كۆيەر بەغرىم خۇددى گۈلخاندەك

ئەركان

كۆيەر بەغرىم خۇددى گۈلخاندەك

ئەركان

گۈل سىمايىڭ كۆڭۈل خانەمگە،
يورۇق بىرۇر مەشئەل ياققاندەك.
ھۇزۇر بىرۇر خامۇش كۆڭلۈمگە،
سۈبھىدىكى نۇرلۇق چولپاندەك.

يامان كۆزلەر سالمىسا تۇغان،
مىھرى-ۋاپا،دەريا-قىيانغا.
تاپساق ئەگەر چىن سۆيگۈ ۋىسال،
يىتەر ئىدۇق گۈزەل ئارمانغا.

سۆيگۈ مىھرىڭ بولۇپ بىر ئاتەش،
كۆيدۈرمەكتە پۈتۈن جىسمىمنى.
شۇ ۋەجىدىن ئاشىق مەن ساڭا،
ئۈزەلمەيمەن سۆيگۈ  رىشتىمنى.

قانات ياساپ گۈلۈم قىشىڭغا،
ئۇچۇپ بارسام دەيمەن شۇڭقاردەك.
ئوت-پىراقىڭ مىنى لال قىلىپ،
كۆيەر باغرىم خۇددى گۈلخاندەك.

مەنبەسى:ئۆز ئىجادىيىتىم.

سەھەر

ئەركاننىڭ سۆيگۈلىرى تېخىمۇ لاۋۇلداپ تۇرغاي!

ئەركان

ئوتىمىز لاۋۇلدىمىغۇدەك دەرىجىدە قىرىپ كەتمىدۇق بىز جۇما  ئۇكا؟

تۈركزات

كۆيدۈرسە مەشۇقنىڭ ئوت-پىراقلىرى،
ئوچۇرسۇن گۈلخاننى كۆل-بۇلاقلىرى.
يۈرەكنى ساقلايلى «خانە»دە مەزمۇت،
كۆيۈپ كۈل بولمىسۇن «ئولتۇراق»لىرى.

ئەركان

يۈرىكىم كۆيىدۇ مەشۇقۇم ئۈچۈن،
مەشۇقۇم پەقەت بىر ئۆيۈمدە مەھكەم.
كىمگىمۇ بىرەرمەن يۈرەكنى ئەمدى،
يىشىممۇ قىرىدى بولۇپ مۇقەددەم.

شەھلا

تەكلىپلىك يازغۇچىلىرىمىزدىن ئىملانى بۇزۇشنى ئۈگەنسەك بولغۇدەك!

شەھلا

كۈيەر باغرىم خۇددى گۈلخاندەك،
ۋە ھەم ياكى ھەيۋەت ۋولقاندەك.
لېۋەن يارلار قىيا باقمىسا!
سولار چېھرىم كۈزگى غازاڭدەك.

ئەركان

ئەپسانىنىڭ شىئىرىمنى زىيارەت قىلغىنىغا كۆپ رەخمەت!

كاراپ

قانات ياساپ گۈلۈم قىشىڭغا،
ئۇچۇپ بارسام دەيمەن شۇڭقاردەك.

مېنىڭچە يۇقارىقى مىسرادىكى شۇڭقارنى بۇلبۇلغا ئۆزگەرتسەك تىخىمۇ ياخشى بولاتتى دەپ قارايمەن، چۇنكى گۈل بىلەن بۇلبۇلنىڭ مۇھەببىتى ئەزەلدىنىلا بىرلىككە كەلگەن تەسۋىرغا ئايلىنىپ بولغان.