مەن مۇناپىق بوپ بولدۇم

مۇھەممەتجان تىلۋالدى


         (1)
قامال قىلىپ تىنىمنى،
بىر ئەسەبىي،شەھۋانىي ھىسيات.
غالىپ كەلدى ئەقلىم ئۇستىدىن،
ماڭدىم ئاستا ئشرەتخانىغا.....

ئىشرەتخانا ئالدىدا،
قاراپ قويدۇم ئالدى-ئارقامغا،
كۆرۈنمىدى تونۇش-بىلشلەر،
كىرىپ كەتتىم غىپپىدە ئاستا.....

قىزىپ كەتتى ئىشرەت سودىسى
قورقىمىدۇق گۇناھلىقدىن،
بىلىپ تۇرۇپ گۇناھلىقىنى...

سۈردۈم ئۇندا بىردەملىك ھۇزۇر،
چىقتىم ئاستا غۇدۇڭشىغانچە
چىقىپ كەتكەچ يانچۇقتىن نۇرغۇن پۇل.....

يۇيۇنىۋىتىپ مۇنچىخاندا،
قەسەم قىلدىم ئۆزۈمگە يەنە
ئىلگىركىدەكلا....
<قايتا قەدەم باسمايمەن
قايتا قەدەم باسسام ھايۋان بولاي دەپ>....
بۇ ۋەدەمنىڭ نەچچىنچىسىدۇ؟
كۆپلكىدىن ئىسىمدە قالماپتۇ.....
بوپ بولدۇمغۇ دەيمەن ھەقاچان
بۇ چاغقىچە كۆپ قېتىم ھايۋان
ئەمەل قىلماي ۋەدىلىرىمگە.....
ھايۋانغۇ ئاڭسىز،تىلسىز مەخلۇق
بىلمەيدۇ ياخشى -ياماننى
ئەخلاق-ئىماننى....
مەن بىلىپ تۇرۇپ ياخشى -ياماننى
سۆزلەپ تۇرۇپ ئەخلاق -ئىماننى
بۇ مىنىڭكى نىمە قىلغىنىم؟!
بەلكىم
شەيتان بولۇپ يارالغىنىم............

             (2)
تاھارەت ئالماي مەسچىتكە كىرىپ،
ناماز ئوقۇدۇم جامائەت بىلەن.
تونۇش-بىلشلەر<نامازئوقۇمايدىكەن>دەپ قالمىسۇن دەپ.
ئۆزۈمچە ئۆزۈمنى تەقۋا كۆرسىتىپ.
ئالداشقا ئۇرۇنۇپ كىشلەرنى
خۇدانى.............
كىشلەر بىلمەيدىغاندەك
خۇدا مېنى كۆرمەيدىغاندەك.....

        (3)
ئانچە-مۇنچە سۆزلەپ قويىمەن،
باشقىلارغا قاخشاپ ،چالۋاقاپ.
ئىمان ھەققىدە
ۋىجدان ھەققىدە
ئەخلاق ھەققىدە
خۇددى مەندە ئىمان باردىكىدەك
ۋىجدان باردىكىدەك
ئەخلاق باردىكىدەك.........

          (4)
ھاراق ھارام ئىچكەن مۇناپىق،
تاماكا ھارام چەككەن مۇناپىق،
ناماز پەرز ئوقۇمىغان مۇناپىق،
يالغان ھارام سۆزلىگەن مۇناپىق،
ئىشرەت ھارام قىلغان مۇناپىق.....
شەرىئەتكەيۇلەپ تاپتىم پەتىۋا،
ھەممىنى بىر ئۆزۈم بىلدىغاندەك......

            (5)
مەن مۇناپىق بوپ بولدۇم،
ئىمانىمنى سېتىپ يەپ بولدۇم.
بىلىپ تۇرۇپ قىلغىلىقنى قىپ بولدۇم،
مەندە ئىمان يوق
مەندە ۋىجدان يوق
مەندە ئەخلاق يوق
مەندە بارى پەقەت ۋە پەقەت
شۇ تويماس،نىجىس نەپسىملا.....
مەن تۇگۇشۇپ بولدۇم.........


