ھېكايە ئېيتىپ بەرگۈم كەپ قالدى

rita1028

ئسىتانبۇلنىڭ ھاۋاسى ئادەمنى سەل خىيالچان قىپ قويىدۇ . بەزىدە كۈتۈپخانىنىڭ دېرىزىسىدىن يامغۇردا ئالدىراش مېڭىۋاتقان ئادەملەر توپىغا قاراپ كىملەرنىدۇر ،نىمىلەرنىدۇر ئەسلەپ قالىمەن . بەزىدە تۇرۇپلا  قەلبىمنىڭ چوڭقۇر قاتلاملىرىدىن يېڭىچە بىر ئۈمۈد قايناپ چىقىدۇ . مۇشۇنداق چاغدا ئاندىن قولۇمغاقەلەم ئېلىپ ماڭا  ئېغىر تۇيۇلغان بەزى نەرسىلەرنىڭ بەك يەڭگىللىكىنى ھېس قىلىپ يازماسلىققا چىدىماي يېزىپ سالىمەن .
2011 -يىلى ھاياتىمدىكى ئاجايىپ مۇھىم مەزگىللەردە تۇرىۋاتاتتىم .
) p9 I2 A" ^: F, M. Kشۇ يىلى ئوقۇش پۈتتۈرەتتىم . ئەمما  ئوقۇش پۈتتۈرۈشۈم بىلەنلا ھاياتىمدىكى بۇرۇلۇش ھاسىل قىلىدىغان مۇھىم تاللاشلارغا دۇچ كېلەتتىم .  ھۆكۈمەت خىزمىتى قىلىشىم كېرەك ياكى ئۆزەم باشقا بىر ئىش قىلىشىم كېرەك .   ياتلىق بولۇپ ئۆيدە ئولتۇرۇشۇم كېرەك ياكى رىئاللىقتىن مەلۇم مەزگىل ئۆزەمنى قاچۇرۇپ داۋاملىق ئوقۇشۇم كېرەك .
     2009-يىلىدىن باشلاپ ھەپتە ئاخىرلىرى ۋە تەتىل كۈنلىرى ئىشلەشنى باشلىۋەتكەن ئىدىم . ئوقۇشىڭىزغا تەسىر يەتمىدىمۇ دەپ سورىماڭلا  . ئاشۇ دەرسنى باھانە قىلىپ ئۆزىنى ئالدىراش قىلىۋالىدىغان سىتۇدىنتلارنى پەقەت چۈشەنمەيمەن ھازىرمۇ . ئىشلەش جەريانىدا ئۈگىنىۋاتقان نەرسەمنى قانداق ئۈگەنسەم بولىدىغانلىقىنى تېخىمۇ تونۇپ يېتىپ تېخىمۇ ياخشى ئۈگىنىپتىكەنمەن تېخى .
لېكىن دەل شۇ ئىشلەش جەريانىدا ھۆكۈمەت ئورنىدا ئىشلىسەم قانداق بولىدۇ ،شەخسى ئورۇندا ئىشلىسەم قانداق بولىدۇ كاللامدا بىر كۆز قاراش شەكىللىنىپ بولغان ئىدى .
# K# ~, H% y& x0 m7 r# O3 \$ u8 Sھىجابلىق قىزلارنىڭ ھۆكۈمەت ئورۇنلىرىدا قارشى ئېلىنمايدىغانلىقىنى بىلىمىز . شەخسى ئورۇنلىرىمىزدا ئىشلىسە قانداق بولىدىغىنىنى تېخىمۇ بەك بىلىمىز  . خىزمەتنىڭ ئاخىرىنى تەسەۋۋۇر قىلالماسلىق (چۈنكى نۇرغۇن شېكەتلەر  ئۇزۇنغا بارمايلا  تاقىلىپ قالىدۇ ، ماڭا  ئۇنداق ئەمەس  دەپ دەرس ئۆتمەڭلا  ، مەن ھەممىسى دېمىدىم 90 % جېقى دېمەكچى  ، مائاشى ئاز بولغاننىڭ ئۈستىگە دېگەندەك ياخشى مۇئامىلىلەرگە ئۇچرىمايسىز  . قىز بالا بولسىڭىز  بىر مۇنچە گەپكە چىداپ  ، ۋە سەت قىلىق ئادەملەرنىڭ قىلىقلىرىنى كۆرمەسكە  سېلىپ ئۆتۈپ كېتىدىغان گەپ .  
) R. z" {$ D, m% T9 C+ \' Q   ئاپاملار قىلدەك تولغىنىپ كېتىۋاتتى . شۇنچە يىللار ئالىي مەكتەپتە ئوقۇتۇشتىكى مەقسىتى ئوقۇش پۈتتۈرۈپ ئۇلارنىڭ يېنىغا قايتىپ كەلسەم ، شۇ يەردە ئىشلىسەم ،ياشىسام . ئەمما  ئۇنداق بولمايدىغانلىقىنى ئۇلارمۇ مەنمۇ تۇيۇپ تۇراتتۇق .چۈنكى يۇرتۇمنىڭ ئەھۋالى ھەممىمىزگە ئايان ئىدى .
ھىجابىم تۈپەيلى 2009 دىن بېرى ئۆيگە تۈزۈكمۇ قايتالماي (قايتساملا ساقچىخانىغا بېرىپ ئۆزۈمنى «مەن كەلدىم » دەپ مەلۇم قىلىپ قويۇشۇم ،ئۇلارنىڭ نازارىتى ئاستىدا تۇرۇشۇم ، بىر مۇنچە قوپاللىقلىرىغا چىدىشىم كېرەك ) يۈرۈشۈم ئۇلارنىڭمۇ مېنىڭمۇ جېنىمغا تەگكەن ئىدى .
     دەل شۇ 2011 -يىلىنىڭ كەچكۈز كۈنلىرىدە ( شۇ كۈنى بېيجىڭدا ياغمىغان يامغۇر ياغقان ، ھىسلا ئەمەس ھاۋاسى ئىسىمدە قاپتىكەن )  ئاپام يېغلاپ تېلىفون قىپتۇ . بىر ھەپتە تۇرالىسىڭىزمۇ ھېساب ، ئۆيگە بىر كېلىڭ بالام دەپ .
