تىلفۇن ئالاقىسى بىلەن سالام-سائەت يوللۇشۇپ تۇرىدىغان مۇشۇ كۈنلەردە بۇ بالا نىمە ئۈچۇن خەت يازغاندۇ دەپ قالماڭ .  بەزى گەپلەرنى تىل ئارقىلىق دىيىش بەزىدە بىز پەرزەنتلەرگە تولىمۇ تەس تۇيۇلدىكەن ، ئەلۋەتتە بۇ ساختا خىجىل بولوش شۇنداقتىمۇ  يەنىلا خەت ئارقىلىق ئاتا-ئانامغا  يۇرەك سۆزلىرىمنى ئىيىتقۇم كەلدى.

         دادا ، ئاپا قانداق ئەھۋالىڭلار؟ بۇنداق سورىسام بالامغا نىمە بولغاندۇ دەپ قالماڭلار ، كۈندە بىر ئۆيدە ياشاپ بىرگە تاماق يەپ تۇرۇپ بىزنىڭ ئەھۋالىمىزنىڭ قانداقلىقىنى بىلمەمدىكىن دەپ ئەجەبلەنمەڭلار . ئاۋال تىنىڭلارنىڭ سالامەت . كۈنلىرىڭلارنىڭ بەختلىك ئۆتىشىنى ئۇلۇغ ئاللاھدىن تىلەيمەن .  مانا مەنمۇ ئەر بولوپ قالدىم ، جاھاننىڭ ئىسسىق-سوغىقىنى ئاز بولسىمۇ تىتىدىم ، بەزىدە ئاچچىق سوغۇقلاردا موزلىغان بولسام بەزىدە قوياشنىڭ ھارارىتىدىن ھوزورلاندىم. يەنە بەزىدە ئوغۇل بالا بولساممۇ قىزلارچە ياش تۆكتۈم . مانا مۇشۇ  پۇرسەتتە سىلەرگە يۇرەك سۆزلىرىمنى قىلىۋالاي.
   ئاپا، يىقىنقى كۈنلەردىن بىرى پات-پات چىرايىڭغا قاراپ قالىمەن .  ھىلىقى گۈزەل چىرايلار يوق . ھىلىقى چەبدەسلىكلىرىڭ يۇق. كۆز ئەتراپىڭدا قات-قات قۇرۇقلار پەيدا بولوپتۇ ، ئۆي ئىشلىرىنى قىلىشمۇ ساڭا تەسكە توختاپتۇ، بۇرۇن بىردەمدىلا پىشىدىغان تاماقلار ھازىر سىنى خىلىلا ئاۋارە قىلىدىكەن. ھىلىمۇ ئىسىمدە 5-6ياش ۋاقىتلىرىمدا ئانچە-مۇنچە گىرىم قىلاتتىڭ . ئەمما ھازىر سىنى ئەينەك ئالدىدا كۆرگىلى بولمايدۇ . ھىلىقى قاشلىرىڭ ھىلىقى كىرپىكلىرىڭ قالماپتۇ . مۇنداقچە ئىيتقاندا تاشقى گۈزەللىك سەندىن يۈز ئۆرۈپتۇ ئەمما بىز بالىلارغا بولغان كۆيۈمچانلىقىڭ ، ئاقكۆڭۈللىكىڭ تىخىمۇ ئولغايدى . نامازلىرىڭدا تىلەيدىغىنىڭ يەنىلا بىزنىڭ بەختىمىز ئىكەن .  ئىھ! ئانا  ئوغلوڭدىن ساڭا مىڭ مەرتىۋە رەھمەت .  بىلسەم مەن كۈلسەم سەن كۈلىسەنكەن . مەن يىغلىسام سەنمۇ يىغلايسەنكەن.
  ئاپا  مەنمۇ چوڭ بولدۇم ، ئانچە مۇنچە بولسىمۇ ئۆي ئىشلىرىنى بىزگە تاپشۇر  مەن با  سىڭلىم با .  ئاپا ئۆينىڭ ئىشى مەڭگۈ تۇگىمەيدىكەن .  بىرەر رەت بولسىمۇ ئۆينى ئاز تازلا . باشقىلار كىرىپ ئۆيۇڭلار پاسكىنا بولوپ كىتىپتۇ دىسە مەيلى ، بىرەر كۈن بولسىمۇ تاماق ئەتمەي دەم ئىلىۋال بىز بىرەر ۋاق چاي ئىچسەك مەيلى .  سىڭلىممۇ چۇڭ بولوپ قالدى . ئۆينىڭ ئىشلىرىنى ئۇنىڭغىمۇ ئايرىپ بەر .   كىر -قاتلار يىغىلىپ قالسا مەيلى ناھايتى كەلسە بىرەر كۈن پاسكىنا كىيملەر بىلەن يۇرەرمىز ،  بۇرۇن ماڭا  ھىلىمۇ كىچە بولوپ قاپتىكەن دىسەڭ مەن بىلمەپتىكەنمەن .   ئاپا   مانا بۇگۈنكى كۈنگە كەلگەندە شۇ سۆزلىرىڭنىڭ تىگىگە يىتىۋاتىمەن . چۇنكى  سەن پەقەت كىچىدىلا ئارام ئالالايسەنكەن .  شۇ كىچىدىلا جىمجىت يىتىپ بىردەملىككە چۇش كۆرۇۋالىدىكەنسەن.  ئاپا، ئەمدى ئارام ئالىدىغان ۋاقتىڭ كەلدى .  مىنى كىچە-كىچلەپ تەۋىتىپ چىققان بولساڭ . ئەمدى مەن سىنى شۇ بۆشۈكلەرگە سىلىپ تەۋىتەي . سەن نامازلىرىڭدا مىنىڭ بەختىمنى تىلىگەن بولساڭ  مانا مەنمۇ ھەر نامازلىرىمدا سىنىڭ بەختىڭنى تىلەۋاتىمەن . ئاپا ،  سىنىڭ كۈلكەڭ مىنىڭ كۈلكەم  سىنىڭ يىغاڭ مىنىڭ يىغام.  
   ئىھ! جاپاكەش ئانام ئىھ! كۈيۇمچان ئانام.

