[ئارغتۇغ تەرجىمىسى] ئالەمنىڭ پەيدا بولۇشى ۋە كېڭىيىشى

مۇلازىمەتلەر
بانكىسى
دوستلۇق توپى
مېدال مەركىزى
قۇرال مەركىزى
بىلوگۇم
ئىزدەش قۇرالى
ئېلان مەركىزى
ئۇلىنىش
ۋەزىپە
كىيىم دۇكىنى
تور تېلۋىزىيىسى
ئىش ئورنى
تەلەپ قانىلى
Flash
چۈشۈرۈش

دىيارىم مۇنبىرى » ﺗﻪﺭﺟﯩﻤﻪ ﺋﻪﺳﻪﺭﻟﻪﺭ » [ئارغتۇغ تەرجىمىسى] ئالەمنىڭ پەيدا بولۇشى ۋە كېڭىيىشى

« 1 2» Pages: ( 1/2 total )

بۇ بەتتىكى تېما: [ئارغتۇغ تەرجىمىسى] ئالەمنىڭ پەيدا بولۇشى ۋە كېڭىيىشى	پرىنتلاش \| IE دا ساقلىۋېلىش \| تېما ساقلاش \| ئالدىنقى تېما \| كېيىنكى تېما


بۇ تىما 3889 قېتىم كۈرۈلدى .

arghtugh

تەجىرىبە:

UID نۇمۇرى : 2167

دەرىجە: باشقۇرغۇچى

تور دەرىجىسى :

نادىر تېما: 2

يازما سانى: 142

ئۇنۋان:3 دەرىجە ھازىرغىچە142دانە

شۆھرەت: 429 نۇمۇر

پۇل: 439 دىيارىم تەڭگىسى

تۆھپە: 0 نۇمۇر

باھا: 0 نومۇر

تىزىملاتقان ۋاقىت:2006-02-14

ئاخىرقى كىرگىنى :2008-03-05

[ئارغتۇغ تەرجىمىسى] ئالەمنىڭ پەيدا بولۇشى ۋە كېڭىيىشى

بۇ يازما ئاتا تەرپىدىن نادىرلاندى(2007-11-28)


