مەۋلان گواڭدۇڭ فوشەن كۇلۇبىغا يۆتكەلدى

يۇرزات

	مەۋلان گواڭدۇڭ فوشەن كۇلۇبىغا يۆتكەلدى شىنجاڭ گواڭخۇي كۇلۇبىنىڭ كونا توپچىسى،ئۇيغۇر خەلىقىنىڭ يەنە بىر تەنتەربىيە چولپىنى مەۋلان تۇرسۇن ئۆتكەن ھەپتە فوشەنگە يىتىپ بىرىپ،كوماندا بىلەن رەسمى توختام ئىمزالىدى.ئۇ بۇ مۇسابىقە پەسلىدە جوڭگۇ كەسپى ۋاسكىتبۇل كۇلۇبلىرى مۇسابىقە خەرىتىسىدە ئەڭ غەرىپتىن ئەڭ جەنۇپقا يۆتكەلدى.ئىگىلىنىشچە گواڭخۇي مەۋلان يۆتكىلىش بازىرىغا سالغان كۈنىلا فوشەن كۇلۇبىغا قوشۇلغان. مەۋلان تۇرسۇن،شىنجاڭ گواڭخۇي ئۇچار يولۋاس كوماندىسىنىڭ كونا توپچىسى بولۇپ،2002-يىلى شىنجاڭ كوماندىسى غەلبىلىك ھالدا ئا دەرىجىگە ئۈزۈپ چىققاندىلا كوماندىدا بار ئىدى.21 ياشلىق مەۋلانمۇ شىنجاڭ كوماندىسىدىن چولپانلار بىرلەشمىسىگە كىرگەن شىنجاڭلىق توپچى بولۇپ قالغان.ئۆتكەن يىلى مەۋلاننىڭ بىيجىڭ كوماندىسىدا توپ ئوينايدىغان ئىنىسى مەردان شىنجاڭ كوماندىسغا قايتىپ كەلدى،ئاكا-ئۇكا ئىككىسى مۈرىنى-مۈرىگە تىرەپ بىر پەسىل جەڭ قىلدى.بۇ يىل شىنجاڭ كوماندىسىنىڭ ئىچكى سىپىدە «ئادەم كۆپ»بولغاچقا مەۋلانغا يۆتكىلىش بازىرىدا تاختا ئىسىلغاندى.موخبىر ئۇنىڭدىن بۇ يۆتكىلىشكە قانداق قارايدىغانلىغىنى سورغاندا،كەسپى توپچى بولۇش سۈپىتىم بىلەن بۇ خىل ئۆزگىرىشنى قوبۇل قىلىمەن. موخبىر ئۇنىڭدىن گوڭدۇڭغا كەلگەندىن كىيىنكى ھىسياتىنى سورىغاندا ئۇ مۇنداق دىدى:«بۇ يەر بەك ئىسسىق،ئۈرۈمچىدە ئىككى بۇرۇن قار ياغقاندى،مەن ھاۋارايىغا ئازراق كۆنەلمىدىم،بايا مەشىقتە سەل مەشىق قىلىپلا چارچاش ھىس قىلىۋاتىمەن،بەلكىم ئازراق ۋاقىت ئۆتسە كۆنۈپ كىتىشىم مومكىن». موخبىر :يىمەك –ئىچمەك جەھەتتە كۆنەلىدىڭىزمۇ؟ مەۋلان:كۇلۇپ تەرەپ ماڭا مەخسۇس ئۇستام تەكلىپ قىلىپ،مۇسۇلمانچە تاماق ئىتىپ بىرىۋاتىدۇ،تۇرمۇش جەھەتتە بەك قىيلىنىپ كەتمىدىم. موخبىر ئاڭلىشىمچە شىنجاڭدىن بىر چوڭ خالتىدا نان ئەپكەپسىز-ھە؟ مەۋلان:شۇنداق،بەزى ۋاقتىلاردا،كەچلىرى قورسىقىم ئىچىپ قالسا،پارچە يىمەكلىك ئورنىدا يەيمەندە. موخبىر:چىچىڭىزنى چۈشۈرۋىتىپسىز،بۇ ھەممىنى قايتىدىن باشلاشقا ئىرادە قىلغىڭىنىزمۇ؟ مەۋلان:ياقەي،بۇنىڭ باشقا مەنىسى يوق،بۇ يەرنىڭ ھاۋاسى ئىسسىق بولغاچقا،چاچ ئۇزۇن بولسا مەشىق جەريانىدا تەرلەپ،بەك بىئارام بولۇپ كىتىدىكەنمەن،شۇڭا چۈشۈرۋەتتىم،باشقا مەنىسى يوق. ئۇنىڭدىن باشقا موخبىر مەۋلاندىن شىنجاڭ ھەققىدە سوئال سورىغاندا مۇنداق دىدى«كوماندىدىن تۇيۇقسىز ئايرىلىپ بۇ يەرگە كەلدىم،پۈتۈن جەريان بەك تېز بولۇپ كەتتى،بۇنى بەك تەستە قوبۇل قىلدىم،ھەم ئاتا-ئاناممۇ شىنجاڭ كوماندىسىنىڭ كونا توپچىللىرى،ئۇلاردىن ئايرىلىش ماڭا سەل تەس كەلدى». موخبىر: يىڭى پەسىلدە قانداق ئۈمىتلىرڭىز بار؟ مەۋلان:ۋاسكىتبۇل بىر كوللىكتېپ تۈر،مەن تېزلا كوماندىغا سىڭىپ كەتسەم دەيمەن،كوماندىسىنىڭ يىڭىشىگە تۆھپە قوشسام دەيمەن.ئۇنىڭدىن باشقا سەبداشلىرىمدىن تېرىشىپ ئۈگىنىمەن.بىردىنبىر ئۈمىدىم گواڭدۇڭ توپ مەستانىلىرىنىڭ ئالقىشىغا ئىرىشىش.

قۇربان

	ئويغۇر خەلقىنىڭ تەنتەربىيە چولپىنى مەۋلان تۇرسۇننىڭ تېخىمۇ زەپەر قۇچۇشىنى تىلەيمەن!