خاسىيەتلىك قۇياش ( خۇشپۇراق )

مۇلازىمەتلەر
بانكىسى
دوستلۇق توپى
مېدال مەركىزى
قۇرال مەركىزى
بىلوگۇم
ئىزدەش قۇرالى
ئېلان مەركىزى
ئۇلىنىش
ۋەزىپە
كىيىم دۇكىنى
تور تېلۋىزىيىسى
ئىش ئورنى
تەلەپ قانىلى
Flash
چۈشۈرۈش

دىيارىم مۇنبىرى » ﻧﻪﺳﯩﺮﻯ ﺋﻪﺳﻪﺭﻟﻪﺭ » خاسىيەتلىك قۇياش ( خۇشپۇراق )

بۇ بەتتىكى تېما: خاسىيەتلىك قۇياش ( خۇشپۇراق )	پرىنتلاش \| IE دا ساقلىۋېلىش \| تېما ساقلاش \| ئالدىنقى تېما \| كېيىنكى تېما


بۇ تىما 1157 قېتىم كۈرۈلدى .

Hush_Puraq

تەجىرىبە:

UID نۇمۇرى : 30

دەرىجە: باشقۇرغۇچى

تور دەرىجىسى :

نادىر تېما: 5

يازما سانى: 3234

ئۇنۋان:16 دەرىجە ھازىرغىچە3234دانە

شۆھرەت: 1877 نۇمۇر

پۇل: 8360 دىيارىم تەڭگىسى

تۆھپە: 5 نۇمۇر

باھا: 0 نومۇر

تىزىملاتقان ۋاقىت:2005-10-11

ئاخىرقى كىرگىنى :2008-03-07

خاسىيەتلىك قۇياش ( خۇشپۇراق )

بۇ يازما yolbaxqi-ksg تەرپىدىن نادىرلاندى(2007-11-29)


