خۇشامەتچىلەر مارىشى

مەردان تۇرسۇن

	خۇددى يۇمران پىلىكتەك ئېگىلىدۇ بېلىمىز، كۆرگەن چاغدا باشلىقنى ھەسەل كەبى تىلىمىز، بەك ماھىر بىز خوش-خوشقا، گېدىيىمىز پۇخراغا كاتتىۋاشنى كۆرگەندە چىقىپ كىتەر يېلىمىز. ئەكەل دېسە دوپپىنى ئەكىلىمىز باش -كاللا، تىللىسىمۇ «ئېسىل زات» دەپ تۇرۇمىز ھەشقاللا، چاپىنىنى باشلىقنىڭ مېڭىپ قالساق كۆتىرىپ، ھىجارايمىز شادلىقدىن تاپقان كەبى مىڭ تىللا. قولىمىزدىن چۈشمەيدۇ پەيتى كەلسە تەخسىمۇ، يانالمايمىز باشلىققا بىزنى تىللاپ تەپسىمۇ، باشلىق ئۈچۈن بىز تەييار كۆتىرىشكە تاغنىمۇ ، رازى دەيمىز باشلىققا ئەزىز بۇ جان كەتسىمۇ. باشقىلارنى باشلىققا توختىماستىن چاقىمىز، كىم ھۆرپەيسە باشلىققا ئۆيىگە ئوت ياقىمىز. تۈگەپ كەتسە باشلىقنىڭ بىرەر شىرەم تۇققىنى بەش مېتىرلىق ئاق باغلاپ، ھۆڭرەپ ھازا ئاچىمىز. چۈشسە بىرى ھۇقۇقدىن شۇئان ئىلدام قاچىمىز، تېپىپ يىڭى باشلىقنى ئىتلىرىنى باقىمىز. كۈيلەپ شۇئان توختىماي يىڭى قوشاق قاتىمىز تىللاپ كونا زالىمنى ھەتتا دارغا ئاسىمىز. باشلىق بىزنى ماختىسا تۇرالمايمىز، يايرايمىز، ئۇنى دائىم مەدھىلەپ بۇلبۇل بولۇپ سايرايمىز. باشلىقلاردىن نان تىلەپ، بەلنى مەزمۇت باغلايمىز، خوشەمەتنىڭ يولىدا دادىل قەدەم تاشلايمىز . بۇ يازمىنىڭ ئەسلى مەنبەسى:سەنەم مۇنبىرى

قۇربان

	تېمىڭىزغا تەشەككۈر!