  باردىم . ۋاي بىچارە ئاپام . شۇ مەن ئوقۇش پۈتتۈرۈشتىن بۇرۇن مېنىڭ غېمىمنى قىلىپ .  ئوقۇشىنى پۈتتۈرۈپ ياغلىقى تۈپەيلى خار بوپ قالمىسۇن ، ياغلىقىنىڭ قەدىرىنى قىلىدىغان بىرىنىڭ قولىغا ئۆتسۇن دەپ لايىق تېپىپتىكەن ماڭا  .
6 x8 a" b4 H2 j; |. D7 `    توي دىگەننى ئويلاپمۇ باقماپتىكەنمەن شۇنچە يىللارغىچە ،خۇددى مەن مەڭگۈ چوڭ بولمايدىغاندەك  ھېس قىلىپ .
  كاللامدا تۈتۈن چېقىلدى . ئۇ ئادەمگە ياتلىق بولايمۇ بولمايمۇ ئەمەس  ، ياتلىق بولامدىم بولامدىم بولمامدىم ؟ ياتلىق بولغاندىكىن قانداق قىلىمەن ، قانداق ئايال بولىمەن ، قانداق ئانا  بولىمەن ؟دەپ بولمامدۇ
8 R9 Y6 `5 [3 d4 i# C   ياتلىق بولۇش خىيالىمدا بولمىغىنى بىلەن بالىلارغا بەك ئامراق ئىدىم ،ھەم بالىلارنى تەربىيلەش توغرىلىق شۇنداق جېق كىتاب ئوقۇپتىكەنمەن  كەلگۈسىدە بالام بولسا ......دەپ  . ئەمدىلىكتە  ياتلىق بولۇش يېشىغا كېلىپ ئۆتۈپ كەتكەندە ئايال بولۇش توغرۇلۇق ھېچنىمە  بىلمەيدىغىنىم ئېسىمگە چۈشتى .
مەيلى كىمگىلا ياتلىق بولاي ياخشى بىر ئايال بولۇشۇم ، ئۇنىڭ خىزمىتىنى قىلىشىم مۇھىمى ئۇنى بەختلىك قىلىشىم كېرەك .
   كۈنلەپ نىمىلەرنى قىلىدىغانلىقىم ،قانداق قىلىدىغانلىقىم توغرىلىق ئويلاندىم ،ئىزدەندىم ، يەڭگىلىرىمدىن سورىدىم . مېنىڭ بۇ قەدەر ئەستايىدىللىقىمغا ھەممىسى كۈلۈشتى ،ۋاي سەۋدا قىز  ، قايسى تەلەيلىكنىڭ قولىغا چۈشەرسىز دەپ . ....   
ئاپامنىڭ ئۇ يىگىتى سەئۇدىدا ئوقۇۋاتقان بالىكەنتۇق .بىچارە ئاپام ئۇياقنىڭ سەئۇدىدا ئىكەنلىكىدىنلا شۇنچىلىك خوش بولۇپ (سەئۇدىدا تۇرىۋاتقان بولسىلا  بەك تەقۋا ،ئۇلۇغ ھېسابلىنىدىكەن چوڭلارنىڭ نەزەرىدە ) ، گەرچە بىر ئۆمۈر ۋەتەنگە قايتالمايدىغان ،مېنىمۇ ھەم بەلكىم بىر ئۆمۈر كۆرەلمەيدىغان بولسىمۇ ھىجابىم بىلەن (توغرىسى ئىمانىم بىلەن ) ياشىيالىسۇن دەپلا مېنى قوش قوللاپ سۇنۇپتۇ ئۇ بالىغا  .
ئۇ ياق تېلىفون قىلدى شۇنداق قىپ .
' }0 G, y$ N, P0 W' [   مەن چىرايىنىمۇ كۆرۈپ باقمىغان ، تەسەۋۋۇرمۇ قىلالمايدىغان بىر ئەرتېلىفوندا ھەدەپ سۆزلەۋاتىدۇ  . يېنىمدا ئاپام ئولتۇرىدۇ مېنى خاتا  گەپ قىپ قويۇپ ئۇ ياقنى قاچۇرۇپ قويامدىكىن دەپ .
مەن ئىزا -نومۇستىن ئۆلىۋاتىمەن . نورمال يوسۇندا ئوغۇللار بىلەن پارڭلىشىش باشقا  گەپكەن ، بۇ باشقا بىر گەپكەن .
2 G+ I) N9 m8 L* ^2 j  قارىھاجىم گەپكە ئاجايىپ ئۇستا ئىدى . ئۆزىنىڭ مەكتەپ تەربىيىسى كۆرۈپ باقمىغانلىقى ، ئەمما كىچىكىدىن دىنىي تەربىيىنى ياخشى ئالغانلىقى ، قىرائىتىنىڭ ئېسىللىقى ، قىرائىتى ئېسىل بولغاچقا ئىسلام داشۆسىدە ئوقۇيالىغانلىقى ...قاتارلىقلارنى سۆزلەيتتى  . كۈنىگە بەش ۋاق نامىزىدىن يېنىپ بەش ۋاق تېلىفون قىلاتتى  . ھاياتىدا مېنىڭدىن باشقا بىر قىزنى ئالىمەن دەپ باقمىغانلىقى (چىرايىمنىمۇ كۆرۈپ باقمىغان تېخى ) مېنىڭ ئاۋازىمدىنلا مېنى شۇنداق ياقتۇرۇپ قالغانلىقى ( ئۆيدە يوغان تېرەكتەك ئىككى ئاكام ۋە بەگ ئىنىم بار  ، ئۇلاردىن نومۇس قىلىپ ئاۋازىمنىمۇ چىقىرالماي يۈرسەم قايسى ئاۋازنى ياخشى كۆرۈپ قالدىكى تاڭ  )  نى دەپ ، گېپىنىڭ ئارىسىغا ئەرەبچە گەپلەرنى قىستۇرۋېلىپ « خاپا  بولماڭ ،مېنىڭ ئەرەبچەم ئۇيغۇرچەمدىن ياخشى » دەپ قوىۇشلىرى     
