مەركىزى تېلىۋىزىيە ئىستانسىسى ، سىز نىمە دىمەكچى ؟!











مەركىزى تېلىۋىزىيە ئىستانسىسى ، سىز نىمە دىمەكچى ؟!

قومۇل شەھەر ئىچى يېزا جىگدە قۇدۇق كەنت
ئابدۇرېھىم ئابلەتخان

يولداش مۇخبىر شىنجاڭلىق يانچۇقچىلار توغرىسىدىكى فىلىمىڭىزنى خېلى ئەجىر بىلەن ئىشلەپسىز...ھېرىپ قالمىغانسىز....بىر بوتۇلكا كۇاڭچۇەنشۇي ئىچىۋېلىڭ.
ئاڭلىسام بېيجىڭدا چاشقان، مۈشۈك گۆشى يىيىش ئەدەپ كېتىپتۇ..ئۇسساپمۇ قالغاسىز.
ئەمدى فىلىمىڭىز توغرىلىق گەپكە كېلەيلى ،مەن يانچۇقچىلارغا ھېسداشلىق قىلىدىغان خىيالدىمۇ ئەمەس،ئەمما سىزنىڭ نۇقتىلىق ھالدا بىر مىللەت يانچۇقچىلىرىغا قارىتىلغان فىلىمىڭىزگە سەل پىكرىم بار..پىكىرلا ئەمەس غەزىپىم بار. ئۆزىڭىزگە بولسا تېرىقتەك دۇنياقارىشىڭىزغا نېسبەتەن ئېچىنىشىم بار..
سەۋەپ بۇ فىلىمدا شۇنداق قارىماققىلا جوڭگودىكى يانچۇقچىلار پەقەت ئۇيغۇرلار دىگەن چۈشەنچىنى بېرىپ قويىدىكەن،،ياكى سىزنى شۇلارلا قويىۋاتامدۇ؟!
قارىغاندا دۆلىتىمىزنىڭ ئەڭ يۇقۇرى تەشۋىقات ئورنىدىمۇ بىر ئوچۇم نەزەر دائىرىسى تار مىللەتچى ،جوڭخۇا مىللەتلىرىنىڭ دۈشمىنى بولمىش ئادەملەر بار ئوخشايدۇ،ياكى سىز ئەتراپلىق زىيارەت قىلىش پۇرسىتىدىن مەھرۇممۇ ؟
ئەگەر ئەتراپلىق زىيارەت قىلىشنى خالىسىڭىز مەن ياردەملىشەيلى ..سىز كۆرگەن ئىككى تۆت تال پۇل ئوغۇرلايدىغانلارغا قارىغاندا مەن كۈندە كۆرۈپ تۇرىدىغان باشقا مىللەت ئوغرىلىرى ،بۇلاڭچىلىرى،قاتىللىرى ...مېنىڭ ئەتراپىمدا نۇرغۇن تۇرۇپتۇ..سىز پەقەت ئۇيغۇر يانچۇقچىلار توغرىلىق يېرىم سائەتلىك فىلىمنى ئاران توشقۇزۇپسىز..مەن دىگەنلەرنىڭ فىلىمنى ئىشلەش توغرا كەلسە ئۇدا كۆرسە ئون يىلدىمۇ تۈگىمەيدىغان كۆپ قىسىملىق تېلۋىزىيە تىياتىرى بولىدۇ..
دىققەت قىلىڭ ،جەمىيەت تەرتىۋىنى بۇزۇش جىنايىتى ئۆتكۈزۈپ قويماڭ .بىز كۆپ مىللەتلىك دۆلەت .ئوغرىلىق قانداقتۇ بىر مىللەتكىلا خاس كەسپ ئەمەس .
سىز بىلەمسىزكىن سىز ئىشلىگەن فىلىمدىكى يانچۇقچىلار بىرقانچە ئون يىل ئىلگىرى ئوغرىنىڭ نىمىلىگىنى بىلمەيدىغان ..ئىشىك-دەرۋازىلىرىنى تاقاش ئادىتى بولمىغان بىر مىللەتنىڭ پۇشتى ئىدى..بەلكىم سىز ئىشەنمەسلىكىڭىز مۇمكىن .كېرەك يوق. سىز بۇ مەدەنىيەتنى كۆرۈپ باقمىغان بەلكىم ئاڭلاپمۇ باقمىغان.شۇڭا يەنىلا سىزنى توغرا چۈشىنىمىز.
بىراق بۇ ئوغرىلار نەدىن كەلدى ؟!!!
سىز بەلكىم پارتىيە ئەزاسى بولىشىڭىز مۇمكىن..ماركىسىزىملىق دۇنيا قاراشتا ..ماددا بىرلەمچى ،ئاڭ ئىككىلەمچى دىگەن قاراشنى ياقلايدۇ....
دىمەك شۇ يانچۇقچىلارنىڭ جىنايىتىدە جەمىيەتنىڭ مەسئۇلىيىتى بولىدۇ .مېنىڭ قانچىلىك مەسئۇلىيىتىم بولسا سىزنىڭ ماڭا قارىغاندا ھەسسىلەپ ئۇستۈن مەسئۇلىيىتىڭىز بولىشى كېرەك ..چۈنكى سىز ماڭا قارىغاندا دۆلەتنىڭ كۆپرەك تەييار مائاشىنى ئالىسىز،قوڭىڭىزدا مېيى ھەقسىز ماشىنا،تاماق-ياتاق ئاتچوت ،قولىڭىزدا ئاپاراتنى كۆتۈرۈپ دۆلەتنىڭ تەغدىرىگە كۆڭۈل بۆلىسىز ئەمەسمۇ .مەن بولسام جېنىمنىڭ بارىچە تىرىشىپ تىرىكچىلىك قىلىپ،ماشىنامغا  تىترەپ ماي قاچىلاپ يانچۇقتىن شەخسى پۇل خەجلەپ تاماق يەپ ياشايمەن ئەمەسمۇ.
