ئەسسالامۇ ئەلەيكۇم قېرىنداشلار ...
بەلكىم نۇرغۇن دوستلار بۆرىگە ئامراق بولشى مۇمكىن ، مەنمۇ شۇنىڭ ئىچىدە ...
"بۆرىنىڭ خىسلىتى" دېگەن كىتاپنى ئوقۇغاندىن كىين بىر ئاز جەۋھەرلىرىنى كۆپچىللكنىڭ ھوزۇرىغا سۇندۇم ، بۇنى ئوقۇغاندىن كىيىن بۆرىنىڭ خسلىتىدىن ئازىراق يۇقسا ئەجەپ ئەمەس ...
بۆرە ئائىلىسىنىڭ ئېتىقادى
كۈچلۇكلەر مەۋجۇت بولۇش
مەغلۇبىيەتتىن قورقماسلىق
ھەممە بىر نىيەتتەبولۇش
مېھىر-شەپقەتلىك بولۇش
ھېرىسمەنلىككە تولغان بولۇش
جەبىر-جاپادا ئۆرىگە مەدەت بېرىش
خاسلىققا ئىلھام بېرىش
سىردىشىشقا ماھىر بولۇش
ھايات-ماماتتا بىرگە بولۇش
ئىخلاسمەنلىك ، بىر ئادەمنىڭ مۇۋاپپەقىيەت قازىنىش قازىنالماسلىقىنى بەلگىلەيدىغان ھەل قىلغۇچ ئامىل ھسابلىنىدۇ . پۈتۈن زېھنىنى بىرەر نىشانغا يىغىپ ، ئاشۇ ناشانغا يېتىش ئۈچۈن ئېگىلمەي-سۇنماي ئېلىشىش ، ئىنسانلارنىڭ بۆرىدىن ئۆگىنىشىگە تېگىشلىك مۇھىم ئامىلدۇر .
نۇرغۇن كىشىلەر بىر قېتىم مەغلۇپ بولغاندىن كېيىن ئۇنى مەغلۇبىيەتلىك ھاياتىمنىڭ سىمۋولى دەپ قارايدۇ . بىراق بىز بۆرىنىڭ ۋۇجۇدىدىن بىر قېتىملىق مەغلۇبىيەت يېڭى بىر ئېلىشىشنىڭ باشلنىشى ئىكەنلىكىنى كۆرۈۋالالايمىز .
بۆرە ئائىلىسى مەغلۇبىيەت ئالدىدا ھەرگىزمۇ بەل قويۇۋەتمەيدۇ ، ۋايسىمايدۇ ياكى باش ئەگمەيدۇ . بۆرىلەر مەغلۇبىيەتكە ئۇچرىسا مەيۈسلەنمەيدۇ بەلكى ئۆزىنى يېڭىۋاشتىن رۇسلاپ ، كۆز ئالدىدىكى ۋەزىپىسى ئۈچۈن ئۆزىنى ئاتايدۇ .
ئوڭۇشسىزلىق ھەتتا مەغلۇيىيەت ئۇنچىۋالا قورقۇنچلۇق ئەمەس ، قورقۇنچلۇقى - ئوڭۇشسىزلىق ۋە مەغلۇبىيەتتىن كېيىن نىشانىدىن ۋاز كېچىش .
قەتئىى ئىرادە ، ئۇزۇنغا يۈگۈرۈش مۇسابىقىسى ئەمەس . ئۇ ، بىر قېتىم ، بىر قېتىملىق قىسقا مۇددەتلىك ئالغا ئوقتەك ئېتىلىش .
ئادەم ئوڭۇشسسزلىقنى مەغلۇيىيەت دەپ قارايدۇ ، بۆرە بولسا ئۇنى پاراسەتكە ئايلاندۇرالايدۇ .
مۇۋەپپەقىيەتنىڭ بىخ مەزگىلىدىكى سەۋەنلىك ، ئىشنىڭ توغرا يولدىن چەتنەپ كېتىۋاتقانلىقىدىن بېرىلگەن سىگنال ھېسابلىندۇ . ناۋادا بىرى باشتىن - ئاياغ ئىنتايىن ئاز سەۋەنلىك ئۆتكۈزگەن بولسا ، بۇ ھال ئۇنىڭ ئىجادچانلىقىنڭ ئېنتايىن ئاجىز ئىكەنلىكىدىن دېرەك بىرىدۇ .