	ئالەمنىڭ پەيدا بولۇشى ۋە كېڭىيىشى ۋورېت ئولۋېر روبىرتىس، ئابدۇلمەجىد زىندانى، مۇستافا. A. ئەھمەد ئارغتۇغ تەرجىمىسى ئالەمنىڭ مەنبەسى توغىرىسىدا نورغۇنلىغان ئوخشاشمايدىغان نەزەرىيىلەر مەۋجۇت. 20- ئەسىرنىڭ باشلىرىدا كۆپ ساندىكى ئاسترېنوملار ئالەمدىكى ھەممە پېلانت (كەزگىن) لار يۇلتۇز توپى بولۇپ ئۇيۇشۇپ، بىپايان بوشلۇقتا يەككە- يىگانە ھالدىكى بىر «ئالەم ئارىلى» نى تەشكىل قىلغان، دەپ قارايىتتى. ئالاھەزەل 45 يىل مۇقەددەم بۇ قاراشقا ئىشىنىدىغانلار قالمىدى، ئاسترېنوملار ئالەمنىڭ يىراق جايلىرىدىن نورغۇنلىغان سامان يولى سىستىمىسى سىياقىدىكى سامان يولى سىرتىدىكى يۇلتۇز سىستىمىلىرىنى بايقىغانىدى. ئاستېرىنوم V. M. سېلېف ۋېلاگستائىف رەسەتخانىسى (ئامېرىكا) دا كۆزىتىش ئېلىپ بېرىپ، ئۇلارنىڭ رەڭگىنىڭ سامان يولى سىستېمىسىغا قارىغاندا قىزىللىشىۋاتقانلىقىنى بايقىغان، بۇ ئۇلارنىڭ بىزدىن يىراقلىشىۋاتقانلىقىنى بىلدۈرىدۇ، بۇنداق قىزىللىشىش ھادىسىسىنى دوفلېر ئېففىكتى پەيدا قىلىدۇ. مەشھۇر ۋىلسون تېغى رەسەتخانىسىدىكى تېلىسكوپ بىلەن ئوپتىك ئانالىزى قىلىش ئارقىلىق، ئەدۋېن. ھابور (1889– 1953- يىللار ياشىغان ئامېرىكىلىق ئاستېرىنوم، يۇلتۇز سىستىمىسى ئاستېرونومىيىسىنىڭ بەرپاچىسى) بىلەن مېلتون. ئامازون بىزنىڭ سامان يولى سىرتىدىكى يۇلتۇز سېستىمىلىرىنىڭ ماۋجۇتلىقىنى ئىپادىلەپ تۇرغان نەچچە مېليارد يىل مۇقەددەمكى ماددىلار قىسىلغان ئىنتايىن كىچىك بوشلۇقنى ئۆلچىيەلمەيدىغانلىقىمىز، ئۇنىڭ زىچلىقىنىڭ چوڭلىقىنى تەسەۋۋۇر قىلىشقا ئادەمنىڭ ئەقلى يەتمەيدىغانلىقىنى ئىسپاتلىدى. يۇقىرىدا بايان قىلىنغان يىڭى بايقاشلار ئىنتايىن تىزلا فېرد. خوئېر بەرپا قىلغان «ئالەم ئۆزلۈكسىز كېڭىيىۋاتىدۇ» دېگەن نەزەرىيىنى شەكىللەندۈردى. ئۇنىڭ قىياسى ئالەم داۋاملىق يارىلىۋاتىدۇ، يېڭى ماددىلارنىڭ يارىلىشى باشتىن ئاخىر پۈتكۈل ئالەمنىڭ ئىچىدە بولىدۇ، شۇڭا ئۇنىڭ زىچلىقى ئەلمىساقتىن تارتىپ ئىزچىل مۇقىملىقىنى ساقلاپ كېلىۋاتىدۇ، دېگەن قاراش ئىدى. بۇ نەزەرىيىنىڭ ئۆزىدىمۇ ھەل قىلغىلى بولمايدىغان بەزىبىر قىيىن مەسىلىلەر بار ئىدى، ئالايلى، ئۇ نۆۋەتتە تەبىئەت دۇنياسىدا بايقالغان ئىلمېنتلارنىڭ تارقىلىشىنى شەرھىيىلىيەلمىدى. «چوڭ پارتىلاش» نەزەرىيىسىنىڭ تەرەققى قىلىشىغا ئەگىشىپ مەسىلە ھەل بولدى. چوڭ پارتىلاش