ئەھەدى--گۇما دىيارىدىكى قەلەمكەشلەرگە ئايەملىك مۇشائىرە

ahadi

مۇكاپاتلىق ئەسەر پائالىيىگە:

گۇما دىيارىدىكى قەلەمكەشلەرگە ئايەملىك مۇشائىرە

(مۇۋەششەھ)

ئەھەدى

گۈلمۇسەن، گۈلزارمۇ سەن؟بېغىمدىكى،
زەرمۇسەن، گۆھەرمۇسەن؟ تېغىمدىكى.
ئۇز، لىۋەن، ھىكىمەتكە باي قۇتلۇق ماكان،
دىلبىرىمسەن تاكى ياش چېغىمدىكى.
مەرىپەت   يۇلتۇزلۇرۇڭغا   ئەسسالام،
دوست-بۇرادەر لەر يۈرەك قېتىمدىكى.
ئاق كۆڭۈللەر يادىغا يەتكەي بۇدەم،
سېغىنىش  ئىزناسى  كۆز  ئېقىمدىكى...

(1)

ئاشىغى، پەرۋانىسى كۈي-نەزمىنىڭ،
مۆھتەرەم گۈلتاجى مەشرەپ- بەزمىنىڭ.
بۇلبۇلى روھى  نەزىم  گۈلشەنىنىڭ،
ھەم پىرى-ئۇستازى ئەشئار ئەھلىنىڭ.
دىلبىرىڭ-سۆيگەن نىگارىڭدۇر قەلەم،
بەرقى، نۇر ئەپشانى ئارۇز  بەھرىنىڭ.
ئۈنلىسەڭ دەمدەر كەبى بۇغ- بۇغ ئىتىپ،
ئۇيقىسى قاچقاي كىلاسسىك  يازمىنىڭ.
قالمىدى سەن كەزمىگەن ئاسمان-زىمىن،
ئۆزى سەن ئەل كۈلكىسى ھەم قەھرىنىڭ.
ئارزۇيۇڭ- بولماق يۈگەنسىز ئارغىماق،
ھەم كۆزىگە  مىخ رىياكار  دەھرىنىڭ.
دىل سارايىڭ لىق جاۋاھىر –ئۈنچىگە،
ساھىبى سەن، ئەجرى-ھىممەت تەختىنىڭ.
ئىختىيار ئەتمىش تالاي مەشۇق  سېنى،
ئەيلىمەككە  پاسىبان  ئۆز  بەختىنىڭ.
رەھنىما دوستۇم  قەدىردان  بول  ئامان،
ۋەزنى سەنسىز نۆل ئەھەدى ئەھدىنىڭ!

(2)

ھەرنەپەس تەۋسىپلىرىڭ يادىمدىدۇر،
گاھ چۈشۈمدە، گاھى كۆز ئالدىمدۇر.
ئىچىكىنىم ئالتۇن تاۋاقتا بىللە مەي،
بار ئىسىمدە، لەززىتى  ئاغزىمدىدۇر.
كۈلدۈرۈپ گاھ يىغلىتىپ كەلدىڭ مېنى،
كۈيلىرىڭنىڭ زەۋقى دىل- باغرىمدىدۇر.
ئىشقى يادىڭ  ۋەزنى  ئارۇز  بەھرىدە،
شۆھرىتىڭ ‹قاشتاش› بىلەن ‹تارىم› دىدۇر.
مۇنتەزىر  بولدۇم   قەلەم  جەۋلانىغا،
يازمىشىڭ ئارزۇ، تىلەك   رايىمدىدۇر.
ئىلتىجا قىلغاي ئەھەدى  ئەي   پەدەر،
بىلكى ۋەسپىڭ جاندىدۇر، جانىمدىدۇر!

