تۈركىيەنىڭ «مەيدان گېزىتى» ۋە ئۇيغۇرلار

oylunush

                  تۈركىيەنىڭ «مەيدان گېزىتى» دىكى ماقالە ۋە ئۇيغۇرلار

    تۈركىيەدىكى فەتھۇللا گۈلەن قۇرغان "نۇر" جامائىتىنىڭ تېخى يېڭىلا نەشىر قىلىنىشقا باشلىغان "مەيدان گېزىتى" نىڭ باش بېتىدە، ساختا تۈرك پاسپورتى بىلەن ئىستانبۇلغا كەلگەن ئۇيغۇرلارنىڭ شام ئىراق ئىسلام دۆلىتىنىڭ سۈرىيەدىكى جەڭ مەيدانىغا ئەۋەتىلگەنلىكى ئىلگىرى سۈرۈلگەن خەۋەرنىڭ يامان نىيەت بىلەن يېزىلغان يالغان خەۋەر ئىكەنلىكىنى «ئۈلكە ت ۋ» تەكىتلىنىۋاتقان كۆرۈنۈش (تېلېۋىزور پروگراممىسىدىن سۈرەتكە ئېلىنغان). 2015- يىلى 9- ئاپرېل، تۈركىيە.



   4- ئاينىڭ 9- كۈنى تۈركىيەدىكى «مەيدان گېزىتى» دە ئېلان قىلىنغان خەۋەردە، ساختا تۈرك پاسپورتى بىلەن ئىستانبۇلغا كەلگەن ئۇيغۇرلارنىڭ ئىستانبۇلدا بىر-ئىككى كېچە تۇرغاندىن كېيىن شام ئىراق ئىسلام دۆلىتىنىڭ سۈرىيەدىكى جەڭ مەيدانىغا ئەۋەتىلگەنلىكى ئىلگىرى سۈرۈلگەن.
    خەۋەردە يەنە ھازىرغىچە جۇڭگۇنىڭ ئۇيغۇر رايونىغا تۈركىيەدىن 100 مىڭ ساختا تۈرك پاسپورتى ئەۋەتىلگەنلىكى، 50 مىڭ ئۇيغۇرنىڭ شام ئىراق ئىسلام تېررور دۆلىتىنىڭ سۈرىيەدىكى جەڭ مەيدانىغا كەتكەنلىكى، بۇنى تۈرك ھۆكۈمىتىنىڭ قوللاۋاتقانلىقى ئىلگىرى سۈرۈلگەن. خەۋەردە ئۇيغۇرلارنى سۈرىيەگە يولغا سېلىۋاتقان گۇرۇھلارنىڭ مەركىزى ئىشخانىسىنىڭ ئىستانبۇل زەيتىنبۇرنۇدا ئىكەنلىكى ئىلگىرى سۈرۈلگەن. بۇ خەۋەر «زامانتوداي» گېزىتىدىمۇ ئېلان قىلىنغان. بۇ ئىككى گېزىت تۈرك ھۆكۈمىتىگە قارشى تۇرۇۋاتقان فەتھۇللاھ گۈلەن يەنى "نۇرجامائىتى" نىڭ گېزىتلىرى ئىكەن.

               

