رۇزى ھېيىت-ئۇيغۇرلارنىڭ ھاراق ئىچش بايرىمى
(فېلىيەتۇن)
بۇ يىل9-ئاينىڭ 30-كۈنى ناھىيىلىك خەلق دوختۇرخانىسىدا بارلىق دوختۇر-سېستىرالارغا جىددىي يىغىن ئېچىلدى:
_ئالدىمىزدا دۆلەت بايرىمى،شۇنداقلا ئۇيغۇرلارنىڭ رۇزى ھېيىتى كېلىۋاتىدۇ،_دېدى دوختۇرخانا باشلىقى كۆزئەينەك ئاستىدىكى كۆزلىرىنى كۆپچىلىككە تەكشى بىر قېتىم يۈگۈرتۈپ چىقىپ،_شۇڭا بۈگۈن دۆلەت بايرىمى ۋە رۇزى ھېيىت جەريانىدىكى پەۋقۇلئادە ئەھۋالغا قارىتا ھازىر بۇ يىغىننى ئېچىپ ئولتۇرۇپتىمىز .ھەممەيلەن قۇلىقىڭلارنى دىڭ تۇتۇپ ئاڭلاڭلار!
بۇ ئاي مۇسۇلمانلارنىڭ رامزان ئېيى بولغاچقا ئاز ساندىكى ئۇيغۇرلار رۇزا تۇتتى،كۆپ ساندىكى ئۇيغۇرلار گەرچە رۇزا تۇتمىغان بولسىمۇ،بىراق جامائەت پىكرىنىڭ ئەيىپلىشىدىن قورقۇپ قانغۇچە ھاراق ئىچەلمەي ئىچى بەكمۇ تىتىلداپ كەتتى.ھازىر ھاۋا سالقىن،شۇڭا ئۇلار رۇزى ھېيىت كىرىشى بىلەنلا مەسچىتتىن يېنىپلا موتسىكىلىت،ھارۋا،تىراكتور ۋە ماشنىلارنى بولۇشىغا ھەيدەپ،ئۆيمۇ-ئۆي،رېستۇرانمۇ-رېستۇران ھېيىتلاشنى باشلايدۇ.ھېيىتلاش دېگىنىمىز قېرىلارغا نىسبەتەن ئۇرۇق-تۇغقان،ئەل-ئاغىينىلەرنىڭ بىر داستىخانغا جەم بولۇشۇپ ساڭزا يىيىشىنى كۆرسەتسە،ياشلار ۋە ئوتتۇرا ياشلىقلارغا نىسبەتەن بىر ئاي جەريانىدا تۇتۇپ كەتكەن خۇمارى بېسىققۇچە ھاراق ئىچىشنى كۆرسىتىدۇ.
مانا مۇشۇ رۇزا ھېيىت مەزگىلىدە بىزنىڭ ھاراق،تاماكا ئىشلەپچىقىرىدىغان ۋە سېتىپ چىقىرىدىغان زاۋۇت،ماگىزىنلىرىمىزنىڭ كىرىمى ئادەتتىكى ۋاقىتلاردىكىدىن نەچچە ئون ھەسسە ئېشىپ كىتىدۇ.
بۇنىڭ بىز بىلەن نېمە مۇناسىۋىتى بار دەپ قالماڭلار! مۇناسىۋىتى بار،بىر نەچچە كۈندىن كېيىن ئۇيغۇرلارغا رۇزا ھېيىت_ھاراق ئىچىش بايرىمى بولۇش بىلەن بىرگە بىزگە پۇل تېپىش بايرىمى بولىدۇ.
رۇزى ھېيىتنىڭ بىرىنچى كۈنىدىن باشلاپ ئونىنچى كۈنىگە قەدەر مۇشتلىشىپ قاپىقى يېرىلغان،پىچاق ۋە زىق تىقىشىپ بەدەنلىرى تىشىلگەن،قارنى ئېشىلگەن،بىنادىن سەكرىگەن،ماشىنا-موتسىكىلىتلارغا سوقۇلغان،ماشىنا بىلەن ماشىنا،موتسىكىلىت بىلەن موتسىكىلىت،ھارۋا،تىراكتورلارسوقۇلغان سەۋەبلەردىن پۇتى سۇنغان،قولى سۇنغان،قوۋۇرغىسى سۇنغان،ئۇمۇرتقىسى سۇنغان،بېشى يېرىلغان،مىڭىسىگە قان چۈشكەن،كۆزى قۇيۇلۇپ كەتكەن...ئۇيغۇر بىمارلار تۈركۈم-تۈركۈملەپ كېلىدۇ.
مۇشۇنداق بولغاچقا بۇ مەزگىلدە تاشقى كېسەللەر بۆلۈمىنىڭ خىزمىتىنى ئالاھىدەكۈچەيتىشكە توغرا كېلىدۇ.ئەتىدىن باشلاپ ئىچكى كېسەللەر بۆلۈمى،ئاياللار بۆلۈمى ۋە بەش ئەزا بۆلۈمىنىڭ ھەربىرىدىن يىگىرمە كىشلىكتىن كارۋاتنى تاشقى كېسەللەرگە قارىتا ئاجىرىتىپ بېرىسىلەر،يوقارقى بۆلۈملەرنىڭ ھەرقايسىدىن تۆت نەپەردىن دوختۇر ۋە تۆت نەپەردىن سېستىرانى تاشقى كېسەللەر بۆلۈمىگە قارىتا ئاجىرىتىپ بېرىسىلەر.بۇ مەزگىلىدە بايراملىق دەم ئالماي نورمال ئىشلىگەن دوختۇر-سېستىرالارنىڭ ھەر بىر كۈنىگە قارىتا ئىش ھەققىدىن سىرت يۈز يۈەندىن مۇكاپات قوشۇپ بېرىلىدۇ.كەچتە ھەرقايسى بۆلۈملەرنىڭ مۇدىرلىرى ئۆز بۆلۈمىڭلاردىكى دەم ئالىدىغان ۋە دەم ئالماي ئىشلەيدىغانلارنىڭ تىزىملىكىنى يوللاپ بېرىڭلار!
پىشقەدەم دوختۇرخانا باشلىقىنىڭ گەپلىرى ئىچكىرىدىن يېڭىلا كەلگەن ياش ھېساباتچىنى گاڭگىرتىپ قويدى:
_تاغا-،دېدى ئۇ دوختۇرخانا باشلىقىنىڭ ئىشخانىسىغا ئەگشىپ كىرىپ،_ ئۇيغۇرلار مۇسۇلمان تۇرسا،مۇسۇلمانلار ھاراقنى مەكروھ،ھارام دەپ ئىچمەيدىغان تۇرسا،سىز مۇسۇلمانلارنىڭ رۇزا ھېيىت بايرىمىنى ئۇيغۇرلارنىڭ ھاراق ئىچىش بايرىمى دېگىنىڭىز نېمىسى؟!
_ھاراق ھارام،ھاراق مەكروھ دېگىنى ئۇلارنىڭ موللىلىرنىڭ گېپى،كۆپچىلىك ئۇيغۇرلار ھە دەپ قويۇپ ئىچىۋېرىدۇ.
_نېمىشقا ئەمدى،ئۇلارنىڭ دىلىدىكى ئېتىقاد نەگە كەتتى؟
_ ئېتىقاد ئۇلارنىڭ تىلىدىلا بار.
_ ھە...شۇنداق بولغان تەقدىردىمۇ قاتناش ئەترىتىدىكى ساقچىلار ئۇلارنىڭ ھاراق ئىچىپ ماتورلۇق قاتناش ۋاستىلىرىنى ھەيدىشىنى توسمامدۇ؟
_توسىدۇ،ساقچىلار چوڭ يوللارنى بازار يوللىرىنى توسسىمۇ،بىراق ئۇلار يەنىلا مەھەللىلەردە،ئارقا كوچىلاردا،تۈن كېچىلەردە ئوغۇرلۇقچە قاتناۋېرىدۇ.ئىشەنمىسەڭ رۇزا ھېيىت كەلگەندە كۆر!
دەرۋەقە،رۇزا ھېيىتنىڭ بىرىنچى كۈنى،ئونىنچى ئاينىڭ ئىككىنچى كۈنى چۈشتىن باشلاپ ئەتىسى سەھەرگىچىلا دوختۇرخانىنىڭ تاشقى كېسەللەر بۆلۈمى ئەللىك نەچچە نەپەر ئېغىر زەخمىلەنگەن بىمارنى ياتاققا ئالدى.
2008 -يىل 3-ئۆكتەبىر بالنىست
مەنبە:ئۈزۈم
بۇ يازمىنى ئاخىرىدا جەسسۇر2 تەھرىرلىگەن. ۋاقتى 2011-10-7 22:57
窥视卡
雷达卡
يوللىغان ۋاقتى 2011-10-7 20:14:15
提升卡
置顶卡
沉默卡
喧嚣卡
变色卡
دېۋان تالىشىش
千斤顶
照妖镜
يوللىغان ۋاقتى 2011-10-7 22:58:55
يوللىغان ۋاقتى 2011-10-11 22:07:25