نەزەرىىيسى ئالاھەزەل 15 مېليارت يىللار مۇقەددەم ئالەمدىكى پۈتكۈل ماددىلار ئىنتايىن كىچىك بىر بوشلۇققا يىغىقلق ئىدى، بۇ ماددىلارنىڭ فېزىكىلىق تەركىبىدە تەسۋىرلىگۈسىز ئىسسىقلىق تۈپەيلىدىن غايەت زور پارتىلاش يۈز بەرگەن، پارتىلاش ھىلىھەم داۋام قىلىۋاتىدۇ، پارتىلاش يۈز بېرىپ 1/100 سېكونتتىن كېيىن تىز سۈرئەتتە سوۋۇغان، دەپ قارايىتتى، ئاتوم نەزەرىيەسى ئارقىلىق بۇ ھادىسىگە ئىزاھات بېرىلدى. بۇ نەزەرىيەگە ئاساسلانغاندا چوڭ پارتىلاش كۆز ئالدىمىزدىكى ئىزچىل كېڭىيىۋاتقان ئالەمدە يۈز بەرگەن. رادىئو ئاستېرىنومىيىسى ئۆلچىگەن ئالەمدىكى قالدۇق رادىئاتسىيە ماددىلىرى چوڭ پارتىلاش پەيدا قىلغان ئىسىقلىقنىڭ ئالەمنىڭ تىمپىراتۇرىسىنى مۇتلەق نۆل گىرادۇستىن سەللا ئۈستۈن سەۋىيىدە ساقلاۋاتقانلىقىنى كۆرسىتىپ بەردى. ئۇنىڭ ئۈستىگە بۇ نەزەرىيە بىز دۈچ كەلگەن ئلمېنتلارنىڭ تارقىلىش مەسىلىسىنى قايىل قىلارلىق رەۋىشتە شەرھىيلەپ بېرەلەيىتتى. كوسمولوگىيە نەزەرىيەسىدە چوڭ پارتىلاشنىڭ ئەڭ ئاخىرقى يەكۈن ياكى ئەمەسلىكى كەلگۈسىدە ئىسپاتلىنىدۇ، دەپ قارىلىدۇ. نۆۋەتتە ھوۋىر ۋە باشقا كۆپلىگەن ئاستىرىنوملار پۈتكۈل ۋۇجۇدى بىلەن چوڭ پارتىلاش نەزەرىيىسىنىڭ ئورنىنى ئالالايدىغان باشقا نەزەرىيەلەرنى ئىزلەۋاتىدۇ، ئىلىم- پەن تارىخنىڭ ئىلگىرىلىشى ئەزەلدىن شۇنداق بولۇپ كەلدى، ھەرقانداق يېڭى نەزەرىيە باشقا تىخىمۇ ئىلغار نەزەرىيىگە ئورۇن بوشىتىدۇ. چوڭ پارتىلاش نەزەرىيەسى ئالەمنىڭ دەسلىپىدە زىچلىقى ئىنتايىن يۇقىرى ياكى زىچلىقى چەكسىز بىر بوشلۇق ئىكەنلىكى، نامەلۇم بىر پارتىلاشتا ئالەمنىڭ بىز ھازىر بىلىدىغان ماددا ۋە ئىنىرگىيە ھالىتى شەكىللەنگەنلىكى، ئاشۇ ۋاقىتتىن تارتىپ تا بۈگۈنگىچە ئالەم ئۆزگىرىپ بۈگۈنكى ئىنسانلار كۆرۈپ تۇرغان فېزىكىلىق قانۇنىيەتلەرگە ئۇيغۇنلاشقانلىقى، چوڭ پارتىلاشنىڭ ئەڭ بېشىدىكى ئەھۋال ۋە ئۇنىڭ فېزىكىلىق پىرىنسىپلىرىنىڭ مۇئەمما ئىكەنلىكىنى مۇتلەق توغىرا دەپ قارايدۇ. «قۇرئان كەرىم» دىكى «كاپىرلار بىلمەمدۇكى، ئاسمانلار بىلەن زىمىنلار بىر- بىرىگە تۇتاش ئىدى، ئۇلارنى ئايرىۋەتتۇق» (‹قۇرئان كەرىم› سۈرە ئەنبىيا 30- ئايەت) دېگەن ئايەتتە دەل ئالەمنىڭ شەكىللىنىشى شەرھىيلىنىدۇ. مەزكۇر ئايەت تۆۋەندىكىدەك مەنالارغا ئىگە: بىرىنچىدىن، ئالەمنى تەشكىل قىلىدىغان ماددىلار ئەسلىدىن بىر پۈتۈن؛ ئىككىنچىدىن، پۈتكۈل ئالەم ئەسلىدىن تۇتاش پېتى؛ ئۈچىنچىدىن، ئاسمان- زىمىن ئايرىلغاندىن كېيىن تەرتىپلىك رەۋىشتە ماددىلارنىڭ فىزىكىلىق قانۇن ۋە قانۇنىيەتلىرى شەكلىلەنگەن. قۇياش سىستىمىسى ۋە سامان يولى سىستىمىسىدىكى بارلىق سەييارىلەرنىڭ قانۇنىيىتى بار، سامان يولى سىرتىدىكى بارلىق يۇلتۇز سىستىمىلىرى تىخىمۇ بىر قەۋەت ئۈستۈن بولغان سىستىمىنىڭ بىر قىسمى، سامان يولى سىرتىدىكى يۇلتۇز سىستىمىلىرى ئالەمگە نىشانسىز، رەتسىز چېچىلمىغان، تەشكىللىك، تەرتىپلىك يۇلتۇز توپىدۇر. ئۇلار ئۆز ئىچىدە سامان يولى سىرتىدىكى يۇلتۇز سىستىمىلىرىنى چۆرىدەپ، ئۆزلىرىنىڭ ئورتاق مەركىزى قىلىپ، ئۆزلىرىنىڭ ئوربىتىسىدا ھەرىكەت قىلىدۇ. ھازىرقى زامان ئېلىم- پەن نەزەرىيىلىرىگە ئاساسلانغاندا، چوڭ پارتىلاشتىن ئىبارەت بۇ ئالەمشۇمۇل ۋەقە ئەمەلىيەتتە نامەلۇم ۋاقىتتا يۈز بەرگەن بولۇپ، ئۇنىڭ تىمپېراتۇرىسىنىڭ يۇقىرىلىقىنى تەسەۋۋۇر قىلغىلى بولمايىتتى. چوڭ پارتىلاش يۈز بەرگەندە پۈتكۈل ئالەم نامەلۇم بىر بوشلۇققا سىغدالغان، نامەلۇم دەقىقىلەردە ئاسمان- زىمىننىڭ «ئايرىلىش» ى يۈز بەرگەن. ھازىرقى زامان ئىلىم- پېنى چوڭ پارتىلاش فىزىكىلىق قانۇنىيەتلەرنى «يارات» مىغان، دەپ قارايدۇ. نورغۇن ئالىملار ماددىي قانۇنىيەتلەر ماددىلارنىڭ ھەرىكىتىدىن خۇلاسىلەنگەن، ماددىي دۇنيا بۇ قانۇنىيەتلەرگە تولۇق ماس كېلىدۇ، دەپ ھىسابلىشىدۇ. چوڭ پارتىلاش يۈز بەرگەن دەقىقىلەردە ئەمەلىيەتتە نورغۇن سىرلار ماۋجۇت بولسىمۇ، بۇ نۇقتا ھەققىدە نەزەرىيىلەر ھىچنىمە دېيەلمەيدۇ. چوڭ پارتىلاش نەزەرىيىسى «قۇرئان كەرىم» دىكى مۆجىزىلەرگە ئاساسەن ماس كېلىدۇ. «ئاسماننى قۇدرەت بىلەن بەرپا قىلدۇق، ئۇنى كېڭەيتىۋاتىمىز»①(« قۇرئان كەرىم» سۈرە زارىئات، 47- ئايەت) تەپسىرشۇناسلاردىن ئىبنى . قەيىد «مەزكۇر ئايەت ئاللاھنىڭ ھېلىھەم ئالەمنى كېڭەيتىۋاتقانلىقىدىن بىشارەت بېرىدۇ» دەيدۇ. «قۇرئان كەرىم» سۈرە رەھماندىكى «ئاللاھ ئاسماننى ئېگىز ياراتتى، ئۆلچەمدە زۇلۇم قىلماسلىقىڭلار ئۈچۈن ئاللاھ تارازىنى بىكىتتى» («قۇرئان كەرىم» سۈرە رەھمان، 7- 8- ئايەت) دېگەن ئايەتتە ئالەمنىڭ شەكىللىنىشىدىكى مۇۋازىنەت مەسىلىسى تەكىتلىنىدۇ. ھازىرقى زامان ئېلىم- پېنىگە ئاساسلانغاندا، بارلىق ئىلمىنتلار چوڭ پارتىلاش يۈز بېرىپ 1/100 سېكونتتاپەيدا بولغان. چوڭ پارتىلاش بولۇپ ئۈچ مىنۇتتىن كېيىن ھىدروگىن، گېلى ۋە باشقا يېنىك ئىلمىنتلارنىڭ ئاتوم يادروسى شەكىللەنگەن، يەنە يۈز مىڭ يىل ئۆتۈپ، چوڭ پارتىلاش ئاستا- ئاستا سوۋۇپ، يېنىك ئىلمىنتلارنىڭ ئاتوم يادروسى ئاتومنى شەكىللەندۈرگەن بولۇشى مۇمكىن. داۋاملىق سوۋۇش ۋە سىقىلىشتىن يۇلتۇز سىستىمىلىرى بىلەن باشقا تۇرغۇن يۇلتۇزلار شەكىللىنىشىكە باشلىغان. ئاندىن تارتىشىش كۈچىنىڭ سوقۇشتۇرۇشى بىلەن تۇرغۇن يۇلتۇزلارنىڭ كۆيۈش نۇقتىسى چوغلىنىپ، ئىسىقلىق يادرو رىئاكسىيىسى بولغان. نىسبەتەن ئېغىر ئىلمېنتلار بۇ رىئاكسىيىنىڭ تۈرتكىسىدىكى مەشھۇر يادرو مەنبەسى داۋامىدا شەكىللەنگەن. ئەڭ دەسلەپتىكى نامەلۇم تۇرغۇن يۇلتۇزلار ئىنىرگىيىسى بىكارلا ئىسراپ بولۇپ كېتىدىغان دەرىجىدىن تاشقىرى يورۇق يېڭى يۇلتۇزلار ئىدى، ئۇلار ئىنتايىن تىز يىمىرىلىپ ھاياتىنى ئاخىرلاشتۇرغان، چۈنكى، ئۇلار ئۆزلىرىنىڭ ئىچكى قىسمىنى ئۆزلۈكسىز رەۋىشتە ئالەم بوشلۇقىدا شەكىللەنگەن يادرو چاڭ- توزانلىرىغا ئاتقان ، بۇنىڭ بىلەن كېيىنكى نورغۇن تۇرغۇن يۇلتۇزلار ۋە سەييارىلەر پەيدا بولغان. ئاستىرىنوملار كۆپلىگەن تۇرغۇن يۇلتۇزلارنىڭ ئايلىنىشى ياپىلاق يۇلتۇز تۇمانلىرى قېتىنى شەكىللەندۈرگەن بولۇپ ئۇنىڭ ئىچىدە يەنە سەييارىلەر، قۇيرۇقلۇق يۇلتۇزلار، ئاقار يۇلتۇزلار ۋە سەييارىلەر ئارىسىدىكى چاڭ- توزان دانىچىلىرى شەكىللەنگەن، ئالاھەزەل بىر مىليارت يىل ئۆتۈپ، يەنى چوڭ پارتىلاش يۈز بېرىپ 15 مېليارد يىلدىن كېيىن ئالەمنىڭ بۈگۈنكى موشۇ ھالىتى شەكىللىنىشكە باشلىغان، دەپ قارىشىدۇ. ئىنسانىيەتنىڭ قۇياش سىستىمىسىنىڭ مەنبەسى ھەققىدىكى پەننى بىلىملىرى ئۇنچىۋالا مۇكەممەل ئەمەس. ئاددى قىلىپ ئىيىتقاندا، ئاستىرىنوملار قۇياش سىستىمىسى قۇياشنىڭ تارتىش كۈچىنىڭ ئوربىتىسىدىكى يۇلتۇز تۇمانلىرى ھالىتىدە ئاستا ئايلىنىدىغان غايەت زور يۇلتۇز تۇمانلىرىنى كونتىرۇل قىلىپ سىرتقا سوزۇلىشىدىن شەكىللىنىپ بۈگۈنكىدەك موشۇنداق زور كۆلەمگە ئىگە بولغان، دېگەن قاراشنى ياقىلايدۇ. يۇلتۇز تۇمانلىرىنىڭ قوشۇلىشى ۋە نۆۋەتتىكى ھالىتىنى شەكىللەندۈرگەن يۇلتۇز تۇمانلىرىنىڭ ئىچكى قىسمىدىكى تارتىشىشنىڭ پەيدا بولۇشى، پۈتكۈل سەييارىلەر ۋە ئۇلارنىڭ ھەمراھلىرىنىڭ شەكىللىنىشى، سەييارىلەر، سەييارىچاقلار ( مارىس بىلەن يوپتىر ئوتتۇرىسىدىكىگە ئوخشاش سەييارىلەر )، قۇيرۇقلۇق يۇلتۇزلار، سەييارىلەر