    بۇ خەۋەر ئېلان قىلىنغاندىن كېيىن تۈركىيەدىكى ئەڭ چوڭ گېزىتلەردىن «ساباھ گېزىتى»، ئىنگلىزچە «ساباھتوداي» ۋە «ئاخشام» قاتارلىق گېزىتلەر بىلەن «ئا خابەر»، «ئۈلكە ت ۋ» ۋە دۆلەت تېلېۋىزيەسى بولغان "ت ر ت" قاتارلىق قاناللار خەۋەر تارقىتىپ، مەزكۇر خەۋەرنىڭ يامان نىيەت بىلەن يېزىلغان يالغان خەۋەر ئىكەنلىكىنى تەكىتلىگەن.
    خەۋەردە بۇ يالغان خەۋەر ئېلان قىلىنغان گېزىتنىڭ تۈركىيە ھۆكۈمىتىگە قارشى تۇرۇش ئۈچۈن گۇناھسىز ئۇيغۇرلارنى قارىلىغانلىقى ئىلگىرى سۈرۈلدى. بۇ گېزىت ۋە تېلېۋىزىيەلەردە ئېلان قىلىنغان خەۋەرلەردە، خەلقئارا مۇناسىۋەتلەر مۇتەخەسسىسى قىلىچ قانات ئەپەندى... ئەپەندىلەرنىڭ بۇ ھەقتىكى كۆز قاراشلىرىغا ئورۇن بېرىلدى.
   ئۇفۇق ئۇلۇتاش ئەپەندى «ئاخشام» گېزىتىدە ئېلان قىلىنغان ماقالىسىدە، تۈركىيە جۇمھۇرىيىتى دۆلىتىنىڭ ئۇيغۇرلارغا ئىنسانىي جەھەتتىن ياردەم قىلىشقا تىرىشىۋاتقان بۈگۈنكى كۈندە تۈرك ھۆكۈمىتىگە قارشى بولغان فەتھۇللاھ گۈلەن گۇرۇھىنىڭ تۈرك ھۆكۈمىتىنى قارىلاش ئۈچۈن ئۇيغۇرلارنى خەلقارادا تېررورىست قىلىپ كۆرسىتىشكە تىرىشىۋاتقانلىقىنى، بۇنداق خەۋەرلەرنىڭ تۈركىيەدە ياشاۋاتقان ئۇيغۇرلارغا بەكمۇ زىيانلىق ئىكەنلىكىنى، بۇنىڭدىن باشقا بۇ خەۋەرنىڭ تۈرك دۆلىتىنىڭ ئالىي مەنپەئەتىگە زىيانلىق ئىكەنلىكىنى، بۇنداق خەۋەر ئېلان قىلغان بۇ گېزىتنىڭ يا جاسۇس ياكى تۈركىيە دۆلىتىنىڭ دۈشمىنى ئىكەنلىكىنى يازغان. (دېمىسىمۇ ئەللىك مىڭ، يۈز مىڭ ئادەم جۇڭگۇ چىگرىسىدىن ئوغۇرلۇقچە ئۆتۈپ تايلانت، لائۇس، ۋىئېتناملار بىلەن مالايسىيا ئارقىلىق تۈركىيەگە كىردى دېگەن قانداق گەپ؟)
    2014- يىلى 3- ئاينىڭ 8- كۈنى مالايسىيە يولوچىلار ئايرۇپىلانى غايىپ بولغان بولۇپ، جۇڭگۇ قاتارلىق كۆپلىگەن دۆلەتلەر ۋە شەرقى ئاسىيادىكى دۆلەتلەر بۇ ئايرۇپىلاننى بارلىق ئىمكانىيەتلىرىنى ئىشقا سېلىپ ئىزدىگەن ئىدى. بۇ ۋاقىتتا تايلانتنىڭ ئەسكەر ۋە ساقچىلىرىمۇ تاغمۇ- تاغ يۈرۈپ بۇ ئايرۇپىلاننى ئىزدىگەن بولۇپ، ئىزدىگۈچىلەر كۈتمىگەندە ئايرۇپىلاننى تاپالماي ئورمانلىق ئىچىدە يوشۇرۇنۇپ ياشاۋاتقان 400 گە يېقىن قاچقۇن پانالىق تىلىگۈچىلەرنى تېپىۋالغان بولۇپ، كېيىن بۇ خەۋەر خەلقارادا بۇلار قېچىپ چىققان ئۇيغۇرلاركەن، ياق بۇلار تۈركىيەلىك قاچقۇنلار ئىكەن... دېگەن گەپلەر تارقالغان ئىدى.