   كۆڭلۈمنىڭ چوڭقۇر قېتىدىن بۇ لايىقنى پەقەتلا  ياقتۇرالمىدىم .بۇ 10 نەچچە كۈندە مېنىڭ بىلگىنىم  ناماز ئۆتەش ، تېلىفون قىلىش ، ۋائىزلىق قىلىشتىن باشقا  ھېچقانداق ئىش قىلمىغان ، ئۆزىنىڭ ئەرەبچىسىنىڭ ئۇيغۇرچىسىدىن ياخشى  (25 يېشىدا بېرىپتىكەن بوممىسا ئۇ يەرگىمۇ  يا ئۇ يەردە تۇغۇلماپتىكەن  ) ئىكەنلىكىدىن  پەخىرلەنگەن بۇنداق ئادەمنى كىيىن نىمىش قىلىدىغانلىقى ، قانداق قىلىدىغانلىقىنى ] پەقەت تەسەۋۋۇر قىلالمىدىم . كۆز ئالدىمغا ھېلىقى« ئۆلۈك جانلار» رومانىدىكى قېرى پومىشچىكلار كەلدى ،،  بەلكىم ھاياتىمنىڭ ئاخىرىغىچە ئاشۇلاردەك ياشىشىم مۇمكىن ئىدى ....  
     شۇنداق قىلىپ ھەممە  ئىش  ئورۇنلاشتۇرۇش بويىچە ماڭدى . ئاپام مېنىڭ ھېچقانداق قارشىلىق كۆرسەتمىگىنىمگە ئالەمچە خوش  . ئەمما  ئىككى ئاكام ھۇجرامغا سولىنىۋېلىپ بۇقۇلداپ يېغلاپ كېتىشىمدىن بەك بىئارام بولۇشۇپ كېتىشتى . مېنىڭ بىلەن يۈز تۇرانە سۆزلىشەلمەي كوت كوتتتا  خەت يېزىپتۇ مېنىڭ سۆيۈملۈك چوڭ ئاكام . جېنىم ئۇكام ، كۆڭلىڭىز تارتمىسا بولدى قىلايلى  ،بىز پەقەت بەرداشلىق بىرەلمەيدىكەنمىز يېغلىسڭىز دەپ .
    نىھايەت  توي بولىدىغان بولدى ، ئوقۇش پۈتتۈرىشىم بىلەن مەن  خەقنىڭ يېنىغا ئۆزەم بېرىپ ، ھاياتىمدا كۆرۈپ باقمىغان مۇشۇ ئادەمگە  ھېچقانداق ئۇرۇغ-تۇغقىنىم ، يۆلەنچۈكۈم يوق ئەھۋالدا ياتلىق بولىدىغان ، نىكاھ ئىنتىرنىتتىن ئوقۇلىدىغان بولدى .
    مەكتەپكە كەلدىم رۇخسىتىمنىڭ ۋاقتى توشۇپ . بۇ مەزگىللەردە خېلىلا  زىلۋالىشىپ قالغان چېغىم ھەممەيلەن سورىشىپ كەتتى  نىمە  ھۈنەر ئىشلەتتىڭ ھوي دېيىشىپ  ،ھۇ تاياق قېپى ئايپاتەملەر
' _2 b  R2 |; e3 N9 _% C; ], g* h   شۇنىڭ بىلەن دەپ بەردىم . ئاۋۋال ئىسمىنى يوشۇرۇپ .
; \. d# Z1 h, ~2 W& v- `- B$ K     دەسلەپتە ياخشى بوپتۇ دېيىشتى . كىيىن نەچچە كۈن ئۆتۈپ ئىسمىنى دەپ بەرسەم قېتىپ قاپتۇ بۇ ياغلىقباشلار قوشۇنى . ۋاي سىز قالغانمىتىڭىزدېمىگەن ، قولىدا پاسپورتى بار ياغلىقلىق قىزلارنىڭ ھەممسىگە دەپ باقىدىغان قارىمكىنا  ئۇ .....&^%%$#
     ھاجىمنىڭ ھېچنىمىسىنى ياقتۇرمىساممۇ خېلى تەقۋا دەپ بىلەتتىم . شۇنچىۋالا ئوقۇغاندىكىن زامانىمىزدىكى ئالدامچى يىگىتلەر قىلىدىغان تېتىقسىزلىقنى ئىلمىيلاشتۇرىدۇ دەپ خىيالىمغىمۇ كەلتۈرمەيتتىم . دىننى ھەقىقى ئوقۇغان ،چۈشەنگەن ، تەقۋا ئادەم بولسا   ئىبادەتنىڭ داۋراڭ ۋە ھەشەم ئۈچۈن ئەمەس ئاللاھ  ئۈچۈنلا  ئىكەنلىكى ،پەقەت ئاشۇ ئادەم ئۆزى خالاپ ئۆزى بىلىپ قىلىنىدىغانلىقى ، دىنىمىزنىڭ بولسا بىر تۈرلۈك ياشاش ئۇسۇلى ئىكەنلىكى ، كۈندىلىك ھاياتىمىزدىكى ھەر ئىشىمىزغا ،ھەر ئادەمگە قىلغان مۇئامىلىلىرىمىزگە سىڭىپ كەتكەنلىكىنى بىلەتتى .
' x4 V: l4 W3 D' R- B. ~) ~   ھاجىمنىڭ ھەدىسلەرنى «ئوقۇغان » لىقىنى بىلدىم . قالغىنى ئۆزىگە ئايان ئىدى . ئېھ ئاللاھىم ، ئادەم بولۇش  شۇنچىلىك تەس ، مۇسۇلمان بولۇش ئۇنىڭدىنمۇ تەسكەن . مۇسۇلمان بولۇشتىن بۇرۇن ئادەم بولۇپ ياشاشقا  نىسپ قىلغايلا  . ئىبادەت ۋە  ياشامىمنى سىلىنىڭ يوللىرى ئۈچۈنلا  قىلدۇرغايلا   . شەيتاندىن ساقلىغايلا دەپ دۇئا قىلدىم .