ئارىسىدىكى يۇلتۇز چاڭ- توزانلىرى ۋە ئالەمدىكى باشقا پارچىلارنىڭ شەكىللىنىشى، قىسقىسى، ئىنسانىيەتنىڭ يۇقىرىقىلار توغىرىسىدىكى مۇپەسسەل تەسۋىرلىرى سېپى ئۆزىدىن قىياستۇر . رۇشەنكى، ئوخشاش بولمىغان باشقا ئامىللانىڭمۇ رولى بولغان، ئۇلارنىڭ بەزىلىرى ئىرىتمە ھالدىكى نورغۇن سىلكات كېسلاتاسى تۇزى كاللىكى ( مېتئورت دانچىلىرى ) نى شەكىللەندۈرگەن. باشقا قىياسلار قۇياش سىستىمىسىنىڭمۇ دەسلەپتە زىچلىقى ئىنتايىن تۆۋەن چاڭ- توزان شارچىلىرىنىڭ جۇغلىنىشى ياكى يۇمشاق، تۆۋەن زىچلىقتىن تۈزۈلگەن تۇمان ھالىتىدىكى دانچىلارنىڭ يىغىلىشىدىن شەكىللەنگەنلىكىنى كۆرسىتىدۇ. بۇ ماددىلار يىغىلسا زىچلىقى ئىنتايىن چوڭ چاڭ- توزان دانچىلىرى ياكى مېتئورت شەكىللەندۈرۈشى مومكىن بولسىمۇ، ئۇمۇ ھەم مۆلچەردۇر، خالاس. ئالەمنىڭ دەسلەپكى چاڭ- توزانلىق ۋە ئىس- تۈتەكلىك ھالىتى توغىرىسىدا «قۇرئان كەرىم» دە «ئاندىن ئۇ ئاسماننى ( يارىتىشقا ) يۈزلەندى، ھالبۇكى، ئۇ تۇمان ھالىتىدە ئىدى» («قۇرئان كەرىم» سۈرە فۇسسىلەت، 11- ئايەت) دېگەن ئايەت بار. بايا ئىيتىپ ئۆتكەندەك، ئەدۋېن. ھابور ۋە باشقا ئاستېرىنوملار ئالەم ئۆزلۈكسىز كېڭىيىۋاتىدۇ، دېگەن نەزەرىيىنى تولىمۇ ئىشەنچ بىلەن ئوتتۇرىغا قويدى، چۈنكى، يىراقتىكى سامان يولى سىرتىدىكى يۇلتۇزلار سىستىمىسى ۋە شۇنىڭغا ئوخشايدىغان باشقا ئاسمان جىسىملىرىنىڭ قىزىل كۆچۈش ھادىسىسىمۇ بۇ نۇقتىنى ئىنىق چۈشەندۈرۈپ بەرگەن ئىدى. ئۇلار بايقىغان پاكىت قىزىل كۆچۈشنىڭ چېكىنىۋاتقان ئاسمان جىسىملىرى چىقارغان نۇرنىڭ دوفلىر ئېففىكتىدىن شەكىللىنىدىغانلىقى، قىزىل كۆچۈش مىقدارىغا ئاساسەن جىسىملارنىڭ چېكىنىش سۈرئىتىنى ئۆلچەپ چىققىلى بولىدىغانلىقى ئىدى. نۆۋەتتە بىرمۇنچە ئالىملار پۈتۈن كۈچى بىلەن باشقىچە ئۇسۇللار ئارقىلىق قىزىل كۆچۈش ھادىسىسىنى چۈشەندۈرۈشكە ئىنتىلىۋاتقان بولسىمۇ، ئالەمنىڭ ئۈزلۈكسىز كېڭىيىۋاتقانلىقىنى ياقىلايدىغان ئالىملارنىڭ پىكرى ئوخشاش بولىۋاتىدۇ. بۇ خىل نەزەرىيىگە ئاساسلانغاندا، يىراقتىكى ئاسمان جىسىملىرىنىڭ چېكىنىش سۈرئىتى بىلەن ئۇلارنىڭ ئارىلىقى مۇئەييەن تاناسىپلىق شەكىللەندۈرىدۇ. چوڭ پارتىلاشتىن بۇيان ئاشۇ يىراق سامان يولى سىرتىدىكى يۇلتۇزلار سىستىمىسى ئۆزلۇكسىز رەۋىشتە بىزدىن يىراقلىشىۋاتىدۇ. «قۇرئان كەرىم» ئالەمنىڭ ھازىرى ۋە ئۆتمۈشىنى سۈرەتلەپ بەردى، ئىنسانىيەتنىڭ ئالەم ۋە ئۇنىڭ كېلىپ چىقىشى، ئاخىرقى نەتىجىسى ھەققىدىكى مۇتلەق كۆپ ساندىكى زامانىۋى پەننى بىلىملىرى ئۇنىڭ بىلەن بىردەك. بۈگۈنكى ئىنسانلارنىڭ ئالەم ھەققىدىكى پەننى بىلىملىرىنى 50 يىل بۇرۇنقى ئالىملار تەسەۋۋۇر قىلالمايىتتى. ھالبۇكى، ئۇلار يۇقىرىدا كۆرۈپ ئۆتكەن «قۇرئان كەرىم» ئايەتلىرىنىڭ مەزمۇنىغا تولۇق ماس كېلىدۇ، كىشىلەر بۇ مۆجىزىكار تەسۋىرلەرنىڭ 1400 يىل مۇقەددەمكى ئىش ئىكەنلىكىنى ئېسىدىن چىقارماسلىقى كېرەك، ئەلۋەتتە! ____________________________________ ئىزاھات: ① مەزكۇر ئايەت «قۇرئان كەرىم» نىڭ ئۇيغۇرچە تەرجىمىسىدە «ئاسماننى قۇدرەت بىلەن بەرپا قىلدۇق، بىز ھەقىقەتەن قۇدرەتلىكمىز» دېيىلگەن، «قۇرئان كەرىم» نىڭ ما جىيەن تەرىپىدىن قىلىنغان خەنزۇچە تەرجىمىسىدىمۇ ئۇيغۇرچىدىكى مەنىسىگە ئوخشاش ئېلىنغان، مەزكۇر ماقالىدە يۇقىرىقىدەك مەنىدە ئېلىنغان ئىكەن، «قۇرئان كەرىم» نىڭ مۇھەممەت سالىھ داموللام تەرىپىدىن ئىشلەنگەن ئۇيغۇرچە تەرجىمىسى ھەم ما جىيەن تەرىپىدىن ئىشلەنگەن خەنزۇچە تەرجىمىسى ئاساسەن مۆتىدىل مەيداندا تۇرۇپ قىلىنغان تەرجىمە بولغاچقا، بەزى مەنىسى چوڭقۇر، كۆپ مەنىلىك ئايەتلەرنىڭ تەرجىمىسىدە، بولۇپمۇ ئېلىم- پەنگە ئائىت مەنىلىرىدە بەزىبىر ئىنىقسىزلىقلارنى يوق دېگىلى بولمايدۇ. مەزكۇر ماقالىنىڭ خەنزۇچىسىدا يۇقىرىقى ئايەت «ئاسماننى قۇدرەت بىلەن بەرپا قىلدۇق، ئۇنى كېڭەيتىۋاتىمىز» دېگەن مەنىدە ئېلىنغان، ماقالە مەزمۇنى بىلەن بولغان باغلىنىشىنى كۆزدە تۇتۇپ، ئەينەن تەرجىمە قىلدىم. ئەلۋەتتە، بىر ئايەتنىڭ بىرنەچچە خىل مەنىنى بىلدۈرۈشى، ھەتتا بەزى ئايەتلەردىكى سىرلارنىڭ تېگىگە يېتىشكە ئىنسان ئەقلىنىڭ چولتىلىق قىلىشى «قۇرئان كەرىم» نىڭ ساماۋىي خىسلىتىنى نامايان قىلىپ تۇرىدىغان سانسىزلىغان پاكىتلارنىڭ بىرىدۇر. ___ ئۇيغۇرچىغا تەرجىمە قىلغۇچىدىن. ئاپتورلار : ۋورت ئولۋېر روبىرتىس: ئامېرىكا كولورىدا شىتاتى بورد ئونىۋىرىستىتى ئاتموسفىرا تەتقىقات ئورنىنىڭ تەتقىقاتچىسى . ئابدۇلمەجىد زىدانى ، مۇستافا. A. ئەھمەد: سەئودى ئەرەبىستانى ئابدۇلئەزىز پادىشاھلىق ئونىۋېرىستىتىنىڭ فېروفېسسورلىرى. (لەنجۇ ئونىۋېرىستىتى نەشىرىياتى 2001- يىلى نەشىر قىلغان «مۇسۇلمان يازغۇچىلارنىڭ مەشھۇر ئەسەرلىرى، رېسالىلىرى» ناملىق كىتابتىن تەرجىمە قىلىندى)