بىرقانچە يىل ئىلگىرى تەيۋەنلىك بىر يازغۇچىڭىزلار جوڭگولۇقلار توغرىلىق ماقالە يېزىپ جاھاننى تىتىرىتىۋەتتى .ئۇ ماقالىلىرىدا  جوڭگولۇقلارنىڭ ئەپتى بەشىرىنى قامچىلاپ بەك ئازاپلانغانلىقىنى بىلدۈردى .بىراق بۇ ئاتىكاچى يازغۇچىمۇ سىز كىچىك ئاتىكاچىغا ئوخشاشلا ئەڭ مۇھىم بولغان بىر نۇقتىغا؛ يۇقۇرىدىكى ماددا بىرلەمچى ئاڭ ئىككىلەمچى دىگەن ماركىسىزىمچە دۇنيا قاراشقا سەل قارىدى،
بۇ نەزىريە بويىچە بولغاندا ئاۋام جەمىيەتكە بېقىپ بولىدۇ.يەنى جەمىيەت خەلققە قانچىلىك مۇھەببەتلىك قارىسا خەلقمۇ جەمىيەتكە شۇنچىلىك مۇھەببەتلىك قارايدۇ.جەمىيەتنى ئاسرايدۇ.خالىغان يەرگە تۈكۈرگىسى كەلمەيدۇ،خەلقلەر ئارا زىدىيەت ئازىيىدۇ،جەمىيەتتىن مۇھەببەت كۆرگەن يانچۇقچىلارمۇ نومۇس يۈزىسىدىن قىلمىشىغا تۆۋۋە قىلىدۇ .چۈنكى ئۇلارمۇ ئادەم ،ئۇلاردىمۇ سىز ماڭا ئوخشاشلا ئىسسىق يۈرەك بار!
ھەممىمىز ھەۋەس نەزىرىمىزدە چەتئەلدىكى ئىلغار مىللەتلە رۋە ئۇلارنىڭ پەزىلەتلىرى توغرىلىق تۈكرۈكلىرىمىزنى چاچارىتىپ ماختىشىپ سۆزلىشىپ كېتىمىز .نىمىشقا بىزنىڭ خەلقلەر ئىلغار مەدىنىي مىللەتلەرگە ئوخشاش،جەمىيەتكە مۇھەببەتلىك مۇئامىلە قىلالمايدۇ ؟  چۈنكى شۇ مىللەتلەر ئۇچرىغان مۇھەببەتلىك جەمىيەتكە بىز ئۇچرىمىغان .جەمىيەتنىڭ مۇھەببىتىنى بىز ھېس قىلمىغان
.شۇنداق تۇرۇپ بىز جوڭگولۇقلار نىمىشقا ئۆزىمىز ھېس قىلمىغان مۇھەببەتنى جەمىيەتكە بەرگۈدەكمىز ؟! جەمىيەت بىزگە خالىغانچە مۇئامىلە قىلغانلىقى ئۈچۈن بىزمۇ خالىغان يەرگە تۈكۈرگۈمىز كېلىدۇ ،خالىغان يانچۇققا قول سالغۇمىز كېلىدۇ،ئاممىۋى سورۇنلاردا مىشقىرىپ ،تاماكا چەككۈمىز كېلىدۇ،ئەتراپتىكىلەر بىزنىڭ نەزىرىمىزدە مەۋجۇت ئەمەس،چۈنكى ئۇلارنىڭ نەزىرىدە بىزمۇ مەۋجۇت ئەمەس.
سەۋەپ «ماددا بىرلەمچى ئاڭ ئىككىلەمچى»
جوڭگولۇقلارنىڭ ئىللەتلىرى توغرىلىق ھېلىقى يازغۇچىغا ئېيتىپ قويۇڭ ،بەك چېچىلىپ كەتمىسۇن،سالامەتلىكىنى ئاسرىسۇن،سىزمۇ قەستەن بەزى غەملەرنى يەپ يۈرمەڭ ،ئۆزىڭىزنى ئاسراڭ ،بۇ ئىشلارمۇ ئوڭشىلىپ كېتىدۇ .ئوغرىلارمۇ بىر كۈنى تۈگەيدۇ.
قاچانكى جەمىيەت بىزگە مۇھەببەتلىك نەزەردە قارىسا شۇ كۈنى بىزمۇ جەمىيەتكە مۇھەببەتلىك قاراشنى ئۈگىنىمىز.بۇ ئەلمىساقتىن بۇيان كېلىۋاتقان ئاددى فورمۇلا،بۇنى سىز ئوقۇغان مەكتەپتە ئۈگەتمىگەن ئوخشايدۇ .بۇنى مەندىن بولسىمۇ ئۈگىنىۋېلىڭ.سەل كەسكىنرەك گەپ قىلىپ قويدۇم،سىزگە تېرورچىدەك تۇيغۇ بېرىپ قويمىغاندىمەن-ھە؟ ياق ! مەن تېرورچى ئەمەس بەلكى ئۆزى ياشاۋاتقان جەمىيەتكە ئەركىن پىكىر قاتناشتۇرۇشنى خالايدىغان بىر جوڭگو پۇخراسى ماقۇلما .بۇنىڭغا باشقىچە پىكىر يوقتۇ-ھە .

