ئابدۇكىرەم ئابلىزغا خەت « كۆچۇرۇلمە»

دەرۋىش

ئابدۇكېرەم ئابلىزغا خەت

ئابدۇكېرەم   ئابلىزكا   سالام   ساڭا   مېنىڭدىن،
قاراپ قىلغان ئىشىڭغا رەنجىپ قالدىم سېنىڭدىن.  

يېڭى ئىتوت ئىشلەپسەن كۆرۈپ قويدۇق بىزلەرمۇ،
تاماششىبىن    ئىچىدە   خېلى    كۆپكەن   قىزلارمۇ.

ئىتوتىڭغا  نېمە دەي،   بولدى  قىلساڭ بولغۇدەك،  
ساپا يوقكەن ئۇنچىلىك، يۇرتقا سۆرەپ قويغۇدەك.

بوپ قالدىڭمۇ ھاجەتمەن، يا بالنىستتا ياتامسەن،  
قويمىچىدەك بېلەتنى ئۈچ يۈز كويمۇ  ساتامسەن؟  

بوپتۇ مەيلى دەپ كىرسەك، كۆرۈنمەيدۇ تۆمۈرخان،  
ئاراڭلاردا   نېمە ئىش،  ئىدىڭلارغۇ   بىر   تۇققان.  

سېنى چولپان قىلغانمۇ، تۆمۈرخاننىڭ ھەسسىسى،  
ئۆتمۈشىڭگە  قاراپ باق،  ئەسقاتتىمۇ نەچچىسى.  

دوستلار ئارا  مۇھەببەت    ئۇزارتىدۇ     ئۆمۈرنى،  
ياكى ئوغۇت  ساتقاندا،  رەنجىتتىڭمۇ   تۆمۈرنى.  

ياخشىكەن   دەپ  پەلەمما، تۆمۈر يالغۇز يىدىمۇ،  
ئىشنى بۇزۇپ   رۇقىيە، خەقنى  قوشماڭ    دېدىمۇ.  

تۆمۈرخىنكام   كۈچ   قوشقان   ئىتوتىڭغا  باشتىلا،  
مانا ئەمدى  ئوخشاپتۇ،  تۇز   سالمىغان  ئاشقىلا.  

بەزەن    لاۋزا  سۆزلىرىڭ،    چېكىنىپتۇ  مىتۇتىڭ،  
«تۆمۈر ماددا»   كەم  بولغاچ،  تاتىراڭغۇ  ئېتوتىڭ.

يالقۇنكامدا   ھەقىقەت،   تالانتى  بار  چۈشەنسەڭ،  
يولۋاسخانغا   ئوخشايدۇ،   قىلىقلىرى    ئىشەنسەڭ.

جان كىرگەنتى   ئىتوتقا،    يالقۇن  توپقا  قوشۇلۇپ،  
«يوش» قا «خوش» نى دېگەندە بىز كۈلگەنتۇق خوش بولۇپ.  

ياقتۇرىمىز      يالقۇننى،    تاشلىۋەتمە     ئۇنىمۇ،
بىر ساڭىلا خاس ئەمەس، ئەلنىڭ سۇنغان تونىمۇ.

رۇقىيەدە   ئەزەلدىن    ئىتوتچىدەك   خۇرۇچ يوق،  
سەۋزىسىنى   قورىساڭ،  دۈملىگىدەك  گۈرۈچ يوق.

يەرلىك   شىۋە   مەيلىغۇ،   ئاۋازى  بەك  يېقىمسىز،  
چەكتىن  ئاشسا گەپلىرى،  خەق دېمەمدۇ تېتىقسىز.  

بىزار    يۈرسەك   ئۇنىڭدىن،    چىقىۋاپتۇ   ئېلانغا،  
شۇنچە   تاپقان   پۇلۇڭلار،   يەتمەپتىدە   پىلانغا.  

ئالمىشىپتۇ    مەمەتجان،    تۆمۈرخاننىڭ  ئورنىغا،  
يېشى  كىچىك   بولغاچقا،  سۇ  كىرمەمدۇ  بۇرنىغا.

دورىغانتىڭ   بىر مەھەل،   نامەت  دېگەن بەڭگىنى،
كۆرۈپ   بولغان  جامائەت،  ھۈنىرىڭنىڭ  ھەممىنى.  

سېنىڭ   ئىشىڭ  بۇ  ئەمەس،  دېمىسەك يا تۇيمىساڭ،  
دىمىغىڭدا     سۆزلىمەي،      سېرىكىڭنى    ئوينىساڭ.

خۇلاسەم    شۇ كېرەكا،      ئاچچىقلانما    سۆزۈمگە،  
مەن   بىلىمەن  شۇ   تاپتا،  تۈكۈرۈكىڭ  بار  يۈزۈمگە.  

تۆمۈركامنى   قايتا  رەت،   كۆرەيلى   بىز   سەھنىدە،
قول    بېرىشكەن   تۇرساڭلار،   تۇرارسىلەر   ۋەدىدە؟

يالقۇن   بىلەن  تۆمۈركام،   بىلسەڭ ئىككى قانىتىڭ،
ئەگەر    ئۇلار   بولمىسا،   سەن   بۇرۇنلا   چانىتىڭ.