خەتەرگە تەۋەككۇل قىلىش كۈچۈڭنى ئاشۇر . بۇ ئىقتىدار ھەممە ئادەمدە بولغىنى بىلەن ئۇنى داۋاملىق ئىشقا سىلىپ تۇرمىسا ئاجىزلاپ كېتىدۇ . شۇڭا بىر سوتكىدا بىرەر قېتىم تەۋەككۇل قىلىشنى تۇرمۇشىڭنىڭ موھىم نۇقتىسىغا ئايلاندۇر .
مەغلۇبىيەتنىڭ مۇنداق ئىكككى خىل پايدىسىنى ئۇنۇتما : بىرى ، ناۋادا سىناقتا مەغلۇپ بولساڭ ، قايسى يولدا مىڭىشقا بولمايدىغانلىقىنى بىلىۋالىسەن ؛ يەنە بىرى ، مەغلۇبىيەت ساڭا يېڭى - يېڭى سىناقلارنى ۋۇجۇدققا چىقىرىش پۇرسىتى بېرىدۇ .
ئادەم گەرچە «جانلىقلارنىڭ ئاقىلى » دېيىلسىمۇ ، لېكىن ئەتراپىمىزدا ئۆرىنى چۈشەنمەيدىغانلار ساماندەك . ئۇلار ياكى ئارمانغا چۇشلۇق دەرمانى يوق كىشىلەر ياكى ئۆزىنى كەمسىتىدىغان ، ئۆزىگە ئىشەنمەيدىغانلار ياكى ئۆزۈمنى چاغلىيالماي شىلتىڭ ئېتىپتىمەن ، بورىغا يۆگىنىپ ھەپتە يېتىپتىمەن دېگەندەك ئۆزىنى چاغلىيالماي زىيان تارتىدىغانلار ۋە ياكى قىزىقىش جەھەتتە شاختىن شاخقا قونۇپ ئۆمرىنى بىھۇدە ئىسىراپ قىلىۋېتىدىغانلاردۇر .
ئۆزىنىمۇ ئۆزگىنىمۇ بىلىش - بىر ئادەمنىڭ ساپاسىنىڭ يۇقىرى تۆۋەن بولۇشى ، ئائىلىدە بەختلىك بولۇش - بولالماسلىقى ، بىرەر ئىشتا مۇۋەپپەقىيەت قازىنىش - قازىنالماسلىق ۋە كۈتۇلمىگەن ئىشلاردىن ساقلىنىش - ساقلىنالماسلىقىغا بىرىپ تاقىلىدىغان ئىش . دېمەك ئۇ ، بىر ئادەمگە ئۆمۈرلۈك ھەمرا بولىدىغان يۈكسەك تېما شۇنداقلا ئۇنىڭ كىشىلىك ھاياتتا مۇۋەپپەقىيەت قازىنىشىدىكى موھىم شەرتتۇر .
مۇنەۋۋەر باشقۇرغۇچىلاردىن بولىمەن دېگەن ئادەم موھىتنى گويا بۆرىدەك كۆزىتىش ئىقتىدارى بولۇشى ، ئاددىي تەبىئەت دۇنياسىدىن ھەيران قالارلىق نەرسىلەرنى بايقاشنى ئۆگىنىشى ، باشقىلار دىققەت قىلمىغان ئىنچىكە نۇقتىلارنى تەپسىلىي تەھلىل قىلىپ ، خىرىدارلارنىڭ يۈرلۈك ئېھتىياجلىرى ۋە خادىملارنىڭ خىلمۇخىل يوشۇرۇن ئىقتىدارىنى بايقاپ ، كەسىپنى روناق تاپقۇزۇشتا ئەپچىل پايدىلىنىشنى بىلىشى كېرەك .
