<< كۈندىلىك تۇرمۇشتىكى ئەپچىل چارىلەر >> دىگەن كىتاپتىن
ئاق كىيىملەرنى يۇيۇش
ئاق رەڭلىك كىيىملەر ئاسان كىرلىشىدۇ،كىرلەشكەندىن كىيىن ئۇنى يۇيۇپ ئاقارتىشمۇ قىيىن، بۇ نۇرغۇن كىشلەرنى مۈشكۈلچىلىككە سالدىغان بىر ئىش. ئاق كىيىملەرنى پاكىز يۇيۇش ئۈچۈن، ئاۋۋال ئۇنى سوپۇن ياكى كىر يۇيۇش پاراشوكى بىلەن يۇيۇپ، ئاندىن كىيىن چايقايدىغان سۈزۈك سۇغا ئاز مىقداردا كۈك سىياھ ( رەڭ) تىمىتىۋاتكەندە كىيىمنىڭ رەڭگى ئاپئاق، پاكىزە بۇلىدۇ.
يۇڭ رەخت ۋە يۇڭ دىكا( ماۋدى) دىن
تىكىلگەن كىيىملەرنى يۇيۇش يۇڭ رەختتىن تىكىلگەن كىيىملەر قۇرۇق يۇيۇشقا ئەڭ مۇۋاپىق كىلىدۇ، ئۇنى بېنزىن بىلەن چوتكىلاپ يۇيۇشقىمۇ بۇلىدۇ، يۇيۇش جەريانىدا تۈۋەندىكى بىر نەچچە نۇقتىغا دىققەت قىلىش لازىم: 1. بېنزىن بەك كۆپ بۇلۇپ كەتسە بولمايدۇ. چوتكىنى بېنزىنغا بوشراق چىلاش لازىم. چۇنكى ئادەتتىكى بېنزىنلار ئانچە ساپ بولمايدىغانلىقى ئۈچۈن كۆپ ئىشلىتىلسە ئاسانلا داغ قالىدۇ. 2. بېنزىنغا چىلانغان چوتكا ياكى لۆڭگە بىلەن ماي داغلىرىنى سۈرتكەندە يۇڭ تۇقۇلمىلارنىڭ سۈركىلىپ بۇزۇلىشى ياكى رەڭگىنىڭ ئۈڭۈپ كىتىشىدىن ساقلىنىش ئۈچۈن بەك كۈچەپ سۈرتمەسلىك كېرەك. 3. چوتكىلىغان ياكى سۈرتكەن چاغدا بېنزىن سۈرتۈلدىغان دائىرە چوڭراق بولۇشى لازىم. ئەگەر كىر ياكى داغلاشقان ئازغىنە يەرگىلا سۈرتۈلسە، بېنزىن بىر يەرگە يىغىلىۋىلىپ، يۇڭ توقۇلمىلارنى زىيانغا ئۇچرىتىدۇ ياكى رەڭگىنى بۇزۇپ قۇيىدۇ. 4. كىيىمدىكى ماي داغلىرىنى چوتكىلاپ ياكى لۆڭگە بىلەن سۈرتۈپ چىقىرۋەتكەندىن كىيىن، يەنە پاكىز قۇرۇق لۆڭگە ياكى قۇرۇق لاتا بىلەن بېنزىن قالدۇرغان داغلارنى ۋە ئۇنىڭ چۆرىسىنى يەڭگىل سۈرتۈپ تازىلاش لازىم. بۇنداق قىلمىغاندا قالدۇق ماي داغلىرى ئاقۇچ دائىرە ھاسىل قىلىۋالىدۇ.
يۇڭ رەخت كىيىملەرنى سۇغۇق سۇدا يۇيۇشقىمۇ بۇلىدۇ. بۇنىڭ ئۈچۈن ئۇلارنى ئاۋۋال سۇغۇق سۇغا چىلاپ ئاندىن سوپۇن پاراشوكى سىلىنغان ئىلمان سۇغا سىلىپ 15-20 مىنوت چىلاپ قويغاندىن كىيىن ، يۇمشاق يۇڭ چوتكىنى بۇ سۇغا چىلاپ تۇرۇپ بىر نەچچە قىتىم بوش چۇتكىلاپ، ئاندىن يەنە ئىلمان سۇ بىلەن پاكىز چايقاش لازىم. يۇيۇپ بولغاندىن كىيىن تەتۈرىنى سىرتقا قارىتىپ سالقىن، سايە جايغا يىيىپ قۇرۇتۇپ، رەڭگىنىڭ ئۆڭۈپ كىتىشىدىن ساقلىنىش ئۈچۈن ، ھەرگىزمۇ ئوتقا قاقلاپ قۇرۇتماسلىق، كىيىملەرنى ساقلىغاندا، نەم جايدا قۇيۇشتىن ساقلىنىش لازىم.«كۈندىلىك تۇرمۇشتىكى ئەپچىل چارىلەر »دىگەن كىتاپتىن
يۇڭ يىپلارنى چاي سۈيىدە يۇيغان ياخشى يۇڭ پۇپايكىلار كىرلەشسە ، كىشلەر كۆپنىچە سوپۇن پاراشوكىدا ئۇۋلاپ يۇيۇدۇ. ئۇنداق قىلغاندا ، ئىش كۈپىيىپ كەتكەندىن باشقا ، بەزىدە تىىى ئانچە پاكىز يۇيۇلماي قالىدۇ، ئەگەر ئۇ چاي سۈيىدە يۇيۇلسا ، پەقەت پاكىز يۇيۇلۇپلا قالماستىن، بەلكى يۇيۇلغاندىن كىيىن قېتىۋالمايدۇ. بۇنىڭغا ئىشلىتىدىغان چاي قېنىقراق بولۇشى لازىم. پۇپايكا چاي سۈيىگە 20 مىنوت ئەتراپىدا چىلاپ قويۇلغاندىن كىيىن، سۈزۈك سۇدا چايقاپ يۇيۇپ ، سالقىن ، سايە جايدا قۇرۇتۇلسىلا كۇپايە.