مەنبە : http://ablathan.blogbus.com/logs/37386759.html

بۇ توغۇرلۇق خېلى كۆپ ماقالىلەر ئېلان قىلىندى ھە! ئاقىۋىتى قانداق بولدى ؟ يانچۇقچىلار <<ھەركىتىنى>> داۋاملىق داۋاملاشتۇرىۋاتىدۇ ، باشقىلارمۇ ئۇلارغا بولغان كۆز قارىشىنى داۋاملىق سۆزلەۋاتىدۇ،بىز ئىچكىرىگە <<ئالداپ كېتىلگەن >> ئاشۇ بالىلارغا داۋاملىق <<ھېسداشلىق >> قىلماقتىمىز...........

    ياشاڭ ئابدۇرېھىم !!! ئاللاھ ئەجرىڭىزنى بەرسۇن .  بىز ھازىرچە سىزگە پەقەت مۇشۇنداق تىلەكلا تىلىيەلەيمىزكەن ، شۇنى بولسىمۇ ئايىمايلى.  بىلىپ قويۇڭكى بۇتىلەك ھەرگىزمۇ ئۆمەرجان ئالىم ناخشىلىرىدىكى
  _ ھەزەرقىل بەزىلەر ئۈندەشكە ئۇستا ،
     چاتىقى چىقسىلا دۆڭگەشكە ئۇستا،
دىگەن مىسرالار بىلەن قامچىلانغانلار تىپىدىكى ئادەمنىڭ تىلەكلىرى ئەمەس .  .....