بۆرە ئائىلىسى دۇنيادىكى بىردىنبىر تۇراقلىق نەرسنىڭ دەل « ئۆزگىرىش » قانۇنىيىتى ئىكەنلىكىنى ئادەملەرگە قارىغاندا ئوبدان بىلىدۇ . بۇ قانۇنىيەت بۆرىلەردىن ئاجىزلارنى ۋەھىمىگە سالىدۇ ، كۈچلۈكلەرنى شادلاندۇىدۇ . چۇنكى ئۆزگىرىش دەقىقىلىرىدە دۇنيا دەل كۈچلۇك بۆرىلەرنىڭ قولىغا ئۆتىدۇ . ئىنسانلار جەمئىيىتىمۇ شۇنىڭغا ئوخشايدۇ . ئاەتتە سودىدىكى ۋەزىيەتنىڭ ئۆزگىزىشى ئىنتايىن مۇرەككەپ بولىدۇ . بۇ ھال كىشىلەردىن ۋەزىيەتنى ئىزچىل تۈردە ئنچىكە تەھلىل قىلىپ ، ئۇ ھەقتە توغرا يەكۈن چىقىرىپ ، شۇنىڭغا مۇناسىپ تىجارەت تاكتىكىسى ۋە تەدبىرى قوللىنىش ئارقىلىق ، ئۆزگىرىشكە پەرۋا قىلماي ، ئۆزگىرشنى تەھلىل قىلىش ۋە شۇ ھەقتە توغرا ھۆكۈم چىقىرىشقا سەل قاراپ ،كونا قېلىپ ، كونا تىجارەت ئۇسۇلى ۋە ئەندىزىسى بويىچە ئۆزۈڭ بىلگەنچە ئىش كۆرسەڭ ، ئۇ تىجارەتتىكى مەغلۇبىتيىڭ بىلەن نەتىجىلىنىدۇ .
بۆرىلەر توپىدىكى ھەر قانداق بۆرە ھۆكۈمرانلىق ئورنىنى كەلسە - كەلمەس تالىشىۋەرمەيدۇ ، بەلكى ئۆزلىرىنىڭ شۇ توپتىكى رولىدىن مەمنۇن بولۇپ ، باشقىلار بىلەن ئەڭ ياخشى ھەمكارلىشىشى ئۈچۈن ئىزچىل تىرىشىدۇ .
«كوللېكتىۋىزملىق روھ » - خۇددى ئاش بىلەن نانغا ئوخشاش ھەر قانداق چاغدا ئويلىنىشقا يېگىشلىك تېما . بىراق ئۇنىڭغا ئەمەل قىلىدىغان ئادەم چىقمىسا ، ئىنسانلار كوللېكتىپى «بۆرىلەر توپى» غا ئەمەس ، بەلكى «قويلار پادىسى » غا ئوخشاپ قالىدۇ .
پەقەت شەخىسنىڭ خاسلىقىغا مەدەت بىرىپ ، ئۇنىڭ يوشۇرۇن ئىقتىدارىنى تولۇق ئىشقا سالغاندىلا ، كوللېكتىپ مەڭگۈلۈك ھاياتىي كۈچكە ئىگە بولالايدۇ ؛ پەرقلەرگە ھۆرمەت قىلىپ ، پەرقلەر ئارا ئورتاقلىقنى ئىشقا ئاشۇرغاندىلا ئاندىن كوللېكتىپ يېخىمۇ كۈچىيىپ ۋە كامال يېپىپ ، توسقۇنسىز بىر گەۋدىگە ئايلىنالايدۇ .
توپتىكى بۆرىلەرنىڭ ھەممىسى ئاشۇ ئائىلىنىڭ مەۋجۇتلۇقى ۋە تەرەققىياتى ئۈچۈن تىرىشچانلىق كۆرسىتىدۇ . كارخانا خادىملىرىمۇ شۇنىڭغا ئوخشاش خادىملاردا كارخانىغا بولغان ساداققەت ۋە كەسپىي ئەخلاقنى يېتىلدۇرۇپ ، ئۇلارنىڭ رولىنى تولۇق جارى قىلدۇرۇش ، ھەر قانداق كارخانىدا ئويلىنىشقا تېگىشلىك مەسلىدۇر .
بۆرىلەرنىڭ مەنىۋى دۇنياسى ئاجايىپ بولىدۇ . ئۇلار ، « بۇ دۇنيادا ئىرادەڭنى ھىچقانداق نەرسە نابۇت قىلىۋېتەلمەيدۇ . شۇڭا جۈرئىتىڭ تىشىپ تۇرسا ، ئۆز تەقدرىڭنىڭ ئىگىشىگە ئايلىنالايسىەن ؛ ناۋاد جاسارەتسىز بولساڭ ، ئۆزۈڭنىڭ دۈشمىنىڭگە ئايلىنىپ قالىسەن ! » دېگەننى ئوبدان بىلىدۇ . 
يېڭى يازمىلىق سەھىپە 
ئادەتتىكى سەھىپە 
مەخپىي سەھىپە 