	خاسىيەتلىك قۇياش ئۆمەر ئوسمان شىپائى ( نەسىر ) قۇياش _ كۈنگەيلەرگە ئالتۇن نۇرىنى سېخىيلىق بىلەن چاچقۇچى؛ يېلىڭ _ يالىڭاچلارغا مېھىر _ شەپقەت تونىنى ياپقۇچى سەييارە. ئەپسۇسكى، جۇدۇنلۇق قىشنىڭ ئۇزۇن كېچىلىرىدە ئۆز ئىشرەتخانىسىغا كىرىپ تۈن پەيزىنى سۈرىۋاتقاندا، ئۇ ئىللىق نۇرىغا تەشنالارنى ئېسىگە ئالامدىغاندۇ؟ بىراق مەن << قۇياش >> دېگىنىمدە كۈنگەيلا ئەمەس، تەسكەي بۇلۇڭ _ پۇچقاقلارغىمۇ پارلاق نۇر، يۇقىرى ھارارەت بەخش ئېتىۋاتقان شۇنداق بىر ئاجايىپ مەۋجۇدات روھىيىتىم ئاسمىنىدا چاراقلاپ تۇرىدۇ. ئۇ بولسىمۇ مەرىپەت مۇئەككىلى _ ئوقۇتقۇچى! ئوقۇتقۇچى – تېڭىرقىغانلارغا نىشان، زەربىدارلارغا زەپەر، ئەزگۈ كۆڭۈللەرگە خۇش خەۋەر، ئامالسىزلارغا ئىمكان ئاتا قىلغۇچى جاھاننامە؛ نائۈمىد، نىمجانلار مەنزىلىنى ئۈمۈد نۇرى بىلەن، نادان قەلبلەرنى ھېكمەت گۆھىرى بىلەن يورۇتقۇچى ئۆچمەس مەشئەل؛ ھاجەتمەنلەر ئۈچۈن ماڭغىنىغا تاپان ھەققى، سۆزلىگىنىگە ساخاۋەت، بىلىم بەخىش ئەتكىنىگە بەدەل، يېتەكلىگىنىگە ھەدىيە تەلەپ قىلمايدىغان خالىس پەرۋىشكار؛ مۈشكىلات تاغلىرىنى جاسارەت بازغىنى بىلەن كۇكۇم – تالقان قىلىۋاتقان پەرھات؛ مەرىپەت تەشنالىقى بىلەن چاڭقىغانلارنى جىسمىدىكى قان شەربىتى بىلەن قاندۇرۇۋاتقان ئابىھايات؛ ۋۇجۇدى ئىلىم – پەن نۇرىغا ئايلىنىپ، قاراڭغۇ ( نادان ) دىللار نى يورۇتۇش يولىدا كۆيۈپ ئېقىۋاتقان سېھىرلىك شام؛ قۇرۇپ كېتىشنى خىيالىغىمۇ كەلتۇرمەي، ئېقىن تارتىپ قاقشال كۆچەتلەر غولىنى بىخلاندۇرىۋاتقان پۈتمەس بۇلاق؛ چاراسلاپ كۆيۈشتىن چىققان ھارارىتى بىلەن بىلىمسىزلىك شىۋىرغىنىدا جۇدۇقاپ كەتكەنلەرگە ئىسسىقلىق بېرىۋاتقان ئاتەش؛ ئىلىم- ئېرپان گۈلشىنىدىن شىرنە يىغىپ، مەنىۋىيىتى زەئىپىلەرگە تەقدىم قىلغۇچى ھەسەل ھەرىسى؛ قىپقىزىل قېنىدن ئاپئاق سۈت ئايرىپ سۆيۈملۈك پەرزەنتىنى پەرۋىش قىلغۇچى ئېزىز ئانا. ئوقۇتقۇچى – مەرىپەت، ئىلىم – ھېكمەت دەرسى بېرىۋاتقان مۇنبەردە ئەپلاتوندىن دانا، ئەۋلىيالاردىن ئەلا، رۇستەمى داستاندىن كۈچتۈڭگۈر، ھاتەمدىن سېخى، خىزىردىن تەدبىرلىكى، شۇ دەقىقىدە ۋۇجۇدىنى شاگىرت ئىشقى ئەسىر ئەتكەن؛ بارلىقىنى شۇ سەبىي نوتىلارغا شەرتسىز ئاتاپ مۇرادىغا يەتكەن غالىپ شاھ! دەرسخانلىق مىنۇتلىرىدا ئوقۇتقۇچىنىڭ دىققىتىنى تەپەككۇر ئاسمىنىدىن قوغلىيالايدىغان، ۋۇجۇدىنى دەرسخانىدىن ئايرىيالايدىغان كۈچ مەۋجۈتمۇ؟ _ ياق! مىڭ مەرتىۋە ياق!!! ئوقۇتقۇچى سىنىپ قەسىرىدە شۇنداق گىگانىت، شۇنداق ئالىيجاناپ خاقانكى، ئۇنىڭ جىسمىنى چەيلەش، كۆڭلىنى شەيتان جىلۋىسى ئاينىتىش، ئىرادىسىنى تىلسىملار ساراسىمى داجىتىش مۇمكىن ئەمەس! چۈنكى ئۇ ئاشۇ دەقىقىلەردە جاھالەت پەردىسىنى يىرتىپ سۈبھىنى يورۇتۇۋاتقان، غەپلەت ئۇيقۇسىدا خورەك تارتىۋاتقانلارنى جاراڭلىق ئاۋازى بىلەن ئويغىتىۋاتقان تاڭ خورىزىدۇركى، ۋۇجۇدى ئوقۇغۇچىلىرى ئىشقىدا سېھىرلەنگەن مەشۇقە. پەقەت ۋە پەقەت ئۇنىڭ قورقىدىغىنى- شاگىرتىنىڭ تەشنالىقىنى قاندۇرالماسلىق، ئۈمۈد – ئارزۇسىغا يەتكۈزەلمەسلىك، ئىللەتلىرىنى كەتكۈزەلمەسلىك...... بىراق شۇنىسىمۇ ھەممىگە ئېنىقكى، ئوقۇتقۇچى دېگەن قانداقتۇر ساماۋى زات ئەمەس، ئادەم؛ بىر توغرام نان يېسە تويىدىغان، بىر ئوتلام سۇ ئىچسە قانىدىغان رېئال ئىنسان. لېكىن ئوقۇتقۇچى شۇنداق ئالاھىدە ئىنسانكى، ئۇنىڭ تويمايدىغىنى _ بىلىم، قانمايدىغىنى _ بىلىم تارقىتىش. ئوقۇتقۇچى كىم بولىشىدىن قەتئىينەزەر ئۆز مىللىتىنىڭ ھۈجەيرىسى؛ بۇ ھۈجەيرە – ئۆز شىجائىتى بىلەن يېڭىچە زامانىۋى ئەۋلاد يارىتىدىغان كامالەت ئىگىسى، تۆۋەن قاتلام، ناچار شارائىت، ئازغىنە تەمىناتقىمۇ قانائەتلىنىپ جاپالىق ئىشلەۋاتقان، گۈزەل كەلگۈسى ئۈچۈن مەڭگۈلۈك ئابىدە تىكلىگۈچىلەرنى تىرىشىپ – تىرمىشىپ ئاپىرىدە قىلىۋاتقان قۇدرەتلىك كۈچ! ئۆز مىللىتىنى جاھان مىللەتلىرى قاتارىدا باش كۆتۈرۈپ تۇرالايدىغان قىلىش يولىدا، ئىلىم – پەننىڭ يۈكسەك چوققىسىغا يامىشىش داۋىنىدا تېرەجەپ ئالغا ئىلگىرلەۋاتقان، ۋەتەن – مىللەتنىڭ ھامىيسى. بۇ دۇنيا قايسى خاقان، قايسى ۋەزىر، قايسى ئالىم – تېخنىك، قايسى دانا يازغۇچى – شائىر ۋە قايسى بىر ئاددىي ئىنسان ياكى ئەقىلدار پەيلاسوپ ئوقۇتقۇچىنىڭ بۇ كارامەتلىرىنى ئىنكار قىلالىسۇن!؟..... بۇ نېمە دېگەن ئۇلۇغ مۆجىزە، ئېسىل پەزىلەت – ھە!؟ كىچىكىمدە ئۇستازىم ماڭا: << سىنىپىمدا كۆز تىكىپ ئولتۇرغان ھەربىر ئوقۇغۇچۇم ماڭا ئاينى ئەسلىتىدۇ>> دېگىنىدە، مەن ھاياجىنىمنى باسالماي << مۇئەللىم، سىز قۇياش!>> دەپ ئىللىق قۇچىقىغا ئۆزۈمنى ئاتقان ئىدىم. مۇئەللىم باغرىغا باسقىنىچە بېشىمنى سىلاپ تۇرۇپ: _ بېشىڭنى كۆتەر، ئىجتىھات قىلساڭ كەلگۈسىدە ۋەتەننىڭ پەخىرى، مىللەتنىڭ غورۇرى بولالىشىڭغا ئىشىنىمەن! – دەپ پىشانەمگە سۆيۈپ قويغانتى. چۈشەندىم، چۈشەنمەكتىمەن. ھەئە، شۇنداق ، ئوقۇغۇچى _ قۇياش نۇرىغا ئىنتىزار ئاي، ئوقۇتقۇچى _ خاسىيەتلىك، پاتماس قۇياش! يۈرەك سوۋغىسى – جەزبدار گۈلدەستىلەر دېگەن كىتابدىن ئېلىندى.