rita1028

ئۇ ئىشلار ئۆتۈپ كەتتى شۇنداق قىلىپ .
$ s  {) |+ s& j4 S  ئوقۇش پۈتتۈرىدىغان يىلى بولغاچقا  ئىشلار جېقلاپ كېتىۋاتاتتى ، پىراكتىكا  ، رۇس تىلىنىڭ كەسپىي 8-دەرىجىلىك ئىمتاھانى ...ۋاي ۋۇييييي  
) \* ?! c) Y7 a& u3 t   ئارلىقتا مەلۇم بىر ۋىزا ۋەكالىتەن بېجىرىش ئورنىدا ئىشلەۋاتاتتىم . ئولتۇرسام فرانسىيە ئەلچىخانىسىدا ئىشلەيدىغان ،مەن ئالىي مەكتەپ 2-يىللىقىدا ئوقۇۋاتقاندا  بالىسىغا رۇس تىلى ئۆتۈپ بەرگەن خەنزۇ تېلىفون قىپتۇ . دىپلوماتىيە مېنىستىرلىكى قارمىقىدىكى  تاشقى سودىنى ئىلگىرى سۈرۈش جەمىيىتىدىكىلەر  ئاز بولغاندا 3 خىل چەتئەل تىلىنى تولۇق بىلىدىغان ، كومپيۇتېر مەشغۇلاتى ياخشى ، كىشىلىك مۇناسىۋەتكە ماھىر پراكتىكانت ئالىدىكەن بېرىپ سىناپ باق دەپ .
    شۇنىڭ بىلەن سىناپ باقىدىغان بولدۇم . ئۇچامدا كاستيۇم -ئۇزۇن يوپكا  ، قارا ياغلىقىمنى ئاق ياقىلىق كۆينەككە ماسلاشتۇرۇپ ، قىياپىتىمدىن مەمنۇن بولغاندىن كىيىن يوڭئەنلىدىكى دىپلوماتىيە مىنىستىرلىكى بىناسىغا كەلدىم .
   كەلگەن ئادەم جېق ئەمەس ئىدى ،لېكىن ھەممىسى ئۆزىگە قاتتىق ئىشىنىدىغان ،ھەقىقەتەن ئىقتىدارى بار  ،ئۇنۋانى يۇقىرى يولداشلاركەن . مېنىڭ تولۇق كۇرسنى ئەمدى پۈتتۈرمەكچى بولغىنىمنى بىلىشىپ ھىمم دەپ قويۇشتى . مەنمۇ سەل ئۈمۈدسىزلەنگەندەك بولدۇم . ۋاي بوپتۇلا ، ئالەمچە ئىش بولامتى بۇ خىزمەتكە  ئېرىشمىسەم  ئۆلەمتىم تازىمۇ بىر ..جىددىيلەشسەملا مۇشۇنداق ئۆزۈمگە غوتۇلداپ جىددىيلىكىمنى پەسەيتەتتىم  .   
4 `+ ?' `' f; {$ d: a" b& f   شۇنداق قىلىپ مەن كىردىم . ھې ھې ھې ھې  ....
ئىنىمنىڭ ئۆلسەڭمۇ ھىجىيىپ ئۆلىسەن دېگىنىدەك ھېجاراپ كىرىپتىمەن . ھېجىيشلىرىمغا قاراپ خەقمۇ ھىجايدى ، ئەمما مەن قول كۆرۈشۈش ئۈچۈن قولۇمنى ئۇزاتمىدىم ۋە ئاۋۋل ئۆزەمنىڭ پەرقلىق بىر ئىنسان ئىكەنلىكىمنى ، مەدىنىيتىمنى تونۇشتۇرۇپ بولغاندىن كىيىن ئۆزەمنى تونۇشتۇردۇم .
- x5 }1 {6 {' W  تاغدىن -باغدىن بىر قانچە سوئال سورالدى . قايتتۇق .  كىيىن مەن ئېرىشىپتىمەن بۇ ئىشقا  .
' [' Y( y- j" i4 y* _     ئىشلەۋاتىمەن ، ئوقۇۋاتىمەن . ياغلىقباشلار قوشۇنىمىزغا قېتىلىپ بولالمىدىم ، كۆرۈشۈپمۇ بولالمىدىم . كۆرۈشسەكمۇ شۇ ئوخشاش تېمىدا مۇزاكىرىلىشىدۇ ، ئوقۇش پۈتتۈرگەندىن كىيىن نىمىش قىلىمىز  ، قانداق قىلىمىز  ...ۋەھاكازالار .  مېنىڭ كاللامدا يوقمۇ ئەمەس  بار  . ئەمما  ۋاقتى -سائىتى كەلمىگەن بىر ئىشنى قانداقمۇ مۇزاكىرىلىشەلەيتتىم . بەزى ھەمشىرىلىرىم ياتلىق بولۇپ ئۆيدە ئولتۇرۇشقا بەكرەك تەييارلىق كۆرۈشۈپ تورلاردا تونۇشۇپ يۈردى بالىلار بىلەن . بەزىدە ئاشۇ بالىلارنىڭ پاراڭ خاتىرىسىنى شۇنداق ئوقۇپ باققۇم كەپ كېتىدۇ ، قانداق قىلىپ تونۇمايدىغان بىرى بىلەن تونۇشۇپ ،تەرەققى قىلىپ ،،،،كەتكىلى بولىدىكىنە  .
5 M8 M* k9 `& Q8 o6 N   مېنىڭ يا ھەدەم يوقكەن . ئاللاھىم يوغان تېرەكتەك بەستى بار ، بەستىگە چۇشلۇق ھەيۋىسى بار ئىككى ئاكىنى ، ئارانلا قىلسا توردا بولسام توردىن ، توردا بولمىسام مەھەللىدە ئارقامدىن ماراپ نىمىش قىلدىم ، نەگە باردىم ..سوراق قىپ تۇرىدىغان بىر ئىنى بېرىپتىكەن  . يا بۇ خىل ئىشلارنى ئۇلاردىن سورىغىلى بولمىغان ، قانداق قىلسا يىگىتلەر بىلەن چىقىشىپ قالغىلى بولىدۇ دەپ .