    ۋاقىتنىڭ ئۆتىشى بىلەن بۇ خەۋەرلەر خەلقارالاشقان ۋە بىر قىسىم دۆلەت ۋە خەلقارا تەشكىلاتلاردىن باشقا جۇڭگۇ ۋە تۈركىيە ئوتتۇرىسىدا ئۇلارنى بىزنىڭ ئادەملىرىمىز دەپ تالاشقان ئەھۋاللار بولغان بولۇپ، ئاڭلاشلارغا قارىغاندا ئۇ كىشىلەر ھازىرمۇ بۇ ئىككى دۆلەت ئوتتۇرىسىدا تالاش- تارتىشتا ئىكەن.
    جۇڭگۇ ھۆكۈمىتى دۇنيا جامائەتچىلىكى ئالدىدا ئۆزىنىڭ ئادىل سىياسىتى بىلەن بارچە مىللەتلەرگە ئوخشاش مۇئامىلە قىلىدىغانلىقىنى، ھەممە كىشىنىڭ جۇڭگۇ قانۇنى ئالدىدا باراۋەر ئىكەنىكىنى كۆپ قېتىم تەكىتلىگەن. جۇڭگۇ ھۆكۈمىتى بۇنىڭدىن باشقا ئۇيغۇر ئاپتونۇم رايونىدىن ئۇيغۇر سەنئەتچىلەرنى تايلانتقا ئەۋەتكەن. ئارىلىرىدا 5-6 ياشلىق بالىلارمۇ بولغان ئۇيغۇر سەنئەتچىلەر تايلانت دۆلىتى سەھنىلىرىدە ماھارەتلىرىنى نامايەن قىلىپ، ئۇيغۇر خەلقىنىڭ جۇڭگۇ ھۆكۈمىتى ۋە ياخشى سىياسىتىنىڭ نەتىجىسىدە بەختىيارلىق ئىچىدە ياشاۋاتقانلىقىنى تايلانت دۆلىتى ۋە دۇنيا جامائەتچىلىكىگە ئىسپاتلىغان.
    2014- يىلى 4- ئايدا بوشۈن تورىدا ئەر- ئايال ۋە بالىلاردىن تەركىپ تاپقان بىر توپ كىشىلەرنىڭ جۇڭگۇ چىگرىسىدىن ۋىئېتنام چىگرىسىغا قانۇنسىز ئۆتكەنلىكىنى، ۋىئېتنام ھۆكۈمىتىنىڭ ئۇلارنى تۇتۇپ، جۇڭگۇغا تاپشۇرۇپ بەرمەكچى بولغاندا ئۇلارنىڭ ئىچىدىكى 6 نەپەر ئەر ئىككى دۆلەت ئوتتۇرىسىدىكى چىگرا ئېغىزىغا ئېلىپ كېلىنىپ جۇڭگۇغا تاپشۇرۇپ بېرىلىدىغان ۋاقىتتا ۋىئېتنام ئەسكەرلىرىنىڭ قورالىنى تارتىۋېلىپ 2 نەپەر ۋىئېتنام ئەسكىرىنى ئېتىپ ئۆلتۈرۈپ 4 نەپىرىنى يارىلىغانلىقىنى ئارقىدىن ۋىئتنام ئەسكەرلىرى تەرىپىدىن ئېتىپ ئۆلتۈرۈلگەنلىكىنى، بالا- چاقىلىرىنى جۇڭگۇ ھۆكۈمىتىگە تاپشۇرۇپ بەرگەنلىكىنى، بۇلارنىڭ دىنچى، تېرورچى ئۇيغۇرلار ئىكەنلىكىنى يازغان.









    ئەگەر بۇ 6 كىشى ياكى بۇ بىر توپ كىشى ئۇيغۇر بولۇپ، راستىنلا دىنچى، ترورچى بولسا پارلىق ئۇيغۇرلار دىنچى، ترورچى بولۇپ كېتەمۇ؟...
   جۇڭگۇ بىلەن تۈركىيە ھۆكۈمەتلىرىنىڭ دوستلۇق مۇناسىۋىتى كۈندىن- كۈنىگە يېقىنلىشىپ، بۇ ئىككى دۆلەت مۇناسىۋىتى ئاخىرى 2013- يىلىنى تۈركىيە، جۇڭگۇ دوستلۇق يىلى، 2014- يىلىنى جۇڭگۇ- تۈركىيە دوستلۇق يىلى قىلىپ ئېلان قىلىش دەرىجىسىگە بېرىپ يەتكەن ئىدى.
    ئەمما بۈگۈنكى كۈنگە كەلگەندە فەتھۇللا گۈلەننىڭ نۇر جامائىتى ياكى نۇرچىلار، ھازىرقى تۈركىيە ھاكىمىيەت بېشىدىكى ئادالەت ۋە تەرەققىيات پارتىيىسى بىلەن بولغان دۈشمەنلىكى سەۋەبىدىن بۇ يىل 6- ئاينىڭ 7- كۈنى ئۆتكۈزىلىدىغان تۈركىيەدىكى سايلام يېقىنلاشقان ۋاقىتتا ئادالەت پارتىيىسىگە دۈشمەنلىك قىلىش ئۈچۈن تۈركىيە شۇنداقلا دۇنيادىكى ئۇيغۇرلارنىڭ ئوبرازىغا ئېغىر سەلبى تەسىر يەتكۈزىدىغان يالغان خەۋەر تارقاتتى. بۇ يالغان خەۋەرنىڭ تۈركىيە ۋە جۇڭگۇ ئىككى دۆلەتنىڭ كۈندىن- كۈنىگە تەرەققى قىلىۋاتقان دوستلۇق مۇناسىۋەتلىرىگىمۇ زىيىنى بار ئەلبەتتە. ئەمما يەنىلا ئەڭ ئېغىر زىيان تارتقۇچىلار تۈركىيەدە ياشاۋاتقان ئۇيغۇرلار بولىدۇ.



