بولمىغاي

مۇزاتى

	بولمىغاي (مۇزاتى) ئىرادىسىز، دىتى يوق ، بىزگە رەھبەر بولمىغاي، ئالا كۆڭۈل مېھرى سوق، بىزگە رەھبەر بولمىغاي. ئەل دەردىگە زەڭ سالماس، يولىدىن زەر ئىز قالماس، نەتىجىلىك ئىش قىلماس، بىزگە رەھبەر بولمىغاي. ئوقۇرى دۆڭ تەكەببۇر، ئېتى ئۇلۇغ كەم غۇرۇر، ئەلگە ياقماس تەرى سۇر، بىزگە رەھبەر بولمىغاي. ئىللەتلەرگە يول ئاچار، ئادالەتكە بۇس چاچار، ئىجىر-تەردىن پەر قاچار، بىزگە رەھبەر بولمىغاي. قارنى يوغان پۇلپەرەس، چىرىكلىككە ھەمنەپەس، بىغەرەز ھەم كۆڭلى پەس، بىزگە رەھبەر بولمىغاي. مەنزىلىگە قارىماس، كەلسە مۈشكۈل تورىماس، رولچىلىققا يارىماس، بىزگە رەھبەر بولمىغاي پەشتاقتىلا لاپ ئاتار، تۇتامى يوق گەپ ساتار، قانۇندىن يات ئىش تۇتار، بىزگە رەھبەر بولمىغاي. رەڭۋازلىق قىپ دىل ئۇتقان، ئار-نومۇسنى يوقاتقان، ئۆز ئەسلىنى ئۇنۇتقان، بىزگە رەھبەر بولمىغاي. ئەمەلدىن تېپىپ كېبىر، چاغلاپ ئۆزىن ئەلدە بىر، ئەلگە بەرمەس دىلۇ-سىر، بىزگە رەھبەر بولمىغاي. ئاپتورى : مەخمۇت ئاۋۇت(مۇزاتى) بۇ شېئىر : «ئاقسۇ گېزىتى»دە ئېلان قىلىنغان.

قۇربان

	بەك ياخشى چىقىپتۇ.ئىرادىسىز، دىتى يوق، ئالا كۆڭۈل مېھرى سوق، نەتىجىلىك ئىش قىلماس،ئىجىر-تەردىن پەر قاچار،بىغەرەز ھەم كۆڭلى پەس،  رولچىلىققا يارىماس، قانۇندىن يات ئىش تۇتار، ئەلگە بەرمەس دىلۇ-سىر ئەلگە باشلىق بولالماس.