بەك ئورۇنلۇق يېزىلىپتۇ ، بىزلەرنى ئانداق - مانداق دەيدىغانغا ھېچكىمىنڭ ھەققى يوق ، شۇ ئۇيغۇرلىرىمىزنىڭ ئاشۇنداق يولغا ماڭغۇسى يوق ئېدى ، لىكىن جەمئىيەتنىڭ قاتتىقچىلىقى ئەشۇ بىچارىلەرنى ئاشۇنداق قىلىشقا مەجبۇر قىلدى ،
بىرەر ئىش تېپىپ ئىشلەي دېسە يا ھەممە ئورۇننى ئاكام ئىگەللەپ بولسا ، شۇنداق قىلماي نېمە قىلىدۇ . ئادەتتە پىداگوگىكا مەكتەپلەردە ئوقۇغانلارغىمۇ يانا مۇشۇ خەققە شەھەر ئىچىدىن خىزمەت بار ، ئۇيغۇرلىرىمىزنى نەدە چەت سەھرالارغا خىزمەتكە بۆلىدۇ ،    

بەك   توغرا    سوزلەپسىز    !!!

[size=3][quote]بۇ مەزمون1قەۋەتتىكىhalmurat0416نىڭ2009-06-03 04:13 PM دە يوللىغان يازمىسى   :
بۇ توغۇرلۇق خېلى كۆپ ماقالىلەر ئېلان قىلىندى ھە! ئاقىۋىتى قانداق بولدى ؟ يانچۇقچىلار <<ھەركىتىنى>> داۋاملىق داۋاملاشتۇرىۋاتىدۇ ، باشقىلارمۇ ئۇلارغا بولغان كۆز قارىشىنى داۋاملىق سۆزلەۋاتىدۇ،بىز ئىچكىرىگە <<ئالداپ كېتىلگەن >> ئاشۇ بالىلارغا داۋاملىق <<ھېسداشلىق >> قىلماقتىمىز.........
  ھەرقانداق ئىش يالغۇز دۈچ كەلگەن كىشىنىڭلا ئىشى بولۇپ قالماي ئومومى خەلقنىڭ ئىشى دەپ قارىلىدىغان ئومومى كەيپىيات شەكىللەنسە، ھەممە شۇنىڭغا كۆڭۈل بۆلۈپ ھەق گەپلىرىنى ئايىمىسا ئىشلارنىڭ  تەرتىپى باشقىچە ئورۇنلاشتۇرۇلغان بولاتتى .پەيغەمبەر ئەلەيھىسسالام شۇنداق دىگەن «ئەگەرسەن بىريامان ئىشنى كۆرسەڭ ئەمىلىي ھەركىتىڭ ئارقىلىق توسقىن ،ئۇنىڭغا قادىر بولالمىساڭ گەپ-سۆزلىرىڭ ئارقىلىق توسقىن ،ئۇنىڭغىمۇ قادىر بولالمىساڭ كۆڭلۈڭدەشۇنىڭغا ئۆچمەنلىك بولسۇن،مانابۇ ئاخىرقىسى ئەڭ ئاجىز ئىيمان» (بىرلىككە كەلگەن ھەدىس.).........

مۇشۇنداق  ئوبزۇر-تەنقىدلەرنى  كۆرسىمۇ كۆرمەسكە سالامدىكىن دەيمەن ئۇ دەيۈزلەرنى .

ئابدۇرىھىم ئابلەتخان ،،،سىزبىلەن ئەتكەنچاي ئىچىپ،تۇنۇر كاۋىپى يىگەش پاراڭلاشقىم كىلۋاتىدۇ،.

ناھايىتىمۇ ياخشى يېزىپسىز،،، رەھمەت سىز گە ،، بەزەن ئىشلار ھەقىقەتەنمۇ ئادەمنىڭ ئاچچىقىنى كەلتۈرىدۇ.