(3)

خۇش كۆلۈپ باققانلىرىڭنى كۆرمىدىم،
ئەمما جىم   ياتقانلىرىڭنى   كۆرمىدىم.
ئۇيقىسىز ئۆتكەي تۈنۈڭ ئىجات  بىلەن،
نەققە ھەق ساتقانلىرىڭنى   كۆرمىدىم.
شوخلىغىڭ كەتكەندۇ نەگە، بىلمىدىم،
ئايغا قاش   ئاتقانلىرىڭنى   كۆرمىدىم.
خۇلقى ساز شەيتانلىرىڭ ناز ئەيلىسە،
كەينىدىن  چاپقانلىرىڭنى كۆرمىدىم.
ئۇرغىنىڭ دەييۈزگە تىغ يادىمدىدۇر،
ساختا يۈز تاپقانلىرىڭنى كۆرمىدىم.
يالجىغان يالقۇن ئىدىڭسەن ئەسلىدە،
بىر ئۆچۈپ باققانلىرىڭنى كۆرمىدىم.

(4)

بۇلبۇلى شەيداغا گۈل دىلدار ئىمىش،
بولسا دىلدار ئاڭا ۋىسال  يارئىمىش.
ئەي،نەزىم گۈلشەنىنىڭ شوخ بولبۇلى،
ئاڭلىسام ئىچىڭدە گۈلخان بار ئىمىش.
گۈل ئۈچۈن قىلدىڭ ناۋا چاقماقسىمان،
بىر چېقىلساڭ نە بولۇت دەر كار ئىمىش؟
تۇرسا بالقىپ ئالىمىڭدە مىڭ قوياش،
پەسلى كۆكلەم، گۈل-چىمەن تەييار ئىمىش.
ئۈزگىلى قەست ئەيلىسە غۇنچەڭنى ياۋ،
بىر قىقاس سالساڭ شۇئان تار-مار ئىمىش.
رىغبىتىڭ تاشسۇن يەنە ، تەۋرەت قەلەم،
ۋەسلىدىن كەچمەك نىگارنىڭ ئار ئىمىش.
كەل! قەدىناس دىلكىشىم، ئەيلە  ناۋا،
ئوت نەپەسكە ئەھەدى خۇشتار ئىمىش !

(5)

خۇش مۇبارەك،ئەي قەدىردان ئەسسەلام،
پەيتى ئايەم   يەتكۇسى ئوتلۇق  سالام.
ئۇشبۇ دەم بولغاندۇ  دەپ تەشنائى لەب،
مەي ئۇزاتتىم،مەيدە ھۆرمەت ، ئېھتىرام!
جىلمىيىپ تۇرماي  قېنى لەۋ تەككۈزۈڭ،
نەئەجەپ، تەشنا كۆڭۈل  تاپسا  ئارام .
ئىشتىياقى شىئېر-غەزەلنىڭ قىلدى مەس،
بولدى غەپلەت ئۇيقىسى سىزگە ھارام.
قەدرىڭىز، رەپتارىڭىزغا مەن سىزىك،
لەۋزىڭىزدە ئەملىنىپ  پۈتتى  يارام.
ئاشىغىنى  تاپسا   ئىلھام      پەرىسى،
بولمىغايمۇ  ئەيشى- ئىشرەتتە  قارام.
بىخلىنىپ تاش ئۈستىدىن ئۈنسە خىيال،
چەشمىڭىز ئاققاي بولۇپ تارام-تارام.
ئىزدىنىش ئىچرە  قەلەم   تۇلپارىڭىز،
ئەڭ ئاداققى بەيگىنى قىلسۇن داۋام.
زەپ خۇشاللىق ئىش بولۇركىم سىز بىلەن،
بۇسەپەرنى ئەھەدى  ئەتسە  تامام...

(6)

تەسۋىرى تاغدا ئۇنىڭ،سىماسى  ھەم،
دىلبىرى باغدا ئۇنىڭ، رەناسى  ھەم.
ئۈششىمەس، بەرگى خازان بولماس گۈلى،
جۇتتىمۇكۆكلەم ئۇنىڭ  ھاۋاسى ھەم.
راستمۇ دەپ دوستۇم تەئەججۈپ ئەيلىمەڭ،
روھى ئۇيغاق، ئۆزگىچە دۇنياسى ھەم.
كۆڭلىگە  پۈككەن  نىگارىدۇر  قەلەم،
ئۆزگە يوقتۇر  دەردىگە  داۋاسى  ھەم.
زېھنى، مىھرى  بىر  ئىشىققا   مۇپتىلا،
ئۇ شىئېرنىڭ  ئاشىغى، شەيداسى ھەم.
ئارزۇ-ئارمان گۈللىرى ئاچتى چېچەك،
چاقنىغاچ چوغدەك قەدەم ئېزناسى ھەم.
تەگمىسۇن جىلۋەڭگە كۆز ئەي دىلكلىشىم،
بول ئەبەت كۈي- نەزمىنىڭ ھەمراسى ھەم!

