇ؟  ئوقۇيمەن ،     دادامنى داۋالايدىغان ئەپسۇن توقۇيمەن .     نادانلىقتىن بېشىمىزنى كۆتۇرەلسەك،     يەر شارىنىڭ پىشانىسىغا نوقۇيمەن...   ئېلىپەنى تۇتۇپ قەسەم ئىچتىم ،   ‹ قاۋاق› تىكى ‹ ق › نى دىمەڭلار ،   بۈگۈن قاۋاقخانىدا شېئىر ئىچتىم ،   پېقىرنى پىيەنچۈك دىمەڭلار ... كۆز يېشىمدىن ھاراق تۆكۈلدى   ۋىجدانىمدىن بىر ۋاراق سۆكۈلدى.   مېنىڭ ئەڭ ئاخرىقى دادام !   پەرۋاسىز دادام !    غەمسىز دادام !  بېشىڭنى كۆتۈر!    ئوغلۇڭ ساڭا يۈكۈندى!!!!!!!!!!!!

ئەتىرگۈل

	مەنبەسى قېنى؟....

ئەتىرگۈل

	تېمىنى يوللاپ قۇيۇپلا يۇقاپ كەتمەي، كىرىپ قاراپ قۇيۇڭ تېما ئىگىسى

ochmes

	ھەي باشقۇرغۇچى ئەپەندىم،ھەر بىر تېمىغا مەنبەسىنى يېزىڭ!مەنبەسى قېنى؟دەپ يوللاپ جاپا تارتىۋەرمەي،تېمىنى ئەخلەتخانىدا ساقلاپ قويۇپ،تېما يوللىغۇچىغا تېمىڭىزنىڭ مەنبەسى ئەسكەرتىلمىگەچكە تەستىقلانمىدى دەپ مۇنبەر قىسقا ئۇچۇرى يوللىۋەتسىڭىز،ئاندىن تېما يوللىغۇچىلارمۇ مەنبەسىنى ئەسكەرتىدىغان بولىدۇ،تېمىسى تەستىقلىنىپ بولغان ئادەم،تېمىسى تەستىقلىنىش ئالدىدىكىدەك ئاشۇ تېمىغا بەك كۆڭۈل بۆلۈپ كېتەلمەيدۇ

ochmes

	گەپ كۆندۈرۈشتە

浪漫杀手

	بۇ تىمىنى مەن بەك ياقتۇرۇپ قالدىم  ، مۇشۇنىڭغا ئوخشاش تىمىلار بولسا يەنە يوللىشىڭىزنى ئۈمۈد قىلىمەن