    دادا، ماڭا قارىغىنە  مەن ئەر بولوپتىمەنمۇ؟ ساڭا ئوخشاش كۆپنى بىلمىسەممۇ ساڭا ئوخشاش ھەر قانداق ئىش قۇلۇمدىن كەلمىسىمۇ لىكىن ساڭا ھەمدەم بولغىدەك بولوپتىمەنمۇ؟  دادا، مىنىڭ ئەڭ قايىل بولىدىغان ئادىمىم سەن . قولۇڭدىن كەلمەيدىغان ئىش يۇق   كىچىك چىغىمدا چىچىمنى سەن ياساپ قۇياتتىڭ دىمەك سەن (ساتىراچ) ئۆيدە ئاپامغا ياردەملىشىپ تاماق ئىتىسەن دىمەك سەن (ئاشپەز) ئۆيىمىزنىڭ تاملىرىنى ئۆزۇڭ بىر قۇللۇق ياسىدىڭ دىمەك سەن ( تامچى) تىخى موزىكا چالىسەن  دىمەك سەن( موزىكانت) ئىدارىدە 30يىل ماشنا ھايدىدىڭ دىمەك سەن (شوپۇر)
ئەسلىسەم قولۇڭدىن كەلمەيدىغان ئىش يۇقتەكلا. يەنە  ئاشۇ بىر كىشلىك مائاشىڭ بىلەن بىزنى قوش مائاش ئالىدىغان ئائىلىنىڭ بالىلىردىن بەكەرەك ياخشى باقتىڭ  ،  يەنە سىنىڭ بالىجانلىقىڭ . كۆيۈمچانلىقىڭ ،   مانا سىنىڭدەك ئادەم بولىمەن دەپ ياشاۋاتىمەن . سىنىڭ بىر يىرىڭنى دورىيالىساممۇ مەيلىتى.
   دادا ،  سەندىمۇ ھىلىقى ماغدۇرلار قالماپتۇ . ھىلىقى نەچچە سائەتلەپ بىرەر ئىش بىلەن ھەپىلىشىدىغان سەۋىرچانلىقلىرىڭ قالماپتۇ .  بۇرۇن مىنى ۋەلىسپىت كەينىگە چىقرىپ شۇنچە ئۇزۇن يۇللارغىچە سۆرەتتىڭ ئەمدى ھاسىرايدىغان بولوپ قاپسەن .  جىنىم دادا  مانا  تۇگۈمەس ئائىلە ئىشلىرى سىنىمۇ چارچىتىپ قۇيۇپتۇ . چىكىلىرىڭگە قارىسام ئاق سانجىپ قاپتۇ .    دادا، مانا مەن بار قولوڭغا قول پۇتۇڭغا پۇت بولغىدەك ئوغلۇڭ با. ئىچىڭ پۇشۇپ قالسا مەھەلىدىكىلەر بىلەن پاراڭلاش ياكى بىز بىلەن پاراڭلاش .  يەنە شۇ گەپ  ئۆينىڭ ئىشى مەڭگۈ تۈگىمەيدۇ . بىر ئۆمۆر ئىشلىسەڭمۇ كىچە-كۈندۇز ئىشلىسەڭمۇ تۈگىمەيدۇ . ئەمدى بۇ ئىشلارنى سەن يىگىرمە نەچچە يىل باققان ئوغلۇڭ قىلسۇن .  ئۆزۇڭ ياقتۇردىغان ئىلى خەلىق ناخشىلىرىنى ئاڭلا ، كۆڭلۈڭ تارتقان ئىشنى قىل . ئۆتكەندە < ئانىنىڭ 8 يالغان سۆزى > دىگەن بىر ئەسەرنى ئوقۇپ قالدىم .  مانا مۇشۇ <يالغان> سۆزنىڭ تەڭدىن تولىسىنى ئاپام ئىككىڭلار ماڭا دەپ بولوپسىلەر ئەمدى قالغانلىرىنى دىمەڭلا .  مەن سىلەرنى دىگۈزمەيمەن .  نىممەتلەرنى بىزگە بەرمە  بىز تىخى ياش سەندەك بولغىچە يەۋالىمىز .  يىڭى كىيملەرنى بىزگە ئىلىپ بەرمە  بىز سەندەك بولغىچە كىيىۋالىمىز .  دادا ، كۈلىۋال ، ئەمدى بولسىمۇ ياشىۋال .
  ئىھ!جاپاكەش دادا  ئىھ! كۆيۈمچان دادا.
                    