rita1028

ھايات داۋام قىلىۋاتىدۇ . كۈز كېتىپ قىش كەلدى . تەتىلدە ئۆيگە قايتتىم ....
.  
ئاكامنىڭ بىر قانچە دوستى كوت كوت نومۇرۇمنى قوشىۋېلىشپتۇ . شۇنداق ئىلمىي ، سىلىق پاراڭلاشتۇق .   ھەر ئادەمنىڭ ئىش -ئەمەلى ئۆزىگە  دىگەن بويىچە ئاكام ئۆزىنىڭ ئىبادەتلىرىنى ياخشى قىپ ماڭغان بىلەن دوستلىرى ئۇنداقمۇ ئەمەسكەن .  بەزى ئادەملەر ئۆزىدە يوق سۈپەتنى تەلەپ قىلىدىكەن قىزلاردىن تېخى .   قاملاشمىغان ئاشۇ .  ۋاي -ۋۇي  ، نىمە  كەپتۇ ئالدىراپ ، ئولتۇرۇپ قالمىسام مەن يا ...
5 z; ]' X. l8 i- N7 Gئىشقىلىپ ئوتى بار يەرنىڭ سۈيى يوق ، سۈيى بار يەرنىڭ ئوتى يوق .
) b; \" v' D. y' S$ n   ئۈرۈمچىدە بەك ياخشى ئۆتىشىدىغان ئاچا ئاغىنىلىرىم بار ئىدى . ئۈرۈمچىگە چۈشسەملا شۇلارنىڭكىگە چۈشۈپ ھال-مۇڭ بولىشاتتۇق . نىمە  كېسەل يۇقۇشتىكىن بۇلارمۇ ھەدەپ قۇلىقىمنى تولغاپ لايىق تونۇشتۇرۇشقا باشلىدى .  
3 w; v( V  q; Z2 G  ئۇ يىلى نىم بولدىكىن نەگە بارسام توي ،  توي  ...ئۇھ  ، خەقنىڭ ئۆيىگە بارساممۇ ئۆزەمنىڭ ئۆيىگە كەلسەممۇ ، ئىزدىنىشقا  چىقساممۇ تويۇپ كېتىۋاتتىم ئايپاتەم دىگەن نامدىن .
- ^+ t4 C' N9 v$ A: Z1 ]3 s# O   ھە شۇ ئاچىلىرىم مېنىڭ ئۈرۈمچىدە قېلىشىمنى بەك ئارزۇ قىلىشاتتى  . شۇنىڭ بىلەن بىر قانچە نامزات تېپىشىپتۇ كۆرۈشۈپ باقىسىز دەپ ئورۇنلاشتۇردى .  بىرى ئۇيغۇر سوفتتا  ، بىرى قارلۇقتا  ، يەنە بىرى بانكىدا ئىشلەيدىغان بالىكەن .   
8 E% \& j$ n8 Eنىمە  تېتىقسىزلىق بۇ . ئويلىغانسىرى جېنىم چىقىپ كېتىۋاتتى   . نومۇسۇم كېلەتتى  . بىر تۇرۇپ قىزلىق سەبىيلىك تۇيغۇمنىڭ بۇنداق دەپسەندە بوپ كېتىشىگە چىداپ تۇرالمايۋاتتىم  . بۇ خىل كۆرۈشۈشلەر ماڭا سودىدەكلا  تۇيۇلىۋاتاتتى .
0 b5 S6 w3 J# ^, A7 p2 |$ i  خىيالىمدا تەسەۋۋۇر قىلاتتىم . يىگىت كىلىدۇ ، مەن ۋە ئۇ ئۇدۇل -ئۇدۇل ئولتۇرىشىمىز . تاغدىن باغدىن گەپ ساتىمىز  . ئاندىن نەسەب ئۇ-بۇغا ئۆتىمىز  ، توي توغرىلىق ، تويلۇق توغرىلىق  ، ئۆي ،توغرىلىق پاراڭلىشىمىز  ....   ۋاي ئانامەي ....
    كۆرۈشۈشتە چوقۇم قېچىپ كېتىدىغىنىمغا ئىشىنەتتىم .
, p0 P; ~1 n& D( G1 G$ s   بانكىدا ئىشلەيدىغان بالا  غۇلجىلىقكەن . ئادەتتە ۋىتىلداپ سېغىزخاندەك تۇرغىنىم بىلەن ناتونۇش بىر كىم بىلەن تۇنجى قېتىم بىر يەردە ئولتۇرۇپ «يوغانننننن » بىر تېمىدا پاراڭلىشىپ تۇرغانلىقىم  ئۈچۈن جىددىيلىشىپ ، قىزىرىپ ، قولۇمدىكى قەغەزنى نەچچە قاتلاپ ، نەچچە يىرتىپ ....
# E0 E+ Q8 D$ J2 R+ u, |ئاخىرى مەن قول يۇيۇش ئۆيىگە چىقىپ كىرەي دەپ .....
   شۇنداق قىلىپ ئۇ بالا  قالدى ئاشخانىدا  . مەن قېچىپ كەتتىم  . خەپ ئاشۇ . كۆرۈشمەيمەن دېسەم كۆرۈشتۈرۈپ ئەدەمنى
$ Q2 I1 y8 F4 b; a( Q

rita1028

ئۇ بالىنىڭ ئادەمنىڭ كۆزىنىڭ ئىچچىگە قاراپ ،خۇددى بىر نەرسىنى بىلمەكچى بولغاندەك سىنچىلاشلىرى ، ۋە «سىز نىمىدەپ ياغلىق چىگىپ قالغان » دىگەن سوئالى جېنىمغا تەگدى توغرىسى .
سىز نىمىدەپ ياغلىق ئارتىپ قالغان ؟
   ئەلۋەتتە ، ئاللاھىم ئورىنىڭلار دەپ بۇيرۇغان  . مەن بۇنى كېچىكىپرەك ھېس قىلدىم ۋە ھېس قىلغان ھامان ئىجرا قىلدىم . ئەسلىدە مۇشۇنچىلىك ئاددىيلا  بىر ئىش  . ماڭا  ئۈرۈمچىدە ياغلىق ئارتىپ يۈرىۋاتقان زورۇلارنىڭ ھېكايىسىنى سۆزلەپ بېرىش ئارقىلىق نېمىگە يەتمەكچى ئىكەنلىكىنى ھېچ بىلەلمىدىم  . راست يالغان بۈۋىملەرنى ئايرىيالمىغاندىكىن «ئەقلى -ئىقتىدارى » كۆرسەتكۈچى بەك يۇقىرى ئەمەس ئوخشايدۇ بۇ بالىنىڭ .   
6 X: S4 c2 O5 j' j$ \: B, y      تېلىفون قىلىپ كەچۈرۈپ سوراپ قويدۇم . كەڭ قورساق ، خۇشخۇي بالىكەن ، ئىككىنچى قېتىم ئۇچراپلا  قالسىڭىز  تولۇق بىر تەخسە توخۇنى تازا ئاچچىق قورۇتۇپ پاكپاكىز  يېگۈزىۋېتىمەن جازالاپ دەيدۇ مەنمۇ ماقۇل دېدىم . خۇالىڭدىكى بانكىدا ئىككى ئۇچرىدى ، سالام-سائەت قىلىشتۇق .
& X! F) p; v1 u% p& P: q) dئاچچىق قورۇلغان توخۇسىنىمۇ زورلاپ يېگۈزمىدى . ئاداۋەت ساقلاپمۇ يۈرمىدى ، كىيىن نەلەردىندۇر ئادەملەر تورىمنى قوشۇۋاپتۇ . بەزىدە سالام قىپ قويۇشلىرى بار  . ئەمما  ھەمبەھىرلىگەن نەرسىلىرىنى كۆرۈپ بەزىدە قېچىپ كەتكىنىممۇ بوپتىكەنمۇ نىمە  دەپ قالىمەن .مىڭ قۇر خەت قىسقارتىلسۇن ، خەق ھەققىدە مۇشۇنچىلىك دېسەم يېتەر بەس .
- a$ U' o% ~5 T/ g/ R( q1 g* V

Tyler-Durden

.........

josh

داۋاملىق...

يورۇقلۇق

ئاخىرى  قانداق بولدى شۇنداق قىلىپ ؟ ئاخىرىنىمۇ يىزىڭە،

rita1028

ئالدىرىماي يازايچۇ ئەزىزلەر  . بۇ ئىشلارنى يازماقمۇ ئاسان ئەمەسكەن  . جاھاندىكى ئادەملەرنىڭ ھەممىسى گۈللۈكتىكىدەك ئەمەسلىكى بەك ئېچىنىشلىق بىر ھەقىقەتكەن  . ئەمما  مېنىڭ ئاشۇ ئادەملەرگە يەنىلا  چاپان يېپىپ ئۇلار قەستەن قىلمىدى دېگۈم كەپ كېتىدۇ . ئادەم ھەرگىز  ئۇنداق بولماسلىقى كېرەك ئەسلى .
   كىمنىڭ بىر گېپى بارتى ، ئادەم ئەسكى ئەمەس ، ئەسكى ئادەم ئەمەس .
  بۈگۈن يامغۇر بەك قاتتىق ياغدى  . سائەت ئۈچكىچە ئۈگىنىش  قىپتىمەن  ،كىيىن قانداقلا  قىلساممۇ ئۆزەمنى زورلىيالمىدىم  .  يامغۇرنى ئۆلگۈدەك ياخشى كۆرىمەن  ، يامغۇر ياغسا پەقەت ئولتۇرالمايمەن  ،  شۇنىڭ بىلەن ئاسىيادىكى كافكا  كىتابخانىسىنىڭ يېنىدىكى قەھۋەخانىدا  ئۇزۇن ئولتۇردۇم  دېڭىزغا قارىغاچ  . يۋونئاچام ياخشى كۆرىدىغان ھېلىقى جەزلەرنى قويۇپ چىقتى نەچچە سائەت .  ئاندىن كەچ بوپتۇ .
, G+ V( s% o# @0 T) C& d  خەيرلىك ئاخشاملار
   

koxuk

ئاخىرىغا قاراپ قالدۇق ئەمىسە.

