نىمانچىلا تەس دەيمەن ئۇيغۇر بولۇپ ياشىماق

كۆسەنى

	نىمانچىلا تەس دەيمەن ئۇيغۇر بولۇپ ياشىماق Yulghunjan ئەي خالايىق تەس ئىكەن ئۇيغۇر بولۇپ ياشىماق، ئادەت بولدى بىزلەرگە ئۆزىمىزنى غاجىماق. قۇدرەت تېپىش يولىغا سالاي دېسەك ئارغىماق، ئۈزەڭگىمۇ، ئىگەرمۇ، يوللاردا كۆپ ئاچىماق. نېمانچىلا تەس دەيمەن، ئۇيغۇر بولۇپ ياشىماق! سەۋەنلىكتىن مۇستەسنا بولالمايدۇ ھىچ مىللەت، ھەركىمدە بار كەمچىللىك، ئۇنداق-مۇنداق بىر ئىللەت. ئۇچسىمۇ ھەم كۆچسىمۇ ئالەم ئارا بەش قەۋەت، ئېسىل-پەسلىك پەرقى يوق تىزىپ يۈرمە رەتمۇ-رەت. نېمانچىلا تەس دەيمەن، ئۇيغۇر بولۇپ ياشىماق! تەرەققىيات بولماسمۇ، ئۆزىمىزنى غاجىماي، ئېچىلماسمۇ بۇ ئىقبال، ئۇيغۇرلۇقتىن ئاجىماي. يېزىلماسمۇ ماقالە ئەجدادلاردىن داجىماي، يارىمىسا يا باتۇر ياكى نوچى، ھاجىباي. نېمانچىلا تەس دەيمەن، ئۇيغۇر بولۇپ ياشىماق! يۇۋاش-يۇمشاق بولامىش، يىسە قوينىڭ گۆشىنى، تۇغار ئىمىش ئانىلار ئەۋلاتلارنىڭ لۆشىنى. نە كۈنلەرنى كۆرەتتۇق، يىسەك پاشا، لۆجىنى، ئۇچارمىزمۇ خالايىق، يىسەك قۇشنىڭ تۆشىنى. نېمانچىلا تەس دەيمەن، ئۇيغۇر بولۇپ ياشىماق! ئۇلۇقلايمىش بەزىلەر ۋاتاشانى، رىگاننى، ئاي، قۇياش دەپ بىلەرمىش فىرانسۇزنى، گېرماننى. بىرەمدىكىن بىلمىدىم بىكارغىلا بىر ناننى، كىم باقاركىن ئىشلىمەي ئوڭدا ياتقان ئىنساننى. نېمانچىلا تەس دەيمەن، ئۇيغۇر بولۇپ ياشىماق! كىچىككىنە يول تاپقان سېلىۋالسا قوساقنى، يول بەرمىسە ھېچكىمگە قۇرۇپ ھەريان توساقنى. مەڭنى بايقاپ توۋلىسا « تاپتىم ماۋۇ پوقاقنى!» كىم بۇيرىغان بولغىيتى بىزگە مۇنداق چوقاقنى. نېمانچىلا تەس دەيمەن، ئۇيغۇر بولۇپ ياشىماق! ئەجدادىغا پۇت ئاتار نائەھلىلەر نەدە بار؟ نائەھلىگە قەيەردە كۈلۈپ باقار ئەتە بار؟ ئەنئەنىدىن تانغۇچى ئۇيغۇرۇم بار يەردە بار، توۋا دەيمەن مىڭ توۋا، نەدە مۇنداق پەدە بار؟ نېمانچىلا تەس دەيمەن، ئۇيغۇر بولۇپ ياشىماق! قىزىل، قوڭۇر، ساپ-سېرىق بويىۋېلىپ چېچىنى، ئاننان ياكى جورجى بۇش قويۇۋېلىپ ئېتىنى. پاساھەتتە رەڭ بىرىپ يېزىشسىمۇ خېتىنى، ئۇيغۇرلۇقتىن تانالماس، يۇيالمايدۇ قېنىنى. نېمانچىلا تەس دەيمەن، ئۇيغۇر بولۇپ ياشىماق! ئاي بولساڭمۇ ئۆزەڭگە، كۈن بولساڭمۇ ئۆزەڭگە، ئەل رايىغا بېقىپ قوي سۇقۇشتۇرماي ئۈزەڭگە. تەمەننادىن يىراق بول ياغ تولمىسۇن كۆزەڭگە ئەلنىڭ لەنەت تامغۇسى بېسىلمىسۇن تۆپەڭگە. ئادەت بولسۇن سەن ئۈچۈن ئەلنى سۆيۈپ ياشىماق. تۈزۈك قارا، ئۇيغۇردا شانۇ-شەۋكەت زەپەر كۆپ، ئالەمشۇمۇل نەتىجە، تۆھپىلەر كۆپ، خەۋەر كۆپ. رىقابەتلىك بەيگىدە پەللىلەرگە ئۆتەر كۆپ، ئەل ئىشقىدا كۈنۇ-تۈن ھالالۇ تەر تۆكەر كۆپ، يوللىرىغا نۇسرەتنىڭ گۈل-غۇنچىسى ئۈنەر كۆپ، ئۇيغۇرۇمغا يار بولسۇن ئۈمىدۋار بوپ ياشىماق. مەنبە:ساقلانما

سايرامى

	ناھايىتى ياخشى يېزىلغان شېئرىكەن بۇ. ئۆزىڭىز يازدىڭىزمۇ؟  ئۆزىڭىز يازغان بولسىڭىز ھەققەتەن شېئىر يېزىشتا دىتىڭىز باركەن. ھە-راسىت كۆسەنى ئەپەندى سىز كۇچالىق ئوخشىمامسىز؟ ئارتۇق سۇئال سوراپ قويغۇنۇمنى كەچۈرۈڭ، تەخەللۇسىڭىزغا قاراپ شۇنداق سورىغىم كەپ قالدى، ئەيىپكە بۇيرۇماڭ.

ئەتىرگۈل

	ھەقىقەتەن  ياخشى يېزىلغان شېئىركەن، ئۆزىڭىز يازغانمۇ؟

جەسسۇر2

	شېئىرغۇ ھەقىقەتەن ياخشىكەن،ئەجرىڭىزگە كۆپ رەھمەت،لىكىن ئۆزىڭىز يازدىڭىزمۇ ياكى ئاپتورى باشقىمۇ ئېنىق ئىزاھات بەرمەپسىز مەنبەسىگە.

كۆسەنى

	بۇ شېىرنى مەن يازمىغان ئاپتۇر Yulghunjan ئەسكەرتىلگەن، بەلكىم 7 يىل بولدى بولغاي ساقلاپ قويغىلى، شۇڭا تورداشلاربىلەن بىرگە بەھرىمان بۇلۇش نىيىتىدە يوللاپ قويدۇم.

يۈسۈپجان

	ساقلاپ قويغان ئەسەرلىرىڭىز بولسا ئايىمىغايسىز ...

مەرمەر

	ياخشى يىزلغان شېئر ئىكەن رەخمەت ! بۇ مۇنبەرگمۇ كىرىپ تۇرايلى ،باي خەلقى سىزنى قىزغىن قارشى ئالدۇ !!!!!!!!!!!!!!!!

يۇلغۇن

	رەخمەت ! سالامەتلىك يار بولسۇن.