ئۇخلاش ئوزۇقلىنىشتىن مۇھىم

UQKUN

ئۇخلاش ئوزۇقلىنىشتىن مۇھىم

    ئادەم ئۈگىنىش ۋە خىزمەت قىلىۋاتقان چاغدا نۇرغۇن ئوزۇقلۇق ماددىلار سەرىپ بولىدۇ. ئۇخلاش ئادەم تېنى فىزىئولوگىيىسىدىكى بىر خىل قوغدىنىش ھادىسىسى بولۇپ، ئادەم تاتلىق ئۇخلاۋاتقان ۋاقىتتا، نەپەسلىنىش ئاجىزلايدۇ. يۈرەك سوقۇشىمۇ ئاستىلايدۇ، قان بېسىمى ۋە بەدەن تېمپىراتۇرىسىمۇ تۆۋەنلەيدۇ. ھەتتا موسكۇللارمۇ تامامەن بوشىشىدۇ. قىسقىسى، بەدەندىكى بارلىق ئورگانىزىملار تۆۋەن ئۈنۈملۈك ھالەتتە تۇرىدۇ، كۈندۈزى يىغىلىپ قالغان ماددىلار چىقىرىپ تاشلىنىدۇ، ماددا ئالمىشىش تۆۋەنلەپ، بەدەن ماغدۇرسىزلىنىدۇ. ئەگەر ئۇخلىمىغاندا نېرۋا ھۈجەيرىلىرى ئىزچىل ئويغاق ھالەتتە تۇرغاچقا، سەرىپ بولغان ماددىلارنى ۋاقتىدا تولۇقلىغىلى بولمايدۇ-دە، نىرۋا ھۈجەيرىلىرى ئۆلۈپ، ئادەمنىڭ ئۆمرى قىسقىرايدۇ. ئادەم بىر كېچە كۈندۈز ئۇخلىمىسا بىر كۈن تاماق يىمىگەندىنمۇ بەك بىئارام بولىدۇ. شۇنىڭ ئۈچۈن ئۇخلاش ئوزۇقلىنىشتىنمۇ موھىم بولۇپ، ئۇ ئۆمۈرنى ئۇزارتىشتىكى بىر خىل فىزىئولوگىيىلىك ھادىسە.
مەنبە: پەن ۋە تۇرمۇش