EYNEK BLOG

Hoylida bir yashan'ghan boway süküt qilip olturatti, yinida oghli gézit oquwatatti. Tuyunqsizdin bir qushqach bestiki bir shaxqa qundin. Boway qoshqachning qunghan yérige qarap oghlidin:
- U néme?- dep soridi. Yash yigit besh sékunt küzetkendin kéyin:
- Bir qushqach. - dep jawab berdi oghli.

Qisqighine 10 sékunt ötüpla boway yene:
- U néme? - dep soridi.
- Hazir téxi dédimghu, u bir qushqach. - dédi yigit, sel achchiqlighandek gézitni bir silkiwitip.

Qushqach uchup igizrek shaxqa qundin. Boway qoli bilen chaqnap turghan quyashni tosiwélip igiz shaxqa qun'ghan qushqachqa déqqet qélip turatti. Qushqach yene uchup yerge qundi. Bu bir yürüsh herketler 20 sékunt etrapida tügitildi. Shuning bilen boway yene:
- U néme? - dep soridi. Oghul gézitni yépiwitip:
- Bir qush u, bir qushqach! Bir qush-qach!!! - oghul achchiqida dadisini silkiwetti.

- U néme? - besh sékunt ötüpla boway yene soridi.
- Néme qilghining bu?! Nechche qétip dédimghu! U bir qush! Uqtungmu emdi?! - dep waqirap ketti oghli.

Boway ornidin turup öyning ichige temsheldi.
- Nege barisen? - dep waqirdi oghli. Boway oghligha 《Toxta》digendek qoli bilen ishret qélip, gep qilmay öyge kérip ketti. Oghli achchiqida gézit oqushtin toxtidi hem nérwisi chugulghandek hoylida olturatti.

Uzun bolmay boway qolida bir xatire alghan péti méngip chiqti, u bowayning kündilik xatirisi idi. Boway kélip oghlining yinida olturdi. Boway xatirini waraqlap melum bir betni achti hemde xatirni oghligha tutquzup, barmiqi bilen nuqutlap oquydighan yerni oghligha körsetti.

- Ünlük oqu. - dédi boway.

- Bügün men emdi üch yashqa kirgen kichik oghlum bilen baghchida olturghanda, bir qushqach aldimizgha qundi. Oghlum mendin 21 qétim uning néme ikenlikini soridi, men oghlumgha 21 qétim uning bir qush ikenlikini dédim. Men her qétim uni quchaqlap turup sorighan oxshash su'aligha jawab berdim, keyni-keynidin. Hergizmu jile bolmudum, bu seb'iy balamgha amraqliqim kéletti... ... - oghli xatirini yapti... ...

Shu zaman bowayning közidin menilik külke yighip turatti. Oghli dadisini ching quchaqlap pishanisigha toxtimay söyüp ketti... ...