ئىگىلىك تىكلىگۈچىلەرگە ئۈچ ھىكايە

ئۈچ خىل جاۋاپ

چىركاۋنىڭ سىرتىدا ئۈچ ئىشچى قورشاۋ تام قوپۇرىۋاتاتتى ، چىركاۋدىن بىر پوپ چىقىپ بىر سۇئال قويۇپ ، ئۇلاردىن ئايرىم - ئايرىم ھالدا جاۋاپ بېرىشنى تەلەپ قىلدى :
-سەن ھازىر نىمە ئىش قىلۋاتىسەن ؟
   -مەن ھازىر تام سېلىۋاتىمەن ، دىدى 1 - ئىشچى
   - مەن ھازىر چىركاۋ سېلىۋاتىمەن ، دىدى 2 - ئىشچىمۇ دەرھال ، 3 - ئىشچى بولسا ئۆزىگە ئىشەنگەن ھالدا مۇنداق دەپ جاۋاپ بېرىپتۇ .
   -مەن ھازىر كالفورنىيە شىتاتىدىكى ئەڭ گۈزەل ، ئەڭ چوڭ چىركاۋنى سېلىۋاتىمەن .



ئىككى ئاياغ ساتقۇچى

ئاياغ زاۋۇتىنىڭ ئىككى مال ساتقۇچىسى ئافرىقىغا مال سېتىشقا بۇيرۇلۇپتۇ ، ئۇلارنىڭ ئارىسىدىكى بىرى ئايرودرومغا چىقىپ بولغاندىن كىيىن گەپ - سۆز قىلمايلا ئۆيگە قايتىپتۇ ، چۈنكى ئۇنىڭ خىيالىغا ئافرىقىلىقلار ئاياغ كىيمىسە ، ئۇ يەردىن ئاياغقا بازار تاپقىلى بولاتتىمۇ ؟ دىگەن ئوي كەلگەنىكەن ؛ ئىككىنچىسى ئافرىقىغا بېرىپ مېھمانخانىغا چۈشكەندىن كىيىن شىركەتكە تېلفۇن قىلىپ مۇنداق دەپتۇ :
- ئافرىقىلىقلارئاياغ كىيمەيدىكەن ، ئەمما بۇ يەرنى چوڭ بازار دىگىلى بولىدۇ !
كانادادىكى « بىيدا » ئاياغچىلىق كارخانىسىنىڭ خوجايىنى بىيدا ئەپەندى ئاشۇ 2- مال ساتقۇچىنىڭ ئىدىيىسى بويىچە تىجارەت قىلغاچقا بۈگۈنكى كۈندە ئۇنىڭ شۆبە شىركىتى دۇنيانىڭ نۇرغۇن جايلىرىنى قاپلىدى ، ھەر يىللىق تىجارەت سوممىسى 450 مىليون ئامرىكا دوللىرىدىن كەم بولمايدۇ .


توڭلاتقۇ


ئالىياسكا يىل بويى قار مۇز قاپلىنىپ تۇرىدىغان جاي ، مۇشۇنداق جايدا توڭلاتقۇ سېتىۋالىدىغان ئادەم چىقامدۇ ؟ بىر مال ساتقۇچى بۇ يەر ھەققىدىكى تەسەۋۋۇرنى دىرېكتورغا ئېيتىپ بەرگەندە ، دىرېكتور ئاغزىنى يوغان ئېچىپنىمە دىيىشنى بىلەلمەي قالدى . ئۇ مال ساتقۇچى مۇنداق دىگەنىدى : ئىسكومۇسلار ئوۋلاپ كەلگەن يىمەكلىكلىرىنى مۇز ئاستىغا كۆمۈپ ساقلايدۇ ، ھەر كۈنى ئۈچ ۋاق تاماق يىيىش ئۈچۈن ، ئۇنەرسىنى ئېرىتىشكە نۇرغۇن ۋاقىت سەرپ قىلىدۇ . ئەگەر ئىسكومۇسلار بىزنىڭ توڭلاتقۇلىرىمىزنى سېتىۋالسا ، بۇنداق ئاۋارىچىلىقتىن خالىي بولمامدۇ ؟



بايان قىلىنغان بۇ ئۈچ ھىكايە سىزگە ئىگىلىك تىكلەش پۇرسىتىنىڭ ھەممىلا يەردە بارلىقىنى بىلدۈرىدۇ ، ئەمما كىشىلەر ئۇنى بايقىمىسا ، بايقىغان ھامان تۇتۇۋالمىسا  ، ئۇ دۇنيانىڭ پايانسىز قوينىدا غايىپ بولىدۇ ،  يېرىمىغىچە سۇ قويۇلغان بىر ئىستاكاننى « يېرىم ئىستاكان سۇ » دىسەكمۇ  ياكى « يېرىمى بوش ئىستاكان » دەپ ئاتىساقمۇ بولىدۇ ، بۇ ماتىماتىكىدىكى سىغىم ئۇقۇمى بىلەن بىردەك  . ئەمما ئىگىلىك تىكلىگۈچىلەر چوقۇم «يېرىمى بوش ئىستاكان قارىشى » بويىچە ئىشلارنى مۇھاكىمە قىلىشى كېرەك ، شۇنداق بولغاندىلا ئىستىمالچىلارنىڭ تېخى قاندۇرۇلمىغان ئىھتىياجىنى بايقىيالايدۇ  ، قانداق قىلىشنى بىلەلمەي تۇرغانلارغا يول كۆرسىتىپ بېرەلىشىمۇ مۇمكىن .
ئىگىلىك تىكلىگۈچىلەر چوقۇم نىشانغا ، ئىجادچانلىق ۋە كۈچلۈك ئىنتىلىش ۋە ئېرىشىشكە ئۇرۇنۇش روھىغا ، پۈتۈن ئېتىقادنى كەسىپكە مەركەزلەشتۈردىغان ئادەتكە ئىگە بولۇپ ئىشنى كىچىكىدىن باشلاپ قىلىپ ، چوڭىغا ئۇل سالسا ، ئاز - ئازدىن يىغىپ ئاساس تىكلىسە چوقۇم ئىشلىرىدا زور نەتىجىگە ئىگە بولىدۇ . شۇڭا ھەر قانداق غالىپ ئىگىلىك تىكلىگۈچى « خيالپەرەس » دەپ ئاتىلىدۇ ، بىراق ئۇلار خىيالىنى ئەمەلگە ئاشۇرۇشنىڭ يولىنى ئىزدەپلا يۈرۈيدۇ . « روھىي كەيپىياتى سالماق  »  «ئىجتىمائىي ھادىسىلەرنى ئەستايىدىل كۆزىتەلەيدىغان»  ، « ئىگىلىك تىكلەش تەسەۋۋۇرىغا باي » بولۇش ئىگىلىك تىكلىگۈچىلەرنىڭ ئەڭ چوڭ ئارتۇقچىلىقى .

رەھىمجان ھاكىم تەرجىمىسى
ئۈرۈمچى كەچلىك گېزىتىدىن ئېلىندى .

بۇ ئۈچ ھېكايە كاللامنى خېلىلا سەگىتىپ قويدى بولۇپمۇ  بۈگۈنكى دەۋىردە ئېقتىساد بولمىسا ھېچقانداق ئىشنى ۋۇجۇدقا چىقارغىلى بولمايدۇ-ئەلۋەتتە。 يوللىغان تېمىڭىزغا رەخمەت。جاپا چېكىپسىز。

شۇنداق  پۇرسەت  ھەممىلا  يەردە  بار  ، لىكىن  ئۇنى  بايقاش  تەس ، ئۇنى بىلىملىكلەرمۇ ، ئەمەلدارلارمۇ  بايقىيالمايدۇ .  پۇرسەت  ئۇلۇغ ئاللانىڭ  بەندىلىرىگە  بەرگەن  ئىنئامىدۇر.

توردىكى مەنبەسىنى ئەسكەرتمەپسىز !
بۇنداق باشقىلارنىڭ ئەمگىكىگە ھۆرمەت قىلمايدىغان ئىشنى قىلمايلى دوستلار !!
مەنبە : ئۇيغۇر ئىگىلىك مۇنبىرى !
http://igilik.com/bbs