كەمبەغەللەرنىڭ رومانتىكلىقى
ئاشۇ كۈنى كەچقۇرۇنلىقى بىر يىگىتنىڭ بىر قىزنى ھاپاش قىلىپ ئاسما كۆۋرۈككە چىقىپ كېتىۋاتقانلىقىنى كۆرۈپ قالدىم .ئۇلارنىڭ ئۈستىۋىشىدىن قارىغاندا يېزىدىن شەھەرگە كىرگەن ياش ئەر -خوتۇن ئىشلەمچىلەردەك قىلاتتى.قىز يىگىتنىڭ دۈبىسىگە چىڭ يېپىشىۋالغان،يىگىت بولسا چىلىق-چىلىق تەرگە چۆمۈپ كەتكەنىدى.مەن تېزدىن بېرىپ يىگىتنى يۆلىدىم ۋە كۆيۈنگەن ھالدا:
-بۇ قىز ئاغرىپ قالغان ئوىشىمامدۇ؟ سىزگە دوختۇر ماشىنىسى چاقىرىپ بېرەي،-دېدىم.
بىز كۆۋرۈك ئۈستىگە چىققاندا،قىز تۇيۇقسىز يىگىتنىڭ دۈمبىسىدىن سەكرەپ چۈشۈپ،كۈلۈپ تېلىقىپ قالدى.
-كەچۈرۈڭ،كەچۈرۈڭ،-دىدى يىگىت ئالمان -تالمان  كەچۈرۈم سوراپ،-سىزگە كۆپ رەخمەت،بىز ئەسلى ئويۇن ئويناۋاتاتتۇق.
-نىمە،ئويۇن ئويناۋاتاتتۇق؟-بۇ گەپنى ئاڭلاپ سەل ئوڭايسىزلىنىپ قالدىم،غۇژژىدە ئاچچىقىم كەلدى.
بىر ھازادىن كېيىن قىز ئاران دىگەندە كۈلكىسىنى باستى،ئۇ ماڭا،بۈگۈن ئۇلارنىڭ توي قىلغانلىقىنىڭ ئۈچ يىللىقى ئىكەنلىگىنى،شۇڭا كەچقۇرۇنلىقى رۇخسەت سوراپ چىققانلىقىنى ئېيتتى.
-ئۇنىڭ پۇلى يوقلىقىنى بىلگىنىم ئۈچۈن،سوغات ئېلىپ بەر دىمىدىم ،-دېدى قىز،-لېكىن ئۇنىڭ كۈچى بار،شۇڭا مېنى كۆتۈرۈپ  ئاسما كۆۋرۈككە ئېلىپ چىقىشىنى تەلەپ قىلدىم،ئۇ مېنى كۆتۈرۈپ ئۈچ قېتىم بېرىپ-كېلىپلا  ھېرىپ ھالىدىن كەتتى،كەلگۈسىدە توي قىلغىنىمىزغا 30يىل بولغاندا،ئۇنىڭغا ئۆزۈمنى 30رەت كۆتۈرىتىمەن،شۇ چاغدا ئۇ كۆرگىلىگىنى كۆرۈدۇ.
قىز سۆزلەپ بولۇپ يەنە كۈلۈپ كەتتى.يىگىت بولسا بىر چەتتە ساددىلارچە كۈلۈمسىرەپ تۇراتتى.
مېنىڭ نەزىرىمدە ئۇ قىز چىرايلىق ئەمەس ئىدى،ھەتتە سەت دىيىشكە بولاتتى.لېكىن شۇ پەيتتە بۇ سەت سەھرا قىزى كۆزۈمگە سۆيگۈ لىباسى كىيگەن نازىنىنلاردەك كۆرۈنۈپ كەتتى.
كىشىلەر ئادەتتە رومانتىكلىقنى گۈل،شام نۇرى، قەھۋاخانا،مۇزىكا دىگەندەكلەر بىلەن باغلىۋىلىپ،دۇنيادا پۇل بىلەن قىلچە ئالاقىسى بولمىغان رومانتىكلىقنىڭمۇ بارلىقىنى خىيالىغا كەلتۈرمەيدۇ. بىز سۆيگۈمىزگە قىممەت باھالىق نەرسىلەرنى ئېلىپ بېرەلمىسەكمۇ ،ھىچ بولمىغاندا ھاپاش قىلىپ ئايلىنىپ كەلسەكمۇ بولىدۇغۇ.

مەن راسلا بەك تەسىرلەندىم.رەھمەت سىزگە.

بۇ خىل ئادەت خەنلەردىن يۇقېۋېتىپتۇ -دە ، ئىسسست ...
ئىھتىمال ئۇ يىگىت ئانىسى بولغان بولسا ، ئاھاي ئۆزەڭ ماڭە ، ماڭالىغاندىن كىيىن دەر بولغىيتى ...
رومانتىكلىق ئۇنىڭدىن باشقا ئۇسۇل بىلەنمۇ بۇلىدىغاندۇ ؟!!!

قاغىلار قاق ئېتىپتۇ،ئۆزكۆڭلىنى خوش ئېتىپتۇ دېگەن مانا...