توغرا بۇ ئادەمنىڭ دەل ئۇسسىغان يىرىگە .................................
  

ئابدۇرىھىم ئابلەتجاننىڭ بۇ جەھەتتىكى بايقاش تالانتىغا قايىلىقىم زور جۇمۇ.

مەنمۇ ئازراق گەپ قىستۇرۇپ قۇياي.مەنمۇ سىزنىڭ مۇشۇ ئىشىڭىزغا قارشى ...................................

بۇ بالىلار نىمىشقا شۇنداق قىسمەتكە دۇچار بولىدۇ،بۇ رەسىمنى كۆرۈپ بەك خاپا بولدۇم،بۇنى كىمدىن كۆرۈش كېرەك،ھەر-بىر تورداش مەنبەسى توغرىسىدا پىكىر يۈرگۈزۈپ باقسا دەيمەن،بۇ بالىلارمۇ بىزنىڭ باللىرىمىزغا وخشاش بالىلار،مىڭ ەپسۇس..................

بىر قىسىم ئادەم سودىگەرلىرى تەرپىدىن ئالدانغانلار ۋە بىر قىسىم ئاتا-ئانىسىنىڭ تەربىيەسىنى قۇبۇل قىلماي ئۆز بېشىمچىلىق بىلەن ياشاپ جاپا تارتىشنى خالىمايدىغانلارنىڭ ئاقىۋىتى مىڭ ئەپسۇس مىللىتىم ..........  
بۇ خىلدىكى قىلمىش پەقەت مىللىتىمىز ئىچىدىلا ئەمەس مىللەتلەر ئارىسىدا ساقلىنىۋاتقان ئورتاق مەسىللە،بۇنى ھەرگىزمۇ ئۇيغۇر مىللىتىگىلا ئارتىپ قويۇشقا بولمايدۇ . باشقا مىللەتلەرمۇ بۇنۇڭدىن مۇستەسنا ئەمەس. ناۋادا جەمئىيەتتە ھەر قايسى مىللەتلەر ئىچىدە مۇشۇنداق ئادەملەر بولمىسا ج خ خادىملىرىنى كوپەيىپ نىمە قىلىدۇ ، ھازىر جۇڭگۇدىكى ج خ خادىملىرى مىللىتىمىزنىڭ بىر نۇپۇسىغا بىردىن توغرا كېلىشى ھەتتا ئېشىپ كېتىشى مۇمكىن .
بۇ خىلدىكى تىمىلارنى مۇنازىرگە قويسا مىللەتلەر مەسىلسىگە بېرىپ تاقىلىدۇ ، پۇتۇن جۇڭخۇا مىللەتلىرى بىر ئائىلە كىشىلىرى دەپ شۇئارنى بولۇشىغا تولايمىز  مۇشۇنداق تەڭپۇڭسىزلىق ، مۇشۇنداق بىر مىللەتنىڭ ئەيىۋىنى يەنە بىر مىللەتنىڭ ئۇپ-ئۇچۇق ئەيىپلەپ كىشىنىڭ غەزىۋىنى كەلتۇرگىدەك سورئەتلەرنى ئۇپ-ئۇچۇق ئاشكارىلىسا شۇ ئاشكارىلىغۇچى مىللەتنىڭمۇ ئەلبەتتە غەزىۋى تاشىدۇدە . ئەڭ ئاددسى بىر ئائىلىدىمۇ بىرسىنىڭ ئەيىۋىنى يەنە بىرسى  ئۇپ-ئۇچۇق ئاشكارىلاپ ئەيىپلىسە ئۇ ئائىلىدە ئەلبەتتە ئىناقلىق بولمايدۇدە . شۇنۇڭ ئۇچۇن ئاشۇ خىلدىكى خەۋەرلەرنى كوپتۇرۇپ ئاخبارات ۋاستىلىردا ئاشكارىلىغان مۇخپىرنىڭ چوقۇم مەسئۇلىيىتىنى سۇرۇشتە قىلىش كېرەك . سوزلىسەم قايناپ قالغۇدەكمەن مۇشۇ يەردە ئۆزەمنى توختۇتۋالاي .......