بۇ يازمىنىڭ يېقىنقى باھالىنىش ئەھۋالى:

شۆھرەت:+5(manggutax)

شۆھرەت:+10(yolbaxqi-ksg) تەسىرلىك

شۆھرەت:+10(baturjangqi) ئەھمىيەتلىك

بۇ يوللانما دىيارىم مۇنبىرىگە تەۋە، خالىغانچە باشقا مۇنبەرگە كۆچۈرۈپ چاپلىماڭ. << باشقىلارنىڭ ئەمگىكىنى ھۆرمەت قىلىش ئەڭ ئۇلۇغ شەرەپ!>>

يوللانغان ۋاقتى: 2007-11-28 18:46 | بۇ قەۋەتكە ئىنكاس=> [باش يازما]

يېڭى يازمىلىق سەھىپە نۇرمال زىيارەت قىلىغىلى بولىدىغان سەھىپە

ئادەتتىكى سەھىپە تاقاق سەھىپە

مەخپىي سەھىپە

ﺋﻪﺳﻜﻪﺭﺗﯩﺶ : ﺗﻮﺭ ﺑﯧﻜﯩﺘﯩﻤﯩﺰﺩﻩ ﯞﻩﻣﯘﻧﺒﯩﺮﯨﻤﯩﺰﺩﻩ ﺩﯙﻟﻪﺗﻨﯩﯔ ﺗﯜﺭﻟﯜﻙ ﻗﺎﻧﯘﻥ - ﺳﯩﻴﺎﺳﻪﺕ ﭘﻪﺭﻣﺎﻧﻠﯩﺮﯨﻐﺎ ﺧﯩﻼﭖ ﻣﺎﻗﺎﻟﯩﻠﻪﺭ ﯞﻩ ﻳﻮﻟﻼﻧﻤﯩﻼﺭﻧﻰ ، ﺳﯜﺭﻩﺗﻠﻪﺭﻧﻰ ﻳﻮﻟﻼﺷﻘﺎ ﺑﻮﻟﻤﺎﻳﺪﯗ.
ﺑﯚﻟﮕﯜﻧﭽﯩﻠﯩﻚ ، ﻗﯘﺗﺮﺍﺗﻘﯘﻟﯘﻕ ﺧﺎﺭﺍﻛﺘﺮﯨﺪﯨﻜﻰ ﻣﺎﻗﺎﻟﯩﻠﻪﺭﻧﻰ ﻳﻮﻟﻠﯩﻐﺎﻥ ﺋﺎﭘﺘﻮﺭﻻﺭ ﺋﺎﻗﯩﯟﯨﺘﯩﮕﻪ ﺋﯚﺯﻯ ﻣﻪﺳﺌﯘﻝ ﺑﻮﻟﯩﺪﯗ . ﺗﻮﺭ ﭘﻮﻧﻜﯩﺘﯩﻤﯩﺰ ﮬﯧﭽﻘﺎﻧﺪﺍﻕ ﻣﻪﺳﺌﯘﻟﯩﻴﻪﺗﻨﻰ ﺋﯜﺳﺘﯩﮕﻪ ﺋﺎﻟﻤﺎﻳﺪﯗ . ﺋﯚﺯ ﺗﻮﺭ ﻣﻪﺩﻩﻧﯩﻴﺘﯩﻤﯩﺰﻧﯩﯔ ﺳﺎﻏﻼﻡ ﺗﻪﺭﻩﻗﻘﯩﻲ ﻗﯩﻠﯩﺸﻰ ﯞﻩ ﺗﻮﺳﺎﻟﻐﯘﺳﯩﺰ ﺋﯩﻠﮕﯩﺮﻟﯩﺸﻰ ﺋﯜﭼﯜﻥ ﺑﯘ ﻣﯘﻧﺒﻪﺭﻧﻰ ﺋﯚﺯ ﻛﯚﺯ ﻗﺎﺭﭼﯘﻗﯩﯖﯩﺰﺩﻩﻙ ﺋﺎﺳﺮﯨﺸﯩﯖﯩﺰﻧﻰﺋﯜﻣﯩﺪ ﻗﯩﻠﯩﻤﯩﺰ.
ﻛﯧﻴﯩﻨﻜﻰ ﭘﯘﺷﺎﻳﻤﺎﻥ ، ﺋﯚﺯﯛﯕﮕﻪ ﺩﯛﺷﻤﻪﻥ . ﻣﯩﻠﻠﻪﺗﻨﻰﺳﯚﻳﮕﯜﭼﯩﻠﻪﺭ ﺋﯚﺯ ﻧﻪﺭﺳﯩﺴﯩﻨﻰ ﻗﻪﺩﯨﺮﻟﻪﻳﺪﯗ .