David

پاي--سىز
دېڭىز ---ھايات
كىمە ---تەقدىر
0 l) `1 H! u% e  C; Pيولۋاس ---؟؟؟؟؟؟
$ t4 G7 p$ H7 P7 |, `  A
ھازىر قىرغاقتىكەنسىز  .
پاي 1  دىكى يولۋاس كۆندۈرۈلگەن يولۋاسكەن  ، لىكىن  پاي 2 دە  ھەقىقىي يولۋاس چىقىشى  مۇمكىن  .
% A& ?, R' S! Q, Y% Fيولۋاس  كۆندۈرۈشنى  كۆپ مەشىق قىلىڭ .
. R& f+ k% [+ Pئاۋۇ  كىنونى كۆرۈپ بېقىشنى ئويلاۋاتىمەن .

غەمكۈز

......................ھە  ئېيتىڭە

Weyrani

بېشىنى يېزىپلاا قاچاي ن دىگەن چېغى بۇ قىزچاق...

rita1028

ئىچڭدىكى ئىچىڭدۇر  ، تېشىڭدىكى چاپاندۇر

weird

چاپىننى بولسىمۇ يىزىڭە ئەمسە  بۇنداق توختىۋالماي !

Tikenqush

ما قىزۋالنى.

A-man

samsak

قىززې--ق،ھىجاراپ ئولتۇرۇپ ئۇقۇۋاتسام داۋامى يوققۇ ما ھېكايىنىڭ....

A-man

* C& |( A0 X" a  B9 o& m

A-man

مانى كۆرۈپ بوغانلار ئازراق سۆز قىلساڭلار قانداق قارايسىلەر..

nalan

ئەزەلدىن مۇشۇنداق ھېكايىسى جىقلارغا ھەۋەس قىلىمەن دېسە. يوقاپ كەتمەي يازسىلا خېنىم.

nasin

ماۋۇ ھىكايىنىڭ ئاخىرىنى ساقلاۋاتقانلار خېلى باركەنمىز

Tikenqush

nalan يوللىغان ۋاقتى  2013-1-14 01:00
ئەزەلدىن مۇشۇنداق ھېكايىسى جىقلارغا ھەۋەس قىلىمەن دېس ...

بەك رىغبەتلەندۈرىۋەتسەك، ھىكايىدىكى رىيال پېرسۇناژلار كېلىپ رىتاگۈلگە ئاۋارىچىلىق تېپىپ بەرمىسۇن ئەمدى دەپ سەل ئەنسىرەپمۇ قالدىم...

bora

0 E- U; H6 D2 D6 a5 w; E) z) C
    كۆپ  قىزلاردا  لايىق  تونۇشتۇرۇشقا  قارشىلىق  باركەن ،،، ئۇلار  تەبئىي  تونۇشۇشنى  بەك  ئۇلۇغ  بىلىدىكەن

maverick

مەنمۇ ئۆچرەت ئېپ قوياي.
/ \' Z$ N- Z4 P9 I2 \/ ]ھېكايە بۇ يەرگە يىزىلدى، ئاخىرى چۇقۇم بەك گۈزەل.
ھايات داۋام ئېتىيور دىگەن بۇ گەپ بەك ياخشى گەپكەن.

Tyler-Durden

ئەرگە تەگكەن يېرى بەك قىزىققكەن...