   يېڭى خەۋەرلەرگە قارىغاندا، جۇڭگۇ بىلەن تۈركىيە ئۆز ئارا ھەمكارلىقنى تېخىمۇ كۈچەيتىپ، 2016- يىلىدىن باشلاپ 2 دۆلەت ئوتتۇرىسىدىكى "ۋىزا" نى ئەمەلدىن قالدۇرۇش توغرىلىق مۇزاكىرە ئېلىپ بېرىۋاتقان بولۇپ، بۇ يالغان خەۋەر مۇشۇنداق نازۇك ۋاقىتتا ئوتتۇرىغا چىققان.

مەنبەسى، oylunush
     
   

تۇيۇقى

ۋىزا ئەمەلدىن قالدۇرۇلسا تۈركىيەلىكلەر جۇڭگوغا جۇڭگولۇقلار تۈركىيەگە بىۋاستىلار بارالماي
ئىككىنچى بىر دۆلەت ئارقىلىق بارىدىكەن ئەمسە.

جاۋاپ

بىز مەڭگۈلۈك شەخمەت ئۇرغى، كىم خالىسا قارلايدۇ، كىم خالىسا ياخشى دەيدۇ،بۇنى بىز بېشىمىزغا كەلگەن قىسمەت، كۈلپەت دەۋالدۇق نە چارە خۇدا بەردى بۇكۈننى تەغدىرمىز مانا  شۇ دېگەنگە يۇغۇردۇق....................

admin

  خەلىقئاراۋىي ئىشلارغا بولۇپمۇ  ۋەزىيىتىمىزگە مۇناسىۋەتلىك زىل مەزمۇنلارنى يوللىغاندا ياكى ئىنكاس يازغاندا  ئېھتىياتچان توغرا پىكىر يۈرگۈزىشىڭلارنى ئۈمىد قىلىمىز  . ناۋادا قۇنۇنغا ئىخلاپ مەزمۇندىكى ئىنكاسلارنى يېزىپ مۇنبەرنىڭ ساغلاملىقىغا تەسىر يەتكۈزدىغان ئەھۋال بايقالسا بارلىق مەسئۇلىيەتكە شۇ ئەزا ئۆزى مەسئۇل بولىدۇ . بىزنىڭ مۇناسىۋەتلىك ئورۇنلاربىلەن ماسلاشمال ئامالىمىز يوق . چۈشىنىشلىك بولدى دەپ ئويلديمەن ئۆزەمچە ...

ئىمىنوف

admin يوللىغان ۋاقتى  2015-4-16 11:14
خەلىقئاراۋىي ئىشلارغا بولۇپمۇ  ۋەزىيىتىمىزگە مۇناسى ...

مۇشۇ ئۆزەمچە دىگەن ،ھىلىقى تۆت لاۋزىنىڭ گىپى جەميەتتە ھەجەپ ئەدەپ كىتىپتۇ .

seyyah

تۇيۇقى يوللىغان ۋاقتى  2015-4-16 10:55
ۋىزا ئەمەلدىن قالدۇرۇلسا تۈركىيەلىكلەر جۇڭگوغا جۇڭگو ...

خاتا چۈشىنىۋاپسىز.
ۋىزا ئەمەلدىن قالدۇرۇلسا ئىككى دۆلەت ئوتتۇرىسىدىكى بېرىش كېلىشلەر بەك قولايلىق بولۇپ كېتىدۇ دىگەن گەپ.
خۇددى خوتەندىن ئۈرۈمچىگە بارغاندەكلا!

تۇيۇقى

seyyah يوللىغان ۋاقتى  2015-4-16 13:31
خاتا چۈشىنىۋاپسىز.
ۋىزا ئەمەلدىن قالدۇرۇلسا ئىككى دۆ ...

ئۇنى ۋىزا كەچۈرۈم قىلىش دەيمىزغۇ، بۇ يەردە دىيلىۋاتقىنى ۋىزا بىكار قىلىشكەن.

خاتا چۈشۈنىۋالغان ئوخشايمەن

گېتلېر

پىشكا    يەنىلا   پىشكا   تۇرۇكيە  ئۇچۇن  پىشكا      يەنە  كىملەر  ئۇچۇن  پىشكا   بولۇپ  يۇرۇيدىغاندىمىز  

admin

ئىمىنوف يوللىغان ۋاقتى  2015-4-16 13:22
مۇشۇ ئۆزەمچە دىگەن ،ھىلىقى تۆت لاۋزىنىڭ گىپى جەميەتت ...

بۇ قايسىدۇر دۆتنىڭ گىپى ئەمەس ئۇيغۇر تىلىدىكى سۆز

پالۋان

قارا  چاپلاشقا  بىز ئۇيغۇرلار  ئەڭ ياخشى مىللەت ........
ئابدىرىھىم ئۆتكۈرنىڭ  ‹‹ خەجلە خائىنلەر خەجلە ›› دىگەن شېئىرىنى ئەسلەپ قالدىم ....