كىيىملەردىكى ھەر- خىل كىر، داغلارنى چىقىرىش
1. قان دېغىنى چىقىرىش: كىيىمنى سۇغۇق سۇغا بىر كىچە چىلاپ قۇيۇپ ئاندىن ئاق تۇرۇپنى قاينىتىپ شىرنىسىنى چىقىرىپ شۇنىڭ بىلەن يۇيۇش لازىم ياكى تۇز سۈيى بىلەن يۇيۇپ چىقىرىش لازىم.
2. ياڭيو دېغىنى چىقىرىش: كىيىمنى ئىلمان سوپۇن پاراشوكى ئېرىتمىسىگە %2 لىك دانىكا( ناترى بور تۇزى) سىلىپ يۇيغاندىن كىيىن، سۈزۈك سۇدا چايقىۋەتسە بۇلىدۇ.
3. ئاياغ مىيى يۇقۇندىسىنى چىقىرىش: بۇنى بېنزىن، ئىسكىپدار ( سۇڭجىيۇ) ياكى ئىسپىرت بىلەن سۈرتۈپ ئاندىن سوپۇن بىلەن پاكىز يۇيۇلسا بۇلىدۇ، ئەگەر ئاق رەڭلىك رەخت ئۈستىگە قارا ياكى قۇڭۇر رەڭلىك ئاياغ مىيى يۇققان بولسا ، ئۇنى ئاۋۋال بېنزىن بىلەن نەملەپ ئاندىن %10 لىك ئاممىياك سۈيى بىلەن يۇيۇپ، ئاخىرىدا ئىسپىرت بىلەن سۈرتۈپ تازىلاش لازىم.
4. ئىس _ ماي كىرىنى چىقىرىش: بۇنى ئازراق تاۋۇز سۈيى بىلەن يۇيۇپ چىقىرىشقىمۇ بۇلىدۇ. ئېغىرراق بولغانلىرى كىرسىن بىلەن يۇيۇلغىنى مۇۋاپىق. ئەمما كىرسىن بىلەن يۇيۇش خىمىيۋى تالالىق رەختلەرگە ئۇيغۇن كەلمەيدۇ.
5. قورۇما سۈيى ،سۈت داغلىرىنى چىقىرىش: ئۇنى ئاۋۋال بېنزىن بىلەن سۈرتۈپ يۇيۇپ، ئاندىن سوپۇن سۈركەپ ياكى سوپۇن پاراشۇكى سۈيىگە سىلىپ ئۇۋلاپ يۇيۇپ، ئاخىرىدا سۈزۈك سۇدا چايقاش لازىم.
6. چاي، قەھۋە( كوفى) دېغىنى چىقىرىش: ئاۋۋال سوپۇن پاراشوكىدا يۇيۇپ، ئاندىن سۇغا ئازراق ئاممىياك سۈيى ۋە گلتسېرىن مىيى سېلىپ، ئارلاشما سۇيۇقلۇق ياساپ، شۇ سۇيۇقلۇق بىلەن يۇيۇپ چىقىرىشقا بۇلىدۇ ياكى بولمىسا ئىسسىق سۇدا ئېرىتىلگەن قاتتىق سوپۇن سۈيىدە يۇيۇلسىمۇ بۇلىدۇ.
7. سىر دېغىنى چىقىرىش: بۇنى بېنزىن بىلەن سۈرتۈپ يۇيۇشقا بۇلىدۇ ياكى ئىسكىپدارنى رەختنىڭ تەتۈر يۈزىدىن سىڭدۈرۈپ ئۇۋلاپ يۇيۇشقىمۇ بۇلىدۇ. داۋامى داۋاملىق يوللىنىدۇ.... مۇنبەرداش دوستلار نىمىگە ئېھتىياجلىق بولسا ئىنكاس قالدۇرۇپ قويسا، شۇ مەزموننى يوللاپ بېرىمەن...
[ بۇ يازما kunkiz تەرپىدىن2008-12-18 12:40 AMدە قايت ]