بۇ يازمىنىڭ يېقىنقى باھالىنىش ئەھۋالى:

شۆھرەت:+10(ئاتا) ئەجىر

شۆھرەت:+10(saba7911)

شۆھرەت:+5(manggutax)

ھاياتمەن!

يوللانغان ۋاقتى: 2007-11-27 17:09 | بۇ قەۋەتكە ئىنكاس=> [باش يازما]

يېڭى يازمىلىق سەھىپە نۇرمال زىيارەت قىلىغىلى بولىدىغان سەھىپە

ئادەتتىكى سەھىپە تاقاق سەھىپە

مەخپىي سەھىپە

ﺋﻪﺳﻜﻪﺭﺗﯩﺶ : ﺗﻮﺭ ﺑﯧﻜﯩﺘﯩﻤﯩﺰﺩﻩ ﯞﻩﻣﯘﻧﺒﯩﺮﯨﻤﯩﺰﺩﻩ ﺩﯙﻟﻪﺗﻨﯩﯔ ﺗﯜﺭﻟﯜﻙ ﻗﺎﻧﯘﻥ - ﺳﯩﻴﺎﺳﻪﺕ ﭘﻪﺭﻣﺎﻧﻠﯩﺮﯨﻐﺎ ﺧﯩﻼﭖ ﻣﺎﻗﺎﻟﯩﻠﻪﺭ ﯞﻩ ﻳﻮﻟﻼﻧﻤﯩﻼﺭﻧﻰ ، ﺳﯜﺭﻩﺗﻠﻪﺭﻧﻰ ﻳﻮﻟﻼﺷﻘﺎ ﺑﻮﻟﻤﺎﻳﺪﯗ.
ﺑﯚﻟﮕﯜﻧﭽﯩﻠﯩﻚ ، ﻗﯘﺗﺮﺍﺗﻘﯘﻟﯘﻕ ﺧﺎﺭﺍﻛﺘﺮﯨﺪﯨﻜﻰ ﻣﺎﻗﺎﻟﯩﻠﻪﺭﻧﻰ ﻳﻮﻟﻠﯩﻐﺎﻥ ﺋﺎﭘﺘﻮﺭﻻﺭ ﺋﺎﻗﯩﯟﯨﺘﯩﮕﻪ ﺋﯚﺯﻯ ﻣﻪﺳﺌﯘﻝ ﺑﻮﻟﯩﺪﯗ . ﺗﻮﺭ ﭘﻮﻧﻜﯩﺘﯩﻤﯩﺰ ﮬﯧﭽﻘﺎﻧﺪﺍﻕ ﻣﻪﺳﺌﯘﻟﯩﻴﻪﺗﻨﻰ ﺋﯜﺳﺘﯩﮕﻪ ﺋﺎﻟﻤﺎﻳﺪﯗ . ﺋﯚﺯ ﺗﻮﺭ ﻣﻪﺩﻩﻧﯩﻴﺘﯩﻤﯩﺰﻧﯩﯔ ﺳﺎﻏﻼﻡ ﺗﻪﺭﻩﻗﻘﯩﻲ ﻗﯩﻠﯩﺸﻰ ﯞﻩ ﺗﻮﺳﺎﻟﻐﯘﺳﯩﺰ ﺋﯩﻠﮕﯩﺮﻟﯩﺸﻰ ﺋﯜﭼﯜﻥ ﺑﯘ ﻣﯘﻧﺒﻪﺭﻧﻰ ﺋﯚﺯ ﻛﯚﺯ ﻗﺎﺭﭼﯘﻗﯩﯖﯩﺰﺩﻩﻙ ﺋﺎﺳﺮﯨﺸﯩﯖﯩﺰﻧﻰﺋﯜﻣﯩﺪ ﻗﯩﻠﯩﻤﯩﺰ.
ﻛﯧﻴﯩﻨﻜﻰ ﭘﯘﺷﺎﻳﻤﺎﻥ ، ﺋﯚﺯﯛﯕﮕﻪ ﺩﯛﺷﻤﻪﻥ . ﻣﯩﻠﻠﻪﺗﻨﻰﺳﯚﻳﮕﯜﭼﯩﻠﻪﺭ ﺋﯚﺯ ﻧﻪﺭﺳﯩﺴﯩﻨﻰ ﻗﻪﺩﯨﺮﻟﻪﻳﺪﯗ .

[ئارغتۇغ تەرجىمىسى] ئالەمنىڭ پەيدا بولۇشى ۋە كېڭىيىشى

Quote: