ئىللەتلەرگە قىلمىغىن سۈكۈت

ئۆڭمەس

	ئىللەتلەرگە قىلمىغىن سۈكۈت مەخمۇت ئاۋۇت (مۇزاتى) باش كۆتۈرۈپ يامرىسا ناۋا، ئىللەتلەرگە قىلمىغىن سۈكۈت؛ پەزىلەتكە يۇقمىسۇن غۇبار، ئىللەتلەرگە قىلمىغىن سۈكۈت. ناچار ئىللەت ئەلگە كۈشەندە، نۇرلىنالماس ئۇنىدا پەزىلەت؛ قۇمارمىساق تۈپ يىلتىزىدىن، بىخلار يەنە تاپقاندا پۇرسەت. مىتىلەرنىڭ ھەرىكىتى پىنھان، بىخۇتلاشساڭ دەيدۇ ئۇ«ئامەت»؛ بىلىندۈرمەي سىيلىق-سىپايە، ئەيلەر ۋەيران باسقاندا غەپلەت. گەر تىلىدىن ياغسىمۇ شەربەت، يامرار دىلدا قۇۋ-شۇملۇق ھەر ۋاق؛ ماختاپ، پۈۋلەپ-ئۇچۇرۇپ سېنى، يار لېۋىدىن ئاتقۇزار موللاق. ئەقىل نەپسىڭگە بولغاندا بەنت، ئىللەتكە يەم بولار پەزىلەت؛ ئويغانمىساڭ ئەقلىڭنى تېپىپ، ھۆكۈمراندۇر ئۇندا قاباھەت. بارمەي ئاڭا قاخساتقۇچ زەربە، ئۆلۈكىدىن يوقالماس ئىللەت؛ ئېسىل خىسلەت خۇنۈكلەشسە گەر، ياپماس روناق،گۈللەنمەس مىللەت. «چىراق تۈۋى قاراڭغۇ» ئەمەس، بولسا يورۇق قەلىن چىرىقىڭ؛ ئىللەتلەرگە قالمىسا ئورۇن، پاكلانغۇسى يولۇڭ-ئىقبالىڭ. قامال قىلار تامام جىسمىڭنى، ناچار ئىللەت،پەسلەشلىك بىلسەڭ؛ بىلىپ پۇرسەت كىرىدۇ سىڭىپ، قانائەتتىن تېلىقىپ كۈلسەڭ. بىخۇتلاشما ھەرچاغ-ھەر مەھەل، ساپلىق ئۈچۈن تىلىگىن ئۈمۈت؛ قارشى جەڭدە بوشاشما زىنھار، ئىللەتلەرگە قىلمىغىن سۈكۈت. ئاپتورى : مەخمۇت ئاۋۇت(مۇزاتى)

ئەتىرگۈل

	شېئىرنى بەك ياخشى يېزىپسىز!{:soso_e163: ئىللەتلەرنى تۈگىتىشنى ھەممە ئادەم ئۆزىدىن باشلىسا ياخشى بۇلاتتى

ئەلشىر

	ئەتىرگۈل يوللىغان ۋاقتى  2011-11-11 22:40 شېئىرنى بەك ياخشى يېزىپسىز!{:soso_e163: ئىللەتلەرنى تۈگىتى ... شېري ئىجادىيىتىڭىز بۇلۇپمۇ قەلەم  قۇۋتىڭىز ياخشكەن ، مەنمىغۇ  تاينلىق لىكىن ئىملاغا  دىققەت  قىلغان بولسىڭىز ، رەخمەت .

ئارچىغ

	سىزدە  قابىليەت باركەن    سىزگە  زور ئۇتۇقلارنى  تىلەيمەن