يوشۇرۇن كۆيۈش-مەڭگۈلۈك ھەسرەت(ئەرچىن)

جەسسۇر2

	يوشۇرۇن كۆيۈش ــ مەڭگۈلۈك ھەسرەت                                                            قەھرىمان روزى ئەرچىن                                            ئاھ! دەھشەت، جۈپ ئالماڭ بوي سۆزدى بۈگۈن.                                                كۆزۈمنى ئېپقاچتىم،ئېرىدى يۈرەك.                                                چىگىلدى شۇ دەقىق سېھىرلىك تۈگۈن،                                                 ئىشىقنىڭ دەشتىگە يول ئالدى يۈرەك.                                             بىر ئىللىق ئېقىمدىن كەتتىم تولغىنىپ،                                                    ئاق ئالماڭ بېغىدا مارىغان شۇ ھال.                                               بۇلبۇل بوپ شېخىڭغا قونۇپ زاھىرەن،                                                  تۇتۇشنى،پوراشنى قىلدىم مەن خىيال.                                              چۈش كۆردۈم ئۇ كېچە شۇ جۈپ ئالمىنى،                                                  پوراشقا ئۈلگۈرمەي كەتتىم ئويغۇنۇپ.                                                  يېنىمدا ئىككى كۆز تۇرسىمۇ شۇ تاپ،                                                تەنھالىق دىلىمنى باستى تاغ بولۇپ.                                                سەن چېكىپ يۈرەكنى بولاق كۆزۈڭدە،                                                    ئىچىمدە قالغان سۆز يۆرەكنى تىلغار.                                                       ئۆزۈملا بىلىمەن قەلب سىرىمنى                                                     دەريادەك بىر ئېقىم سەن تامان ئاقار.                                                   ئۆلۈمدەك تەس كېلەر ئېغىز ئېچىشقا،                                                ئېھ !بۆگۈن كۆزلىرىم ئۇچتى سەن تامان.                                                     بەك يىراق كۆرۈنەر ۋىسال دەملىرى،                                                      گۈللەرگە تولىدۇ تۇيغۇمدا ئاسمان.                                                 سۆيدۈرۈش باشقا گەپ،كۆيۈش باشقا گەپ،                                                سۆيدۈرەي دېگەننى يۆرىكىم سۆيمەس.                                                 مەن دىلدىن يوشۇروپ كۆيگەن ئاق لالەم،                                                    موقەدەس ئىشىقنىڭ ئوتىدا كۆيمەس.                                                    ئېيتىمەن دەرياغا،باغلارغا توۋلاپ،                                                  ئېيتالماي بىر ساڭا قىسىلدى يۈرەك.                                                    مەسخىرە قىلىسەن ئىچىڭدە بەلكىم،                                               ئورۇن يوق قەلبىمگە بىر سەندىن بۆلەك.                                                     ئوڭۇمدا قوغلىساڭ قوغلا يېنىڭدىن،                                                چۈش كۆرگەن كېچىدە ئاق ئالماڭ مېنىڭ.                                                     يېنىڭدا بىر نىمجان ناتىۋان يۈرەك،                                                    كاۋاپتەك تىتىلدى ئىشقىڭدا سېنىڭ .                                                       مەن شونداق سۆيگۈنىڭ قەلەندەرىمۇ؟                                                     سوئاللار تاشلايمەن ئۆزۈمگە تەكرار.                                                  مەيلى سەن قەلبىمنى بىلمەي ئۆتۈپ كەت،                                                      ياسايمەن خىيال قىپ سۆيگۈمدە باھار.                                               مەنبە:قەھرىمان روزى(ئەرچىن)ئىجادىيىتى

يۈسۈپجان

	مانا بۈگۈن بۇ شائىرىمىزنىڭ ئەسىرى بىلەن دىدارلاشتىم .سىزگە كۆپ تەشەككۈر چوڭ باشقۇرغۇچى .

قۇربان

	تەشەككۈر، تەشەككۈر! ھەقىقىي شىئېر مۇنداق بولىدۇ. شائىرىمىز قەھرىمانجان ياشاپ كېتىڭ!