rita1028

جەمەتىمىز  خېلى چوڭ جەمەتتى  ، شۇنداق بولىشىغا باقماي قىز نەۋرىلەر ئاجايىپ ئاز ئىدى  . 23 نەۋرىنىڭ ئارىسىدا تاس تاماس قاپتىكەنمەن  يالغۇز قىز  نەۋرە بوپ قالغىلى  ، مەن تۇغۇلۇپ  13 يىلدىن كىيىن بىر ھاممام قىز تۇغدى  ئاندىن ئۆزەمنى سەل پەل ياخشى ھېس قىلغان  ئىدىم .
8 X' Z) a9 e/ Q: t! `4 Aشۇنىڭ تەسىرىدىنمىكىن كىچىكىمدىن ئوغۇللار بىلەنلا  ئويناپ چوڭ بوپتىكەنمەن  .    شۇڭا  ئوغۇللار بىلەن شۇنداق نورمال پاراڭلىشالايتتىم .مېنىڭ تۇنجى ئەڭ يېقىن قىزدوستۇم بىلەنمۇ تولۇق ئوتتۇرىدا تونۇشقان ئىدىم  .
  دەل شۇ مىجەزىم تۈپەيلى ئىككى يىللىق تەييارلىق ئوقۇش جەريانىمدا  بىر مۇنچە  ئۇششاق -چۈششەك گەپلەرگە قالدىم  . كىتابلاردا ئوقۇۋالغان ھەرقايسى يۇرتلارنىڭ خارەكتىرلىرى پەرقلىق بولىدۇ ...دېگەننى شۇيەردە  كۆردۈم  ، ھەم دەل شۇ ئوچۇق -يورۇق مىجەزىم باشقىلار تەرىپىدىن خاتا  شەرھىلىنىپ  ئالىي مەكتەپ ھاياتىمدىكى پىشانەمدە ئېرىمەيدىغان داغقا  سەۋەب بولغان  ئىدى .. 5 كىشىلىك ياتاقتا  3 قەشقەرلىك بارتى  يەنە  كېلىپ شەھەر ئىچىدىن . ،بىرى قازاق  پەرى ،بىرى مەن  .
9 L# ^( F! \3 z8 |. \( I نەچچە ئاي ئۆتمەيلا  پەرى ئىككىمىز  ئوبدانلا ئاسسىمىلاتسىيە  بولدۇق . تېلىفوننى ئەسسالام  دەپ بىر ئېلىشنى باشلىۋەتسەك قېپ قالغان گەپلىرىمىز  نەق قەشقەر شەھەر ئىچىلىكنىڭ ئۆزى  .
   بۇ قىزلار  ئۆز ئىشلىرىغا ئاجايىپ پۇختا  ئىدى  . ئۇلارنىڭ قائىدە -يوسۇنلىرىنى كۆرۈپ ئۆزىمىزنى  ھېچ تەربىيە  كۆرمەپتىكەنمەنمىز دەپ نومۇسمۇ قىپ كېتەتتۇق پەرى ئىككىمىز . ئوغۇل ساۋاقداشلىرىمىزدىن يوغان بىر ئەركەكتەك ھېس قىلىشىپ ئۆزىنى تارتىپ كېتىدىغان بولسا  نىمانچىلا  قىلىدىغاندۇ دەپمۇ ئويلاپ قالاتتىم .   ئەمما  ئاخشىمى  كەچلىك مۇزاكىرىدىن چۈشۈپلا  ئوغۇللار ھەققىدىكى پاراڭنى يۇقىرى ئاۋاز بىلەن باشلاپ ئاخىرىنى  يوتقانغا كىرىۋېلىپ كۇسۇلداپ تۈگىتىشىدىغانلارمۇ مۇشۇ سۆيۈملۈكلەر ئىدى . ۋاي باشقا  پاراڭ قىلىشاممامسە دېسەم  ، توۋا ،ھەي ، قانداق قىز بلا  سەن  ، ئوغۇللارغا ئازراقمۇ قىزىقمامسەن ... دەپ مېنى خېلى شاڭخو قىلىشاتتى  .  ۋاي كىم قىزىقمايدىكەن  ، مانا  مېنىڭ قەلبىمدىكى ئوبراز  دەپ چوڭ ئاكامنىڭ رەسىمىنى كۆرسىتىپ قويۇپ خېلى كۈلۈشمەك قىلىشاتتۇق  .
   تىل تەييارلىق مەركىزىمىزدە ئۇيۇشتۇرۇلغان خىلمۇ -خىل پائالىيەتلەردە قاچانلا قارىسا مەن بارتىم . ئادەم بەك پائالىيەتچان بوپ كەتسە بىز باشقىلارنى تونۇمىغان بىلەن باشقىلار  بىزنى تونۇيدىغان بوپ قالىدىكەن  .
شۇ كۈنلەردە  ياتىقىمىزدىكى ئىككىيلەن  يۇشۇرۇن كۆيۈشنىڭ ئوتىدا تولغىنىۋاتتى  .  مەن مۇھەببەتني كىتابلاردىنلا  چۈشەنگەن بولغاچقا  ئۇ ئىككىسىنىڭ دەردىنى ئانچە ھېس قىپمۇ بولالمايتتىم  ، كۈنلىرىم  ۋالىبول ئويناپ ،كىتاب ئوقۇپ ، شەھەر ئايلىنىپ كەچ بولاتتى .
7 [5 ?  U' ^1 ^بىچارىلەر  خېلى دەرت تارتتى ئۇ كۈنلەردە  . يا ئۇ ھاڭۋاقتى يىگىتلەر  ئۇ قىزلارنىڭ كۆڭلىنى چۈشىنىپ بولالمىدى  .
( L+ J1 B5 y  b

( }  c( {: `. f2 ]

rita1028

قېرىشقاندەك ئۇ ئىككى ھاڭۋاقتى مېنى ئۆزىگە بەك يېقىن تۇتاتتى  ، كەچلىك مۇزاكىرىدە بىر دەم ئۇنى بىردەم بۇنى باھانە قىلىپ يېنىمدا ئولتۇرىۋالاتتى  . دەسلەپتە ۋاي ساۋاقدېشىمغۇ دەپ نورمال كۆرۈپتىمەن  .
! X8 J9 \8 p& ~4 ]! I- N  تۇغۇلغان كۈنۈم بولغان ئاشۇ كۈنى دۇمباق يېرىلدى  . (كىچىكىمدىن تۇغۇلغان كۈنۈمنى ئالاھىدە ئۆتكۈزۈپ كەتمەيتتىم ) ، ئۇ كۈنىمۇ ئالاھىدە ھېس قىلمىدىم  .
: W* W; \. U; U0 A$ v5 aياتاقتىكى سۆيۈملۈكلەر  پولغا بىر ئوبدان  ئەدىياللارنى سېلىپ ، نازۇ-نېمەتلەرنى تىزىپ ، جوزىلارغا قىپقىزىل شاملارنى تىزىپ تەييارلىۋېتىشىپتۇ  .
شۇنچىلىك تەسىرلەندىم  . ھەم تا ھازىرغىچە ئۇنۇتالمىدىم ئاشۇ كۈندىكى مېھىرلىك ئولتۇرۇشلىرىمىزنى  .
6 R+ e) K- U7 C' \- w  بىر مۇنچە كونا-يېڭى دوستلار تېلىفون قىلىشتى  .
   كىيىن  ئۇ ئىككى ھاڭۋاقتى  ئالدى -كەينى بولۇپ ياتاق بىنارىمىزنىڭ ئالدىغا كېلىپ تۇرۇشۇپ كېتىپتۇ . ۋاي مەن چىقالمايمەن  دېسەم مۇشۇ يامغۇردا تۇرغىنىمىز  تۇرغان  ( جەنۇبى جوڭگۇنىڭ ھاۋاسى ،قىشتا قىش  يامغۇى ،كۈزدە كۈز يامغۇرى ) دەپ بىر-بىرى بىلەن بەسلىشىپ يامغۇرغا چىلىنىشىپ تۇرىۋەردى ،  قىزغىن كەيپىياتىمىزمۇ سۇغا چىلىىشپلا  قالدى  ، پەرى ماڭا ، مەن پەرىگە قارايتتۇق  . قىزلارمۇ ئىغىر سۈكۈتتە  ، سۈكۈتتە ئەمەس  ، سۈكۈت ئىلكىدىكى غەزەپتە  .  
    دېرىزىدىن پەسكە قارىدىم ، ئىككى قەھرىمان شىددەتلىك يامغۇرغا پىسەنت قىلماي دۇڭ سۈنرۈيچە پىداكارلىق كۆرسەتمەكتە ،

