خىزمەتچى قوبۇل قىلىش ئېلانى

تەرەققىيات ئىھتىياجى بىلەن، شىنجاڭ ئوقيا ماركا– پاتېنت ئىشلىرى چەكلىك شىركىتى ئىككى نەپەر ماركا– توربەت لايىھەلىگۈچى خادىم قوبۇل قىلىدۇ.
شەرتى: تىزىملاتقۇچىلار كومپيۇتېردا ماركا، ئېلان، توربەت لايىھەلەش، ھۆسىنخەت يېزىش ھەم شۇنداقلا كومپيۇتېر، پىرىنتېر ۋە خىزمەت تورىنى ئاسراش ئىقتىدارىغا ئىگە بولۇشى كېرەك. تىل– يېزىق سەۋىيىسى ۋە ئىجتىمائىي مۇناسىۋەت ئاساسى ياخشى، مۇنتىزىم ئالىي مەكتەپ ئوقۇش تارىخى بار، ئېتىقاتلىق، سەمىمىي، تىرىشچان ئۇيغۇر يىگىتلىرى ئالدىن تاللىنىدۇ.
قوبۇل قىلىش تەرتىپى: شەرتكە ئۇيغۇن كېلىدىغانلار 15 كۈن ئىچىدە شىركىتىمىزگە كېلىپ تىزىمغا ئالدۇرۇپ يۈزتۇرانە ئىمتىھانغا قاتنىشىشى كېرەك. يۈزتۇرانە ئىمتىھاندىن ئۆتكەنلەر ئۈچ ئايلىق سىناقتا ئىشلەش تەرتىپىگە كىرىدۇ.
تەمىناتى: سىناقتىن ئۆتكەنلەر بىر يىلدىن ئۈچ يىلغىچە مۇددەتلىك ئەمگەك توختىمى تۈزۈپ ئىشلەيدۇ، ھەر ئايلىق موقۇم ئىش ھەققى 1000 يۈەن بولىدۇ، تۆھپە– نەتىجە مۇكاپاتى ۋە ھېيىت– بايراملىق تەمىنات بۇنىڭ سىرتىدا. نورمال ئەھۋالدا ئىش ھەققى ھەر يىلى %10 كۆپەيتىلىدۇ. ئىپادىسى ئالاھىدە ياخشى بولغان خىزمەتچىلەرنىڭ مەرتىۋىسى، ئىش ھەققى ئۆستۈرىلىدۇ.  
ئەمگەك كاپالىتى: موقۇم ئىشلەيدىغان خىزمەتچىلەر دۆلەت ئۆلچىمى بويىچە داۋالىنىش، ئىشسىزلىق، ياشانغاندا كۈتۈنىش، تاساددىبىي ھادىسە سۇغۇرتىسىغا قاتناشتۇرىلىدۇ. ئۆي سېتىۋېلىش، كىسەل داۋالىتىش قاتارلىق چوڭ مۈشكۈلاتلارغا يولۇققاندا، شىركەتنىڭ ئۆسۈمسىز قەرز ياردىمىگە ئېرىشەلەيدۇ.
شەرتكە ئۇيغۇن كېلىدىغانلار 1– ئاينىڭ 20– كۈنىدىن بۇرۇن شىركىتىمىزگە كېلىپ تىزىمغا ئالدۇرغاي. ئورنىمىز: ئۈرۈمچى شەھىرى دۆڭكۆۋرۈك بازىرى يېنىدىكى قىران بۈركۈت سارىيىنىڭ 6– قەۋىتىدە. تېلېفون : 0991-2864588

                    شىنجاڭ ئوقيا ماركا– پاتېنت ئىشلىرى چەكلىك شىركىتى
                                            2009– يىل 1– ئاينىڭ 5– كۈنى