(7)

ئاينى ئىزدپ كۆككە باقتىم مەن ئۇزاق،
كۈنگە  تەشنا  ۋۇجۇدۇمدا  ئىشتىياق.
بەرگى خازان باغلىرىمغا  نەۋ   باھار،
قىلدى تارتۇق بىر قەدىردان كۆڭلى ئاق.
لەۋزىدىن ياغسا  دىيانەت  يامغۇرى،
نەزمە –ئەشئار ئىشقىدا چەككەي پىراق.
ئەل سۈيىدە  ئاقتى، كۆيۈپ  ئۇتىدا،
بولدى ئۇ كىبىر، تەمەننادىن  يىراق.
تەسۋىرىگە سۆز  تاپالماي لال  تىلىم،
چۈنكى ئۇماھىر، ئەھەدى چولتىراق.

(8)

ماھىتابان   ئىشقىدا  پەرۋانە  ئۇ،
بارچە ئاشىق ئىچىدە بىر دانە  ئۇ.
ئارزۇ-ئارمانى بۈيۈك،شۇنچە گۈزەل،
ياۋغاپىخسىق،خەلقىگە مەردانە ئۇ.
ماختىسا كەتمەس ئۇچۇپ قامغاق كەبى،
تىللىسا بولمايدۇ ھېچ ھەيرانە ئۇ.
ئۇخلىسا چۈشەيدۇ  ئىلھام  قىزىنى،
ئۇيغۇنۇپ شىئېر ئىشقىدا سەرسانە ئۇ.
تامغۇزۇپ ئەنتۇر كەبى تاتلىق شاراپ،
مېنى بىھۇش ئەيلىگەن مەيخانە ئۇ...

(9)

ئارىقۇمدا بار ئىكەنمىش بىر بۇلاق،
كۆچمە قۇملار ئاستىدا  قاپتۇ ئۇزاق.
بىر گىياھ كۆكلەپ چىقىپتۇ يېنىدىن،
شۇنچە كۆركەم، بىجىرىم ھەم خۇشفۇراق.
لەيلىنى تاپقان كەبى مەجنۇن گۇيا،
پەسلى كۈز كەتكەن ئىمىش كۆچۈپ يىراق.
ئىسىدىن چىقمايدىكەن ئول دىلرەبا،
ۋۇجۇدىنى كۆيدۈرۈپ ئىشقى-پىراق.
پۇرقىتىدىن بۇپتۇ ئۇ ئاخىر بىھۇش،
شۇندىمۇ ئۆچمەپتۇ دىلدا ئىشتىياق.
ئىلتىجا ئەيلەپ  قەلەمگە  دەردىنى،
قىپتۇ ئىزھار سىڭدۈرۈپ ئۈندەش،سوراق.
زاھىرەن يەتكەن ئىمىش يار ۋەسلىگە،
ئەھەدىنىڭ باتىنى  دەرتتە  بىراق...
                 
دوستلۇرۇمغا سوغا-سالام كەتتىلەر،
ئەھەدى كۆڭلىنى  ئىزھار ئەتتىلەر.
بەلكى ئەتە يانغۇسى دۇئايىسالام،
يانمىسا،كۆڭلۈمگە بەرھەم يەتتىلەر !

2012-يىل19-ئۆكتەبىر شەھرى ئۇدۇن

ھېكىمى

ئەھەدىنىڭ ئۇلۇغ قۇربان ھىيت كېلىش ئالدىدا بىز نى يادئىتىپ تۇتقان ئىسىل سوۋغىسىغا كۆپتىن-كۆپ رەخمەت.تېنىگەساقلىق،تۇرمۇشىغا خۇشاللىق،ئىجادىيىتىگە تىخمۇ زور ئۇتۇقلارتىلەيمەن.

begturk

سالام ئەھەدى ئاكا، مۇۋەششەھلەرنىڭ تىلى شۇنداق ئويناق چىقىپتۇ،ئۇلۇغ قۇربان ھېيىت ھارپىسىدىكى  قىممەتلىك سوۋغىڭىزغا كۆپ رەھمەت.يۈرەككە ئوت ياققان بۇ نەزمىڭىزدىن قىزىل گۈللەر پۇرەكلەپ ئېچىلغۇسى !

