ۋاتىلداشدىن ھۇزۇرلىنىڭ

تۇرسۇن نىياز

	«ئەرنىڭ يېرىمى ئايال» دېگەن گەپ بار، ئۇنداقتا ئايالنىڭ يېرىمى نېمە؟ ---- ۋاتىلداش ۋاتىلداش – ئاياللارنىڭ تۇغما ئالاھىدىلىكى، شۇنداقلا پاتېنت ھوقۇقى بولۇپ، ھەر بىر ئائىلىدىدە دېگۈدەك بىردىن ۋاتىلداق ئايال بولىدۇ. ئۇلارنىڭ ۋاتىلدىشىدىنمۇ ھوۇزۇرلانغىلى بولىدۇ. ئەپسۇسكى، دۇنيادا ئاياللارنىڭ ۋاتىلدىشىدىن ھوزۇرلىنالايدىغان ئەرلەر تولىمۇ ئاز.       مۇھەببەتلىشىش مەزگىلىدە، ئەرلەرنىڭ قۇلىقى ۋاتىلداشلارنى ھېس قىلالمايدۇ. ئەكسىچە قىزنىڭ دانە- دانە سۆزلىرى مارجاندەك تۆكۈلۈپ تۇرىدۇ. يېقىمىلىق پىچىرلاشلار بۇلاق سۈيىدەك تۈگىمەيدۇ. لېكىن بۇ سۆزلەر قانچىلىك كۆپ بولسۇن، ئەر كىشى ئاڭلاپ قانمايدۇ. بۇ چاغدا مۇھەببەتنىڭ لۇغىتىدىن «ۋاتىلداش» دېگەن سۆزنى تاپقىلى بولمايدۇ.      توي قىلىپ ئوي تۇتقاندىن كېيىن، ئەر ئايالنىڭ ۋاتىلدىشىدىن شۇنداق بىزار بولىدۇكى، قۇلىقىغا تۆمۈر ئىشىك ئورنىتىۋالغۇدەك بولۇپ كېتىدۇ. ئەمما ئايالنىڭ گېپى بولسا ئاي، كۈنلەرنىڭ ئۆتىشىگە ئەگىشىپ، بارغانسېرى ئۇششاقلاپ، بالىنىڭ، ئۆينىڭ، ئېرىنىڭ بارلىق ئىشلىرى، ئۆزى بىلەن ئەرنىڭ مۇناسىۋىتى ھەم ئېرىنىڭ  بارلىق مۇناسىۋەتلىرى ئايالنىڭ ۋاتىلداشلىرىغا پۈتمەس- تۈگىمەس مەنبەئە بولۇپ قالىدۇ.    لېكىن بۇنى ئەرلەر چۈشەنمەيدۇ، ئايالنىڭ ۋاتىلدىشى دەل ئەرگە بولغان مۇھەببەت رىشتىسىدۇر.    ئايالنىڭ ۋاتىلدىشى بولغاچقا ئەرلەر ھاراقنى كۆپ ئىچسە بولمايدىغانلىقىنى بىلگەن.    ئاياللارنىڭ ۋاتىلدىشى بولغاچقا ئەرلەر ئىشتىن چۈشۈپ ئۆيگە قايتقاندىن كېيىن، ئۆي ئىشلىرىغا يارىدەملىشىشنى ئۆگىنىۋالغان.      ئاياللارنىڭ ۋاتىلدىشى بولغاچقا، ئەرلەر ئۆزىنىڭ بىرەر ئىشنىڭ پېشىنى تۇتش كېرەكلىكىنى بىلگەن.    ئەگەر ئەرلەر ئاياللارنىڭ ۋاتىلدىشىدىن زوق ئېلىشنى بىلىۋالسا، ئۇلارنىڭ چوقۇم كۆڭلى كۆتۈرۈلۈپ، بۇنىڭدىن شەكىللىنىدىغان روھىي بېسىملاردىن خالاس بولغان بولاتتى.    ئەگەر بۇ «ۋاتىلداش» لار ئەرلەرنىڭ قۇلىقى تۈۋىدىن بىردىنلا يوقىلىدىكەن، ئەرلەر چوقۇم ئۆز كۆڭلىدە شەكىللەنگەن بوشلۇقنى ھېس قىلىشقا باشلايدۇ. ھەتتا ئۆزىدە مەنىسىزلىك، پەرىشانلىق ھېس قىلىدۇ. بۇ چاغدا ئۇلار ئۆز يېنىدا بولمىغان ئايالىنىڭ ھېلىقى تۈگىمەس «ۋاتىلداش» لىرىنى ئۇزاق- ئۇزاق ئەسلەپ قالىدۇ. يېڭى بىر ئايالنىڭ كېلىپ، يېڭىچە «ۋاتىلداش» نى باشلىشىنى ئىزدەيدۇ.    «ئەرنىڭ يېرىمى ئايال»، ئايالنىڭ يېرىمى ۋاتىلداش. ۋاتىلداش- ئاياللارنىڭ ناھايىتى سۆيۈملۈك پاتېنت ھوقۇقى. ئەرلەر ئاياللارنىڭ ۋاتىلدىشىدىن زوقلىنىشنى ئۆگىنىۋېلىشى كېرەك ئەسلى مەنبە(قۇياش تۇرى) دىن ئىلىندى

pidayi

	‹‹ئەرنىڭ يېرىمى ئايال ›› ئايالنىڭ يېرىمى ۋىتىلداش -بۇ، ھەقىقەتەن كىشىلىك تۇرمۇشتا   ھىچ بىر ئەركەك مۇستەسنا بولالمايدىغان   رىياللىق بۇلۇپ ،ئۇ بەزىدە ئادەمگە  چەكسىز ھۇزۇر ئېلىپ كەلسە،بەزىدە بىزارلىق ئېلىپ كىلىشى تەبئى.ئۇنىڭغا قانداق پوزىتسىيەدە بۇلۇش ئەركەكنىڭ تەدبىرىگە  باغلىك.

ئەزىزى

	ياخشى ئىشكەن...

مۇزات204

	ماۋۇ قىزىق گەپكەن ، ئايالنىڭ يېرىمى ۋاتىلداش

مەردان تۇرسۇن

	شۇ  كونلار بىكا دىمەيدۇ  ئەرنى ئەر كىلغانمۇ  خۇتۇن  يەر قىلغانمۇخۇتۇن دەپ  شۇ ئايالارنىڭ  ۋاتلداشلىرزە !!! لىكىن  بىزنىڭ ئانىمىزمۇ  ئايالدە بىز ئۆيدىكى ئىشلارنى سۆرەپ چىخماي لايقىدا بىر تەرەپ قىلساق شۇ ۋاتلداشمۇ تۇگەپ  كىتە  بەلكىم

ئەلى

	ئەجەپ ئويلاپ باقمىغان پىكىر ئىكەن بۇ، ھەقىقەتەن ئاياللارنىڭ ۋاتىلداشلىرى ئېرىگە بولغان قىيالماسلىقنىڭ ئىپادىسى بولسا كېرەك، لېكىن بەزىدە شۇ بەكراق ئېشىپ كېتىپ كىشىنى بىزار قىلىپ قويىدۇ، بولمىسىغۇ ئۇلارنىڭ ۋاتىلداشلىرى بىز ئەرلەر ئۈچۈن تىزگىن

ئەتىرگۈل

	ئاياللارمۇ بىكارلا ۋاتىلدىمايدۇ......بەلكىم شۇنداق ۋاتىلداپ تۇرۇش زۆرۈردۇر