                                                              -ئاشكار

ھەممە بالىلار ئەقلىنى مۇشۇنداق بالدۇرراق تاپسا نىمىدىگەن ياخشى ھە    

ئەقىل ياشتا ئەمەس باشتا ، بالا بولماق ئاسان لىكىن ۋاپادار  ، كۆيۈمچان بالا بولماق  ئاسان ئەمەس كۆڭلىڭىزدىكى بۇ سۆزلىرىڭىزدىن بەكمۇ تەسىرلەندىم  ئاتا -ئانلارنى ھۆرمەتلەيلى ئۇلارغا كۆينەيلى مېنىڭغۇ ئاپام يوق لىكىن  كېچىگىمدىن باشلاپلا ئاتا -ئانامنى  بەكمۇ ھۆرمەتلەپ چوڭ بولدۇم ، تىمىڭىزغا تەشەككۈر .

  يارايسىز~~~ئەمسە يازغانلىرىڭىزغا چوقۇم ئەمەل قىلىڭ،سىزلا ئەمەس بارلىق پەرزەنت بولغۇچىلار ئەمەل قىلايلى.

يارايسىز! مۇشۇنچىلىك ئويلاشنىڭ ئۆزىلا ياخشى باشلىنىش ،مەن سىزنىڭ دىگەنلىرىڭىزنى قىلالايدىغىنىڭىزغا ئىشىنىمەن!     

رەھمەت،بالىلارنىڭ ھەممىسى سىزدەك بولسا-ھە!      

بەك ياخشى  يېزىپسىز  

Quote:

بۇ مەزمون3قەۋەتتىكىnajiye222نىڭ2008-12-17 10:54 PM دە يوللىغان يازمىسى   :
  يارايسىز~~~ئەمسە يازغانلىرىڭىزغا چوقۇم ئەمەل قىلىڭ،سىزلا ئەمەس بارلىق پەرزەنت بولغۇچىلار ئەمەل قىلايلى.

خۇدايىم بۇيرىسا جىنىم تىنىمدىلا بولسا ئاشۇ مىھرىبان ئاپامنى جاپاكەش دادامنى بىشىمدا كۆتۈرىمەن .

بىز ئاتا-ئانىللىرىمىزغا قانچە ۋاپادار ،مېھرىبان بولساق،بىزمۇ ياشانغاندا پەرزەنتلىرىمىزدىن،نەۋرىللىرىمىزدىن شۇنچىلىك ۋاپادارلىققا ئېرىشەلەيمىز.

ئوقۇۋىتىپ ئىنكاس يازغىم كىلىپ تىزىملاتتىم .
ئاۋال ئاشكارغا رەھمەت . ھەربىر بالا بولغۇچە مانا مۇشۇ ئىشلارنى تونۇپ يەتكەندىلا ئاتا-ئانىنىڭ قەدرىگە يىتىدۇ .  قولىڭىزغا دەت كەمىسۇن .  مۇشۇنداق ئاتا-ئانىلارغا بىغىشلانغان نادىر تىمىلارنى يۇللاپ تۇرغايسىز .