       مەنبە؛ئىجادىيەت

پاھ، ياشاپ كەتسۇن ئىجادىيەت توردىشىمىز.
نېمە دېگەن ھەق سۆز،چىن تۇيغۇلار بۇ........بەك تەسىرلەندىم ،ئەمما ئويلانغىنىم مۇشۇنداق ئىقرار بۇلدىغانلار بارمىدۇ ئۈز گۈناھىغا.....؟>

مۇنافىق اللاغا شەك كەلتۇرگۇچى
مۇنافىق ئىمانغا داغ تەكۇزگۇچى.
مۇنافىق جايى مەڭگۇلۇك دوزاق
بۇنى تاللاي ئەلچى يەتكۇزگەن .

ئۆزىنى ئېتىراپ قىلىشمۇ بىر خىسلەت!

تازا كەلتۈرۈپ قويىپسىزغۇ!
دېمىسىمۇ ھازىر ئۇنداق قىلىدىغانلار ئاز ئەمەس ، باشقىلار كۆرمىدى دەپ قىلغۇلىقنى قىلىدۇ ، باشقىلار كۆرمىگەن بىلەن ئۈستىمىزدە ئاللا كۆرىدۇ!
بۇنداق قىلىدىغانلار ئىمانى ئاجىز ، ئىمانى سۇسلاردۇر!
بەزىلىرىمىز بار، ئىمان توغرىلىق گەپ ئېچىلىپ قالسا بوۋام بولۇپ سۆزلەپ ئىمان ھەققىدە پەتىۋا سۆزلەپ كېتىدىغان! ئىمان ھەققىدە سۆزلەپ بولۇپ بارچە يامان-ياخشىلىقلارنى سۆزلەپ بولۇپ ، چىقىپلا يەنە ئۆزىنىڭ بىلگەن سەنىمىدە دەسسەيدىغانلار ، ئۆزى سۆزلىگەن شۇ يامانلىقلارنى ئۆزى قىلىدىغانلار! ھەتتا بەزى ئىمام-قارىملارمۇ سۆزلەڭ دېسە ئىمان، دىن توغرىلىق تازا سۆزلەيدۇ ، ئاخىرىدا بېرىپ با يامانلىق ئىشلارنى ئۆزى قىلىدىغان !
ئاللاغا ئىمان ئيتقانكەنمىز، گۇناھلاردىن قورققانكەنمىز ، مۇسۇلمان بولۇپ يارالغان ئادەم ئاللانىڭ يولىدا تۈز مېڭىشىمىز كېرەك ! بىلىپ-بىلمەي ئۆتكۈزگەن گۇناھلىرىمىزنى تونۇپ ئاللاغا اتۆۋە-ئىستىغفار ئىيتتىپ تۇرىشىمىز ، خاتالىقلارنى ئۆزگەرتىمىشىز لازىم!

ياخشى يېزىپسىز ، تېما ئىگىسىگە رەھمەت!  
ئەگەر ئۆزىڭىز راستلا مۇشۇنداق بولسىڭىز ئاللاغا تۆۋە قىلىپ بۇ يولدىن قايتقايسىز قېرىندىشىم!

ئىبىرەت ئالساق بولاتتىغۇ  

بەك ياخشىكەن .

ياخشى يېزىپسىز، رەخمەت

ھازىرقى ئويغۇرلىرىمىزنىڭ ئىچكى دۇنياسىنى ئېچىپ بىرىپتۇ. بۇنداق ناچار خۇي- مىجەز قايسىبىرىمىزدە يوق دەپ ئېيتالايمىز؟

سىز مۇشۇنداق بىر يېزىپ قويدىڭىزمۇ يا  .. بۇ سىزنىڭ ئىقرارىڭىز مۇ ؟

بۇ دۇنيادا ئەڭ قورقۇنۇشلۇق ھايۋان ئادەم ، چۇنكى ئۇ ئەقلىنى ئىشلىتىپ تۇرۇپ ھايۋانلىقىنى قىلىدۇ ...  

ياخشى تىما يوللاپسىز