گۇما يېزا-بازار خەۋەرلىرى

مۇخبىر

گۇما ناھىيەسىدە خەلق تۇرمۇشى كۆرۈنەرلىك ياخشىلاندى

ئىختىيارىي مۇخبىرىمىز ئابلىكىم مۇھەممەت  خەۋىرى: گۇما ناھىيەسى خەلق تۇرمۇشىغا ئالاھىدە كۆڭۈل بۆلۈپ. خەلق تۇرمۇشى قۇرۇلۇشى يىلى پائالىيىتىنى پۇختا قانات يايدۇرۇپ، خەلق تۇرمۇشى ئىشلىرداكۆرۈنەرلىك نەتىجىلەرنى قولغا كەلتۈردى.
گۇما ناھىيەسىدە «12-بەش» يىلدا، ناھىيە بويىچە خەلق تۇرمۇشىغا 8 مىليارد 200 مىليون يۈەن مەبلەغ سەرپ قىلىنىپ، بۇ ئومۇمىي مالىيە چىقىمىنىڭ %77.5 نى ئىگىلىدى. يېڭىدىن 1740 كىلومېتىر تاشيول ياسىلىپ، «ھەممە كەنتنى تۇتاشتۇرۇش» قۇرۇلۇشىنىڭ قاپلىنىشى ئەمەلگە ئاشۇردى؛ 704.7 كىلومېتىر يېزا ئېلېكتر تورىنى ئۆزگەرتىش ۋەزىپىسىنى تاماملاپ، «توك يوق كەنت» لەرنى ئوموميۈزلۈك تۈگەتتى؛ 841 كىلومېتىر ئورماننى تورلاشتۇرۇش قۇرۇلۇشى يولغا قويدى؛ ئاقشۇ سۇ ئامبىرى قۇرۇلۇشى تۈرى ئەمەلىيلىشىپ؛ 14 يېزا – بازار، 118 مىڭ 600 كىشىنىڭ بىخەتەر سۇ ئىچىش مەسلىسىى ھەل قىلىندى، جەمىئىي 449 كىلومېتىر غول، تارماق، ئوق ئۆستەڭ يېڭىدىن ياسالدى ۋە سۇ سىڭمەسلەشدۈرۈلدى. 48 مىڭ 232 يۈرۈش يېزا ئەمىن ئۆيى،  12 مىڭ 594 يۈرۈش شەھەر – يېزا كاپالەتلىك تۇرالغۇ ئۆيىنى يېڭىدىن سېلىپ، 7871 ئائىلىگە تەبىئىي گاز كىرگۈزۈلدى؛ 12 مىڭ 300 ئادەمنى يېڭىدىن ئىشقا ئورۇنلاشتۇرۇپ، يېزىلاردىكى ئېشىنچە ئەمگەك كۈچىدىن جەمىئىي 269 مىڭ ئادەم قېتىم يۆتكەپ ئىشقا ئورۇنلاشتۇرۇلدى؛ ناھىيەلىك خەلق دوختۇرخانىسىنى ئىككى A  دەرىجىلىك دوختۇرخانا قىلىپ قۇرۇپ، كەنت دەرىجىلىك شىپاخانىلارنىڭ قاپلىنىشىنى ئومۇميۈزلۈك ئىشقا ئاشتى .  62 كەنتنى بىر پۈتۈن ئىلگىرى سۈرۈپ، 12 مىڭ 981 ئائىلە، 54 مىڭ 322 كىشى نامراتلىق سىزىقىدىن ھالقىتىلدى. «شەرق شامىلى قۇرۇلۇشى»، «باھار يامغۇرى قۇرۇلۇشى»، رادىيو – تېلىۋېزورنى ھەممە كەنتگە يەتكۈزۈش قاتارلىق مەدەنىيەت قۇرۇلۇشلىرىنى زور كۈچ بىلەن يولغا قويۇپ، كەنت دەرىجىلىك مەدەنىيەت ئۆيىدىن 127 سى يېڭىدىن قۇرۇلدى؛ يەر تەۋرەشكە تاقابىل تۇرۇپ ئاپەتتىن قۇتۇلدۇرۇش ۋە ئاپەتتىن كېيىنكى قايتا قۇرۇش خىزمىتى پۈتۈن كۈچ بىلەن ياخشى ئىشلىنىپ   21 مىڭ 1 يۈرۈش ئەمىن ئۆي قۇرۇلۇشى ۋە 6000 يۈرۈش كاپالەتلىك تۇرالغۇ ئۆينى رېمونت قىلىش خىزمىتىنى ۋاقتىدا  تاماملىدى.
********
ئىختىيارىي مۇخبىرىمىز ئابلىكىم مۇھەممەت  خەۋىرى، فوتوسى: يېقىنقى كۈنلەردىن بۇيان،گۇما ناھىيەسىنىڭ قوشتاغ يېزسىنىڭ ھەرقايسى كەنىتلىرىدە دېھقان-چارۋىچىلارنىڭ  قىش پەسىللىك ئەدەبىيات سەنئەت، مەدەنىيەت- تەنتەربىيە  پائالىيەتلىرى تېخىمۇ جانلىنىپ، دېھقان- چارۋىچىلارنىڭ ئىشتىن سىرتقى مەنەۋىي  تۇرمۇشى بېيىتىلدى.سۈرەتتە: قوشتاغ يېزسىنىڭ سۆگەتلىك كەنتىدىكى دېھقان ياشلارنىڭ تىكتاك توپ مۇسابىقىسدىن كۆرۈنۈش  

*****
سۈرەتلىك خەۋەر
   مۇخبىرىمىز ئابلىكىم مۇھەممەت خەۋىرى، فوتوسى : گۇماناھىيە موكۇيلا يېزا مونەك مەھەللە كەنتىدە تۈرۈشلۇق «ئۈچ ئەل» خىزمەت گۇرۇپپىسى بىلەن كەنىت كومىتېتى،  يېقىندا كەنىتتە ‹‹قىزىل تورخانا›› قۇرۇپ، ياشلارنى زامانىۋى مەدەنىيەتنى يېتەكچى قىلىشتا چىڭ تۇرۇپ، پەن- تېخنىكا ئۈچۈرلىرىنى ئىگىلەش،  دىنىي ئەسەبىيلىككە قارشى تۇرۇش، ئىناقلىقنى ئىلگىرى سۈرۈشكە چاقىرىق قىلىش بىلەن بىرگە، ئۇلارنىڭ مەنىۋى تۇرمۇشىنى موللاشتۇردى.
سۈرەتتە: ياشلار   تورغا چىقماقتا

******
خەۋەر قىلغۇچى: گۇما ناھىيەلىك سىياسىي كېڭەشتىن ئابلىكىم مۇھەممەت