نېمىشقا ؟

نەزەر

	نېمىشقا ؟                                                                  ( مۇخەممەس )                                                      (  بىر مەيخورنىڭ ئېيتقانلىرى )                                   -   يانغىن ! -  دەيسەن ، -  ئېيت ، نېمىشكە يانغۇدەكمىشمەن ؟                                            مەي ئىچىشتىن نىچۈن ئەمدى قالغۇدەكمىشمەن ؟                                            ‹ ياش › سېپىگە ئۆتۈشتە بەك چانغۇدەكمىشمەن ،                                              جېنىمدىنمۇ ئەزىز مەيدىن تانغۇدەكمىشمەن ،                                                 توۋا قىلىپ جەينامازدا ياتقۇدەكمىشمەن .                                             ئەركەك دېگەن كۈن ئاتلىماي ئىچىدۇ دائىم ،                                           مەيخۇمارلار دەيدۇ مەينى : «  يۆلەك ، پاناھىم  ،                                            جىق ئىچىشكە نېسىپ قىلغىن ئۇلۇغ خۇدايىم ،                                            مەھشەرگاھتا بولسۇن يەنە مەيخانا جايىم ! » ،                                            خوشلۇقىغا ھەييامنىڭ تىغ سالغۇدەكمىشمەن .                                            تۇرالمايمەن كۈندە بىر رەت كۆرمەي قەدەھنى ،                                             چىدالامدۇ جېنىم مېنىڭ ئىچمەستىن مەينى ؟                                              سوغۇق سۇدا ئىچىمەنغۇ تاپمىسام سەينى ،                                            ئۇزۇن ئۆتمەي قىستايدىغۇ ياندۇر دەپ قەينى ،                                           بۇنداق قىلسام ھەق يولىدىن ئازغۇدەكمىشمەن .                                           گاھ بىراۋلار دەيمىش :  « يېشى چوڭىيىپ قالدى ،                                                 ئۇ دۇنياغا كاندىداتلىق شىتاتنى ئالدى » ،                                         كىم ئۇ مېنى شۇنداق دېگەن : «  چارچىدى ، تالدى ؟  »                                             شۇنداق دېگەن كىشى چوقۇم ئەقلىدىن ئازدى !                                              قاۋاقلاردىن ئەمدى پۇتۇم تارتقۇدەكمىشمەن .                                           مەي ئىچمىگەن كۈنمۇ ھېساپ بولامدۇ كۈنگە ؟                                          مەيسىز تارتقان كۈنلىرىمنى ئېيتاي مەن كىمگە ؟                                             ئۇسىز كۈنۈم بەجايىكى ئوخشاش ئۆلۈمگە ،                                            ماڭىمەنغۇ دوزاققىمۇ < مەي باركەن > دېسە ،                                           ئەمدى نېچۈن باشقا يولغا ماڭغۇدەكمىشمەن ؟                                               باشقا كەيپ نېمىتتى ئۇ ، مەينىڭ ئالدىدا ؟                                             قالار بەرى چېنىپ بۇلۇڭ -  پۇشقاق دالدىدا ،                                               نېمە ئۆتەر ئالدىغا ھەم ئۇنىڭ ياخشىدا ؟                                          مەيسىز سورۇن قىزامدىكەن ئۇسسۇل -  ناخشىدا ؟                                        نېچۈن <  شوخلۇق ئىلاھى  > دىن قاچقۇدەكمىشمەن ؟                                             ئەركەك تۈكۈڭ بولسا سەنمۇ ئىچ ! يىمەي ۋايىم ،                                              بوپقالدىڭمۇ يا ئۆيۈڭدە قورقۇنچاق < سايىم > ؟                                                  يۈرىكىڭنى مۇجۇغانمۇ رەپىقەڭ دائىم ؟                                             ئەنسىرەمسەن بولارمۇ  دەپ <  قىيامەت قايىم >  ؟                                              نىچۈن سەندەك سايىملىقنى ئالغۇدەكمىشمەن ؟                                                                  ××××××××                                           مەيلى ، ئەركەك بولالمىساڭ مەي ئىچمەي تۇرۇپ ،                                            تارت ، ئۆزۈڭنى ! ئادەملىكىڭ كەتمەستە قۇرۇپ ،                                           رازىمۇ سەن ئەس -  ھوشۇڭنى كەتسە مەي يۇلۇپ ! ؟                                             ياشاپ باققىن ئۆمرۈڭدە بىر چىن ئىنسان بولۇپ ،                                        ئويلا :  «  ئىچسەم -  دەپ -  لەنەتكە قالغۇدەكمىشمەن ! »                                                             مەنبە :                                     « ئاقسۇ ئەدەبىياتى »  2007 - يىل 2 - سان.

جەسسۇر2

	شېئىر مەزمۇنى ياخشىكەن،لىكىن بەزى سۆزلەرنى نىمىشقىمۇ ئالغاندۇ،ئۇنىڭدىن باشقا سۆز تېپىلمىغاندەك گەرچە ئۇ چىن سۆزى بولمىسىمۇ.

فەرھاد

	قوللىرىڭىزغا دەرىت كەلمىسۇن ئۇستازىم

ئەسرار

	ياخشى شېئىركەن ، قۇلۇڭىزغا دەرت كەلمىسۇن .