تەبەسسۇم

مۇۋەششەھلەر ئىسىل چىقىپتۇ جۇمۇ. شۇنداق خۇرسەنلىك ئىچىدە ئوقۇپ چىقتىم.
ما خوتەنلىكلەرگىمۇ بىرە نۆۋەت كېلە ھە؟!

HOJAKABIZ

ئەھەدىنىڭ دوستلۇق ئۇچۈن قەلەم تەۋرەتكەن قوللىرى مەڭگۈ دەرت كۆرمىگەي!  

دېھقانى

سالام ئەھەدى ئاكا،گۇمادىيارىدىكى قەلەمكەش بۇرادەرلەرگە يوللىغان ھېيتلىق سالامىڭىز تولىمۇ ئۆزگىچە چىقىپتۇ!...
پېقىر جىيا ئوغلى دېھقانى سىزنىڭمۇ ئايەم كۈنلىرىڭىزنىڭ كۈڭۈللۈك، تېنىڭىزنىڭ سالامەت بولۇشىنى ئۇلۇغ ئاللاھدىن تىلەيمەن!

huxhuy

ئىككى مۇۋەششەھ

مۇھەممەد كامال خۇشخۇي
(1)
ئەتىگەندە دىلنى چەكتى بىر تىۋىش،
بايقىسام كۆڭلۈم ئارامى سىر تىۋىش.

ھىلى ئۆڭگەن رۇي-سىياقىم ئېچىلىپ،
كۆردى مەنزىل ئەنە گۈلگۈن قىر،تىۋىش.

ئەمما تىرەن ئوي-پىكىردە زەن قويۇپ،
ئول باھادىن قايدى باش پىر-پىر،تىۋىش.

دال كەبى ئەگدى بويۇمنى تەۋسىپى،
ئاقتى خىجىللىق تېرى شىر-شىر،تىۋىش.

ئىلكىمە شۇنداق ساداقەت تاپسا دەپ،
بىقۇۋۇل خۇشخۇي تىلەكى-جىر،تىۋىش.
(2)
ئەھدە ئەيلەپ ئول ئىجاتنىڭ ئىشقىدا كۆيمەكنى سىز،
دىلغا پۈككەن يارىڭىز ئەشئارنى چىن سۆيمەكنى سىز.

ھىدى خۇشبۇي ئىلتىجالىق ئىزگۈلەر قىلغاچ بايان،
يەتتىڭىز ئارمانغا، باسقان ھەر قەدەمدىن قالدى ئىز.

ئەتمىگەن جاننى پىدا بىلمەس مۇھەببەت قەدرىنى،
سۆيدى ئاخىر سىزنى ئارۇز-زىلۋا بويلۇق پەرى قىز.

دەملىرىمنى كۈيگە ئۈندەپ نەزمىلەر پۈتتۈم،بىراق-
ھەر بەھىردە تەمتىرەپ سوقتى يۈرەكىم بەكمۇ-تىز.

ئىدى دوستلۇق رىشتىڭىز خۇشخۇيغا ئالەمچە يۆلەك،
شۇ يۆلەك ئاپتابىدىن گۈلدەك ئېچىلدۇق ئىككىمىز.
2012-10-20

ahadi

مۇشائىرەمدە  تىلغا ئالغان مۆھتىرەم ئەزىزلەردىن خۇشخۇي ئەپەندىمدىن باشقىلار ئايەم تەييارلىغى بىلەن ئالدىراش ئوخشايدۇ، خەيىر.... قولى بوشاپمۇ قالار....يەنە كۈتەي...

مۇھاجىر

رەھمەت ئەھەدى ئاكا بايراملىق سوۋغىڭىز بەك كاتتا ئىكەن جۇمۇ

مۇھاجىر

رەھمەت ئەھەدى ئاكا بايراملىق سوۋغىڭىز بەك كاتتا ئىكەن جۇمۇ