ھېيىت ۋە بايراملىق دەم ئېلىش

yadikar

2014-يىللىق دۆلەت بايرىمى، قۇربان ھېيت يېتىپ كېلىش ئالدىدا، گوۋۇيۈەن بەنگۇڭتىڭىنىڭ گ ب ]2013[ 1203-نومۇرلۇق ئاشكارە تېلېگراممىسى «گوۋۇيۈەن بەنگۇڭتىڭىنىڭ 2014-يىللىق قىسمەن ھېيت-بايراملىق دەم ئېلىش ئورۇنلاشتۇرۇشى، «‹شىنجاڭ ئۇيغۇر ئاپتونوم رايونىنىڭ ئاز سانلىق مىللەتلەرنىڭ ئۆرپ-ئادىتى بويىچە ھېيت-بايراملىق دەم ئېلىشقا قويۇپ بېرىش چارىسى› توغرىسىدا قارارى»نىڭ روھىغا ئاساسەن، 2014-يىللىق دۆلەت بايرىمى، قۇربان ھېيتلىق دەم ئېلىشقا قويۇپ بېرىش ھەققىدە تۆۋەندىكىچە ئۇقتۇرۇش قىلىمىز:
    1. 2014-يىلى 10-ئاينىڭ 1-كۈنى دۆلەت بايرىمى، 10-ئاينىڭ 5-كۈنى قۇربان ھېيت. 10-ئاينىڭ 1-كۈنىدىن 8-كۈنىگىچە دەم ئېلىشقا قويۇپ بېرىلىدۇ. 9-ئاينىڭ 28-كۈنى (يەكشەنبە)، 10-ئاينىڭ 11-كۈنى (شەنبە) نورمال دەم ئېلىنىدۇ.
   2. ھەر مىللەت ئاممىسىنىڭ خۇشال-خورام، ئىناق ھېيت-بايرام ئۆتكۈزۈشىگە كاپالەتلىك قىلىش ئۈچۈن، جايلار، تارماقلار دىجورنىلىق خىزمىتىنى ياخشى ئورۇنلاشتۇرۇشى، رەھبەرلىك باش بولۇش تۈزۈمىنى ئەستايىدىل ئەمەلىيلەشتۈرۈشى، دىجورنى خادىملار ئىش ئورنىدا چىڭ تۇرۇشى، ۋەزىپىسىنى ياخشى ئادا قىلىشى، زور مەسىلە ۋە جىددىي، تاساددىبى ۋەقەگە ئۇچرىغاندا، ۋاقتىدا يۇقىرىغا مەلۇم قىلىشى، مۇۋاپىق بىرتەرەپ قىلىشى، كېچىكتۈرمەسلىكى لازىم.
   3. 2014-يىلى 10-ئاينىڭ 1-كۈنىدىن باشلاپ قىشلىق مەشغۇلات ۋاقتى يولغا قويۇلىدۇ. يەنى چۈشتىن بۇرۇن ئۈرۈمچى ۋاقتى سائەت 8 دە ئىشقا چىقىپ چۈشتە 12:00 ئىشتىن چۈشىدۇ، چۈشتىن كېيىن 13:30 دە ئىشقا چىقىپ، چۈشتىن كېيىن 17:30 دە ئىشتىن چۈشىدۇ.

  ئاپتونوم رايونلۇق خەلق ھۆكۈمىتى بەنگۇڭتىڭى
   2014-يىلى 9-ئاينىڭ 16-كۈنى