rita1028

ئاخىرى بولماي پەسكە چۈشۈپ ئۇلارنىڭ قولىدىكىنى يۇلۇپ ئالدىم ۋە چالا-پۇچۇق رەھمەت ئېيتىپ ياتاقىمغا قاراپ ئۇچتۇم  .
3 ~% a; \  k8 e. p  k0 Iقىزلار ئاللىقاچان ئۇخلايمىز دەپ يوتقانلىرىغا كىرىۋالغانكەن  ، دېمەك ئۇلار بىلەن مۇشۇنداقلا  تۈگەشتۇق . مەنمۇ مۇشۇنىڭ بىلەنلا تۈگەشتۇق دەپ ئويلىغانكەنمەن  چوتنى تەتۈر سوقۇپ .
   ئەمما  ئۇنىڭدىن كىيىن ئۇ ئىككى  سوقۇشقاق خوراز  راۋرۇس بىر مەيدان دوئىلغا چۈشۈپتۇ قىزلار  ياتاق بىناسىنىڭ ئالدىدا .
ئۇ كۈندىكى ۋەقەنى خېلى جېق بالىلار كۆرۈپتىكەن . تەييارلىق ئوقۇشتىكى بىكارچىلىق تۈپەيلى ئولتۇرۇپ غەيۋەت قىلىدىغانلار  جېقلاپ كەتكەن ئىدى . شۇنىڭ بىلەن بىرى ئون بولۇپ ، ئونى يۈز بولۇپ ....
    مېنىڭ مۇلايىم سۆيۈملۈكلىرىم مېنىڭ بىر قانچە يەردە يىگىتىم بارلىقىغا  گۇۋاھ بولۇپمۇ ئۈلگۈرۈپتۇ  . مەن كۆرسەتكەن ئاكىلىرىمنىڭ سۈرىتى شۇ يىگىتلىرىمنىڭ بارلىقىغا ئىسپاتكەن  .
  تونۇمىغان بىر قىزنىڭ ئاغزىدىن ئۆزەم ھەققىدە ئاجايىپ گەپلەرنى ئاڭلىدىمكى  ، مەن ئاجايىپ ھېيلىگەر ، قولۇمدىن ھەرقانداق ئىش  كېلىدىغان تۈلكە جىن ئىكەنمەن  ، ئاۋۇ ئىككسىنىڭمۇ بېشىنى ئايلاندۇرۇپ ، ئاندىن ئۇ ئىككىسىنى ئۇرۇشقا  سەپ قويۇپتىمىشمەن .
1 X0 i4 k% `# I# _   بۇ گەپلەرنى كۆتۈرەلمىدىم  . قاتتىق ياغقان يامغۇرغا قارىماي مەيدانغا چىقىپ ئاۋازىمنى قويۇۋېتىپ نەچچە سائەت يېغلىدىم  . ئاشۇ كۈنى ئۆپكەمگە سوغۇق ئۆتكۈزىۋالدىم .
3 h* @7 U9 k% m6 Y/ I6 [# y  شۇ ئاغرىغانچە  ئاغرىپ يېتىپ كەتتىم  ، ئۆپكە ئىششىقى  تەرەققى قىلىپ تۇبىركۇليۇز  بوپتۇدەك  .
, h  X, k+ I! U6 q# C* p8 e) E  مەكتەپتىن ئۇنىمىساممۇ ئۇنىماي كېسەل رۇخسىتى بېرىپ قايتۇرىۋەتتى  .
   

rita1028

ئاجايىپ سۆيۈملۈك ئاكىلىرم بار  ، ئۇلارنى سۆيۈملۈك دېسەم ھەقسىزلىق قىلغان بولىمەن  ، كاشكى بۇنىڭدىنمۇ  ئارتۇق بىر سۈپەتلەش سۆزى بولسا ئىدى .
$ S: R2 K* p& P3 d. K" @   مەن كەلگۈچە ھۇجرا ئۆيۈمنى ئاقارتىپ ، تۆت تېمىغا خەرىتىلەرنى چاپلاپ تەييار قىپتۇ  . دورىلارنى ۋاقتىدا يېيىشىم بىلەن بىر ۋاقىتتا  چوقۇم ئەڭ يېڭى تۆگە سۈتى ئىچىشىم كېرەككەن كۈندە  . ئىككى ئاكام نۆۋەت بىلەن  شىخەنزىگە قاتراپ مەخسۇس مەن ئۈچۈن تۆگە سۈتى توشۇپ يۈردى  . يەڭگىلىرىم باچكا شورپىسى قىلىپ بېرەتتى  . بەگ ئىنىم  كۈندە بىر رەت ئىشىكتىن بېشىنى تىقىپ قويۇپ زېرىكتىڭمۇ ، كىتاب ئۇقامسە دەپ سورايتتى  ،  چوڭى 9 ياش كىچىكى ئۈچ ياش ئالتە جىيەنىم  دېرىزە تۈۋىگە كېلىشىۋېلىپ  « چۆچەك ئېيتىپ بېرىڭە  ئاپپاق ئاپا »   دەپ ،،،مېنى زېرىكتۈرمەيتتى  .
  شۇنداق قىلىپ ئۇ ۋەقەىنى ئويلاۋېرىپ ،ئويلاۋېرىپ ،،،، ئالتە ئاي ، ئالتە ئايغا كېسىلى ساقايماپتۇ دەپ  يەنە  ئالتە ئاي يېتىپ داۋالىنىپ   ، داۋالىنىش جەريانىدا  مەن بىلەن تەڭ ، مەندىن كىچىك نەچچىسىنىڭ ئۆلۈمىنى ئۆز كۆزۈم بىلەن كۆرۈپ ....ھاياتىمىزدا بەك ئالەمشۇمۇل ھېسابلاپ كەتكەن نۇرغۇن نەرسىنىڭ ئەمەلىيەتتە ھېچنىمە  ئەمەسلىكىنى چوڭقۇر ھېس قىپ قالدىم .
    ھامان بىر كۈنى مۇشۇنداق ئۆلىدىكەنمىز  ، ئۆلۈم چوڭ -كىچىككە  باقمايدىكەن  . بۇنداق دەبدەبىلىك گەپلەرنى كىتابتا  ئوقۇسا باشقىچە  ھېس قىلسا باشقىچە ئىكەن  .
" a2 P4 j& ^, g/ v' z) X7 L   بولدى مېنى ئۆلگىلى  قويۇڭلار ...دەپ ئەسەبىلىشىشلەر  ، تۆھمەت ، غەيۋەتكە  چىدىماسلىقلار  ...، ساۋاقداشلار  ، دوستلار  ،تونۇشلار  ..ھەممىسى ئۆتمۈشكە  ئايلاندى  ، يەنە شۇ مەن  قالدىم  . مېنىڭ ئەتراپىمدا پەرۋانە  بولۇپ ئاپام ،ئاكىلىرىم قالدى  ، ئۇنىڭدىن باشقا ھەممىسى كەچمىشكە  ئايلاندى .
   

rita1028

matu يوللىغان ۋاقتى  2013-1-14 15:03
$ y( E  `; S4 r  i& x" Aرىتا،مەن بىر قىزىق ھىكايە ئېيتىپ بېرەي ھە:
بۇرۇن بىر قى ...

مەتوكا  ، ھېكايىڭىز نىمانچە مەتو