رۇقىيەنى       كىرەمكا،     سۆرەۋەرمە    سەھنىگە،  
خوتۇن   دېگەن ئامانەت، راۋا ئەمەس ھەممىگە.

ئەتراپىڭدا  دوستلار  كۆپ،  كۆرسىتەيلى ئۇقمىساڭ،
مەبلەغ سىرتقا ئاقامدۇ، ئەر-خوتۇن تەڭ چىقمىساڭ.  

ئىتوتلىرىڭ    ئويلىغىن،    ئەل   كۆڭلىگە  ياقامدۇ،  
نادان   ئەمەس   خەلقىمىز،  ئالدامچىلىق ئاقامدۇ.

ئوخشاپ  قالدىڭ  گوياكى،  پۇلغا  چاپقان  بىر  ئاتقا،  
نىچۈن نەزەر سالمايسەن،   «خالمۇراتقا»  «دىلشاتقا».  

بىر   كۈنلەردە   دېيىڭنى،   خەق    بېشىڭغا   ئاتمىسۇن،  
خۇددى   ئەكبەر  گىتتاردەك،  تۆكمە  قىلىپ   ساتمىسۇن.

ئاز   ئىشلىگىن   ساز   ئىشلە،    بىز   قايتىلاپ   كۆرەيلى،
توردا    تىللاپ   يۈرمەستىن،      بىزمۇ   سېنى   يۆلەيلى.  

كەچۈر    مېنى   كىرەمكا،   ھايات  شۇنداق   بىر   كېنو،  
يا   تىللامتىڭ    ياپونچە،   «ناننى   يوئوش   تېرېنو».  

yadikar

مانا ماۋۇ تەكلىپ جايىدا قويۇلۇپتۇ.ئىتوتچىمىز بىر ئوقۇپ،ئويلىنىپ باقسا بولغىدەك.

گۈلمى

ھەرقانداق ئىش-ھەرىكەت،سۆزلەرنىڭ چېكى بۇلدۇ،،شۇ چەكتىن ئاشسىلا ،سەلبىي تەسىر بېرىدىغان گەپ....

ئىپار

شۇ ئەمەس مۇ ،،،خوتۇنىنىمۇ سىڭلىم دەيدۇ تىخى ،،،بەزەن جايلىرنى بەكلا كۆپتۇر ۋەتكەن

پادىچې

ئابدۇكىرەم ئاكامغا ئېغىر كەلگەندۇ بۇ گەپلەر ...

پالۋان

بۇ شېئىرىڭىز ساخلاپ قويغىدەك ئالامەت يېزىلىپتۇ  .ئابدىكېرىم  ئابلىز  بۇ شېئىرنى ئوقىسا ،  ئىشتانلىرى ھۆل بولۇپ قالامىكىن دەيمەن .
  ياخشى قىزىقارلىق ، نەسىھەتلىك  شېئىر يېزىپسىز .تەشەككۈر .

تۇرغان000

شۇنى دەيمە .... ئابدۇكېرەم ئابلىز نىمىشقا تۇمۇرخان بىلەن بىرگە ئىتوتقا چىقمايدىغان بۇلۇپ قالدى....؟  ئەگەر مۇمكىن بولسا ئابدۇكېرەم ئابلىز  بۇ ئىنكاسلارنى كۆرگەندىن كىيىن ئۆزىنىڭ ئويلىغانلىرىنى بايان قىلىپ باقسا...
ھەمدە تۇمۇرخان بىلەن سەھنىدە يەنە جەم بولغان بولسا ھەممەيلەن خوشال بولغان بۇلاتتۇق...  دوستلار سىلەرچە قانداق؟

سامان

خەققە باھا بېرىشكەئالدىرىماي    ئاۋال ئۆزۈڭگە باھا بېرىپ باق

جاۋاپ

تۈمۈرخان تۇرمىدىمۇ چىقتىمۇ؟ بەزەن ئەركەت گەپ سۆزلەردە خاتالىق كۈرۈلسە ئەلۋەتتە، پىكىر قىلىش بۇ ئۇنىۇڭغا خاتالىقىنى تۈزۈتىپ ئىلىشقا كۆپ پايدىسى بۇلۇدۇ ، دىمىسىمۇ ئايالى رۇقىيە سەھنە ئىتوتىغا قىلچە ماس كەلمەيدۇ  يەنە ھلقى ئۇشۇ قارى دىگەن ئىتوت ئوينىماي ئۈيدە ئولتۇرسىلام بۇلىدىغان نەرسە، ئۇنىڭ سۆزى بىلەن ھەركىتى بىر بىرگە پەقەتلا قۇلاشمايدۇ چىرايلىق سەھنىدىكى بىر يامان سۈپەتلىك ئۆسمىگىلا ئوخشايدۇ  بۇنى رىججېسور دېگەن كور، دۆت گۇيلا كۆرمەمدىكى

رامبو

شۇەمەس   مۇ